لابــد مــن عــقـب الــمـواجــع عـٓوافــي

نــمـو حــبّ

( اللهم صل على محمد )
................

يوم جديد ٩:٤٢ص
بيت بتال
هيف سوا فطور وجلس يفطر هو وابوه
بتال: عندك دوام اليوم؟

هيف: لا بس عندي شغل العصر امر شبغيت

بتال: سلامتك بس اشوفك صاحي بدري

هيف: مانمت اصلاً

بتال بصدمه: ليه

هيف: ماجاني نوم

هايف وهو داخل: ماشاءالله هيف شعندك صاحي

هيف بضحكه: اسوي لك اكل

هايف جلس وبدا ياكل معهم: كفو والله

بتال اللي وقف : بصحي ليال تفطر معكم

توجه بتال لغرفة ليال وصحت وبعد وقت مو طويل جلست تفطر معهم

هايف: ماعندك شيء اليوم اذا افطرتي نامي عادي

ليال: لا بروح لجده

هيف: بروح معك

ليال: تمام

هايف: اجل انا بكمل نوم احس اني تعبان

بتال اللي جالس عندهم : بسم الله عليك شفيك

هايف: مصدع

بعد الفطور نام هايف وتوجهو هيف وليال لبيت الجده
الجده: ياهلا

هيف اللي باس راس الجده وبعده ليال: ياهلابك

الجد: هايف وينه غريبه عليه ماجاء

هيف: تعبان يقول مصدع

الجده: مايشوف شر

الجد وهو يتذكر لما كان يعزف: مهو منه من الاغاني البارح

هيف بضحكه: يمكن

الجده : شلونك ياليال بعد المطر البارح تلعبين فيه

ليال: طيبه الحمدلله

الجده: مدري عن جوري هي اللي تتعب بسرعه

هيف: ماجت جوري وجود

الجد: يجن الظهر دايم

ليال: ان شاء الله انها طيبه

الجده: ان شاءالله

الجد: نروح للمجلس ياهيف

هيف اللي وقف: يلا

توجهو الجد وهيف للمجلس
وقريب الظهر راحت جود لبيت الجده

جود: الله ليال هنا

ليال: اي من عشر

جود : ليه ماارسلتي طيب

ليال: مافكرت

الجده: جوري وينها

جود: تعبانه جوري

الجده : سلامتها من المطر البارح تلعب فيه الله يهديها