لابــد مــن عــقـب الــمـواجــع عـٓوافــي

عـريـسـنـا يـا بـدر بـادي

( سبحان الله )
....................

قبل اسبوع من زواج هيف
الظهر الساعه ١:١٦
هيف ارسل لجود: خلينا نكمل اخر الاثاث اليوم
جود: تمام متى
هيف: بعد صلاة العصر
دخل هايف بغرفة هيف: ولد فصلت ثياب؟
هيف: لا باقي
هايف: يلا اليوم بنفصل كلنا سوا
هيف: اليوم مشغول خلوها بكره
هايف: معليش مافي وقت تفصل ولا نروح نخليك
هيف: خلاص انا بروح بكره لاتنتظروني
طلع هايف متجه للمجلس
بتال طق غرفة ليال: ليالي
ليال: هلا ادخل
دخل بتال وجلس جنبها : عرس هيف بعد اسبوع
ليال: اي
بتال : البنات بيروحون اليوم؟
ليال: ايوه بروح معهم
بتال مد صرافته: خذي كل شيء تحتاجينه
ليال باست راسه: شكراً
طلع بتال وليال طلعت متوجهه لغرفة هيف
طقت الباب ودخلت بعد ماسمعت رده
هيف: هلا ليال
ليال جلست بجنبه وهي بداخلها كلام كثير باين من عيونها فهمها هيف وحضنها: اسف والله وعدتك اني اخذك تزورين عزام وماوفيت بس ابشري بخلي ابوي ياخذك الزياره الجايه
ليال نزلت دموعها: متى حتى ابغى ماما تهاني
هيف وهو يمسح دموعها : ابشري ابشري
وقفت ليال طلعت من البيت متوجهه لممر الاشجار تحاول انها ماتبكي لين بعدت فكت حجابها وجلست على الارض تبكي تفرغ كل طاقتها كل شيء كتمته وعاشته ابوها توفى وجدها انسجن وامها راحت لاخوها وتحاول تتأقلم مع عائلتها الجديده عليها
سلطان شافها من بعيد قرب وهو يسمع شهقاتها جلس وراها يمسح على كتفها : ليل فيك شيء
لفت له ليال وبكت اكثر لما سمعت اسم ليل منه وهي تحس بغصه مثل النار بحلقها : انا السبب ماما عنود ماتت وهي تولدني انا سبب بابا نواف مات لانه كان بيجي انا سبب بابا عزام انسجن من اخوي هيف
ومن بين شهقاتها: اكرهني
سلطان حضنها بقوه: ليل لا لاتقولين هالكلام انتي مو سبب باي شيء العنود ونواف ماتو يومهم وانكتب ادعي لهم بالرحمه انتي مو سبب شيء لا ياليل
ليال وهي تحضنه اكثر: بس انت تقول ان بابا كان بيسميني ليل لاني ليله الاسود لاني قتلتها قتلت العنود
سلطان اللي تمنى ان لسانه انقص ولاقال هالكلام: لا وربي كنت اكذب كنت بغيضك بقهرك لانك ضربتيني لا ياليلي انتي
بعد وقت وليال لازالت بحضن سلطان
هدا بكائها شوي : حتى ماما تهاني راحت عند اخوها بالشمال انا ماعرف ابقى لحالي لما بديت اتعود عليكم حسيت اقرب واحد لي هايف بس هايف لما تعب راح لحاله كان بيموت ويتركني هو بعد
سلطان شد عليها اكثر: لا ان شاء الله هايف مافيه الا العافيه
بعد وقت ماهو طويل
سلطان :بتروحين مع البنات صح؟
ليال بعدت عنه: اي
سلطان: تمام قومي غسلي وجهك وروقي انا بوديكم ترا
ليال وقفت تبعد الغبار عن عبايتها ورجعت لبيت بتال ، سلطان ارسل بالقروب : عيال انا بودي البنات روحو بدوني
مشاري: خلاص اجل فهد معنا سياره وحده
سلمان: متى نمشي
فهد: بعد صلاة العصر افضل شيء
هايف: تمام لااشوف واحد متأخر

بعد صلاة العصر
ركبت جود مع هيف وتوجهو للمدينه

سلطان بالسياره
ينتضرون جوري اللي دايم تتأخر
طلعت جوري من بيتهم وركبت: شكلي تأخرت
سلمى: بالله ماهو شيء جديد عليك
جوري: ماراح تاخذين ندى
سلمى: لا وين تزعجنا
سلطان فتح الباب: وينها ندى
سلمى: لا ماراح اخذها
سلطان: انا ابيها تسليني بالسياره
سلمى: عند عمه حنان بروح اجيبها
نزلت سلمى تجيب ندى
جوري: ليال وش فيك هاديه
سلطان ناظرها من المرايه: اعقل منك انتي وسلمى
ليال ابتسمت وبانت الابتسامه من عيونها
سلطان يحاول يواسيها:
لا بد من عقب المطاريش معواد
ولا بد من عقب المواجع عوافي