لابــد مــن عــقـب الــمـواجــع عـٓوافــي

خَـوف

( لا اله الا الله )
.................

يوم جديد عن ابطالي ٩:٤٣ ص
صحى سلطان يشوف شعرها المنتثر على صدره العاري مغطي وجهها وكتفها العاري رفعه بيده مرجعه ورا اذنها وباس خدها ورجع يمسح على كتفها دافن وجهه بعنقها وبهمس: حبي
تحركت ليال واول ماستوعبت احتقن وجهها احمر وسحبت البطانيه تضمها على صدرها حاشرتها بينهم
ابتسم يشوفها غطت نص وجهها بالبطانيه تاركه عيونها تتشتت بينه وبين البطانيه ، قرب يبوس عيونها الثنتين بشراهه وبين كل قبله وقبله ينطق بكلمه: ليلي عيوني قلبي حبي يااجمل صباحاتي يوم اصبح عليك
ابتسمت وبانت البسمه بعيونها له : ياصباح الخير
ليال بخجل وهمس: صباح النور
سلطان بعد موجة قبلات وقف يبتعد عنها متوجه للحمام( يكرم القارئ )
غطت وجهها كامل بعد ماشافت ضهره العاري ماعليه غير البوكسر
وقفت ولفت عليها الروب ولمت شعرها
شوي وطلع سلطان لاف على خصره المنشفه يبعثر شعره المبلول قرب وطبع قبلاته نازل لعنقها وفك الروب بيده
مسكت الروب بسرعه تبعد عنه: خلاص
ابتسم سلطان يقرب منها لكنها هربت بسرعه وسكرت باب الحمام عليها ( يكرم القارئ )
ضحك ورجع يجفف شعره ولبس ثوبه وتعطر وطلع يسوي لهم كوبين قهوه بالاله حقت الفندق
طلعت وماكان موجود جففت شعرها ولبست فستان ناعم جداً يوصل لتحت الركبه بشوي لون بنك حطت ميك اب خفيف روج بنك يبرزه قلوس
طلعت للصاله وكان ماسك الاكواب متجه للاريكه لكنه وقف لما شافها ذاب من شكلها خفق قلبه : كثيره علي!
وقفت بتاخذ منه الكوب لكنه سبقها وحطه على الطاوله ومسك يدها اللي انمدت وباسها وسحبها لحضنه يشد عليها :

ياانتقامً حُط لحضة غضب
ساقه الله وساق بعده هيام

كيف كرهً كان بصدري الرحب
ضد وجهاً يجاذبه الغرام

ياليلة البارح ترا ليلي المحب
يرجف ضلوعً توسدها ونام

وياصباح اليوم ويامية رحب
دامه صباحي فيه لذة غرام

ليال دفنت وجهها بصدره وبدلع: سلطاني
سلطان اللي ماتحمل ونزل فيها على الاريكه ينهل بقبلاته
شوي وبعد عنها يلتقط انفاسه ناظر عيونها اللي صادفت عيونه ورجعت تشتتها بالمكان حولهم ابتسم وجلس ساحبها جنبه محاوطها بيده اخذ الكوب ومده لها واخذ كوبه يرشف منه
سلطان: نتقهوى وننزل نفطر
ليال: تمام

بيت الجده ، الصاله
جوري منزله راسها بحضن الجده اللي تمسح على شعرها وتعاتبها
الجده: ليه تشربين بارد وانتي على طول تمرضين الله يهديك ماكأنك مجربه من قبل طفل انتي ليش ياامي ليش ياحبيبتي لاتشربين بارد مره ثانيه
مر الجد اللي كان بيطلع للمجلس لكنه سمع الجده ودخل تنحنح اول ماشاف جوري بحضنها
فزت جوري تعدل جلستها ووقفت تبوس راسه لانه وصل لها قبل تستوعب
سحبها بيده يبعدها عن الجده وجلس جنبها: ورع انتي روحي تميرضي بحضن هايف ماهو هنا
احتقن وجهها احمر ودفنته ورا ضهر منال اللي كانت جنبها
جود: تغار على جده اعترف
الجد بنص عين: تزوجتي وتمردتي
ضحكت الجده تمسح على كتفه بخفه: شفيك على البنات
الجد وقف: مدلعات
الجده: وين بتروح
الجد: المجلس وترا العشاء الليله هنا بنعشي العرسان
الجده: على خير
طلع الجد تاركهم متوجه للمجلس