لابــد مــن عــقـب الــمـواجــع عـٓوافــي

صــدق تـحــبـنـي ؟؟

( الله أكبر )
...............

بيت حنان
سلمى تمسح على كتفها
حنان : ابوي وش بيسوي اذا درا والله ليذبحه
سلمى: لا ان شاءالله
حنان: حتى ماقال لي وهو يكلمني دايم ماقال لي
سلمى: يمكن خاف تزعلين منه
حنان: هو خلا فيها زعل جايبها لي هنا

بيت الجده
سمر : جوري وين سلمى
جوري: طلعت مع عمتي اتوقع
حصه تناظر كلارا: كيف تزوجتيه
كلارا: احببنا بعضنا منذ بدأت الدراسة معه
الجده تحاول تسكر الموضوع لان هند وسمر موجودات: جود بتبقون هنا اليوم؟
جود: لا بنسافر لمكه الليل
الجده: الله يحفظكم
منال: جوري ماحددتو العرس انتي وهايف
جوري وجهها احتقن احمر: لا
الهنوف: بدري على جوري وهايف
جود طقت جوري بيدها وبهمس: صدقيني انا اكثر منك احراج احس اني غريبه ماكني كل يوم معهم
جوري: كيف
جود: مدري احس بموت من الحيا قلبي يرجف طول الوقت
ليال طلعت للمطبخ تاخذ مويه بارده
فتحت الباب الخارجي وطلعت متوجهه لممر الاشجار
جلست بالارض تفكر بسلطان اللي اشغل تفكيرها من لما بعدت عنه وهي كل ماتذكرت( احبك ليل) يرجف قلبها اكثر

مجلس الريجيل
هايف اضاف مطلق بالقروب : شفتو هذا اوريكم فيه الوعد من الليله نجدول عليه
مشاري: هين بس اصبر خل الضيوف يروحون
مطلق: اللهم اني استودعتك نفسي
هيف: وربي يا انها مفاجئه
فهد ماكان يم الجوال كان يسولف معه وجهً لوجه وهو الابتسامه شاقه خده من الوناسه: رحت لامي
مطلق : اي قبل اجيكم
فهد: ياحيوان قسم مشتاق لك
مطلق: وربي اكثرر
سلمان جنب متعب
متعب: هذا مطلق اللي مبتعث
سلمان: ايه
متعب: اول مره اشوفه هو الوحيد اللي ماشفته منكم
سلمان: هذا اول يوم له بالسعوديه بعد اربع سنوات
متعب وعيونه على سلطان وفصل كل ملامحه تفصيل:سلطان خلص دراسه؟
سلمان: هاذي اخر سنه له
متعب: الله يوفقه
سلمان: امين

بعد وقت طلع سلطان متجه للحمامات ( يكرم القارئ ) لحقه متعب وقف عند المغسله يغسل يده وبنفس الوقت يتنظره يخلص
طلع سلطان اللي كان سامع المويه طول الوقت مره يفتحها ومره يسكرها وقف جنبه يغسل يدينه ومتعب نظراته عليه ماشالها ، سحب متعب مناديل ومدها لسلطان بعدين سحب لنفسه
متعب: شلونك سلطان
سلطان: طيب
سلطان اللي كان يحس بنضرات متعب مو بس المره هاذي من قبل بعد قرب منه وحذف المناديل بسلة الزباله(يكرم القارئ ) خفق قلب متعب
همس سلطان باذنه : ماودي اخرب علاقتك مع فهد وسلمان ، ابعد عن دربي احسن لك ولي
متعب: اي درب
سلطان وهو طالع: درب انت عارفه زين
سلطان اللي يحس قلبه احتشى غضب مو بس من متعب لانه دايم يواجه نفس متعب
عانا كثير بمدرسته في البدايه المتوسط كان تقريباً كل يوم يلقى رساله بورقه على طاولته او احد يحاول يتقرب منه لكنه كان يصد وصارو اصدقاءه محدودين رغم تفضيل كل الطلاب له ولهايف
توجه لاخر المزرعه يحاول يهدي نفسه ولقاه لقى دواه لقى مصدر هدوئه توجه لها كانت معطيته ضهرها فاكه شعرها الطويل من برا العبايه تناظر القمر حضنها بسرعه من الخلف وغرس راسه بشعرها : ياليلي
ليال شهقت تحاول تتحرر منه
سلطان: خليني اهدى تكفين دقيقه لاتتحركين
ليال دفته وبعدت عنه: خير سلطان
سلطان صد بوجهه يناظر القمر وتكتف: احس اني مخنوق احس بنار في صدري
ليال اللي تغطت: ليه
سلطان جلس على الارض: بتسمعين لي
ليال هزت راسها بالنفي: لا
سلطان انسدح ووجه نظره للسماء وهو يتذكر شكلها شفايفها وخدودها وباطن يدها وانفها يطيغها اللون الوردي يذكره بغروب الشمس على غيمه بيضاء
سلطان: