لابــد مــن عــقـب الــمـواجــع عـٓوافــي

مـايـرسـي قـلـب مـغـرم غـيـر قـرب الـلـيـل لـيـه

( الحمدلله رب العالمين )
............................

لو سواد الرمش يكسي من سواده في سماي
لو سهوم العين تنطح خافقً ميت عليه

لو عذب الصوت يحرم مسمعي حلو الكلام
مايرسي قلب مغرم غير قرب الليل ليه

أدهمً أذى حبيبي جعله الا للحطام
مايبات الليل عايش ولا انا ماني وليه

كمل سلطان رسالته: علمني مكانه ياهيف
رد هيف: صح لسانك
سلطان: صح بدنك وين أدهم وين وديته
هيف: انت وينك فيه
سلطان: بروح لامي بطلع علطول لأدهم ارسل لي مكانه
سكر سلطان جواله ودخل بيت هزاع يبوس راس امه اللي استقبلته بحب
اما هيف سأل جده اللي جنبه يعلم سلطان او لا
الجد: علمه ماهو مرتاح لين يعذبه
هيف: يقول انه بيذبحه
الجد: مايقدر مايطاوعه قلبه
هيف ارسل لسلطان: في اسطبل خوي جدي
بعد وقت طلع سلطان بعد ماشاف رسالة هيف وتوجه للاسطبل
وصل ونزل سأل عنه وأرشده المدرب ووصل قدام أدهم اللي اول ماشافه صهل لكن سلطان مااعطى اي ردة فعل
رفع جواله وارسل بالقروب: مين قد ذاق لحم حصان
مطلق: يع احس حرام
مشاري: لا مو حرام انا بنفسي اذوق احس طعمه حلو
فهد: بس ضهره الحرام ولا الباقي حلال
هايف: وش عندك
هيف ارسل بخوف: ولد بجيك عساك تسوي شيء
فهد: وش وش ليه وينه
هايف بخوف: ذبحت أدهم ؟؟
مشاري: اما ، احسن بقولي باكل من لحمه
مطلق: ياحقود يامشاري للحين تكرهه عقب ماصقلك
مشاري: كاسر ضلوعي
فهد: سلطان يا ورع ياويلك من جدي
هايف: سلطان لاتتهور تندم بعدين بعه ماتبيه بعه

بعد ساعه تقريباً وصل هيف ونزل ومالقى لاسلطان ولا أدهم سأل المدرب عنه وقال له ان سلطان ركبه وطلع من المزرعه له ساعه
بقى هيف ينتظره ... مرت الدقايق اللي صارت ساعات وسلطان للحين مارجع وقلق هيف عليه اللي كل شوي يزود

٤:٣٠م
ارسل هايف لسلطان ومارد ورجع يرسل لهيف: وينك سلطان عندك؟
هيف: طلع من الإسطبل مع أدهم للحين مارجع
هايف: بجي
هيف: لاتجي انا جالس احتريه مااستفدت وشكلي برجع
هايف: الله يهديه
هيف: وينك انت؟
هايف: طلعت مع سلمان اشري ذبايح لبكره
هيف: الجو حلو خل الريجيل برا
هايف: ايه مطلق وابوي وفهد خليتهم يجهزون الفرشات بيحطونها بكره ويركبون اللمبات
هيف: كفو

بيت الجده
ندى تركض طالعه من الصاله وجوري تلحقها
ضربت جوري صدر الجد
رجعت خطوتين تستوعب: اسفه جدي مادريت
الجد مسكها من اذنها: ورع انتي تركضين لو انك طايحه
جوري بألم: كنت العب مع ندى
الجد فكها وهو داخل الصاله: زوجوهم يعقلون امحق عقل
الجده : تعورت يانايف
الجد ضحك واشر على جوري اللي دخلت: الورع هذا يعورني
الجده: هي اللي تعورت اجل
جوري مسكت اذنها تأشر للجده تشكي
ضحكت الجده: اذنها تعورها
الجد شاف ليال اللي دخلت وتجاهل سالفتهم: هلا هلا بأم نايف
ابتسمت ليال وباست راسه: هلابك
مسك يدها وجلسها جنبه: وشلونك
ليال: طيبه الحمدلله شلونك انت
مسك يدها المجبره: انا طيب الحمدلله يدك تعورك
ليال: يعني مو مره
الجد: سلطان عند أدهم من الظهر مدري عنه ذبحه ولا وش سوا فيه
ليال بملامح صدمه: ذبحه
الجد وهو يبي ليال تكلمه: اكيد بيذبحه دامه عورك وقدام عينه هو وش سوا له يوم صقل مشاري عذبه اسبوع كامل عاد انتي حرمته وام ولده
ليال بخوف ارسلت له: سلطاني وينك
سلطان مارد لذلك ليال استأذنت وطلعت لغرفة الضيوف لحالها تدق عليه
الجده: علامك خوفتها سلطان مايذبح أدهم
الجد: ادري سلطان ماهو بذابحه بس يمكن يبيعه وانا ماابيه يبيعه