لابــد مــن عــقـب الــمـواجــع عـٓوافــي

كــذّبـــه

(سبحان الله وبحمده
سبحان الله العظيم )
..................

ليال كانت بتصرخ لكن سلطان حط يده على فمها وهو يسمع صوت هايف ينادي برا
همس : ليل انا برجع الحين لكن اقسم بمن احل القسم اني لاردها دبل احمدي ربك صوت هايف انقذك

تركها وطلعت ليال بسرعه وهي تشوف هايف بعيد شوي معطيها ضهره والواضح يدور مكان مناسب يجلسون فيه توجهت له ليال : هايف

لف هايف ولما شاف وجهها الباكي تكلم بسرعه : وش فيك صاير شيء

ليال : لا ابي اكلمك

هايف : ليه انتي فيك شيء ؟

لفت ليال وهي تشوف سلطان طلع ومعه فرشه : تعال البيت بكلمك

هايف وهو يحس انها مو على وضعها هل اليومين : تمام جايك

رجعت ليال للبيت
وصل سلطان لهايف : هنا ؟

هايف : اي شويات وبجي

سلطان اللي خاف انها تعلم هايف : وين تروح خلك

هايف : بروح لليال تبيني

سلطان : شتبي

هايف وهو يمشي : بشوف

دخل هايف ومالقاها بالصاله توجه لغرفتها وطق الباب ودخل بعد ماسمع ردها : لولي

ليال : تعال

دخل هايف وجلس : وشو ايش فيك لك يومين ملاحظ انك زعلانه

ليال : بابا ليش سماني ليال

هايف : لانه حلو

ليال : صدق كان بيسميني ليل لاني ليله الاسود اللي قتل زوجته

دخل بتال بقوه وهو ناوي يدخل بعد هايف بس استوقفه كلامها
شهقت ليال من دخوله وهايف كذلك
بتال : مين قال هالكلام

ليال بخوف : محد

بتال وهو يتقدم ويحضنها : لا ماكنت بسميك ليل انا سميتك ليال وانا مختاره قبل ولادتك مع العنود لانه يوازن اسمي ليال بتال لا يماما انا ماقلت هالكلام

ليال ببكى : صدق

بتال وهو فعلاً صادق بكلامه : اي وربي ، والعنود مكتوب لها تموت يومها ووقف ياليالي 

ليال ببكى زياده حضنته بقوه وهايف اللي كان يشوف الموقف قدامه طلع لغرفته مايبي ينكسر قدامهم ويشوفونه يبكي

سلطان كان يشوف ليال صغيره وبتصدقه وبتهتز من كلامه قالها لان اسمها يشبه الليل قالها وهو مستقصد انه يقهرها لانه ضربته وهو مايقدر يمد يده على بنت بيقهرها بالكلام وفعلاً ليال انبها ضميرها وحطت اللوم عليها بأن العنود ماتت منها

مكان اخر ببيت عزام

دخل احد رجاله : سيدي

عزام : ايش جابك انا ماقلت اقطعو العلاقه