لابــد مــن عــقـب الــمـواجــع عـٓوافــي

تـــكرار المـــاضــي

(الله أكبر)
.............

الجد: وراك نايم هنا
هيف: مالي خلق انام بالبيت
الجد تقدم وجلس قباله: متى تحدد عرسك
هيف: قريب
الجد: شهر ونص وانت اخذها
هيف: هي اللي تحدده شهر شهرين بكيفها
الجد وهو طالع: ماهوب عندي بكيفها اذا ماحددته ولاترا بحدده بنفسي واعزم جاك العلم
هيف اللي دف الطاوله بقوه وطاحت وانكسرت

ببيت هزاع غرفة سلطان
سلمان: متى
هايف: قبل سنتين ايام الشتاء
سلطان: ايه هربنا من المدرسه نفرفر واكتشفناه
هايف: والله ياهو مكان الجلسه فيه ماتنمل
سلمان: لازم نطلع له كلنا
هايف: ايه بس تراه خطر لو يطيح احد يودع على طول
سلطان: خلاص العطله الجايه يجي مشاري
سلمان: ليت مطلق معنا
هايف: يتخرج ويجي ان شاءالله
سلطان: يوه عاد مطلق جوه غير
سلمان: ايه اذا جلس بمكان الكل يجتمع عنده دايم الجلسه اللي فيها مطلق ماتنمل
سلطان: هايف بتنام هنا
هايف: تخيل انام عندك
سلطان: فكه
مابين السوالف والضحك نامو كلهم جنب بعض

ببيت جزاع غرفة جود
جزاع اللي مسح على شعرها: ماراح تنامين
جود: الا
جزاع اللي باس راسها وطلع وطلعت بعده جود لغرفة جوري
جوري متكيه على السرير وحاطه ماسك: وش جابك
جود اللي جلست جنبها: ابي ماسك
جوري تشر على التسريحه: العلبه فيها
جود توجهت للتسريحه تحط لها وهي تتكلم : جوري هيف حنون
جوري اللي جلست : تعالي صدق ماسألتك وش صار ليش كنتم مع بعض انتي وهيف
جود اللي قالت لها كل السالفه
جوري: يمه تشوفين رمي وكذا
جود: اي تخلي مره خفت على هيف و دخلت وكان فيه واحد بيقتلني بس هيف مسكه يمه هذاك اليوم اول مره اشوف هيف بهالعصبيه
جوري: يمه غبيه انتي تدخلين
جود: شسوي خفت عليه
جوري: مجنونه
جود: لو تشوفين هايف ينقتل قدامك بتدخلين؟
جوري : مستحيل ماادخل بدخل لو اموت بداله
جود: شفتي كيف ماقدرت اني ماادخل
جوري: صدق تحبينه
جود وجهها احتقن بالاحمر: اي من زمان بس ماوضحت
جوري وهي تحضنها: ياعمرييييي

يوم جديد ببيت حنان
سلمى: عمه بروح لاهلي اليوم
حنان: صدق متى ترجعين لاتطولين علي ترا مااستغنى عن ندو
سلمى: يومين كذا ان شاءالله
حنان: الله يستر عليكم ان شاءالله من بيوديك
سلمى: اختي بتجي تاخذني
حنان: ابوي لايشوفها ترا مايحب الحرمه تسوق
سلمى: عاد اشوف انه عادي البنت تسوق
حنان: هو عادي بس ابوي من الجيل القديم ماتعود
ندى اللي دخلت تركض : بروح جوري
سلمى: لا خاله جت
ندى: بوسه بس بوسه
سلمى : لا ياماما بنتأخر
ندى اللي طلعت مطنشه ودخلت بيت جزاع بسرعه لغرفة جوري نطت على السرير : جوجووو
جوري اللي سحبتها معها وهي بنوم: عيوني
ندى: ايلافيووو
جوري: ايلافيو
قامت جوري تغسل وتصلي وندى تنتظرها

ببيت هزاع غرفة سلطان
عند هايف اللي صحى من النوم وشاف سلمان نايم على بطنه وهو على رجول سلطان : عيالل قومو
سلطان وهو يتالم: رجلي تعورني ياحيوان ليش تنام علي قلت الاماكن
هايف وهو يضرب سلمان: قممم عن بطني
سلمان اللي تمسك فيه بقوه: ماشبعت اصبر
هايف اللي ضربه: انقلعع قم سلطان افتح لي طريق
سلطان: لا سلمان قم
سلمان بنوم: انقلعو انا اكبر واحد فيكم
هزاع اللي دخل: قم انت وياه الى متى بتنامون
هايف: شف عيالك عيو يقومون
هزاع بصراخ: سلطان سلمان قم
سلمان اللي جلس وحط البطانيه على راسه : انا ليش نمت هنا اصلاً وغرفتي بجنبكم
هايف: انا اللي ليه نمت هنا، عمي افتح لي طريق
هزاع: افطرو اول شيء الفطور بالمطبخ انزلو منال راحت عند امي خذ راحتك ياهايف
هايف اللي وقف : بدخل الحمام( يكرم القارئ) اطلع والقى واحد منكم نايم ياويله
دخل هايف وطلع لقى سلطان جالس ينتظره يخلص وسلمان في غرفته يبدل دخل سلطان وهايف لبس من ثياب سلطان ونزلو سوا للمطبخ ياكلون
سلمان: بكره بمشي حزنو بسرعه
سلطان : مصدق اننا بنحزن
هايف: نكدي انت اذا رحت افكر احزن ولا لا
سلمان: هين بتفقدوني
هايف وقف : يلا ياشباب قصرتو اخر مره اجي
سلطان اللي ضربه: تعقب ماقصرت سلمان اللي قصر نايم على بطنك
هايف: سلمانوه بطني يعورني اوريك ارجع بس
سلمان بضحك: والله ياانها نومه
سلطان: فاتتني السهره الليله عندي دوري بنام على بطنه
هايف: لا عندي تعالو والله
سلمان: انا بجي
سلطان: بوصل قبل سلمان
هايف وهو طالع: كفو
سلمان اللي لحق هايف بيروح للمجلس طلعو سوا وكانت اخت سلمى برا تنتظر سلمى اللي تحاول تفك بنتها من جوري
ندى بتعب: باييييي
جوري وهي تأشر بيدها لندى تحت انظار هايف: باي
هايف لوح بيده منغير قصد لكنه اندمج مع جوري ،سلمان اللي كان مركز باخت سلمى ( سمر) وهي كذلك ،انتبه لهايف وضربه : اثقل
ركبت سلمى ومشت سمر وهي تسأل : مين المزيون ذا
سلمى: اي واحد
سمر: اللي لابس ثوب اسود
سلمى: سلمان ولد هزاع
سمر: يالبيه عندكم حلوين وانا مدري لو داريه كل يوم اجي هنا
سلمى اللي ضربت كتفها: انطمي علطول خقيتي ياخفيفه