لابــد مــن عــقـب الــمـواجــع عـٓوافــي

يـاعـيـد الـي صـاحـبً بـالـحـب فـاتـنـي

( لا اله إلا الله )
.................

نزل سلطان راسه بحضن ليال
نزلت يدينها تلعب بشعره
نام بحضنها وربع ساعه واذن الفجر
ليال بهمس: سلطاني
تحرك بنوم
ليال: سلطاني
فتح عيونه وابتسم اول ماشاف وجهها الضاحك سحب يدها اللي تلعب بشعره وباسها
ليال: أذن
جلس سلطان جنبها واخذ جواله اللي يدق: هلا
هزاع: وينك تعال الصلاه
سلطان: يلا جاي
طلعو كلهم ليال لبيت بتال وسلطان توجه للمسجد

يوم جديد ٥:١٦ م
قريب الفطور بيت هزاع
غرفة سلطان
لبس ثوبه وتعطر ولبس كابه واخذ علبة السواك بيوزعه بالمجلس
دخل هزاع بيصحيه : ماشاءالله
قرب سلطان يبوس راسه: ماشاءالله عليك انت وش ذالكشخه
دار هزاع حول نفسه: شرايك بس
سلطان: والله ثوبك فنان بفصل مثله للعيد
هزاع: انا فصلت للعيد خلاص
سلطان: اما بدري
هزاع: احسن من الزحمه
سلطان: والسلمي فصل
هزاع: سلمان خله يعدل نومه الحين علشان يفصل
ضحك سلطان: للحين ماصحى
هزاع وهو طالع: انزل للصاله وتعرف صحى ولا لا
اخذ سلطان جواله ونزل للصاله
وقف يضحك من شكل سلمان النايم وهو جالس
لاف البطانيه عليه مع راسه  ومتكي على مركى
سلطان صوره وارسله بقروب العيال
سحب المركى من تحت يده
فز سلمان : خير
لف جواله سلطان يوريه الصوره وهرب لمجلس الريجيل بسرعه
سلمان لحقه للباب بس تعب ورجع يدخل الحمام ( يكرم القارئ )

مجلس الريجيل دخل سلطان وماكان فيه غير الجد وبتال
باس راس الجد وعطاه سواك وبعده بتال ونزله على الطاوله
سلطان: محد جاء للحين
الجد: لا
شويات ودخل هزاع وبعده فهد

بيت بتال ، غرفة هايف
ليال بتعب: هايف خلاص قوم راح الوقت
هايف بتعب اكثر منها جلس : مامليتي من اليوم تحاولين تصحيني
ليال تخصرت: خير ان شاء الله متى تقوم ترا بدق على ابوي يجي يصحيك
وقف ومر جنبها: خلاص يانشبه قمت
ليال: مرني بالمطبخ اذا خلصت
هايف: تمام
رجعت لغرفتها تلبس عبايتها
بعد وقت ماهو طويل دخل هايف يسكر ازرار ثوبه: هاه
ليال: خذ ذي معك
فتح هايف الحافظه: الله شاورما
ليال : ايوه بالعافيه
حاوطها بيد ويد شال فيها الحافظه وهي خذت الحافظه الثانيه بيدينها وطلعو سوا هايف للمجلس وليال لبيت الجده

بيت جزاع
جوري: يلا ماما
جزاع نزل وباس جبين جوري واخذ حافظة الريجيل وطلع بسرعه للمجلس
نزلت الهنوف: خلصتي
جوري: اي يلا
طلعن سوا وصادفن ليال اللي مشت معهن

بيت حنان
سلمى لبست ندى وتمشط شعرها : خلاص لاتتحركين تعبتيني
ندى ببكى : بروح سلطان
سلمى: خلاص اثبتي بسوي شعرك وبعد الفطور تروحين لسلطان
خلصت شعرها لبست عبايتها وخذت الحلا بيد وندى بيد وطلعت لبيت الجده

دخلت سلمى وكانت هي اخر وحده
جوري فتحت يدينها: ليه تبكين تعالي
راحت لها ندى تركض: ابي سلطان
ليال بهمس لنفسها: كلنا والله
جوري: وش المسكه ذي
حنان: وش طبعاً اكيد البقاله
ندى سمعت حنان قالت بقاله زاد بكها
منال: دلوعه
الجده: ياحلوها خلوها تتدلع
ليال خذتها من جوري وهمست باذنها: سلطان يقول بعد الفطور اوديك للبقاله
ندى تمسح دموعها بعنف: صدق
ليال شالتها تطلع معها للمطبخ وفتحت جوالها تسجل له: صدق يلا قولي له
ندى: سلطان صدق بقاله
ارسلته ليال تنتظر رده ومكانت الا دقايق و رد: صدق اوديك بس خليها شوي تمام ندو
ندى نزلت من حضن ليال تطلع: تمام
ارسلت ليال لسلطان اللي سأل وش فيها: تبكي من اليوم تبيك توديها
سلطان: شرايك اخذك بعد انتي
ليال: شرايك مع البنات ؟
سلطان: اهم شيء تطلعين معي سواء معهن او بدون
ليال: تمام بقترح نطلع شوي
سلطان: تمام