لابــد مــن عــقـب الــمـواجــع عـٓوافــي

صدقيني قــــلبي يحـــــكي لك حــــقيقه

( الحمدلله رب العالمين )
...........................

يوم جديد ٨:١٩ ص
بيت الجده
سلمى: يلا بنات العيال بياخذون الفطور
جوري: يلا باقي بس احط صحون
ليال: انا خلصت
فهد طق الباب: سلمى
سلمى فتحت الباب: ادخلو يلا
دخل سلطان وفهد
جوري: بس انتم
فهد: ايه
سلمى: كثيره
ليال: بساعدكم باخذ هاذي
سلطان مد الصينينه اللي بيده: خذي ذي اخف
طلعو ودخل فهد وسلطان المجلس ورجع سلطان لليال : عطيني
حط يدينه فوق يدين ليال: خليك هنا دقيقه بجي
دخل الصينيه ورجع لها اخذها ورا المجلس: ليش تدخلين البارح على العيال
ليال: مادريت انكم موجودين
سلطان وهو يحس بالغيره بجوفه مسكها من كتوفها: لا اشوفك تسولفين معهم مشاري ولاغيره
ليال دفت يدينه ورجعت بخطواتها: انت معتوه انت شايف نفسك قاعد تكلمني
سلطان قرب: انا ماني مشاري
ليال: ولا راح تصير مشاري
سلطان سحبها له بقوه وبغيره: ايش تقصدين تفضلين مشاري علي
ليال تحاول تتحرر من يدينه: على الاقل مشاري افضل منك مايكلمني مثلك
دفته بقوه ورجعت لبيت الجده
دخل سلطان المجلس وهو يحس انه قاعد يحترق
الجد: وين رحت طولت حطيت الفطور وطلعت
مشاري بعد له يبيه يجلس جنبه: تعال جنبي
سلطان سفهه وجلس جنب جده: رجعت اغسل يديني
مشاري اللي يحس سلطان يتجاهله من امس
طقه سلمان على كتفه وبهمس: روق
مشاري ابتسم: قايل لك ماني مروق
سلمان: وجهك كشر تدري اذا ابتسمت يشين اكثر خلك مبتسم
مشاري ضحك: بالله عليك يعني تبيني شين
سلمان: علشان ماتصير ازين مني
مشاري ضحك بقهقه مسموعه
فهد: شاركوني سوالفكم بضحك معكم
سلمان بعناد: لا بس انا ومشاري
فهد لف جنبه شاف جزاع وجنبه الثاني بتال: انا بين ناس رسميه ماتضحك ماكن البارح عرس عيالهم
ضحكو كلهم
الجد: بلغو العرسان ترا فيه عشاء لهم اليوم
سلطان: بتزوج ياجدي
الجد: كل وانت ساكت
هزاع: لاهذا متبري مني
ضحك هايف: يعتبرك خويه مو ابوه
هزاع: شكلك تبي الزواج صدق
سلطان وعيونه على مشاري: ايه
مشاري ضحك وبلعانه : انا بعد بتزوج قريب ان شاءالله
سلطان كشر وهو يحس بينفجر على مشاري: منهي اللي بتاخذها
مشاري بلعانه اكثر : صغيرة عمر
الجد اللي حس بتوتر بين سلطان ومشاري: خلاص
سلطان وقف وطلع ومشاري لحقه
الجد بصوت عالي ونظره على بتال: فرقوهم
هزاع بخوف: بسم الله شيفك يبه
هايف: نفرق من
الجد: من امس وانا احس سلطان ومشاري بينهم شيء الحقوهم فرقوهم بيتهاوشون

عند سلطان اللي كان يغسل دخل مشاري: سلطلط
لف له سلطان: قل اسمي زين
مشاري هز راسه: سلطه
سلطان قرب منه : تستهبل انت
مشاري ضحك: شفيك شادها معي من امس
سلطان: اعتقد انك تدري ولا
مشاري : اها قصدك ليال
سلطان مسكه بياقته: ايوه كمل
مشاري: وش اكمل
سلطان دفه لين وصل للباب: كمل كلامك اللي بالمجلس منهي اللي بتتزوجها
مشاري ابتسم: قلت لك صغيرة عمر
سلطان دفه اكثر: ليل لي يامشاري سامع ولا لا
مشاري ضحك: اخيراً اعترفت
سلطان قرب منه : اقلب وجهك لا اعدمك هنا
مشاري: ماني باخذها لاتخاف انا احب وحده من جماعتنا في جده
دخل بتال واول ماشاف سلطان ماسك مشاري من ياقته سحبه بقوه وهزاع سحب مشاري
بتال: خير ورعان انتم
مشاري ضحك: زوجه بنتك تراه يحبها
بتال لف لسلطان اللي توجه لمشاري كان بيبقسه لكنه مسكه بسرعه: خلاص
سلطان حرر نفسه وتوجه لبيت هزاع
هزاع:مشاري شقاعد تقول انت
مشاري : امزح كنت بغيضه
بتال اللي شك طلع تاركهم كلهم