لابــد مــن عــقـب الــمـواجــع عـٓوافــي

لا تخـلــيـنـي

( الحمدلله رب العالمين)
...........................

خارج غرفة العمليات بتال طايح بالارض يبكي وجزاع عنده يهديه والجد جالس ينتظر وهو رافع يدينه يدعي ، هيف اللي ساجد ويدعي وصوت شهقاته عاليه وسلطان اللي يحاول يهدي هيف وهو بنفسه منهار مرت الدقايق والساعات ولازال هايف في غرفة العمليات وكل دقيقه تزيد من بكائهم وحرقتهم عليه وكل شوي ينهار احد فيهم ويحاولون يهدونه

في المزرعه بيت جزاع
البنات كلهم جالسين سوا
جوري: بنات نسوي ماسكات
ليال: الله يلا
جود: ابي لشعري بعد
سلمى: يلا نسوي عنايه بارتي
ليال: انا بسوي ماسك لليدين
سلمى دق جوالها وردت : هلا فهد
فهد: تخيلي هايف في المستشفى
سلمى شهقت بقوه: كذاب شفيه
جود: وش سلمى وش صاير
فهد وهو لازال مصدوم: مدري اللي سمعته احتمال يموت
سلمى : الله يستر وش فيه هو
جوري: من هو
سلمى اللي تأشر بدقيقه
فهد: مدري والله للحين راحو كلهم جدي وخالي جزاع وخالي بتال وهيف وسلطان
سلمى: طيب اذا جاك خبر ارسل لي
فهد: تمام
جوري: وشو
سلمى بتوتر : مدري يقولون هايف في المستشفى
جوري اللي وقفت بسرعه: وش قاعده تقولين شفيه هايف
ليال اللي لاتقل صدمه: هو عند اخوياه وش مستشفى
جود: ليه وش فيه
سلمى: اهدو مادري للحين هذا اللي سمعته
جوري اللي طلعت تركض لمجلس الريجيل لقت فهد وعمها هزاع : عمي عمي هايف شفيه
هزاع اللي حضنها: مافيه شيء ان شاءالله كيف دريتن انتن امي درت
جوري هزت راسها بالنفي: خذني ودني له ابي اشوفه
هزاع: تمام فهد خلك هنا عند الحريم امي لاتدري ولايجيها خبر سامع
فهد: تمام
ليال: بروح معكم
هزاع: يلا
طلع هزاع وجوري وليال متوجهين للمستشفى

بعد قرابة خمس ساعات على عملية هايف طلع الدكتور : اهل هايف
وقف بتال وتمسك فيه: ايه طمني على ولدي قل انه طيب
الدكتور: طيب ابشرك نجحت العمليه شويات وننقله للعنايه لانه يحتاج مراقبه
الجد: بشوفه
الدكتور: اعذرني ممنوع الدخول اليوم بكره ان شاءالله
جوري ببكى: ابغى اشوفه
جزاع مسكها : جوري هدي
الجد بنص عين : هاذي وش جابها
الدكتور: تقدرون تشوفونه من ورا القزاز
بتال مسك يد جوري وتوجه لغرفة هايف ويشوفونه من ورا القزاز ، الاكسجين في انفه وراسه عليه شاش والاجهزة حوله يده اللي فيها المغذي وصدره اللي عليه اجهزة التخطيط نايم بكل هدوء غير عن هايف اللي يعرفونه
هيف: متى يصحى
الدكتور: اليوم ان شاءالله
سلطان: متى يطلع
الدكتور: لازم نبقيه عندنا اسبوع بعده ان شاءالله اول مايتحسن نكتب له خروج
جزاع: ان شاءالله
الجد: يلا ياهزاع بنرجع
بتال: ببقى هنا
سلطان: ببقى انا وهيف ارجعو انتم ارتاحو
جزاع مسك يد بتال: يلا يابو هيف العيال هنا
بتال طاوع ومشو كلهم بقى هيف وسلطان

ببيت الجده
وصل الجد ومعه هزاع: عايشه
الجده طلعت لهم: خير ان شاءالله
هزاع مسكها وجلسها جنبه والجد قال لها عن هايف ، هايف اقرب واحد للجده ودايم عندها وسوالفه وضحكه واستهباله معها كانت جزء كبير من حياة هايف جدته، اقرب شخص للجده هو هايف ، ماتحملت وانهارت بكي والجد وهزاع طوال الليل عندها يهدونها