بلاي يوم صرت ولد وانا بنت .

5

تفاعلوا حلوينيي
.
.
.
لف لهم بعد ما اخذ الادوات وهو يكلم معاذ:- بالله معاذ شف اذا ناقص شي انا احس صابني صداع من الهواء
لف له معاذ وهو يتنهد بضجر:- المدير ضارب يبينا ندخل الغابه بالجواء ذا! مني انا بنضيع حين نقول بسم الله!
تكلم انس بسرعه:- كايد كلم ابوك طيب يكلم المدير؟
رد كايد بملل:- اول شي ما فيه ارسال ثاني شي حنا رجال والرجال يتحملون خل الحلطمه عنكم!
وقفت رحيق وهي تتنهدت بضيق:- ياخي وش فيها الناس منفسه تجي تهرج واحد يشوتك!
ضحك انس وهو ياقف جنبها:- رايد بالله اسكت انت احس اذا هرجتك بتشوتني بعد
عطته نظره وقعد يضحك بصوت عالي
تافف كايد وتكلم بحده:- انكتم انت وياه وامشوا قدامي للغابه
همست رحيق بصوت ما سمعه غير انس:- وهذا واحد من المنفسين الي تهرجه يشوتك!
ضحك انس بصوت اعلى من الي قبله وسكت على نظرات كايد الحاده !
الادوات كانت مع معاذ وظافر وقف كايد وهو يكلم الحراس الي للحين مدري ليش هم موجودين ؟
دخلنا الغابه والهدوء يعم المكان ما عداء صوت الشجر الي يضرب ببعضها بسبت الهواء القوي
صاحت اول ما حست بشي على رجلها وسرعان ما حست بفشله يوم شافت انه مجرد صرصور!
لفو لها بخوف من صوتها الصارخ وخصوصاً انه كان انوثي بقوه! قرب لها كايد بخوف وسرعان ما عرف ليش صاحت ضربها على راسها بخفه:- كم مره قلت لك استرجل ؟ حتى صيحتك خكريه!
امش قدامي الا اكفر فيك
ردت بضجر:- خير كايد لا تضرب !
بعدين انا حسيت شي على رجلي وحسبته داب بس طلع حشره!
رد كايد وهو يمشي وبسخريه:- ي روح اخوك اوجعتك الضربه؟
وكمل بحده:- ترا اخف ما عندي خل الدلع!
ردت بملل:- عندك خفيفه!
ضحك ظافر وهو يشوف كايد شوي وينفجر:- ابعدوا عن القنبله ي اخوان!
لف له كايد وبحده قال:- انكتم!
مشاء معاذ وهو يقول:- المفروظ ينفجر على رايد بس بالغلط قلب على ظافر
مشاء انس جنبه وهو يقول بهدوء:- الحين وين بنروح بضبط؟
معاذ بهدوء:- بندور كوخ سمعت ان فيه اكواخ منتشره بكل مكان ان شاء الله نحصل واحد ما فيه احد!
تكلم كايد الي كان يسمعهم:- واذا فيه احد بطلعهم وندخل فيه
رد ظافر بسخريه:- بالله ؟
كملت رحيق السخريه :- اوكي انت شخص فاحش الثراء بس مو يعني تطرد احد من الكوخ مو لك؟
عم الهدوء المكان
لف له كايد:- انت بالله انكتم
ضحك معاذ:- الكوخ الي بالغابه كله الي بانيه ابو كايد ي حبيبي انت
لف له كايد بحده:- وش حبيبي ما عمرك قلتها لي حتى!
ضحك معاذ:- ي حبيبي لا تصيح انا افداك
تافف كايد وهو يمشي قدامها
سرعان ما عماء المكان صوت الرعد القوي والغيم الي يقارب لونه للسواد
تكلم ظافر بسرعه:- لازم نحصل الكوخ بسرعه!
اخاف تمطر وحنا بالغابه!
حين انهاء كلامه امطرت بغزاره وصاروا يركضون وهم يحطون فوق راسهم الشنط
اشر انس على كوخ:- ي عيال! كوخ هناك
مشاء كايد وهو يقول:- امشوا وراي ي رجال!
رحيق بهدوء:- اشب امه يمشي كنه القايد؟
ضحك معاذ:- الا قول اشب امه يمشي كنه رايح لحرب !
لف لهم كايد بحده:- تراني اسمع انكتموا وامشوا ولا انثبروا وموتو!
مشوا وراه والمطر من قوته غرقهم كلهم
دخلوا وهم يتنفسون بتعب من المطر والركض
انسدح انس وهو يقول:- الحمدلله ي زين الراحه عقب التعب !
ناظر معاذ اشكالهم:- ي عيال ملابسنا كلها ماء!
احس خلنا ننزل البلايز ونشغل النار ننتدفاء
لف وهو يفتح الشنط:- يمكن نحصل ملابس او شي
فتحت عيونها بصدمه من استوعبت كلامه
عز الله تم كشف امرها قالت بسرعه:- لا ي عيال وش ننزل ما راح تقف الملابس أساساً ليش ننزل؟
لف له كايد بهدوء:- وليش ما تنزل؟ اذا بقت عليك الملابس ي غبي بتمرض!
تكلمت بتوتر:- لا ما راح امرض انا ما احب انزل ملابسي عند أحد!
قرب لها كايد بحده:- كلنا عيال! وترا قلت بس البلوزه الي فوق ما قلنا كل ملابسك؟
خل الخبال عنك!
بلعت ريقها بخوف تنفست براحه وهي تسمع معاذ يقول:- خلاص انت وياه لقيت خمس ملابس على عددنا اهقى انهم حاسبين حساب كل شي!
اخذت البس وكان باين انه كبير مع ذالك شي اشواء من لا شي
لفت وهي تقول:- عطوني ظهركم ببدل
جاء بيتكلم كايد بس قاطعه ظافر:- خلاص ي كايد خل الورع!
تافف كايد وهو ينزل بلوزته ويسمعها تتكلم بس فجاه سكتت ناظر فيها باستغراب من وجهها الي صار احمر قال بهدوء:- شفيك سكت؟
لفت بخجل:- ولا شي !
بدلو ملابسهم ثم عطوها ظهرهم وهي تقول بخوف:- بذمه محد يلف!
تكلم كايد بخبث:- بعد من واحد لعشرين اذا خلصت بلف ولا علي منك!
ردت بصدمه:- كاييد!
رد بلامبلاه:- بداء العد !
اخذت الملابس بسرعه وهي تلبس بخوف وخلصت وهي تسمعه يقول:- ١٥
ما تدري كيف خلصت قبل ياصل لعشرين تنهدت براحه:- اف خلصت !
ضحك ظافر يوم لف من شكلها بالبس:- خكري وبقوه!
رد كايد بضحكه:- انا قايل الخكاريه تطورو لدرجة تحس انهم بنات !
تافتت وهي تقول بضجر:- خير !
سكتوا وهم يشوفون الباب ينفتح ويدخلون شلة رجال كبار والواضح انهم مهوب من شلة المدرسه وشلة المسابقه !
.
.
.
.
.
يتبع
تفاعلوا ي حلوين ابي تعليقات تحمسني انزل لكم بارت بكره بذا الوقت