ي عزيزاتي رغم ان عندي اختبار صعب وعندي تحصيلي يبي من يذاكر له الا اني ما احب اسحب وبنزل بارت ، لا تقولون قصير او بارت واحد ما يكفي !
يشهد الله اني اخذ ساعه واكثر وانا اكتب البارت واحاول انه ينال رضاكم ياليت ما تضغطون علي انا افداكم
اما بنسبه للي يقولون موتي شذى او اقلعيها من الروايه خلونا مع الاحداث وكل شي بوقته حلو!
يلا نبدا
.
.
.
.
الربو لعب فيها لازم تطلع ولا تموت مكتومه قبل تموت محروقه !
جلست بتعب وقالت:- مقدر اتنفس !
توتر كايد وهو يقول بخوف:- ياخي رايد شفيك بعددد !
وقف عبدالملك بتوتر:- عنده ربو !!
لف كايد لها وهو لتو يذكر ان عندها ربو قال بعجز:- وش السواه الحين !؟
قال اب رحيق بلامبلاه:- خله يموت مجرد انه بيعيق تحركنا خله !
ناظره كايد بحده وطنشه وهو ييحس بدا تتوضح له اشياء !
قرب عبدالملك منها وهو يجلس بتوتر:- بسوي له تنفس اصطناعي يفيد ولو شوي !
فتح عيونه كايد بصدمه وهو يشوف عبدالملك ينحني وهو فعلاً ناوي يسوي تنفس اصطناعي له !
دفه كايد بعدم ادرك للي قاعد يسويه وقال بعد ما شاف نظرات عبدالملك المستغربه وقال بادراك:- انا دارس طب بسوي له تنفس بيكون ضابط معي أكثر !
ما رد عبدالملك وهو يشوف كايد يضع يده اسفل رقبة رحيق ويرفعها على فوق ويبدأ بتنفس الصناعي لها حتى حس بحركتها
شالها وقال بحده ممزوجه بقوه:- حنا بدور الثالث ما فيه مجال للهروب من الباب بطلع من الدريشه " النافذة " !
انصعق عبدالملك وقال بصدمه:- اذا ما مت من الحريق بتموت من الطيحه الله يسعدك ..!
قال كايد وهو يمشي للدريشه بعدم اهتمام:- نطلع باقل الأضرار !
شاف النار تاكل ما حولها وكل شوي تحصرهم اكثر
شاف الدريشه بدون حديد وهاذ يعني انه يقدر يطلع من خلالها
قالت هي بعد ما حست انها بتموت فعلاً وما فيه مجال وقالت بدون تردد:- كايد بقول لك شي ، تسامحني لو عرفت ؟
عقد حواجبه من نعومة صوته ونبرته وقال:- ما تقدر تاجل لين نطلع ؟
قالت وهي تحاول تتنفس من الهواء الي يجيها من الدريشه ولفت بنظرها وهي تشوف اهلها اختفوا
قالت ببحه:- اخاف نموت وما قلت لك !
قال بحده:- فالك ما قبلته !
ثم اشر من الدريشه للدفاع المدني عشان يمدون له السلم عشان ينزلون !
طنشته وقالت وهي تلقط انفاسها بضيق :- انا اسفه اني خدعتك انت والعيال بس الظروف حدتني على الي انا به ، ممكن اذا طلعنا بسلامه ما تسامحني ويمكن تفكر فيني بسوء بس خلاص معد يفرق معي شي
يسمع لها وهو مو مهتم وقال:- اظاهر انك بديت تهلوس من الخوف قلبت بنت امش ولا يكثر
قالت بحده:- كايدد انا بنتتت وما اهلوس ابد !
عقد حواجبه وهو ينظر فيها بتمعن وقال يستوعب القنبله الي فجرتها:- نعم ! وش تلطم انت ؟
قالت بهدوء:- الي سمعته
مسك يدها بحده وقال بغضب:- خلنا نطلع احياء ، والله لطلع كل شي من عيونك صدقني ورانا جلسه طويللله نكشف فيها اوراق كثيره !
سحبها بحده وهو يحس بشعورين داخله متناقضين بقوه وكل الشعورين عجز يعرف وش هم بس الاكيد انه يبي يطلع من هنا وهي معه عشان يفهم كل شي بالهدوء !
ركب وسحبها معه وهم على السلم الي انمد لهم وبهاذي الحظه كان كتب لهم حياه جديده مجهول فيها مصيرهم او بتحديد مصيرها !
نزلوا على الأرض حست بانس الي ضمها بقوه وهو يبكي ويقول كلام غير مفهوم ابتسمت بهدوء ولفت تناظر المستشفى الي قلب للون الاسود ومن يشوفه يحلف ان كل الي بداخله ماتوا !
قال معاذ الي ضم كايد:- الله لا ياخذك ، دورناكم ما شفنا لكم اثر ، خرشت قلبنا !
قال ظافر بخوف:- قالوا انهم مالقوا احد بدور السفلي وقلنا عز الله انحرق !
كان مطنشهم كلهم او بالأحرى ما سمع وش قالوا وهو مركز عيونه الحاده عليها !
وما في باله غير " انا بنت "
يجهل كل شي يصير بداخله من حرب بين عقله وقلبه !
قرب منها بحده وقال:- جاء الوقت الي نحط فيه النقاط على الحروف ي رايددددد !
تناظر فيه شد على اسم رايد وكانه يهدد؟؟؟
معد تهتم فقالت بهدوء:- ماله داعي نحط النقاط على الحروف ، كل شي واضح !
قال بحده:- واضح بنسبه لك ! اما لي انا يحتاج شرح مفصل !
قالت بنفس الحده:- ومن انت عشان يجيك شرح مفصل ؟
دفها بشبه قوه وهو يقول بحده:- شين وقوي عين ؟
قطع كلامها صراخ امها تعرف صوتها زين لفت وهي تشوف سرير عليه رجل محروق تماماً ومعه شاب محروق بعد وفتاه وامرأة كبيره كلهم محروقين ركضت لهم بخوف بان يكونوا الي ببالها
لكن يد كايد كانت اسرع وقال بحده:- وين بتهج ؟
سحبت يدها وقالت بحده:- اتركنييي !
تركها وهو مستغرب ليش تركها ؟؟
ركضت ل امها ودموع امها تنزل بقوه
قالت رحيق برجفه ان يكون الي ببالها صحيح:- يمهه ذولا مين !
لفت امها وهي تدف رحيق بقوه وهي تقول بحقد:- كلهههه منكككك كلهههه منككك حسبي الله عليك حسبي الله عليك !
وقفت رحيق وهي تحاول ما توضح وجعهاا لن بكل بساطة يمكن الي بتسمعه بيكون اثر الوجع عليها اقوى فقالت بتعب :- لا يكون ذا ابويي !
قربت امها منها وهي تقول بكره واضح بنبرة صوتها:- تدرين ان كل شي بسببك لولا انك ما هربتي كان ما صار علينا الحادث وجينا المستشفى وانحرق ابوك ، انتييي ما عمرك صرتي نعمه انتييي اكبر نقمه بحياتيي !
بعدين كملت بانهيار:- أساساً انتي ليش عايششه ! موتيييي ، روحي انتحري ، محد يبيك روحيييي روحي روحي !
تسمع لصوت امها المنهار وكلماتها الجارحه لو كانت الكلمات تقتل لنقتلت رحيق من كلمات امها
سمعت الممرض يقول:- سجل عندك عبدالملك بن سليم ال''''' توفى يوم '''' الساعه ''''' سببب الوفاه حريق !
حست انها سمعت غلط وقربت من الطبيب:- كيففف ماتتتت !
عبدالملك كان اخوها منذ الصغر كان طبيب لجروحها دايم ما ياقف بجنبها ودايم يبتسم بوجهها ليش نهاية حياته كانت كذا ؟؟
حست بيد على كتفها ما تدري مين ولا تبي تدري
قالت بوجع:- مات محروق !
تنهد كايد وهو يقول بهدوء:- امشي وقوفك هنا غلط
سحبت يدها منه:- شتبييييي انتتتتت ياخي !
قال بهدوء:- مو ضروري ابي شي ! ، باقف معك مو عشانك ابد ، عشان رايد الي خاويته لفتره !
قالت بعدم اكتراث:- محد يبي منك شي ، لا لي ولا لرايد !
مشت بخطوات متهالكه وهي تخرج من المستشفى وفكرت الانتحار عبت راسها !!!
.
.
.
.
يتبعع
اعتذر على قصر البارت لكن عندي اختبارات وذا الي طلع معي
الاحداث ما انتهت بمجرد انه كشفها القادم اقوى
كيف البارت ؟
دمتم بخير
أنت تقرأ
بلاي يوم صرت ولد وانا بنت .
Randomفتاه تجبرها الظروف على اتاخذ قرار صعب ! تنكرها بولد ودخولها لمدرسة عيال . القصه جداً غير عن القصص الي تشبها من العنوان اتمنى تنال اعجابكم . الكتابه: ريـا العتٌيبي
