جو بيدخلون الحوش بس وقف وهو يطلع جواله بيده الثانيه الي مو ماسك فيها رحيق
وقال باستغراب:- معاذ يتصل !
عقدت حواجبها باستغراب:- رد طيب
هز راسه بمعنى طيب وفتح الخط
جاه صوت معاذ الغاضب:- ورع وينك ؟
عقد حواجبه كايد:- شتبي ؟
رد معاذ بصوت عالي:- اقول لا تكثر كلام وعلمني وينك ؟!
قال كايد بهدوء:- شتبي بمكاني ، عساك ما سمعت حاجه ؟
قال معاذ:- ابشرك كلناااا سمعنا كل حاجه من لسان اخوانك !
قال كايد بغضب:- لعيال درو !
رد معاذ:- اي
صاح كايد بغضب:- الله ياخذكم جميععععع امحق اخوان !
وقفل بوجه معاذ وهو يرسل الموقع لمعاذ عشان يتفاهم معه على التفاصيل وردة فعل العيال !
.
.
.
دخلو بهدوء والتوتر كان رفيق رحيق الي قالت:- ما فيه احد ، بديت احس انه فخ !
قال كايد:- انا دخلت معد بطلع لين اسوي الي براسي !
قالت باستغراب:- ي راسي وش الي براسك ؟
ابتسم وهو يكمل مشي وقال:- تشوفين
فعلاً هاهم كايد ورحيق يدخلون الي بيت نفسه و وقفوا وهم يشوفون سالم ومعه رجال غريب يتقهوون ، وفيه ثلاث نساء جالسات بعيد عنهم وشذى منهم لنها ما كانت متنقبه
وتوقعت رحيق ان الحريم الباقي هم امها وام شذى
تقدم كايد بثقه وهو ياقف امام سالم بينما رحيق واقفه في محلها ما تحركت !
قال كايد بكره واضح بصوته:- سالم !
وبسخريه كمل كلامه:- سمعنا انك بين الحياه والموت !، بس واضح ان وضعك ممتاز وتتقهوه ولا كانك بتموت زي ما سمعت ؟
وقف سالم وقال بغضب:- وش جابك ي ولد عبدالعزيز ؟؟ ، من سمح لك تدخل بدون تطرق باب بيتي ؟؟
وكمل بتهديد:- بتصل على الشرطه واقول انك تتعدى على محارم الناس وتدخل بيتهم بدون إذن !
ما اهتم كايد بكلام سالم صحيح انه دخل بدون محد يسمح له لكن بوضعهم ذا موهوب طالب الاذن اكيد !
قال الرجل الي كان جالس ويده فيها وشم صغير:- هاذي بنتك ي سالم !
ناظر سالم بنته الي عند الباب وقال بابتسامه لعبوه:- اي هاذي ! ، حي بنت ابوها الي جت تنقذ حياة ابوها واتضحي لجله ، صدق ما راح عمري وتعبي على الفاضي !
وكمل وهو يشر على الرجل الجالس وقال:- هاذا زوجك اسمه صالح !
مطت شفتها بقرف اسمه صالح وهو مهوب صالح أبداً ! واضح انه راعي بلاوي !
شهقت وهي تشوف كايد تماسك مع صالح وبدوا ضرب ، وكان كايد يضرب صالح بقوه وقهر بينما صالح يدافع عن نفسه فحسب
ركض سالم وهو يحاول يبعد كايد الي كان يضرب باقو ما عنده وقال كايد بغضب وهو يخنق صالح :- مجرددد ما تفكر فيهااا مجرد تفكير والله لخنقك واشرب من دمك ي ابن الكلب !
دفه سالم و وقف كايد بتوازن وهو يشوف صالح يلقط أنفاسه بتعب وقال صالح بكره:- قفل البيبان ي سالم ودق على رجالي يجون بنعذب ذا المستقوي وبنتك معه !
أنت تقرأ
بلاي يوم صرت ولد وانا بنت .
Randomفتاه تجبرها الظروف على اتاخذ قرار صعب ! تنكرها بولد ودخولها لمدرسة عيال . القصه جداً غير عن القصص الي تشبها من العنوان اتمنى تنال اعجابكم . الكتابه: ريـا العتٌيبي
