بلاي يوم صرت ولد وانا بنت .

13

الصراحه استحيت اشوفكم متحمسين واسحب لبعد العيد عشان كذا جبت لكم بارت أن شاء الله يعجبكم ، وشكراً مره على تعليقاتكم الي تخليني استمر واتحمس اكتب لكم  ما نطول هيا نبدا
.
.
.
جالسه والبسمه مرسومه على ملامح وجهها الهادي وهي تسمع سوالفهم وتناظر جلستهم الهادئه ، الساعه الحين ٧ المساء وهم للحين بالكشته
وقف ظافر وقال بامر :-  ثلاث اشخاص يفزون معي بنطبخ العشاء !
تكلم شاهر بملل:- تحبون الشقاء ، ليش ما نطلب من المطعم وخلاص ؟؟
لف فارس وهو رافع حاجبه:- الي يسمعك يقول ذولا يزقون فلوس ، من وين نجيب فلوس المطعم تستهبل؟؟
ناظر شاهر بكايد وتميم وفهموا نظراته رد كايد وهو يحس ما بلع شاهر:- ماني عاجز ادفع فلوس المطعم لكن حنا كاشتين نبي كل شي من شغل يديننا
ثم وقف وراح جهت ظافر ومعاذ الي يشتغلون على الاكل
وقف انس وقال:- طفش بروح اسوي فعاليات
وقفت معه وهي عاجبها هبد انس:- معككك معككك!
ضرب كفها انس وقال بابتسامة عريضة:- لبى الخوي اللي ما يخلي خويه .
وقف شاهر بغيره:- كنت خويك مسرع بدلتني بالخكري ؟؟
عقد حاجبه انس:- وش دخل استبدلتك ؟؟
مسك انس يد شاهر وقال بحده:- امش امش لقيت شي غير الفعاليات بضيع به وقتي !
مشو انس وشاهر ومشت خلفهم رحيق وهي حالفه الا تنشب لهم لفوا على الليث الي كان مع الي يطبخون قال الليث بصوت عالي:- لا تروحون بعيد الوضع لليل !
رفعت نظرها للسماء صح انه ليل لكن قمراء القمر كامل رغم ان فيه غيم يحجب شي من نور القمر لفت على صوت انس وهو يقول:- امش رايد !
مشينا وجلسنا على التراب الي كان ناعمم وبارد جداً ويشعرك براحه
قال انس بهدوء:- بفهم شي واحد اشرحه لي ي شاهر ليش تغيرت علينا ؟؟
عقد حواجبه شاهر:- تغيرت ؟؟
هز رأسه انس وقال بحده:- وبقوه! قبل كنت تقول لي اننا بنكون مع رايد وهالحين تكره شي اسمه رايد ؟
وقف شاهر بغضب:- رايد خرب اشياء واجد كنت اسعاء لها بسبت الخكري ذا كايد كرهني وتميم معد يهرجني وخصرت انا شي كنت بحصل عليه !
عقدو انس ورايد حواجبهم باستغراب وعدم فهم
كمل كلامه شاهر بتوضيح لهم:- انا صاحبت تميم لن اختي معاقه وما تمشي ودخلتها مستشفى خاص ويحتاج المستشفى فلوس وانا زي ما تعرف ي انس ابوي متزوج وناسينا انا وامي واختي ولا يصرف علينا كيف اعالج اختي بدون فلوس ؟
دورت شغل ما لقيت مكان به طريقه غير مصلحتي مع كايد وتميم كنت اقدر بطريقه ماء اخليهم يدفعون لختي عشان تتعالج وتقر عين امي بها !
اشر بغضب على رايد:- بس الي حصل بيننا انا ورايد خلا كايد وتميم يشوفوني شخص نمام وسي وابتعدوا عني مستحيل يعالجون اختي الحينن!!
قالت بهدوء:- انا اسف ! يمكن بدر مني شي دون قصد بجيب لك الفلوس!
ناظروا فيها الاثنين بدهشه
قال شاهر بسرعه:- كييييف!!
ابتسمت بضيق:- اقدر اطلب من كايد فلوس
وارجعها له مع الايام عادي اهم شي لا ترمي علي كلام فارغ !
ناظر فيها بهدوء وما تكلم وكن الوضع عجبه
تنهد انس ولف لرايد وقال بنصيحه:- انا احس كايد بعض معك وكنه اخوك وبعض الاحيان كنه عدوك بالله لا تورط حالك نقدر حنا الثلاثه نجيب المبلغ بدون احراجات!
تكلمت بهدوء:- كيف ؟
ابتسم انس:- نبيع ! ولا نشتغل تنظيف
ابتسمت وهي تهز راسه:- اين كان الشغل مو عيب اهم شي نجيب فلوس لخت شاهر !
ابتسم شاهر لهم وتنهد وقال ببحه:- ي عيال انا..
قاطعه انس وهو ياقف:- انطم لا تسوي مستحي وتبي تعتذر ما حصل شي ومعذور !
وقفت وهي تقول باستغراب:- هيي تسمعون صوت ؟
لف شاهر وقال:- ترا ورا الجبل بيت مهجور
ناظروا في بعض وابتسموا لنهم فكروا بنفس الفكره
مشوا الثلاثة جهت البيت المهجور وكل واحد ينافخ انه مو خايف
قال انس بتوتر وهم ياقفون قدام باب البيت المهجور :- احس خلونا نرجع بعدنا عن العيال مره !
لفت بخوف من صوت غريب وكنه خطوات:- الصوت وش !
مسك شاهر يد انس ويدها وقال بخرشه:- مسوين مغامرين حنا و وجهنا والكشاف حتى ما معنى خلنا ن..
صاحت وهي تشر على ظل الي على الارض يتحرك وشكله ما يطمن :- يمه ي راسي هذا وش !
بلع ريقه انس وقال بتوتر:-  هييي عقرب شوفوا !
تكلمت رحيق وهي تشر على النور الي بالدور الي فوق:- لا تخاف من العقرب خاف من النور !
لحظات وبدو يركضون راجعين بخوف شافت العيال منتشرين ينادونهم بصوت عالي لفوا العيال كلهم وهم يشوفون اشكال انس وشاهر ورايد الي ما تطمن بالخير
تقدم كايد بسرعه وقال بدهشه:- وشفيكمم كنكم شايفين جني !!!
قال انس برعده:- البيت المهجور ياخي!!
عقد حواجبه كايد:- وش تهبد انت ؟
قال تركي برفعة حاجب :- اظاهر انهم صدق شافوا جني
وقف وهاب جنبه :-  تحسهم جثه يالطيفف
تكلم كايد بحده وهو يهز انس :- بتهرج ولا اهفك كف
ضحك تميم وهو يشر على رايد:- هي رايد حبيبي لا تكتم البكيه !
قالت بحده:- انكتمم
ثم كملت بنفجار وهي تحس انها فعلاً بتبكي:-  رحنا لبيت مهجور وراء هناك والله كان به اشياء تخرش
رد كايد وهو ياقف قدامها وانحناء لهاوهمس بهدوء:- قد قلت لك الرجال ما يبكي لكن اذا انت ترتاح بالبكي ابك بغطي عليك محد بيشوفك
حين انهاء كلامه نزلت دموعها وهي تحس بخوف شديد ظلام الليل والأصوات والنور الغريب بالبيت القديم كفيل يخوف فتاه كانت تعيش بمكان خالي من هاذي الاشياء !
بعد ما هدت والعيال مشغولين مع انس وشاهر الا كايد الي للحين واقف قدامها واول ما شافها خلصت حط يده على راسها وقال:- البكاء للنسوان لكن هالمره بعديها لك
وراح وهي تناظر فيه بهدوء وتناقض كنه تناقضه هو!
سمعت معاذ يقول:- بنروح للبيت المهجور !
قال طارق بخبث:- هيا مشينا نشوف من وش انخرشوا الورعان !
تنهد الليث وقال:- والعشاء الي تعبت عليه ؟
لف له ظافر:- عادي الحراس عنده وحنا اذا جينا نحره!
ضحك تركي بسخريهه:- الي يسمعك يقول طبخه لحاله وهو بس غسل الرز !
تكلم الليث بحده :- اغسل الرز اشواء من اني ما اسوي ولا شي
تنهد تميم بملل:- انكتموا
قال شاهر بسرعه:- ماني برايح !
قالوا انس ورايد:- ولا انا
لف لهم كايد وقال بحده:- قبل خفتوا لنكم لحالكم و ورعان هالحين معنا نور وحنا كبار ونعرف شنسوي امشوا ولا يكثر
تنهدت بغضب:- ذا كل ما زانت الجلسه قال لا يكثر !
لف لها كايد بعد ما سمع هرجها ومشاء بدون هرج والعيال وراه واخر شي كانوا الثلاثة الخايفين من البيت المهجور
.
.
.

يتببع
شرايكم باربات ؟

شاركونا افضل التعليقات
المعذره على قصر البارت
دمتم بخير .