بلاي يوم صرت ولد وانا بنت .

17

رجعنا لكم ببارت ...
.
.
.
فتحت عيونها وهي تنظر للسقف عقدت حواجبها وهي تتحسس السرير بيدها جلست بسرعه والدهشه ملأت وجهها تذكر انها نامت في الحديقه المصديه المهجوره على الأرجوحة المتهالكه!
كيف جت هنا بقسمها الي ببيت كايد ؟؟
بلعت ريقها وهي تسترجع الي دار بينها وبين كايد حست بقهر شديد وهي تسرع بخطاها الى خارج الغرفه قالت بصوت عالي:- كااااايد!!
دقائق وطلع منصور اخ كايد وهو يركض لها قال باستغراب:- اشب امك تصيح كن نار مولعه فيك ؟؟
دفته بنرفزه:- اذلف ناد اخوك!
قال باستغراب:- اي اخ !
تنهدت وهي تحاول ما تفقد صبرها اكيد ما يدري اي اخ مهوب عنده ٢٠ اخ !
قالت بحده:- كايد!
لف راجع للبيت وهو يقول بنرفزه:- اذا عرفت تهرج باحترام تعال اسالني!
فتحت عيونها بدهشه يوم سكر الباب وطنشها حرفياً! كل العائله مغرورينننننن !
طلعت برا البيت وهي تشوف الساعه متاكده انهم متجمعين باللاستراحه بذا الوقت
شافت شاشة جوالها تنير " سفاح يتصل بك "
وقفت على الرصيف وهي تناظر الشاشه بهدوء متردده بترد او لا ؟؟؟
طالت مدة ترددها وهي تشوف شاشة جوالها طفت معلنه انتهاء الاتصال تنهدت براحه
وهي تمشي جهت الاستراحه لكن وقفت وهي ترجع ركض للقسم بسرعه ابتسمت وهي تجمع اغراضها بشنطتها وشالتها وهي تتصل
فتح الخط
قالت بابتسامة:- شذى ي حلوتيييي اخبارك ؟
شذى بهدوء:- أهلاً ! ، شفيه ؟
عقدت حواجبها باستغراب من ردها بس طنشت وقالت:- بجي بشقتك !
تكلمت شذى بتعذر:- البنات معي اذا شافوك بيقولون اني مدخله ولد معي! ، بعدين الجيران بيشوفونك طالعه داخله  وبتتشوه سمعتي !
قالت رحيق بهدوء:- بلبس باروكه احتاج بس يومين لين احصل شغل ومكان!
قالت شذى بطفش:- تمام برسل لك الموقع !
تقفلت المكالمه ورحيق تطلع من قصر كايد الكبير وهي اهم ما عندها كرامتها يضربها وتنام ببيته ؟ يعقب والله !
مشت كثير لين وصلت للمكان الي به شقت شذى تدري ان شذى ما تبيها لكن شذى عندها اهون من كايد دخلت الشقه بعد ما تاكدت بعدم وجود احد ممكن يشوفها
فتحت شذى الباب وقالت:- ادخلي بسرعه
دخلت رحيق وقالت شذى:- مو كنتي تعيشين بشقه بمبلغ كويس معقوله خلصت الفلوس الي عطيتك اياها ؟؟
هزت راسها رحيق برفض:- الشقه مهجوره كنت اعيش ببيت شخص والحين تهاوشت مع الشخص ومظطره ادور وظيفه عشان ادرس واشتغل واصرف على نفسي ؟!
رفعت حاجبها شذى وقالت بهدوء:- من الشخص ؟؟
ردت رحيق بلامبلاه:- كايد عبدالعزيز !
شهقت شذى وهي تقرب من رحيق وقالت بدهشه:- ولد اغنىىى رجلللل !
هزت رحيق راسها بهدوء
ابتسمت شذى بخبث:- ابي اشوف شكله !
ردت رحيق وهي تجلس على الكنبه:- ما عندي صور له !
جلست جنبها شذى وقالت بخبث:- صوريه لي  !
لفت رحيق بدهشه:- تستهبلين ؟؟ مستحيل اصوره لو وش !
ابتسمت شذى بخبث وهي الحين بتحلل الفلوس الي دفعتها:- اذا ما صورتي لي كايد اكثر من خمس صور راح يدري كل المدرسه عن رايد ! او بالمختصر عن البنت رحيقق!
انصدمت رحيق وهي تاقف بدهشه شعرت بانها سمعت غلط قالت بترقب:- وش!
ردت شذى بلامبلاه:- الي سمعتيه! والحين برا شقتي بلا مطرود !
مشت رحيق وهي تحس انها بحلم انحنت تاخذ شنطتها ولفت تدعي القوه:- عرفت ليش ساعدتني! كنتي تبين تستمتعين بتهديدي لكن انا قدها
طلعت رحيق وهي تحس اخر ابواب الامل قفل بوجهها
كانت من قبل علاقتها مع شذى جداً سطحيه لكن فجاه بدت تتقرب منها حتى صارت اعز الاصدقاء والحين ؟؟؟؟؟؟
تنهدت بخيبة امل وهي تمشي بدون وجهه على الاقل يوم كانت عند امها وابوها عندها بيت اما الحين مشرده!
نظرت للجوء بالقي القليل ويظلم الليل وغداً رحلت المدرسه واكيد راح تتغيب عنها
جلست على الرصيف وهي تمسك راسها بصداع فهي ما اكلت شي حتى الان ولا معها فلوس حتى تشتري ماء !!
حست باحد ياقف خلفها لفت لتنصدم بسفاح الي قال:- شفيك متغيب عن شغلك اليوم ؟؟؟
ناظرت فيه بلامبلاه وهي تحس معد تهتم ولا تكترث قالت بهدوء:- اسف تعبان !
مشى سفاح بلامبلاه:- مخصوم من راتبك الف ريال!
ناظرت فيه وهو يبتعد ما تبي فلوسه كلها عشان كذا مو مهتمه
.
.
.
.
تكلم بحده وهو يمسك ياقة منصور:- موهوب قايل لك اذا قامم رايد دق عليييي !؟
بلع منصور ريقه بخرشه من كايد وقال بتبرير:- كان ينافخ واستفزني بقوه !
دفه كايد وهو يطلع بخطوات سريعه بعد ما دق على معاذ وقال:- اسحب العيال معك بندور رايد !
بدو العيال يبحثون عنها بينما هي تمشي بلا وجهه لفت على الشخص الي يناديها ابتسم وهو يتنهد:- يخرش عدوك على بالنا انك انخطفت وين هاج ياخي !
ناظرت بظافر وردت:- وش تبون ؟
مسك ظافر يدها وهو يسحبها معه:- امش امش كايد بيفجر الدنيا فينا !
سحبت يدها بقوه وقالت بحده:- خله يفجرها بلا بشكله
حست بخطوات العيال وراها ولفت وهي تشوفهم كلهم ركض انس وهي يضمها بحركه مفاجاه لكن سحبه معاذ وهو يقول:- كتمت الولد اذلف
دف انس معاذ وهو يكلم رحيق:- اشتقت لك ياخي !
ابتسمت بتسليك وحست بنظرات كايد عليه فشمقت له " قلبت عيونها "
قرب كايد عندها:- اسمع رايد ظلمتك بدون لا اتاكد من شي يحق لك تعصب لكن اعذرني انا انفجرت لن المخدرا،ت شي ابد مو بسيط ولا بغيت لك المصايب!
ناظرت فيه بهدوء:- وش المطلوب ؟
عقد حاجبه كايد وقال بهدوء:- تقبل عذري ؟
ردت بهدوء:- اقبله بشرط؟
رد باستغراب:- شرط؟
هزت راسها
قال كايد بهدوء:- والي هو ؟
قالت وهي تناظر بشاهر:- تدفع علاج اخت شاهر !
صدمه حلت على مسامع شاهر وانس
هز راسه كايد بالموافقه مسكها بيدها وقال:- امش هالحين انثبر بقصمك اظلم الليل وبكره ورانا صحوه من الفجر
نقز وهاب بحماس:- ي عيال ي اني مجهز لكم فعالياتتتتت بكره
ضحك بندر وهو يقول:- ي عيال فعالياته عباره عن اكل
ضحكوا العيال وهم يمسكون وهاب طقطقه ويحشرون تركي بكل موضوع
.
.
.
.
في اليوم التالي
الساعه ٤ الفجر وقفت بحماس فهي لول مره بحياتها راح تروح للملاهي وتلعب العاب كانت تحلم فيها
لبست نعالها وهي تعدل شكلها وطلعت بسرعه وهي تشوف لا تميم ولا كايد طلعوا
راحت تدق الباب ولكن لا رد
قالت بصوت عالي:- ي انتممم تاخرناااا !
فتح منصور الباب واول ما شافها قال بضجر:- يالله لا تبلش المسلمين بواحد مثل ذا المخلوق
دفته وهي تقول:- ناد اخوانك ولا رحت لحالي وسحبت عليهممم
قال منصور بلامبلاه:- ترا ما دروا عنك هش هش
فتحت عيونها بصدمه وهي تشوفه يدخل ويقفل الباب للمره الثانيه يسويها !
جت بتدق الباب لكن فتحه تميم وخلفه كايد
دفه تميم وقال بغضب:- تراك ازعاج وش مستعجل عليه !
طنشته وهي تتوجه للسياره وخلفها كايد و وراهم تميم الي يتحلطم
ركبوا السياره واستغربت انهم ما مشوا
قالت باستغراب:- وش تنتظ..
سكتت وهي تشوف منصور يركب معهم انظروا الاثنين بعض وكل واحد صد للجه الثانيه
كيف غاب عن بالها اكيد انه بصف اول ثانوي وهالحين حاشر نفسه معهم ، لحظه هي الي حاشره نفسها معهم مو هو
ابتسمت على افكارها وهي تمسك جوالها لكن سرعان ما تغير وجهها من رسالة شذى
" صور لكايد ولا انتظري الفضيحه"
رفعت نظرها لكايد والتقت عينه بعينها بالمرايه ولفت بسرعه بتوتر وهي اتفقت انها تصوره اليوم على اساس انها تبي ذكريات لذا اليوم ...........
.

.

.
يتبع
اتمنى الكثير من التفاعل البارت ياصل فوق ١٠٠ مشاهده والتصويت ٢٠ بس ؟؟؟
صوتوا
دمتم بخير