بلاي يوم صرت ولد وانا بنت .

18

اعذروني على قصر البارت الي راح بس تعرفون عيد وفعاليات ما فيه وقت كافي لبارت طويل .....

.
.
.
.
.
سرعان ما تغير وجهها من رسالة شذى
" صور لكايد ولا انتظري الفضيحه"
رفعت نظرها لكايد والتقت عينه بعينها بالمرايه ولفت بسرعه بتوتر وهي اتفقت انها تصوره اليوم على اساس انها تبي ذكريات لذا اليوم !
وقفت سيارة كايد عند المدرسه ونزل وخلفه اخوانه ورحيق تجمعوا مع الطلاب ورحيق تدور انس وشاهر شافتهم عند الباص المخصص لفصلهم وراحت لهم ركض
قالت بحماس:-  صباح الخيرررر ي اصحابي !
لف انس بحماس مشابه لحماس رحيق وقال:- تعال ي ولد نركب ما ودنا نتاخر
تنفست من حماسها وقالت:- ما نمت من زود الحماس !
ضحك انس وهم يركبون الباص قال شاهر باستغراب:- هي سمعت ان به مدرسة بنات عندها رحله معنا بنفس الملاهي !
عقدت حواجبه رحيق:- مو على أساس ابو كايد حاجز المنتزه كامل ؟؟
قرب تميم الي سمع كلامهم وقال:- ابوي كان حاجز لنا بدون ناس بس صديقه ابو وحده من البنات الي بالمدرسه وقال بحجز للبنات بالمنتزه وابوي وافق
ردت بلامبلاه:- ما فهمت ولا ابي افهم ، ابي بس ناصل بسرعه!
وفعلاً نص ساعه ومشت الباصات للمنتزه
نزلت وهم واقفين جنب بعض ينتظرون اكتمال الشله
بدت توزع نظرها في أرجاء الملاهي اكبر من الي توقعته واكبر من خيالها ودها تجرب لعبه لعبه ، طاحت عينها على العيال جايين وقال فارس:- باقي احد ؟
هز تميم راسه برفض :- لا مشينا !
قالت رحيق بحماس وهي تشر على لعبه ترتفع فوق وتنزل بسرعه كبيره وقالت:- خلونا نلعب ذي امانه !!
الليث بهدوء:- ذي تدخلها حي تطلع منها ميت
قالت بتصديق:- امانه !
وكملت باستغراب:- ليش يحطونها طيب ؟
ضحك الليث
ضربه كايد على راسه بخفه وقال بحده:- روعت الورع!
ولف وهو يكلم رحيق:- استرجل خل الخوف عنك وفكر بعقلك محد بيحط لعبه تموت ي فاهي
ضحك الليث وهو يدف رحيق بخفه:- ي حلوك تصدق!
ناظرت فيه وقالت بحده:- سخيييف !
ولفت لكايد وشمقت له " قلبت عيونها"
وراحت تمشي بدون وجهه مع العيال
قال وهاب وهو يركض:- تصادم سيارااااتتتتتتتتت !
ركض خلفه تركي وسرعان ما ركضوا منصور وشاهر وانس ما تدري وش العبه بس دامهم ركضوا فهي بتركض لحقتهم وهم يركبون السيارات ابتسمت وهي تشوف سياره بالون الوردي وركبتها رغم ان به سيارات بالالوان رجوليه لكن هي انجذبت لذي الورديه شافت فيه مجموعة بنات دخلوا معهم بنفس العبه وقفت بنت عند رحيق وقالت بخجل :- ابي السياره الورديه لو سمحت !
عقدت حواجبها رحيق مستحيل تفرط بذي السياره! قالت بتعذر :- اسف ما فيني حيل اغير السياره دوري غيرها
لفت البنت نظراتها وشافت ان العيال اخذوا كل السيارات وكانوا كل اثنين مع بعض ما عدا كايد ومعاذ لحالهم وشافت صديقاتها كل ثنتين مع بعض
قالت بهدوء:- ما فيه بركب معك !
نزل كايد من سيارته العبه وهو يقول بحده:- ورع رايد خل السياره الورديه للبنت وتعال اركب معي !
جت بتعترض بس اعطاها نظره حاده وهو يقول:- حرك رجلك !
نزلت رحيق من السياره وهي تتوجه لكايد بغضب كان بخاطرها السياره الورديه !
ركبت بجانبه وانطلقوا لعب ومن لعبه الى لعبه
لين جت الساعه ١٢ الظهر
قال تركي وهو يمسك بطنه:- جوعانننن خلونا ندور مطعم
اشر معاذ على مطعم:- شرايكم بذا  ؟
مشى فارس وقال بتعب:- ي عيال اي مطعم مو مهم امشوا !
دخلوا المطعم وسرعان ما انصدمت رحيق وهي تشوف شذى تتوسط المطعم فهي بس تتحجب عشان كذا عرفتها
بلعت ريقها رحيق فهي نست تصور كايد قالت وهي تشوف العيال جلسوا على الطاوله بتعب:- ي عيالل بصور صور تذكاريه .!
قال بندر بملل:- اذلف محد فاضي لك
ايده بالكلام طارق وهو يقول بتعب:- احتاج اكل ثم انام ما احتاج ذكرايات ابد !
وقف انس جنب رحيق:- صورني انا ما عليك منهم خل ذكرياتك معي !
ابتسمت رحيق بتسليك كيف تاخذ صور لكايد  !
شافته جلس من بعد ما طلب وجلس جنبه معاذ وظافر تنهدت وقالت بمحاوله معهم:- كايد معاذ وانتم كلكم نصورر ؟؟
ناظر فيها معاذ وقال:- بعد ما ناكلل
لفت لكايد الي بس اكتفاء انه يناظر فيها بصمت
تنهدت وهي تجلس معهم بعد ما جاء الاكل وتاكل حست باصوات بنات تقرب لفت لجهتهم وشافت شذى تقرب لطاولتهم وابتسامه خبيثه على وجهها وقفت رحيق بخرشه وخوف وهي تقول:- بروح للحمام
وراحت رحيق ركض ودخلت حمام الرجال بدون تررد بلعت ريقها من الحمام المكتض بالرجال
ودقائق وطلعت وقفت مكانها وكل شعره وقفت بجسمها وهي تشوف شذى واقفه تكلم كايد !!!!!
حست كل شي انتهاء بلعت ريقها وهي ي دوب تشيل رجولها وقفت عندهم والانظار صارت عليها حست ان كل شي انتهاء الكل عرف سرها الخطير !
لكن رجع لها التنفس وهي تسمع انس الي يقول:- رايد تعال اجلس جنبي
من كلامه تحس الوضع تحت السيطرة  جلست جبنه والي جنبها من الجهه الثانيه كايد
قالت شذى بخبث وهي تكلم كايد:- عادي اصور معك
رد كايد وهو حتى ما ناظر فيها:- لا
تكلمت شذى  بقهر:- مسوي ما تكلم وتصور مع بنات وانت تجلس جنب بنت !
عقدوا حواجبهم العيال باستغراب
وقف معاذ وقال بحده:- ممكن تحترمين نفسك وتذلفين خلي عندك شوي كرامه !
قالت وهي تناظر فيهم واحد واحد:- بتندمون والله !
الكل تجاهل كلام شذى بدون اهتمام
مشت شذى مع صديقاتها
شويات وجت رحيق رساله من شذى
" ذا الي صار مجرد قرصة اذن الايام الجايه بتكون اقوى اذا ما نفذتي مطلبي الي بطلبه منك قريب جداً "
قفلت جوالها وهي تحس اليوم سمج من مقابلة وجه شذى !
عم الصمت بينهم وقال كايد بهدوء:- اليوم الساعه ٧ المغرب اتمنى الجميع يتجهز عندي لكم فعاليه من نوع غريب
عقد حاجبه ظافر:- الله الله فعاليات من كايد متى اخر مره صارت ي عيال !
طنشه كايد وقال يوضح مقصده:- فعاليه خطيره الكل يجي الا منصور ورايد وشاهر وانس وتميم ذولا لا اشوفكم جايين !
بعدين كمل:- ولو ينقلعون وهاب وتركي يكون افضل !
قال طارق باستغراب:- وش هي فعاليتك عاد ؟
ابتسم كايد بخفه وهو ياقف:- بتعجبك !
بس بغيت اعلمك قبل الفعاليه عشان تتجهزون نفسين وجسدين !
ناظروا العيال بعضهم باستغراب
لكن ما اشبع كايد فضولهم ابد
وقفوا وهم يطلعون من المطعم وتعلن المدرسه انتهاء الرحله ورجعوا من حيث اتوا .

.
.
.
.
.

الساعه ٥ العصر تجمعوا العيال بالاستراحه
وكل العاده الي جالس يلعب سوني والي على جواله والي يسولف والي ياكل
عدل جلسته كايد وهو يقفل جواله ويحطه بمخبا ثوبه:- يلا ي عيال مشينا !
لف الليث له بعد ما بلع القمه:- مو على اساس الفعاليه المغرب ؟
هز كتوفه كايد وقال بعدم اهتمام:- قدمت الموعد امش بلا كثرة هرج !
وقف انس:- بنروححح !
لف وهاب مايد كلامه:- اتفق حتى انا ابي اروح
تكلم كايد بحده:- انثبر انت وياه ولا يكثر
طلعوا العيال ما عدا الصغار
تميم ، شاهر ، انس ، رايد ، منصور ، وهاب
اما تركي راح  !
وقف تميم وقال بخبث:- بنلحقهم !
وقف وهاب بحماس:- جويييي يلا نمشي
مشى منصور وهو يناظر بدريشه " النافذه" وقال:- ي عيال مشوا خلنا نلحقهم
ركض تميم وخلفه العيال وهم يركبون السياره
حقت تميم ولحقوا كايد والعيال بخفه
عقد حاجبه شاهر وهو يشوف الطريق الي يمشون فيه:- هي رايد انت وانس وش يذكركم الطريق ذا به ؟
لف انس لطريق وقال بتذكر:- كني عرفته!
وقف تميم وقال باستغراب:- المكان مهجور وراهم وقفوا ؟
ضحك وهاب:- فعاليات اخوك شاطحه
هز كتفه منصور:- اظاهر قرر يسوي فعاليات مع الجنون ؟؟
قالت رحيق بهدوء:- ذا مكان المخدر،ات
شهقو العيال بصدمه وقال انس:- معقوله بيتضاربون مع سفاح ؟؟
جت بترد رحيق لكن سمعت صوت اشعار بجوالها فتحت جوالها وهي تشوف الاشعار بدون لا تدخل الرسائله وكان محتوى الرسالة " ابي صوره لكايد وهو نايم مع بنت معك يومين "
ناظرت بجوالها لوقت طويل وهي تحس ان شذى ذي قاعده تنهي كل شي جميل بحياتها يعني ارتاحت هي لذولا العيال مستحيل تسوي لاي واحد منهم أذى !
بس اذا ما سوت لهم اذى شذى بتذيها !
تفكر تقول لمعاذ عشان يساعدها والاكيد انه ما راح يرضى على كايد وبياقف معه
مسكت راسها وهي تلف على تميم الي ضرب راسها وهو يقول بهمس:- مطول وانت جالس ، امشش !
نزلوا وهم يمشون بخفه للمبنى المهجور الي دخلوه كايد والعيال
.
.
.

يتبع
اعتذر على قصر البارت القادم باذن الله اطول