مرحباً حلويني
بقول هرجتين قبل ابدا ولحد يتعدى هرجي
بنسبه لموعد التنزيل انا مقدر احدد موعد معين لن ما ادري عن ظروفي لكن تقريباً انا انزل يوم ايه ويوم لا ويمكن انزل بشكل يومي
ثاني شي ي حلويني اختباري التحصيلي يوم السبت ابي دعواتكممممممم واذا تاخرت بتنزيل اعذروني
يلا نبدا
بدا الرجال الأجنبي يتكلم ما تدري وش يقول بس الي تدري انه يهاوش
كيف تقول له انها ما سوت شي ؟
وان طفلته بكت بدون سبب ؟
دفها الأجنبي بقهر لنها طنشته وقالت بدهشه
:- نو انقلش طيببب! لا تضرب
بدا الرجال يصرخ وهو صامل يهاوش
متاكده كل كلامه سب فيها
لفت على العيال ما تشوف احد اكيد انهم دخلوا الكوخ الا هي الهبله الي راحت تتفرج ومسويه خوي مع الاطفال والحين لقمت !
وش تسوي مع ذا الرجل وزوجته وبنتهم الي للحين تصيح !؟
وقفت وهي ناويه تهرب الهروب نصف الشجاعه لفت بتهرب وكان الرجال الأجنبي فهم عليها ومسك شعرها بحركه سريعه
صاحت رحيق بوجع ولفت وقرطت على يده باسنانها وباقوى شي عندها
صاح الرجال بالم !
وقتها نزل كايد من العربه وشاف المنظر وركض وهو يسحبها خلفه ومسك رقبة الاجنبي بقوه
فكايد و الاجنبي لهم نفس الحجم اللهم الاجنبي معضل أكثر !
دف الاجنبي كايد وهو يرجع يتكلم بلغته ورد عليه كايد بنفس اللغه وماهي الا دقايق ورجعوا تماسكوا باليدين وقع كايد على الارض ونقز الأجنبي فوقه
ضرب كايد راسه برأس الاجنبي وابتعد الاجنبي بالم وهو يمسك راسه
حتى كايد مسك راسه بالم لكن وقف على حيله وهو يمسك يد رحيق وحس برجفة
يدينها وقال يهديها:- ما راح يصيبك شي وانتي معي !
وفك يدها ورجع ضرب مع الرجال الأجنبي
شهقت رحيق وهي تشوف زوجة الأجنبي معها حافظة أو سخانة ماء حقت طفلها ورافعتها تبي تضرب كأيد من وراء
وقفت رحيق واخذت كوره ثلجيه وهي تضربها بوجه الحرمه
وقربت رحيق وهي ناويه تطييح ضرب بالحرمه
لكن يد كايد كانت اسرع وهو يمسك يدها ويركض معها جهت الكوخ الي فيه العيال
والاجنبي خلفهم يركض
بسبب الثلج والملابس الثقيله كانت الحركه بالثلج صعبه خصوصاً على رحيق الي طاحت على وجهها وبحركه سريعه شالها كايد وهو يقول لها:- والله انك وجهه مصايب ، ابعد عنك دقيقة احصلك بمصيبه !
التوتر الف والرجفه ملت جسمها ، عقدت حاجبها من قلب كايد الي ينبض بقوه تسمعه واضح لها مره !
لفت براسها وشافت ملاذ الي عند باب الكوخ تناظرهم صرخ كايد:- ادخلييي !
ما عطته مجال ودخلت ودخل كايد خلفها وسكر الباب برجله
نزل رحيق وقفل الباب والاجنبي خلف الباب يطقه باقوى شي عنده ويضرب الباب بدفاشه
لفت رحيق وشافت ملاذ تناظرها من فوق لتحت ، ملاذ ذي المره بحجاب فقط فكانت ملامحها واضحه لرحيق الي حرفياً اندهشت البنت حقاً جميله
بدون إدراك لفت لكايد بتشوفه يناظر ملاذ ولا
طالت بنظرها عليه وهي تشوفه جالس على الأرض ومتكي على الباب ويناظر فيها هي !
بلعت ريقها بتوتر وجت بتمشي بس فتحت عيونها بدهشه من ملاذ الي قالت:- تشيل ولد بذي الطريقه ؟ معليش وضعك مشكوك فيه !
راحت ملاذ وهي تركض
اما رحيق لفت على كايد الي ما اهتم بكلام ملاذ وللحين يناظر برحيق الي زاد توترها
ودخلت عندهم ودخل خلفها كايد ، شافت العيال واقفين وما عليهم الا منشفه على خصرهم وبعضهم سروال لنص الرجل و صدرهم عاري!
وجهها قلب طماطه وحست بيد على عيونها
وصوت كايد الي قال بحده :- وجع يوجعك وش له مفسخين ؟
عقد حاجبه ظافر وقال:- وش فيها ؟ بنروح للينابيع الحاره
ابتسم وهاب:- الحقونا انت و رايد !
طلع كايد ورحيق قدامه ويدين كايد على عيونها ثم قال بحده:- لا تدخل معهم بالينابيع ولو بملابسك حتى لا اشوفك !
ثم كمل:- اذا طلعنا تقدر تدخل انت
قالت بقرف:- ادخل بوساختكم طير !
رد كايد:- فيه ينابيع خاصه جنبنا امش بحجز لك واحد!
هزت راسها بسعادة وطلعت معه وتنهدت براحه الاجنبي ماله وجود !
دخلت الينابيع وحجز لها حمام ساخن
دخلت بعد ما لفت المنشفه على جسمها
كايد بينابيع مع مجموعة رجال فيهم الأجنبي وفيهم العربي وطبعاً كلهم علي سراويل!
جلست بالماء الحار وهي تحس بشعور جميل جداً ، بدت تهوجس وهي بمحلها سمعت صراخ وناس تتكلم بصوت عالي وللاسف ما تفهم الانقليزي لفت المنشفه عليها وشعرها المبلل معطيها شكل جذاب بقوه
دورت ملابسها وجتها صدمه من عدم وجودها ي فشلتها مستحيل تطلع كذاا!
شافت جوالها مسكته وهي تشوف رسائل من العيال بالقروب متفقين يطلعون بعد ساعة يلعبون تزلج بثلج!
لفت وهي ترجف والأصوات تعلى وتسبب زياده برجفتها انطق الباب بقوه وكايد يقول:- اطلعييي بسرعه الاجنبي جاء !
فتحت عيونها بدهشه كنها ينقصها ذا الاجنبي قالت بصوت راجف:- كايددد اخذوا الملابس
ما رد ولكن سرعان ما سمعت صرخته حطت يدها على فمها من الصدمه وهي تسمع صوت الاجنبي قربت من الباب وهي تسمع الاصوات ولكن ما تسمع لكايد صوت
دقائق فحسب وزاد صراخ كايد رجفت وهي ما تدري وش تسوي فكرت تدق على العيال بس اذا جو راح يشوفنها بذا الشكل ويعرفونها
ابتسمت وهي تتصل على معاذ وحين رد قالت برجفه:- معاذذذذ تعال للينابيع الي بجنب كوخكم بسرعهههه !
وقفلت بدون تسمع الرد
فتحت الباب اول ما زاد صراخ كايد شهقت وهي تشوفه مبلل بماء حار ودمه يصب من راسه ورجله ما يحركها وكان قد لبس بدلته الفخمه
ركضت له وقالت بخوف:- كايددددد .!
فتح عيونه وقال بحده:- ارجعي داخلل لا يلمسك !
ابتسم الأجنبي وقرب منها وقال بلغته الطلاسم على قولة رحيق
فرحيق كانت بمنشفتها البيضاء الي تاصل لتحت الركبه وتغطي الصدر الى الرقبه
مسك يدها الأجنبي ولكن يد كايد كانت اسرع وهو يسحبها منه وتقع بحضنه ولف يده عليها وقال بغضب:- الله يكسر يدك اذلف !
ما فهم الأجنبي هرج كايد وقرب بغضب
رغم تعب كايد الا انه لف جكيته الطويل المبلل بالماء حطه عليها بحركه سريعه وهو يشدها له وقال بهمس:- والله انك بوجهيي من كل اذئ!
سمع انس قال بدهشه:- كايد !
يتببعععع
انتظروني بعد اختباري
ادري انه قصير لكن عشان اختباري ما قدرت ابد اللهم بارت تصبيري
دمتم بخير
أنت تقرأ
بلاي يوم صرت ولد وانا بنت .
Randomفتاه تجبرها الظروف على اتاخذ قرار صعب ! تنكرها بولد ودخولها لمدرسة عيال . القصه جداً غير عن القصص الي تشبها من العنوان اتمنى تنال اعجابكم . الكتابه: ريـا العتٌيبي
