البارت باذن الله راح يكون طويل وبعد ي حلوين انا اخر بارت نزلته كان شبه طويل تجوني خاص تقولون انه قصير ليش؟
انا اتعب على ما اجمع فكرتين فوق بعضهم واكتبهم , على العموم مره شكراً على تعليقاتكم المحفزه لي بشكل كبيررر
.
.
.
.
وقف كايد ياخذ لهم تذاكر ودفع ولف وشاف نظراتهم وقال:- امشوا ولا يكثر !
ابتسم تركي:- احبك كايد صاير كريم !
قال وهاب:- كريم ولا مبارك !
لف له ظافر:- مره ما يضحك
هز راسه معاذ:- صحيح ادفن سخافتك ذي !
قال وهاب:- قول عو عو وادفنها
دقه معاذ بقهر:- عمرك ما دفنتها !
دخلوا السينما وهم يتفرجون والفعاليات تنتظرهم بقوه !
جلسوا على كراسي السينما وهم يتفرجون الفلم وكان كايد بجنبه رحيق ثم جنب رحيق من الجهه الثانيه معاذ وجنب معاذ انس وكذا باقي العيال متوزعين كلهم ما عدا منصور وتميم الي كانوا عند خوالهم
تتفرج الفلم وهي تحس بقرف من الفلم الرومنسي كل دقيقه لقطه اخس من الي قبلها
صدق العيال قليلن ادب ويدورون الافلام الي مدري شلون صدق ماش
فتحت عيونها بصدمه وهي تشوف البطل بالفلم يقرب للبنت لفت تبعد نظرها بس طاحت عينها بعين كايد الي كان بين لحظه ولحظه يلف يناظر فيها
صارت طماطه!
فل خجل واحراج وهي تاقف بفشله وتقول بتوتر:- بروح للحمام!
طلعت وما اعطتهم مجال يردون
وقف كايد وقال :- بروح اجيب فشار
محد رد من العيال وهم مندمجين مع الفلم
ابتسم بخفه وهو يطلع خلفها شافها واقفه عند باب الحمام وكنها متردده تدخل
قال بهدوء:- امش به مطعم هنيا بنجلس ونتفاهم على كل شئ
ما خلا لها مجال وهو يمسك يدها ويطلعون للمطعم الي بجنب السينما
طلب الاكل وهو يجلس يتامل وجهها وهي متوتره من الوضع الصامت الي بينهم
لين قال كايد بهدوء:- تشرحين لي ؟
بلعت ريقها كلمها بصيغة بنت !
ما تذكر انه كلمها بصيغة بنت من يوم درا الا الحين الوضع يوتر وبقوه
قالت بهدوء:- انا اعاني من زمان من اهلي وأشياء يمكن ما تستوعبها ، هجيت منهم كثير وكل مره يلقوني بسهوله واتعرض للتعنيف منهم ، ابوي دايم يطمع بالفلوس رغم الثراء الفاحش الي فيه فكان يسوي اي شي عشان يكسب من وراي فلوس ، كان يعرضني للناس من حوله ، وكان يعرض اعضائي للبيع ، ما كان يهمه الا نفسه ، نفسه وبس ، اما امي فهي النسخه الثانيه من ابوي سبحان الله الله جمعهم الاثنين مع بعض نفس الطبع ونفس الأهداف ، رحت لمدرسة بنات داخليه ولقوني اهلي ، والحين هجيت لذي المدرسه كاني ولد وابوي شوف عينك قفطني ، بس اختفى من بعد الحريق الي صار بالمستشفى ، تذكر يوم شفت صورتي بجوالك وقلت لي ذي من ؟
ما كانت الا انا
بس كذبت عليك عشان ما انقفط كنت اغطي كل كذبه بكذبه ثانيه ، واكيد تدري ان معاذ وابوك يدرون عني ؟
تنهد كايد وقال بهدوء:- عندي الحل لمعاناتك ذي !
عقدت حواجبها:- والي هو ؟
سكت دقايق ثم قال:- اتزوجك ، وقتها ابوك ما راح يركض خلفك لنك تطلعين من ذمته لذمتي ، راح تكونين بافضل الأحوال معي ، وتتركين المدرسه بلاها تجيبين لروحك مصيبه ، وش قولك؟
ناظرت فيه بدهشه وصدمه اخر توقعها يتزوجها وهي الي كانت بين عيال!
وهي الي كانت تكذب عليه وهي وهي وهي
كيف يعرض الزواج عليها قالت بدهشه:- هاه !
ابتسم بخفه وقال:- ادري صدمتك بس خذي راحتك بتفكير
ثم كمل بضيق:- لكن اعطيك علم قبل كل شي ؟
سكتت وهي تسمعه
وهو كمل بعد ما شاف سكوتها:- ابوي يربي بنت عمي الي ابوها مات ولن عمي كان يعزني وانا صغير شبكوني فيها وانكتبت لي وخطبتها ، صارت بذمتي لها سنتين بذمتي
ما اعرف الا اسمها " ملاذ " زواجنا بعد تخرجي من الطب
كل هرجه صدمها تحس بضيققق وحزن اكتساء قلبها بس ما تدري ليش يمكن لنها فرحت لوهله ان كايد من نصيبها ؟ بعدين طلع من نصيب وحده قبلها؟
قالت بلعثمه وهي تحاول تخفي ضيقها:- ما راح اوافق واكون سبب بخراب بيتكم الي ما انبنا ، بعدين مبي شفقتك انا بكمل دراسه واحمي نفس من ابوي ، اول ما ادخل السن القانوني بحافظ على نفسي أكثر !
وقف وقالت وهي تحاول تكبت حزنها الي بيطلع:- مشكور
مشت وهي تحاول تلم شتاتها وهي تبلع ريقها بهدوء وتحاول تمسح دموعها او تحاول على الاقل ما تنزل تكلمت بهمس:- لا تبكيننن
لفت وهي تشوف العيال طالعين وهم يضحكون وكايد واقف عند باب المطعم وتحس وجهه اسود من كثر الضيق!!
سمعت وهاب يقول لكايد :- ما صارت فشار خلص الفلم وانت للحين تشتري فشار!
طنشه كايد وما رد
نزلت نظرها لساعتها الي كانت هدية العام من عبدالملك شافت الساعه ٨ المساء
فيه وقت تنام قبل ٢ الليل
وقف معاذ عندها وقال بهمس:- واضح دار بينكم كلام حاد ، كل واحد وجهه اسود عسى ما شر ؟
قالت بهدوء:- مامن شي لا تهتم !
تنهد معاذ وهو يروح لكايد وقال بهدوء:- شفيك انت الثاني ؟
ناظر فيه كايد وقال بعد ما تنهد:- كل شي فيني!
مشى كايد وهو يقول بهدوء:- امشوا
ركبت وهم يرجعون من حيث جو حتى العشاء ما تعشو لن كايد رافض يوقف بعذر الوقت تاخر
دخلت قسمها وهي تنام
صحت الساعه ١ وهي تجهز ونزلت عندهم
وشافت فيه ناس بس مو واجد وكان فيه سيارات كبير وكثيره بكل مكان وكان فيه صناديق كبار
الواضح فيها اكل واشياء ضروريه!
مسكت شنطة الظهر حقتها وهي تاقف بضجر وتدور بعيونها على العيال شافت انس وركضت له وقالت:- وينكممم لي ساعه ادوركم
قال انس بنعاس:- اسكت رايد تكفى احس برقد اذا رقدت اسحبني للسياره لا تتركني
ضحكت بخفه وهي تقول :- لا مقدر اسحبك بقعد معك وما نروح
اعتدل انس وقال بقهر:- والله تسويها اذلف محد يعتمد عليك
زاد صوت ضحكها وبلعت الضحكه وهي تسمع كايد يقول:- يالله صباح خير وش ذا الضحك !
طنشته وهي تلف بنظرها بالمكان الناس في تزايد
جاء اب كايد وقال:- يلا ي رجال مشينا
هزو راسهم وركبوا السيارات وهم ما يدرون على المكان المطلوب بس مع الخيل ي شقراء
نامت اول ما ركبت السياره وهي جاهله عن كل شي حولها ....
.
.
.
.
ما قدرت اكتب اكثر من كذا لن كان عندي اشغال جدآ
أنت تقرأ
بلاي يوم صرت ولد وانا بنت .
Randomفتاه تجبرها الظروف على اتاخذ قرار صعب ! تنكرها بولد ودخولها لمدرسة عيال . القصه جداً غير عن القصص الي تشبها من العنوان اتمنى تنال اعجابكم . الكتابه: ريـا العتٌيبي
