بلاي يوم صرت ولد وانا بنت .

١

الروايه من وحي الخيال

وقفت قدام المدرسه وهي تقدم على الي ببالها ابوها وامها أسوأ ما خلق ربي بكل بساطه قال ابوها لها " من واجبك بالبر فينا تبيعين كليتك مقابل انك تبقين معنى واذا ما تبين تبيعين كليتك بيعي نفسك عشاننا" وضحك
وامها قالت لها " حنا عايشين حياة الفقر بيعي كليتك وان تطلب الامر اعضائك عادي!"
اي ام واب يضحون ببنتهم كذا ؟
يبعون صحتها عشان فلوس!
كشرت من ازعاج المدرسه هي الحين صارت من اسم "رحيق " الى اسم " رايد"
امها راح تدورها في المدارس السكنيه للبنات وتدورها بكل مكان واذا لقتها تعرفها راح تبيعها وتتاجر فيها مثلاً اقرب شي ممكن تسويه تاجره زي الراقصات!
عشان كذا قررت تهرب لمدرسة عيال حتى تبني نفسها بنفسها وما تحصلها امها ......
اول ما دخلت المدرسه شافت نظرات الي حولها اكيد مستغربين من شكلها!
تاففتت من صوت الولد الضاحك:- خكري ي عيال! وانا حسببت المدير عنده سالفه يوم قال فيه طالب جديد بصف ثالث ثانوي!
طنشته وهي تشوف المدرسه الكبيره المكونه من جامعه وثانوي ....
هي حجزت لها شقه بتدفع قيمتها من الفلوس الي اعطتهم ايها خويتها الي ساعدتها على هروبها وضبطت معها كل حاجه صدق الصديق وقت الضيق ....
الحين جت بتقدم ملفها والله يعين
مشت وهي تاقف عند باب الساحه ومصدومه من الهوشه بين طلاب جامعيين
واضح انهم شله ضد شله وبينهم عداوه ؟
تكلم واحد بصوت حاد:- اسمع عاد هي هرجه وحده ولا يكثر اشوفك تقرب من واحد من شلتي قسم بالله ما يحصل خير!
رد الثاني وهو يمسح الدم الي على وجهه:- فارق بس لا تحسب اني خفت!
لفت على الولد الي جاء يركض:-  ي عيال هجو الوكيل جاء!
فجاه ما تشوف الا غبرتهم تاففت واضح انها بتلقم هواش مع ذي المدرسه
راحت للمدير وتافهمت معه وطلعت وهي تشوف الشله الي تهاوشت قبل شوي يناظرون لها وهمس واحد:- اظاهر هذا ي عيال الي علم علينا!
رد الطالب الثاني عليه:- هاذي اولتها ؟!
هز رأسه بتوعد:- يتحمل الي يجيه

لفت على الوكيل الي قال لها:- رح لفصلك لا ترجع لبيتك دوامك بداء!
هزت راسها وبهدوء قالت:- ابي كتب طيب
الوكيل وهو يلتفت على الشله نادء بصوته العالي:- ي الليث تعال جاي!
تافف الليث وهو ياقف قدام الوكيل:- نعم؟
الوكيل بهدوء:- الله ينعم عدوك هذا الطالب رائد خذه لفصله وعطه كتب
تكلم الليث بحده:- اسف ما راح اساعد الخكري النمام
لف لها وهو يتكلم ببرود:- اذا من اولها تلعب مع شلتي وتعلم المدير تحمل الي بيجيك
جت بتتكلم وقاطعها بنفس الحده:- لا تجحد العيال شافوك يوم هرجت المدير!
طنشته وهي تلف الوكيل:- تاخرت عن الحصه ي استاذ ؟
مشى الوكيل وهو يقول بفقدان امل بليث وشلته:- امش ي رائد مامن امل بذولا
......
ضحك فارس وهو يتربع على ارض الساحه الخارجية:- هههههههههههههههه طنشك ولا كانك تكلمه شكلك تحفه وانت تطلع شرار من عيونك
ابتسم بندر وهو يتذكر شكل ليث:- ي رجال تمنيت لو معي جوال واصور شكله
لف لهم الليث بحده:- انكتم انت وياه انا اتفاهم معه ذا الخكري المقرف!
راكان وهو يعدل جلسته ويبتسم ل الليث:- ليثي روق انا افدا خشتك , خل الورع مصير الايام تعلمه ما يلعب معنى حنا بذات !
تكلم فارس بحماس:- اكيد اذا درا كايد بيسحب الخكري معه عشان يقهرك ويتشابك معك اكثر !
جاء يركض وهاب بصدمه:- ي عياللل تخيلوا اخر الاخبار!
قاطعه بندر بسخريه:- انا من يوم شفت الركضه قلت ذا معه مصيبه
تنهد الليث وقال ببرود:- شعندك؟
وهاب بنفس الحماس:- فيه هوشه بين شلة كايد و شلة هلال المتنمر  الحقوا ي عيال!
وقفوا العيال بحماس وهم مستغربين سرعة الليث الي دخل يشوف وهو الي اخر همه الهوشات يمكن عشان كايد ولد عمه ؟
رغم انهم عيال عم كايد وليث الا انهم يتهاوشون واذا جاء احد هاوشهم يفزعون لبعض ؟
تكلم فارس بصدمه:- ذا الليث ولا استبدلوه ؟
ضحك بندر بدهشه:- صدق ياليت معي جوال!
..........
دخلت فصلها وهي تشوف الطالب يناظرون فيها حست بتوتر وخوف وهي تجلس على كرسي وقف واحد من الطلاب عندها:- معليش كرسي خويي قم جب لك كرسي من السطح
هزت راسها بتوتر وبرسرعه ردت:- اسفف
وضعت شنطتها على الارض وهي تصعد الدرج شافت شله جالسه ومعهم شاش و واضح انهم كانوا بهوشه بلعت ريقها بخوف وهي تسمع اصواتهم الغاضبه
لفت على الطالب الي كان قبل شوي بفصلها  لحقها وهو يقول:- بساعدك انزل معك الطاوله
هزت راسها:- شكراً
تكلم وهو يهمس:- شلة كايد ذيك ي ولد انتبه منها لا تهرجهم ولا تناظر حتى فيهم!
تكلمت باستغراب:- ليش؟
رد الولد وهو يشيل الكرسي:- هذا ابوه من اغنى رجال المنطقه كلها بختصار فاحش الثراء عشان كذا عادي يقتلك ويدفع ديك الواسطات عندهم فل الفل اشتري سلامتك ولا تقرب منهم
هزت راسها بخوف:- يخرشش !
ضحك الولد على ردة فعلها قال بابتسامة:- انا انس وانت ؟
:- انا رائد
شالت الطاوله بصعوبه وهم ينزلون ودخلوا الفصل....
في الفسحه
نزلت مع انس وهي تشوف هواش قالت بصدمه:- يوم جيت الصبح كانت نفس الشله تتهاوش!
تكلم انس يوضح لها:- شلة الليث ذي اربع وعشرين ساعه هواش لكن هم ارحم من شلة كايد! تدري انهم عيال عم بس العلاقه بينهم ماش وبين ابوانهم ماش؟
لفت باستغراب:- ليش ماش ؟
جلس وهو يمد لها عصير :- ابو كايد هو الكبير وهو الغني وامه غير عن ام ابو الليث واللورث كله كان مكتوب باسم كايد عشان كذا يكرهون بعض
مطت شفايفها بقرف وقالت بهدوء:- الناس تبيع كل شي عشان فلوس !
ناظر فيها باستغراب:- ليش تقول كذا ؟
هزت راسها بهدوء:- ولا شي مجرد كلام فاضي .
قامت وهي تقول بابتسامة:- بروح اشتري ماء انتظرني !
رد انس بابتسامه:- تمام انتبه لنفسك
راحت وهي تمشي بهدوء دخلت للكفتريه وقالت بهدوء:- ابغى مويه لو سمحت!
رد العامل:- هات ٥ ريال!
رد بصدمه:- خير ترا مويه وش ٥ ريال تستهبل ؟
تكلم العامل بغضب:- ما تبي تدفع فارق !
ردت بحده:- يعع غبي يحسب بموت اذا ما شربت من مويتك الحين اشتري عشر قوارير مويه بخمس ريال ي فاشل
لفت وهي تشوف كايد وشلته يناظرون فيها
ياساتر !
ابتسمت بفهاوه وهي تسمع واحد يضحك ويقول:- خكري وفقير !
وضحكوا كم واحد من شلته لفيت بغضب:- سخيف ما يضحك !
انصدم من رده وقام واقف بعد ما كان جالس على الطاوله:- نعم شقلت ؟
ردت وهي ناسيه نفسها:- سخيف ي فاشل!
مستوى التنكيت عندك في الحظيظ!
تقدم لها بغضب وهو يمسك بلوزتها من عند الرقبه:- اسمع ي خكري ي الفاشل انت اظاهر انك ما تعرف من هو طارق ؟
ابتسمت بفهاوه بعد ما حست بالعيد:- والله تضحك كنت امزح !
ضحك كايد وهو يتعدل بجلسته:- خله ي طارق خكري ترا خله يولي!
بعد ما فكها وبعدت عنهم شوي قالت بصوت عالي:- فاشلينن!
وركضت لين وصلت لمكان انس الي قال باستغراب:- وين الماء ليش تاخرت ؟
ابتسمت برعب:- ي رجال فاشلين امش نروح للبقاله الي برا!
عقد حواجبه:- انهبلت كيف نروح؟
هزت كتوفها بفهاوه:- معرف ابي ماء طيب الكفتيره لازوم ابيع كليتي عشان اشتري من عندهم وانا هاج من اهلي عشان كليتي !
رد انس بفهاوه :- هاه! وش تهبد
شهق وهو يشوف شلة كايد تمشي جهتهم:- رايد شوف وراك !
لفت وسرعان ما شهقت ومسكت يد انس وقالت بسرعه:- الهروب نص المرجله امش !
ركضوا الاثنين بسرعه ودخلوا الفصل
تنهدت وهي تشوف انس يكلمها بغضب بس ما تردي وش يقول تحس الخوف قتلها نظرات كايد لها يوم ضحك تخوف والحين جاي يمشي يمها وعلى عينه نفس النظره!
يمه ي الرعب!
دخل واحد من الطلاب وهو يسلم على انس لف عليها وهو يقول لانس:- من ذا! لا تقول مصاحبه؟
هز رأسه انس ببلشه:- صاحبته اليوم بس بالغلط صدقني!
اكتشفت انه مغناطيس مشاكل من اول يوم شلة كايد تلحقه!
ضحك خويي انس وهو يقول لرحيق:- معك شاهر خوي انس شسمك ي الطيب؟
ابتسمت براحه:- رايد!
:- تشرفت
:- الشرف لي
دخل طالب وهو يقول بصوت عالي:- ي عيال به هوشه الحقوا!
تنهدت بضيق من ذي المدرسه رغم انه اليوم الواحد عشرين الف هوشه الا انهم يستمتعون!
انصدمت من يد شاهر الي سحبها هي وانس بفله:- امشوا جوي واجواي الهواشات
وقفوا بنص الساحه والزحمه ما تخليك تشوف الهوشه حشرت نفسها وشهقت هي تشوف طالب واحد لحاله واضح انه من اول ثانوي عليه خمس طلاب من الجامعه!
دخلت وهي مسويه فزعه ودفت الولد الي كان يضرب الطالب الثانوي :- انقلع ي ورع !
ذبحته !
دفها بقرف:- شتبي ي الخكري ؟
ضحك خويه:- هههه خله شكله يبي ينجلد
دفها بقوه وطاحت على الارض بقوه غمضت عيونها وهي تسمع اسمها من انس وشاهر وسرعان ما وقفت على حيلها بخوف من صوت كايد الي قال:- مسوين زحمه انتم !
فارقوا ي هطوف !
بعدين لف للمجموعه المتنمره:- انقلع!
هز راسه وهو يهج ثم لف لي وقال:- فوق انك خكري وفقير اضيف انك ضعيف!
وقفت بغضب:- ي رجال انت اكبر فاشل بالحياه لا تسولف
عم الصمت بالمكان بصدمه
ابتسمت بعد ما جتها لحظة ادراك جت بتهج بس مسك يدها ولواها بقوه وهو يقول عند اذنها بصوت هامس:- الفاشل حطك بقائمة بيخليك تكره المدرسه كره العماء ي خكري دفه بقوه وهو يروح مع شلته ....
....
...
صوتوا وتفاعلوا نكمل تنزيل لكم.....