بلاي يوم صرت ولد وانا بنت .

15

يقول:- اهقى به سلوب تتعامل فيه مع ورع ، بعدين هو ورع شيل القيود عنه مهوب منحاش !
عقد الشرطي حاجبه:- واذا انحاش ؟
رد كايد بثقه:- ما سواء شي عشان ينحاش
ركبوا سيارة الشرطه وبلعت ريقها وهي تسمع الشرطه يطلبون ارقام أباهم !
ي مصيبتها ..............
طول الطريق للمركز تطور طريقه تطلع نفسها وش الشي الي ممكن تسويه وتسلم منهم ؟
التوتر ما خلاء لها مجال تفكر تحس بذي الحظه بذات انها غبيه وما معها عقل لفت على العيال الهادين والغير مهتمين غير شاهر الي يرجف بخوف مثلها والسبب واضح لها العلاقه بين شاهر وابوه معدومه لفت على تميم الي يضحك بصوت عالي طبيعي بيضحك وخلفه ابوه! الاب العظيم عبدالعزيز كم تمنت يكون لها اب رائع مثله يزرع الثقه بعياله ويسندهم بفلوسه وحنانه !
بلعت ريقها وهي تبعد انظارها عن تميم وقفت سيارة الشرطه وزادت نبضات قلبها كم تمنت لو ياقف قلبها مع وقفت السياره وبدل لا يودونها مركز الشرطه يودونها المقبره
استغفرت وهي تقوي نفسها وترفع معنوياتها بكم كلمه نزلوا وهي تشوف كل العيال عليهم قيود الا هي وعيال عبدالعزيز/ كايد ، تميم .
حست بنظرات كايد عليها ولفت له وابتسم لها
عجزت ترد الابتسامه من قوة التوتر الي تحس فيه بس مع ذالك دفت عمرها وهي تمشي معهم وقف معاذ جنبها وقال بهمس:- لا تعطيهم رقم ابوك الحقيقي ! دبر اي كذبه
هزت راسها وهي تحس برغبه بالبكاء بس خلاص اربع وعشرين ساعه تبكي سمجت لزوم تقوي نفسها وتواجه الكل واول اشخص لزوم تواجهم هم ابوها وامها !
وقفوا والشرطه تطلب معلومات كل واحد منهم وجاء الدور عليها
الشرطي بملل:- يلا ي ولد عطني اسمك كامل ؟ واذا معك بطاقة الهويه هاتها !
هزت راسها برفض وقالت برجفه:- ما طلعت بطاقه ! اسمي رايد
عقد الشرطي حواجبه:- كم عمرك ي رايد ؟؟
بلعت ريقها وهي ترد:- ١٧
تكلم الشرطي بحده:- ١٧ ولا طلعت بطاقه ؟؟
طيب هات اسمك كامل ؟؟
ما ردة لن بكل بساطه ما تدري وش اسم ابوها الوهمي الي ببطاقة المدرسه واذا قالت الاسم فعلاً وبحثوا عنه راح يكتشفون كونه شخص وهمي وتدخل من مصيبه لمصيبه اكبر صدق ان حبل الكذب قصير
وقف الشرطي بعدم صبر وقال بغضب وهو يمسك ياقة البلوزه حقتها:- اسمع ي ورع ابوك انا ماعندي وقت ابد اضيعه معك ما راح تطلع من السجن لين تعطينا كل معلوماتك !!
دف كايد الشرطي وقال بحده:- احترم ان الورع عنده مشاعر! ، ذا ورع شغالاتنا ابوي مربيه ومتكفل فيه يعني باختصار ابوي المسؤل عنه معي انا وتميم !
صدمه حلت على مسامعهم كلهم واولهم رحيق!
يومه كذب ما لقاء غير ذي الكذبه هي ولد شغالتهم !!
ابتسمت بتسليك للشرطي الي ناظر فيها من فوق لتحت ثم لف لكايد بعدم تصديق:- شكله ما يوحي انه ولد شغالتكم ، بعدين وش يثبت لي صدق كلامك ؟؟
ابتسم كايد بثقه يشكك فيها الشرطي وقال ببرود:- أسأل ابوي اذا جاء ولا يكثر
انقهر الشرطي من نبرة الغرور الي بصوت كايد اعطاهم نظره وهو يامر الشرطه يحطون العيال بسجن عشان التحقيق معهم ......
.
.
.
دخلوا بسجن مع بعض وسكتوا وسرعان ما ضحك وهاب وخلفه تميم وعم المكان بضحكهم كلهم من كذبة كايد !
تافف كايد من معاذ الي ضمه للمره المليون يشكره ما سواء شي عشان يشكره هالكثر !!!
ابتسم تميم وهو يعلق :- ابوي اول ما يقول له الشرطي كذا بيقول اي ، متاكد ابوي دايم يجاري كايد بالكذب !
رد طارق وهو يوجه كلامه لرحيق:- انت ما عطيته المعلومات لنك خايف من ابوك ؟
ابتسمت على الكذبه الي جتها جاهزه وهزت راسها وقالت بهدوء:- ابوي اذا درا ما راح يعد الموضوع بخير عشان كذا خفت !
ابتسم معاذ على كذبتها وتنهد يوم شافها لفت له وابتسمت بغباء
جاء الشرطي وفتح الباب وقال بهدوء:- الي اقول اسمهم يطلعون كايد بن عبدالعزيز ، تميم بن عبدالعزيز ، معاذ بن متعب ، ظافر بن سعود ، طارق بن مالك ، تركي بن همام ، الليث بن عبدالله ، وهاب بن مشعل ، انس بن مطلق ، بندر بن بدر ، شاهر بن مخلد ، واخر شي ، فارس بن مسفر ،  رايد ما جو اهلك ؟ !
نحتاج معلوماتك عبدالعزيز ما يعرفك واذا ما تكفل فيك لزوم ناخذ معلوماتك !
وهاب همس لتركي:- كان قال اطلعوا كلكم ما عدا رايد ليش يكبر الوضع وينادي واحد واحد ؟
لف له تركي وقلب عيونه ورجع يناظر بشرطي ضربه وهاب بقهر وتقدم يطلع وخلفه تركي المعصب منه
اما هي كانت واقفه وهي تشوف العيال يطلعون واحد واحد بدون لا يلتفتون لها !
ابتلعت ريقها وهي تنزل عيونها للارض معقوله انتهاء كل شي ؟
تبقى هنا وتنسجن ؟
ولا تعطيهم رقم ابوها وتاخذ جزاء كذبها وتنسجن ؟
الله لا يحير مسلم ولا يضعه بمكانها رفعت راسها على الشرطي الي قال بحده:- اطلع ي كايد ابوك برا ليش جالس ؟
لفت بصدمه لكايد الي جالس وراها ولا طلع ما انتبهت له لنها كانت غارقها بفكارها ليش ما طلع ؟
وقف وهو ياقف عندها وقال للشرطي:- ماني طالع تقدر تقفل الباب !
ما تردد الشرطي وهو يقفل الباب ويروح بدون اهتمام
قالت بهدوء بدون ما تناظره:- وش بعد ليش ما رحت ؟
ابتسم وهو يحط يده على راسها وقال:- دخلت ويدك بيدي ، بتطلع ويدك بيدي
ابتسمت وقالت بهدوء:- معلق على ذي الكلمه !
رجع جلس وقال:- انكتم
شمقت له" قلبت عيونها" وهي تجلس جنبه
قال بهدوء:- ليش ما قلت رقم ابوك ؟
قالت بصدق:- لني بينتهي كل شي جميل بحياتي! معليش بس مو كل الآباء ، عبدالعزيز !
ابتسم وهو يناظر الشرطي الي جاهم:- انت الحين ي رايد ببيتنا وهذا يعني ابوي هو ابوك!
لفت له ناظر فيها قال:- انكتم ولا يكثر هرجك
فتح الشرطي الباب وهو يقول:- كايد ورائد اطلعوا!
ابتسم وهو يمسك يدها ويشد عليها
وطلعوا وهي تحس هم وانزاح!
وقفوا وهي تشوف تجمهر ناس واب كايد بين الناس ويناظر فيهم توترت لن ابوهم شخصيه بقوه!
.
.
.
يتبع
تفاعلوا واعذروني على قصر البارت العوض بطريق وبغيت نهاية البارت تكون هادئه .
دمتم بخير