بلاي يوم صرت ولد وانا بنت .

6

نزلت لكم الفجر بارت وهالحين بارت تفاعلوا معي انزل اكثر .....

سكتوا اول ما شافوا مجموعة أشخاص يدخلون واشكالهم ما تطمن تحس الخبث بشكلهم
تكلم واحد وهو يحط نفسه مصدوم:- اوه ما كنا نعرف ان فيه احد موجود  اعذرونا ضعنا على اصحابنا بالغابه والمطر داهمنا وجينا ناوي للكوخ اذا عادي نشارككم؟
كمل خويه بخبث مدروس:- المطر برا قوي اتمنى تسمحون لنا!
كان ما بين الأشخاص الي دخلو بنتين اعمرهم تحس في نهاية العشرين !
وقف كايد وقال ببرود وهو يحس ان وراهم شي :- ادخلوا!
بلعت ريقها وهي تشوف واحد من الأشخاص ينظر لها بنظره مقززه!
وقفت خلف كايد الي كان قدامها وهمست له:- كايد احس لا توافق يخوفون؟
رد كايد بهمس حاد:- كم مره قلت استرجل؟
بعدين اهقى مامن شي يخوف ؟ تراني موجود!
ابتسمت بسخريه على ثقته الزايده وجلست قريب من النار الي شغلوها وهي تشوف الأشخاص عباره عن اربع رجال وبنتين
واشكالهم كلهم اكبار
جلسوا الأشخاص من الجهه الثانيه المقابله للنار تكلم واحد منهم بغباء متصنع:- اظاهر انكم مغامرين من اشكالكم؟ ولا في سبب ثاني لوجودكم للغابه؟
رد ظافر ببرود وعدم راحه :- رحلة عمل!
تكلم نفس الشخص بصدمه متصنعه:- وش عمله الي بالغابه!
رد عليه كايد بحده:- اهقى انه شي يخصنا!
تكلم واحد من الأشخاص الي يرقع لخويه:- مروان ما يقصد! حنا بس نبي نضيع وقت ، الا وش اسمائكم ؟
رد ظافر ببرود:- انا ظافر وذا خووي كايد والي جنبه معاذ وذولا الثنين انس ورائد!
عقد حواجبه واحد منهم:- وش رايد!
احسبه بنت من شكله!
تكلم كايد بغضب ماله مبرر:- انشغل بنفسك بلاها رمي الهرج!
قاطعه انس وهو يبي يخفف الموقف:- الا شسمكم ؟
تكلم نفس الشخص الي هاوشه كايد رد بكرهه:- انا مروان وذا عدنان والي جنبنا علي واخر واحد قاسم اما بنسبه للبنات ذولا سياحيات كانوا يدلونا على اماكن قديمه بذي الغابه بس من المطر ضيعنا الدرب وحاس وضعنا !
ردت وحده من السياحيات زي ما يقولون بدلع:- انا شجون وذي شاديه
مطت شفتها رحيق بقرف من دلعهم
عم المكان الهدوء من صوت الرعد القوي وحبات المطر الكبيره الي تضرب الكوخ بقوه بدت البنت المدعوه بشاديه تصيح بدلع ممزوج بخوف!
واختها شجون نفس الطينه!
لفت لانس الي قال:- احس كايد يسب نفسه يوم سمح لهم يدخلون
ضحكت وهي تقول:- منجد شوف وجهه كنه يقول ساكت ومتحمل .
لف كايد لشلته:- جاني نوم حنا بننام على جنب هناك فيه بالكوخ فراش كبير يكفينا الخمسه!
انصدمت عيشتها يوم جتها لحظة إدراك انها بتنام بنفس الفراش مع اربع عيال ي صدمة عمرها قالت بسرعه:- ما ابي انام انا!
لف لها كايد:- انت انطم! بكره الصبح نسحبك معنا تمشي وانت مصروع!
ردة بسرعه:- ما عليك كايد اذا جاني النوم نمت !
ناظر فيها بهدوء ثم ناظر للأشخاص الي معهم ورجع ناظر فيها ونبنفس الهدوء:- خلك قريب من جهتنا واذا صار اي شي ولو سخيف قومني !
هزت راسها وهي تحس فعلاً بنوم بس مستحيل تنام معهم وبنفس الوقت مستحيل تبقى مع ذولا العمالقه الي يخوفون الحجر!
بس يقولون وش حدك على المر قال الي امر منه وما فيه شي امر من قعدت العمالقه الا النومه بين اربع عيال كل واحد جسمه اكبر من الثاني!
جاء نص الليل والجوء الممطر مستمر ومخيف والأصوات مخيف وذولا العمالقه ما ناموا ويناظرون فيها ويتهامسون؟ تحس النوم يداعب جفونها بس في شي بداخلها يمنع نومها!
غمضت عيونها وهي تسمع واحده منهم يقول:- اظاهر نام!
رد الثاني بهمس واضح لها:- احس ناخذه مع كايد؟ راح نتسلى فيه واضح جميل!
هز رأسه شخص منهم:- اخذه لكن اول شي نخدر كايد لنه خطير وبعدها نصوره بتهديد لبوه عشان الفلوس تجينا اليوم قبل بكره ما ودي نماطل! بعدين نلتفت للحلو ذا ونتسلى فيه!
حست كنه احد كب عليها ماء بارد من الصدمه الي سمعتها! الواضح انهم مخططين ولحقين كايد تحس الحين عرفت ليش الحراس بكل مكان الواضح ان كايد مطارد بسبب ثراه الفاحش!
حست بخطواتهم تقرب لها!
ما تدري وش تسوي لكن الي متاكده منه انها راح تهبد اي ردة فعل والي يصير يصير!
وقفت بحركه سريعه بعد ما مسكها واحد منهم وهي تقول بصوتها الخايف:- ي عياللللل !
حط يده مروان على فمها بغضب:- والله اسمع صوتك اكسر راسك فاهم!
نزلت دموعها بخوف شديد من الأفكار الي اقتحمت راسها حست يد مروان تنبعد عنها وصوت كايد الغاضب:- تحسبوني هطف عشان تسوقونها علي ؟ وفوقها ما اكتفيتم فيني حولتم على رايد؟
رفعت راسها وهي تشوف معاذ وظافر واقفين جنب كايد معقول كانوا صاحين ؟ او معقول كانوا يعرفون كل حاجه؟
قام كايد وضرب مروان بحركه سريعه خلته طريح الارض وبنفس السرعه سحب قاسم تحت صراخ البنات الخايف وصدمة رحيق على سرعته بدفاع عن نفسه وبنفس الوقت هجومه!
كلها كم دقيقه وضربوا مروان وشلته وربطوهم وكايد يقول بحده:- هذا جزاكم لنكم فكرتم تاذوني انا واخوياي ولو سويتم شي كان العقاب اقوى!
وكمل بهدوء:- لا تحسبون خلصنا! القادم ي هطوف اقوى
ثم لف لي وقال بحده:- تعبت وانا اقول استرجل ي خكري ؟ على طول ما عندك حل غير تبكي زي النسوان ؟
قلت بخوف مع تبرير:- ترا اول مره يصير معي كذا احس اني طالع من فلم هندي مع ذي الاحداث
ضحك معاذ وهو ياشر على انس النايم:- ي ولد خلك من رايد وشف انس رغم الصقع والرقع صامل يكمل نومه!
ابتسم ظافر:- الله يرزقني ثقل نومه!
جلس كايد وهو يناظر ساعته:- الساعه ٢ !
مطولين على الفجر
تافف معاذ:- جاني النوم صدق واصلت بما فيه الكفايه
رد ظافر:- خلاص ناموا انا بحرس ذولا الحشرات واذا رايد مهوب نايم يجي عندي نضيع الوقت!
لفت له بنوم:- تكفى ظافر احس قلبي جاء براسي!
ابتسم ظافر بسخريه:- بالله ؟
لفت له ببرائه:- اقسم بالله فيه نبض براسي !
ضحك وهو يضرب على راسها بالخفيف:- اخمد انا افداك !
عطته نظره وراحت تبي تنام لنها فعلاً طفت!
.
.
.
جاء الفجر و وقف المطر وصوت الهدوء عاد من جديد يعم المكان قام وهو يبعد البطانيه عنه تنهد وهو يشوف رايد قريب منه حيل:- ابعد ي ورع شوي وتجي بحظني!
ما شاف رد وهو يناظر ملامح وجهها الهادي ابتسم وسرعان ما نهر نفسه وهو يجلس وبغضب:- رايد ي مال الزق قم لا اتوطى بطنك كنت باخر الغرفه وش جابك عندي؟
عدل جلسته ظافر وهو يرد بضحكه:- تكفى كايد طول الليل وانا اشوفه يتحرك شفته عند معاذ نايم لفيت اناظر الجوء ورجعت اناظر فيه لقيته عندك!
وقف وهو يقول بضجر:- كان حبت حبل وربطتها المره هاذي جنبي بكره احصله بحظني !
ضحك معاذ بخبث:- متاكد ما راح ترفض نومة بحضنك!
لف له كايد بحده لكن سكت اول ما شاف رحيق قامت
بعدها بدقائق شالوا اغراضهم وكايد يقول بهدوء:- قدرت اتواصل مع ابوي وعلمته عنهم وبيجي الحين الحراس ياخذون الشله الضاربه الي داخل!
رد معاذ:- زين الي سويته هالحين وين نروح؟
لف كايد وهو يشوف المكان بهدوء:- امشوا من ذي الجهه!
مشاء ظافر جنب كايد:- الله يستر كايد الدنيا كلها ماء من عقب مطر امس خلنا اكثر حذر ؟
هز كايد راسه وهو يلف لرايد وانس:- اسمع ي ورع انت وياه لا تجوون ورانا تعالوا قدامنا عشان نشوفكم لو تغرقون ما درينا عنكم .
شهقت بصدمه من الي شافته عند رجلها:- داببب ي اميي !
ركض كايد بخوف وتنهد وهو يقول بقهر:- ي كثر ما نشف ريقي وانا اقول ي رايد استرجل كل ما زانت الجلسه خوفتني على قلة سناعه هذا مهوب داب ي فاهي هاذي حشره يسمونها ام اربع واربعين رجل
انس بفهاوه:- ليش اسمها كذا صدق؟
تنهد كايد وهو يقول بنفس القهر :- انا ليش اخترتك انت ورايد؟ ليش ؟ وش احس فيه يوم اخذكم واسحب على طارق وتركي؟
ضحكوا على طريقته بالكلام وكملوا مشي نحوا المجهول

يتبع.....

تفاعلوا حلويني