بلاي يوم صرت ولد وانا بنت .

4

صباح اليوم الثاني
جهزت شنطتها وهي تشيلها وتخرج من الشقه
وتحس كل شي فيها مكسر وبطنها يمغصها بقوه والنفسية بالحظيظ والبكيه محبوسه بعيونها وصلت لمكان التجمع بطلوع الروح وهي تشوف سياره كبيره وفخمه اظاهر لكايد وشلته الباص مو من مقامهم!
مسكت بطنها وهي تحس اللام قاعد يزداد وسمعت صوت يقول بخوف:- رايد انت بخير؟
رفعت راسها وهي تشوف انس وقالت بهدوء:- اي بس مغص بسيط !
تكلم انس وهو يمسك يدها:-  امش فيه ممرض هنا خله يكشف عليك !
شهقت وهي تسحب يدها:- لا انس ما يحتااج
الحين يخف الوجع !
ناظر فيها بهدوء ثم قال وهو يمشي:- حط اغراضك بشاحنه ذيك وامش نركب الباص قبل يمشي!
هزت راسها وهي تروح للشاحنه وحطت اغراضها وهي تتمنى محد يشوف محتوى الشنطه!
ركبوا الباص وبعد ساعتين وصلوا للمكان نزلت وكل شوي اللام يزداد حاولت تخفي الوجع وهي تكلم انس وشاهر:- بالله جيبوا اغراضي معكم ابي ارتاح فيني نوم !
مشى شاهر وهو يقول بسرعه:- ما عليك ازهل بجيبهم لك
مشت وهي تشوف خيمه كبيره وتحس انها فخمه تبي تدخلها بلقافه شهقت يوم شافت حراس وش ذا الهبال الحراس ذولا عشان ايش! حلفت الا تدخل خصوصاً ان كل اربعه يسوون خيمه لهم وهم للحين ما سؤو شي وتبي ترتاح من التعب الي تحس فيه جت بتدخل قال الحارس:- ممنوع الدخول! ارجع لو سمحت!
قالت بهدوء:- عادي بدخل دقائق استريح لين يجوون اخوياي
دفها الحارس بقوه يوم شافها تبي تدخل وقال بغضب:- ما تفهم انت! قلت ممنوع!!
طاحت بالم ورفعت راسها وهي تشوف كايد واقف عندها وقال بغضب للحارس:- قلت لك دخل اخوياي ليش تدفه؟
ناظرت فيه بصدمه!
على اساس يكرهها ؟ على أساس راح يخليها تكره المدرسه ليش تغير للأفضل ؟
تكلم الحراس بخوف:- سيدي انا اعرف اخوياك بس ذا جديد ما عرفته اعذرني
طنشه كايد وهو يمسك يد رحيق:- امش ندخل واضح منتهي من التعب
مسكت يده وهي تدخل وانصدمت من جمال الخيمه من الداخل مو خيمه عاديه ابد
لفت له وقالت باستغراب:- على أساس حنا اعداء كيف صرت خويك
لف لها كايد بابتسامة هاديه:- انا بكيفي اختار اعداي وبكيفي اختار اخوياي!
وانا اقتنعت انك بزر ابو ١٧ ماني حاط راسي برأسك يعني بالمختصر ما بيننا عداوه الحين!
ابتسمت بهدوء وسرعان ما كشرت وهي تمسك بطنها بوجع
تكلم بقلق:- شفيك!
ردة بهدوء:- به حمام هنيا ؟
هز راسه:- شفه اخر المخيم به حمام مبني من زمان اللهم نضفوه اليوم
ثم مسك يدها:- تعال ادلك
طلعوا وشافوا العيال جايين يدخلون لف كايد للحارس:- دخلهم!
ثم لف لمعاذ:- جب شلة الخكري معنا
هز رأسه معاذ باستغراب:- زين بس وين رايحين ؟
رد كايد بسرعه:- دقائق ونجي
دخلوا وكايد مع رحيق راحوا الحمام وانتم بكرامه
تكلم كايد بهدوء:- بنتظرك هنا
هزت راسها ودخلت وسرعان ما امتلت عيونها دموع اول ما ادركت انها بمخيم و ولد هي ومعها الدورة الشهرية!
بكت وهي تمسك بطنها وتحس انها بتنكشف وقتها راح يخرب كل شي وتقضي عليها امهاا!
وابوها ؟ ما راح يقصر ابد كل شي ضغطها من كل جهه ...
طلعت من الحمام بعد ربع ساعة وكانت متوقعه ان كايد راح لكن انصدمت انه موجود!
قرب كايد له وهو يضربها على راسها بالخفيف:- هطف ضنيت انك مت وانت بالحمام انا
قاطع هرجه يوم لحظ عيونها:- داخل الحمام عشان تبكي ؟ ي رجال استرجل وامش يلا العيال ازعاج من اليوم يرسلون لي
استغرب انها ما ردت بشي
مشى بجنبها والهدوء يغلف كل واحد منهم
دخلوا الخيمه وتكلم تركي:- قلت دقائق بس الي صار ساعه خير وش ذا الغطسه ؟
رد كايد وهو ياقف قدام تركي :- اقطع وش ساعه لا تبالغ كلها ربع ساعه!
ثم جلس وكمل كلامه:- وهاذي جلسه وش تبي هالحين ؟
رد ظافر بهدوء:- ما عليك منه كايد اسمع!
كايد:- وش؟
ظافر بنفس الهدوء:- المدير يقول احتمال يجي مطر قوي عشان كذا الغوو الدروس اليوم
كايد براحه:- يسعد دينه !
دخل الليث وشلته وتكلم وهاب ببلشه:- الحارس الي حاطه عند باب خيمتك وش وضعه
كمل فارس الحلطمه:- ي رجال طلع روحي عشان يدخلنا ! لو ما جاء طارق وسحبنا معه كان للحين نتهاوش عند الباب
ضحك تركي على حلطمتهم:- ياخي احب اشوف وهاب وفارس يتحلطمون!
لف كايد لطارق:- وينك هاج من اليوم؟
قاطعه معاذ وهو يقول بدهشه:- وليش شكلك معفوس كذا ؟
رد طارق ببرود:- نزلت على اساس اجيب الاغراض بس لقيت لي هطوف تهاوشت معهم
وقف تركي بحماس:- امششش اكوفنهم لك هالهطوف !
تنهد كايد بملل ولف باستغراب من رايد وشلته الساكتين وخصوصاً رايد يحسه مضيم وبقوه!
سمع انس يكلم رايد بس ما يسمع الكلام الي يدور بينهم زين
وقف الليث وهو يقول:- ي عيال الساعه ٨ امشوا نرقد بكره من الفجور يسحبونك من فراشك المدير متوعد فينا
وقفوا وهم يتحلطمون
حطت فراشها على الارض وهي تشوف شنطتها بزاوية الخيمه اخذتها وهي تروح للحمام ظبطت وضعها وغيرت ملابسها وطلعت ورجعت للخيمه وهي تشوف الوضع هدوء برا الهواء قوي لدرجة تحس انك بتطير؟
دخلت بفراشها بخوف من صوت الهدوء وصوت الهواء القوي!
غمضت عيونها بتعب ونوم
الساعه 1 الليل
جلست بخوف من صوت الرعد القوي مصاحبه صوت الهواء الي يحرك اغصان الشجر ومسبب اصوات مخيفه!
ضمت البطانيه لها بخوف وصاحت اول ما حست بشي مسك يدها وبحركه سريعه يد انمدت على فمها وهو يهمس لها:- ي خكري كم مره قلت لك استرجل وش له تصيح ؟
تنهدت براحه اول ما عرفته والدموع معلقه بعيونها:- خوفتني!
انصدم من الدموع الواضحه بعيونها:- ورع شفييك؟
بكت اول ما قال شفيك وهي تحس مضغوطه من كل شي دايم الاشياء الصعبه بحياتك ما تقدر تبكي وتنقلب الأوضاع وتبكي بابسط المواقف ؟
لنك بكل بساطه تكتم وتنفجر عند الأشخاص والماكن الغلط!
ضمها بهدوء وهو مستغرب انفجارها ومستغرب سكوتها الي طوال اليوم!
يحس تعلق بذا الرايد يتمنى له السعادة والراحه بعيد عن ضغوطات الحياه يحسه بزر على الحياه الي يشوفها بعيون رايد والواضح ان الحياه لاعنه شكله
قال بهدوء يصاحبه قلق :- رايد علامك؟ يوجعك شي ؟ تراني مستعد اساعدك امرني ي ابوي؟
غمضت عيونها وهي تحس ان كل شي قاعد يتفجر بداخلها من كلامه قالت ببحه:- ما فيه شي
ابتعدت عنه وهي تتغطى بالبطانيه:- ولا شي كايد انسى!
ناظر فيها بهدوء ثم قال:- صح تعرفنا على بعضنا بطريقه غبيه ؟ لكن انت هالحين صرت واحد من اخوياي المفضلين واشوفك بحسبة اخوي الصغير! عشان كذا اي مشكله تواجهك انا اول شخص تلجأ له بعد الله! لن باقف معك سواء كنت على صح او غلط اتمنى تفهمني
وقف وهو يقول بهدوء:- تصبح على خير
تسمع كل كلامه وهي تحس الدموع تزيد مع كل حرف يقوله الا اي درجه ذا الشخص حنون؟
نامت من كثر ما بكت بينما هو يراقبها لين نامت ونام
اذن الفجر ليعلن عن صبح جديد ويوم جديد وصفحه جديده ....
تنهد ظافر بطفش:- ي عيال زقت معي وذا الوح ما قام !
قرب له تركي وهو ياخذ كوب الماء:- شف وتعلم!
كب الماء على كايد وهو يشوفه وقف مفزوع من الماء!!
لف بصدمه وفهاوه لتركي الي يضحك وسرعان ما استوعب انه كب الماء عليه
وقف بغضب وهو يشوف تركي هج:- قسم بالله ما اعديها لك !
ضحك تركي وهو يمسك كوب ماء ثاني ومتوجه جهة رايد:- ي رجال بالله اسكت وراقب ردة فعل الحلو!
ضحك فارس وهو يعدل جلسته:- يصيح الحين صيحه ناعمه وقول فارس ما قال
شهق تركي من سطل الماء الي انكب عليه!
وقال بصدمه:- حسبي الله!
تلكم كايد بحده:- الورع عليه حراره لا تكب ماء عشان لا احط بدال صطل الماء عشره صطول!
تافف تركي بضجر:- قاتل المتعه!
جلس وهو يهزها بخفيف:- ورع!
قم قامة قيامة عدوك!
لف له الليث بسخريه وهو يلبس جكيته:- والله لو انه حنا كان كبيت دبل الصطل الي كبيته على تركي علينا عشان نصحاء والحين تصحي الخكري بهدوء!
ضحك فارس:- على هدوك ذا ما راح يقوم!
رد كايد ببرود:- هذا انت قلتها انتم مهوب رايد اهقى فيه فرق بينكم؟
تافف الليث من كايد
ورد معاذ بابتسامة:- اول مره اسمعك تقول رايد دايم تناديه الخكري او الورع!
ما رد كايد وهو يشوف رايد قام من نومه ابتسم على شكله المعفوس وسرعان ما نهى نفسه على تصرفاته معه!
وقف وهو يقول بجمود:- قم ي ورع لي ساعه اقومك!
تاففت من ازعاجه وهي تحس بصداع من كثر ما بكت امس تنهدت براحه من وجع بطنها الي خف قالت بضجر:- ليش قومتوني من النوم ياخي!
تكلم تركي وهو ينزل بلوزته:- المدير بره يصيح يبينا نطلع بذا البرد والمطر عشان يقول محاظرته الميته
حطت يدها على عيونها بخجل من منظره:- ي فويسق وش مقصره معك جهت تبديل الملابس يومك تبدل هنا !
رد تركي باستغراب:- واحد من العيال راح يبدل واظاهر رقد لنه ما طلع وانا مستعجل!
كمل كلامه بالامبلاه:- بعدين عادي كلكم عيال ؟
مشاء كايد وهو يتكلم ببرود:- امشوا نصلي مع الجماعه!
انصدمت وش تصلي!
وقفت بضجر وهي تقوم اهم شي ما تنكشف بتحط نفسها تصلي سرعان ما حست بحرج شديد وهي تشوف ظهر كايد وهو طالع لتو تتذكر انها انفجرت امس عند الشخص الغلط!
تنهدت بضيق وهي تاخذ شنطتها بدلة ملابسها ورجعت للخيمه حطت الشنطه وطلعت وهي مستغربه من صملة الحراس في الحراسه ما تدري وش له الوضع متشدد!
وقفت في صفوف المصلين وهي تحط نفسها تصلي خلصوا صلاه وصفوا طابور ابتسمت وهي تشوف شاهر وانس جوء عندها
تكلم انس بهدوء:- امس رقدنا بدري ولا شفناك
ضرب كتفها بخفه بنسبه له:- كيف الصحه ي حلو اليوم؟
مسكت كتفها بابتسامة تسليك:- بخير! وش عنده المدير مصففنا من بدري
لفت على شاهر الي جلس على الارض وسرعان ماوقف بقرف:- الارض كلهااا ماءء اهخخخ ملابسي راحت فيها!
تنهدت بضجر من فهاوة شاهر:- تشوف الارض ماء تجلس ليش ؟
انس بضجر:- غبي ياخي
ضحك شاهر من اشكالهم ولف على رايد:- نجاوب على سؤال الحلو!
المدير متسلط علينا عشان احرقنا مدرسته!
العيال قالوا لكايد يكلم ابوه يقنع المدير بس ابو كايد رفض وقال تحملوا نتايج اعمالكم ؟
والمدير الحين ناوي بنا شر بس مدري وش!
سكتوا الطلاب وهم يسمعون المدير يقول:- راح نوزع كل خمس طلاب مع بعض من فصول الجامعه والثانوي ونرسلكم للغابه الي جنب المخيم لمدة يوم وكل مجموعة راح يكون معهم ساعه تحدد الموقع بحال ضعتو ياخذها القايد حق المجموعه ونضيف ان مهمتكم تكون العيش بمواد معينه في الغابه الي ما يتحمل وغيرها راح يحصل على عقاب والي يتحمل راح يحصل على جائزه!
لف للوكيل وهو يقول:- الوكيل فهد تعال وزع الطلاب!
وقف الوكيل وهو ينادي بالاسماء وقال بعد ما وزع نص الطلاب:- الطالب كايد! تعال اختر مجموعتك؟
لفت بهمس لانس:- وش معنى هو يختار ؟
رد انس بنفس الهمس:- نتائج الثراء الفاحش
ابتسمت على كلامه وهي تشوف كايد ياقف وهو يقول:- ابي معاذ وظافر و انس ورايد!
رد الوكيل باستغراب:- بس رايد تم توزيعه!
رد كايد ببرود:- قلت ابيه معي ؟
تقدر تغير التوزيع
هز رأسه الوكيل وهو يبدل التوزيع
وبعد ما خلصوا التوزيع قال المدير:- أخذوا الساعه وأخذوا الادوات الي عند المعلمين وانطلقوا!
.
.
.
.
.
البارت طويل وتعبت عليه عشان كذا نزل متاخر اتمنى احصل تفاعل بتعليقات جميله وتفاعل بطل وشكراً