بلاي يوم صرت ولد وانا بنت .

9

لا تخلون الرواية تلهيكم عن ذكر الله

وشكراً مره حلويني على تفاعلكم معي وابشروا بابارتات البطله..

حبيت اسألكم تبون اطول الروايه ونوصلها لفوق ٥٠ بارت ؟
او نقصرها ونخصلها ٢٠ بارت وكذا ؟
لن انا جاء ببالي اوصلها فوق ١٠٠ بارت بس اخاف تملون من طول الرواية عشان كذا اخذ رايكم؟
ويلا نبدأ لا نطول

.
.

وبدوء يسبحون بحماس
حست بشاهر وقف جنبها وهي مستغربه من وين جاء قال:- ليش ما تسبح ؟
ردت ببرود:- ما يخ..
صاحت اول ما حست فيه يدفعها
طاحت بمسبح والماء يتناشر بكل مكان من سقوطها الشبه قوي صاحت بخوف لعدم معرفتها بسباحه حست بايدين على خصرها ترفعها وبحركه سريعه لفت يدينها على رقبته وهي تتنفس بتوتر وخوف سمعت انس يقول بتوتر:- اخاف ما يعرف يسبح طلعه ي كايد!
طلع بسرعه معاذ وهو ياخذ المنشفه
ولحقه كايد وهو يشيل رايد الي متمسك فيه بخوف لفه معاذ بالمنشفه وهي تحس بالبرد والخوف!
وقف كايد بسرعه وهو يمسك رقبة شاهر وقال بغضب:- ليشش ترميه ! ! !
الولد فيه ربووو وفوقها ما يعرف يسببح لا ترفع ضغطي ي شاهر واكفر فييك ،
انتبه لعمرك وابعد عن رايد
تكلم شاهر بتبرير:- والله كنت احسببه يتدلللع عشا....
قاطعه كايد وهو يشد على رقبة شاهر:- خلله يتدلع وش حارق رزك انتت بفهم ؟
تدخل ظافر وهو يبعده عن شاهر وقال بهدوء:- ذبحت الورع! والموضوع انتهاء شف رايد زي الغزال ما به شي !
دفه كايد وهو يقول بحده:- اذلف انت الثاني قسم بالله اني دلخ يوم قطية معكم باستراحه وش حادني على ورعان ومراهقين زيكمم؟
رد شاهر بغضب وقهر:- حنا لو سالمين من رايد كل شي بيكون تمام رايد واحد ..
سكت اول ما شاف كايد متوجه يمه و واضح مو ناوي خير !
هج شاهر ، وظافر ماسك كايد ويرقع وراء شاهر .
تحس برجفه من الهواء البارد وتوتر من لحظة انهم ممكن تنكشف قدامهم! الماء سبب بتلصق ملابسها على جسمها وممكن يوضح انها بنت وقتها بتروح فيها!
ممكن يبلغون عليها بكونها منتحله شخصيه وهميه ؟ او ممكن يستغلون كونها بنت ويسوون لها شي ؟
او ممكن يرجعونها لهلها ؟ وقته بتموت صدق
تنهدت بضيق وهي تحس بنظرات معاذ الي قال بهدوء:- امش رايد بعطيك من ملابسي؟
ناظرت فيه باستغراب:- ملابسك ما تجي كبري ، بعدين الاستراحه جديده امداك تجيب ملابسك؟
مسك يدها وهو يقومها معه ويحس بنظرات كايد عليهم قال بهدوء:- كلنا جايبين ملابسنا عشان نسبح وانا جبت زود للحتياط بس اذا ما تبي بناخذ من ملابس انس اكيد تجي كبرك!
هزت راسها ومشت معه بعد ما اخذوا الاذن من انس انهم ياخذون من ملابسه ..
دخلت الغرفه ومعها معاذ الي دخل وقفل الباب تحت نظراتها المستغربه قالت باستغراب:- وش ، ليش قفلت الب..
قاطعها وهو يقول بحده:- وش جابك عندنا ؟
ليش تتنكرين بشكل ولد على اساس ما راح نكشفك!
شهقت بصدمه وتوترت وكل خليه بجسمها ترقص بتوتر وخوف وهي تحس كل شي تعبت عليه راح هبان منبثا!
قالت بتوتر واضح جداً:- ما فهمت !
رد بغضب:- معكِ دقيقة اذا ما شرحتي كل حاجه الكل بيعرف ونتاكد بعد !
قالت بسرعه وخوف من تهديده:- انا انحديت والله! يقولون وش حدك على المر قال الي امر منه ! وش امر من عيشة ام واب يرمون بنتهم للحرام ؟ ما امر منه شي صدقني!
عشت مع مربيه طول عمري ولما كبرت سفرو  امي وابوي المربيه وقالوا لي بيعي كليتك عشان نحصل فلوس رغم اننا عائلة غنيه ومعنا خير ونعمه ويوم رفضت عصبوا وقالوا كوني رقاصه ؟ وطبعاً رفضت وقالوا اني اعق فيهم وزمان هربت ودخلت مدرسه بنات سكنيه بكل سهوله حصلوني وهالحين هجيت يوم سمعتهم راح يبعوني زي العبييد؟ ما كان لي الا اتنكر زي الولد ثم اكمل دراسه واحصل شهاده واسافر بعيد عن اهلي! ما يحق لك حتى تستحقر الي سويته بدون لا تجرب معاناتي!
قالت بسرعه وهي تشوف هدوءه:- ما كنت بختلط فيكم والله بس انا مغنطيس مشاكل! واسفه بعد!
تنهد وهو يقول بهدوء:- شسمك؟
قالت بفهاوه:- رايد؟
ابتسم وقال:- لا ي دلخه اسمك انتِ؟
ابتسمت بفهاوه وقالت:- رحيق !
هز راسه بتفهم وقال بجديه:- اسمعي ي رحيق انا بتعبر نفسي ما اكتشفت حاجه وبكمل على اساس انك للحين ولد بوقف معك لن انا تمنيت يكون لي خوات ولا حصلت وانتي الحين بمقام اختي عشان كذا بوقف معك وما راح اسمح لحد يكشف امرك!
ابتسمت بامتنان وقالت ببحه:- مره شكراً والله ما انسى جميلك!
بس كيف عرفت
ابتسم وقال:- كنت شاك من شكلك وتصرفاتك وطاح الشك باليقين اول ما طحت بالمسبح وقدرت المح كونك بنت مو ولد ؟
شاف كيف قلب وجهها طماطه قال بابتسامه:- البس والحقنا ي رايد !
وطلع تحت نظراتها وابتسمتها ؟
متاكده لو كان كايد الي كشفها بيشوتها!
تنهدت من ذكرا كايد انسان متقلب المزاج جداً مره معك وعشر مرات عليك ونفس الوضع مع شاهر كانه ثوب وانقلب ما تدري ليش كرهها معقوله عشان تميم ؟
يعع!
بدلت ملبسها بسرعه لكن ما حصلت شاش!
وشاشها الي عليها كله ماء!
ابتسمت اول ما شافت صندوق اسعافات اوليه ولقت به شاش اخذته وهي ترجع للحمام وعقب ما خلصت طلعت لهم لقتهم بصاله وهاب وتركي وفارس وانس يلعبون سوني!
و شاهر وبندر يتفرجون فيهم
اما طارق على جواله يضحك والواضح انه طايح محد سلم عليه!
لفت على الليث وتميم ومعاذ وظافر الي جالسين يتقهون على الارض ويسولفون وكايد جالس على الكنب ويسمع لهم وبيده فنجان قهوه عربيه .
جلست على كنبه منفرده وطلعت جوالها الي عطتها اياه صديقتها " شذى "
فتحته لنها تقفله تخاف يصيدون رقمها ثم يحددون موقعها وتروح فيها!
شافت رسائل كثيره من شذى فتحت اول رساله وكانت
" هييي رحيقييي تكفيين ردييي"
" اسمعي رحيقي امك وابوك بدو يدورون عنككك"
ثم ارسلت شذى صوره لرحيق
فتحت رحيق الصوره وانصدمت وهي تاقف بسرعه خلتهم يلتفتون لها حست رجولها ما تشيلها وهي تشوف صورتها وهي بنت منشورها على مواقع التواصل ومكتوب على الصوره
" تكفون ساعدونا بنتنا رحيق سالم ال''' مختفيه نسأل الله الصبر والسلوان لنا والسعاده والفرج لمن يعثر على ابنتنا و وحيدتنا والي يحصل عليها راح نعطيه مبلغ بمقدار مليون ريال سعودي للتواصل اتصل بنا على الرقم"""""""" والسلام عليكم ورحمه الله وبركاته
متاكده اي احد من العيال يشوف صورتها ذي راح يعرفها حست الدموع تجمعت بعيونها ونست انها بين العيال والكل يناظر فيها
حست بيدين كايد تمسك يدينها الي ترتجف وهو يقول بقلق واضح:- ورع فيك شيي؟
ما ردت وهي تحس فيه يهزها على الخفيف حست بمعاذ واقف جنبه وهو يقول بتوتر:- يمكن تعبان خلنا نوديه للغرفه يرتاح!
دف كايد معاذ وهو يقول:- اذلف انت الثاني الولد شفه مصدوم!
قال تركي وهو يلف للسوني:- اكيد صاد حبيبته الي خانته!
ضربه وهاب بدفاشه وهو يقول بتحليل:- لا اتوقع انه شاف اخته مصاحبه خويه !
لف لهم انس الي كان جالس عندهم:- ي ربي ارزق ذولا عقول
نقز تركي على انس وهو يقول:- شقصدك شقصدك حنا بدون عقول ؟
نقز وهاب عليهم الاثنين وهو يقول:- استغفر ربك!
صاح انس من ثقلهم وهو يقول بصوت عالي:- اههه ي بطني احس احشائي طلعت
قام فارس وهو يبعدهم عنه لف تركي بمزاح وهو يشر على الارض:- اييو وهاب هذا وش ؟
ضحك وهاب وقال:- احشائ انس
ضحك تركي وهو يضرب كفه بكف وهاب وقال:- يالبى الي فاهمين....
بعد نقاش بين معاذ وكايد سحبها كايد معه للحديقه حقت الاستراحه بدون اهتمام لمعاذ الرافض لذا الشي
جلسها عند الشجره وجلس مقابل لها وقال باستغراب من دموعها الي تنزل:- مركب خزان دموع انت؟ شفيك من عرفتك مغل تدمع ؟
مسحت دموعها وهي تقول بغضب:- لا تهرج!
كايد لنك تعيش بغناء فاحش وجنب احبابك تحسب ما فيه شي يبكي؟؟
استغرب كايد انفجارها وقال بجديه:- وش تعاني منه؟
وقفت وهي تقول بحده:- ما يخصك!
قال بحده وهو يسحب يدها بقوه عشان تجلس:- اقول عطني العلم الي عندك ولا يكثر !
جلست وهي تمسك يدها بالم وقالت بقهر:- ياخي انت من مسلطك علي بفهم ؟
تنهد وقال بهدوء:- والله ي رايد تسلطي لصالحك ، قلت لك من قبل وهالحين بعيد اذا بغيت شي انا موجود وبكون معك سواء كنت على غلط ولا صح !
ردت بهدوء:- وش هدفك من ذا ؟
جاوبها وهو يعدل جلسته:- ما عندي هدف ، لا تغتر وتحسب نفسك شخص مهم عندي! انا اعاملك نفس ما اعامل اخوياي الباقي!
ناظرت فيه وهي تحس انها تضايقت من كلامه مع انها ما تدري ليش ضاقت
قالت بهدوء لتغيير الموضوع:- عادي ترجعني للبيت ؟
هز رأسه وهو يوقف دخل للاستراحه شويات وطلع تميم ومعه ظافر وكايد وطلعوا بسياره وركبت معهم
دخلوا الحاره الي هي تسكن فيها
قال ظافر الي يسوق:- هي ي الحلو وين موقع بيتكم؟ الوضع هنا كله شقق ؟
ردت وهي تشر على مباء حق شقق متواضع:- شف ظافر وقف عندك!
عقد حواجبه تميم:- تعييشش هنا !
سكتوا وهي تحس جتها لحظة إدراك انهم المفروض ما يعرفون المكان الي تعيش فيه لن شقتها عباره عن شقة انثى!
سمعت كايد يقول باستغراب:- ليش تعيش بشقه ؟ اهلك وين عنك؟
قالت اول كذبه جت على بالها:- انا اعيش هنا لحالي لن بيتنا بالديره والديره ما فيها مدرسه واهلي ما يقوون يتركون الديره ويعيشون هنا عشاني فجيت هنا لحالي!
عقد حواجبه كايد بعدم رضاء وقال بحده:- تعيش لحالك بشقه وانت مراهق ما بعد تعديت السن القانوني!
أساساً كيف سمحوا لك تعيش بشقتهم وانت مراهق !
ابتسمت ببلشه وقالت بترقيع:- ابوي بعض الأحيان يجي عندي وكذا يعني
فتح الباب كايد وهو يقول بجديه:- انا بنزل معك اليوم وبكره بتشيل عفشك الله لا يهينك وتجي تعيش عندنا!
وكمل عشان ما يسمح لها تعارض:- بيتنا كبير وفيه اقسام واجد وانا بكلم ابوك اقنعه .
بلعت ريقها ببلشه اول بلشه ومصيبه انه راح يدخل شقتها وتنفضح! ثاني مصيبه سالفة البيت وابوها الي ما تدري من وين تطلع لها ابوا ؟
شافته متوجه للشقه ومعه تميم الي لحقه بفضول ولحقهم ظافر ركضت وهي تسبقهم وقالت بتوتر:- القسم حوسسه وفوضى بكل مكان برتب وتدخلونننن
ما عطتهم مجال وهي تركض بخوف......

تفاعل وتعليقات جميله تدعمني اكمل
دمتم بخير