غمض عيونه بالم بعد ما حس بسكين الي انغرست بوسط بطنه وهمس هلال باذن كايد:- نفس السكين الي دخل بنص بطنك بيدخل بنص بطن رايد الي مسوي حراس عليه وانت يبي من يحرسك !
مسك كايد يد هلال الي على بطنه وضغط عليها بقوة وقال بغضب:- اذا كانك ولد امك وابوك قرب منه وشوف وش راح يصير فيك !
جاء بيرد هلال بس قطع هرجه ، و تنهد براحه كايد وهو يشوف المدير داخل بعد ما علمه واحد من الطلاب ان فيه هوشه !
وركضوا العيال لكايد ولف معاذ عمامته على بطن كايد يوقف النزيف
قال المدير بحده:- امشوا مكتبي كلكم !
قال انس:- شدخلنا هم الي معهم أدوات حاده !
قال المدير بعد ما ناظر المكان اشر على هلال :- امش وهات معك اخوياك ، حسابكم عسير !
ابتسم وهاب وقال:- عسير ولا ابها يسعد صباحكم!
الكل ناظر فيه وهو ابتسم بغباء!
عالجو جرح كايد وجروح بعض العيال السطحيه
.
.
هكذا مر هذا اليوم الدراسي ومرت باقي الايام بدون احداث تذكر
وغداً اول ايام العيد الفطر المبارك .
....
....
...
الساعه " ١١ " الليل
كل العيال متجمعين والنيه يروحون للسوق مع بعض يشترون اغراض العيد وحلويات العيد وطرطيعان العيد
ما معها فلوس بس بتروح معهم تغير جو ولا هي مفلسه ما معها ولا ريال
صدق الطفره شينه !
ركبت معهم السياره وناظرت قدام وطاحت عينها بعين كايد وابعدت عنه وهو ابعد عنها بفشله كبيره وهي تتذكر الموقف الي صار معه بظهر رمضان !
وقتها كانت جالسه على التلفزيون الساعه ٢ الظهر وكانت تاكل بعذرها طبعاً !
دخل عليها كايد بعد ما طق الباب ودخل وهو الي كان بيعلمها انهم بيروحون قبل العيد بيوم للسوق وكان خلفه تميم وقتها تدارك الموقف كايد وهو يدف تميم قبل يشوف رحيق وراح بدون ردة فعل!
هذا والله الماقف الحرج
ومن ذاك اليوم وهي متفشله تناظر فيه !
قطعت حبل ذكرياتها وهي تنزل من السياره وتناظر زحمت الناس!
بلعت ريقها هذا السوق كانت تجيه مع اهلها!
صحيح كانت تجيه مع اهلها بس ما كانت تشتري كانت تشيل الاغراض نفس الخدم !
على الاقل الخدم ينذكرون بشي هي لا.....
مشت خلف العيال وهي تسمع حوراهم
تنهد ظافر بطفش:- راح نطول مع ذي الزحمه
وانا اقول برجع اخمد والواضح ما فيه وقت !
رد عليه فارس وهو ياشر على محل:- اطلق محل هنا فل ناس!
قال طارق:- حنا وش كنا نحس فيه يوم نجي وقت الزحمات ؟
مشى كايد بهدوء:- ابوي له محل رجالي هنا نقدر نشتري براحه وناخذ حتى من المستودع
مهوب مشكله!
تبعوه بحماس وقال وهاب:- نشتري ببلاش!
قال تميم بسخريه:- لا تحلم كثير ، احلم على قدك وانا صديقك!
قال انس بقهر:- انت مغرور وشايف نفسك ليه !
قال وهاب وهو يجلس على الرصيف:- وناسه هوشه
قال تميم بغرور:- يحق لي اغتر !
أنت تقرأ
بلاي يوم صرت ولد وانا بنت .
Randomفتاه تجبرها الظروف على اتاخذ قرار صعب ! تنكرها بولد ودخولها لمدرسة عيال . القصه جداً غير عن القصص الي تشبها من العنوان اتمنى تنال اعجابكم . الكتابه: ريـا العتٌيبي
