رجعت لكم ببارت بس قبل كل شي ي حلوين بقول لكم كم شغله مهمه
اول شي بنسبه للي يسأل عن الرواية متى تنزل ؟
تنزل الروايه بشكل يومي الا اذا كان عندي ضغط وخصوصاً ان الفتره ذي فترت اختبارات شهريه فيمكن اسحب اسبوع الا اذا قدرت اكتب!
وثاني شي بنسبه للي يقولون اكتبي ثلاث او اربع بارتات باليوم ي عيوني انتم انا ي دوب اكتب واحد اتمنى ما تضغطون علي
وبعد احب اقول لكم انتم تخيلوا الشخصيات بطريقتكم والامكان بخيالكم تركت لكم حرية الخيال !
وشكراً مره للحلوين الي يدعموني بكلامه رغم بساطته الا انه يحفزني بقوه
ما نطول عليكم يلا نبدا
.
.
.
.
طق الباب شاف شاب عشريني عقد حاجبه كايد:- سم ؟
ابتسم الشاب وقال:- انا جيت ادور ..
قطع كلامه الشاب اول ما شاف ريحق زادت الابتسامه وهو يقرب منها وقال:- كنت ادور عنك ، عمي مقوم الدنيا ومق...
سكت اول ما حطت يدها على فمه تخاف يفضحها قدام كايد يالليل المصايب الي تنرمي عليها كنه ناقصها ؟ اختفوا الاثنين تحت نظرات كايد الهادئه
.
.
مسكت يده وقالت بتوتر:- شتبي انت كيف عرفت مكاني ؟
ابتسم الشاب:- ما عرفت مكانك انا سمعت انك بالحاره ذي فكنت امشي بيت بيت عشان ادورك بس بصدفه شفتك !
تنهدت وقالت باستغراب:- من مين سمعت اني بذي الحاره ؟
هز كتفه بعدم معرفه:- مدري عمي قال لي ، من قال له مدري !
قالت رحيق بهدوء:- عبدالملك ، عادي اطلبك طلب ؟
عبدالملك باستغراب:- سمي ؟
لفت رحيق بارجاء المكان وقالت بعد ما ناظرت فيه:- اسمع ابغى تقول لبوي انك ما حصلتني بالحاره انت تدري عن سوء ابوي ، تكفى لا تكون انت وابوي ضدي !
سكت عبدالملك شوي ثم قال بابتسامة:- ابشري ، انا ما كنت ابحث عنك عشان عمي ابداً ، انا كنت ابحث عنك لني خايف صابك مكروه
ثم كمل بجديه:- عمي مو ناوي لك خير ابد ، مهما يصير فيك لا تروحين له ابوك ان شافك صدقيني ما راح تسلمين منه !
سكتت بهدوء فعلاً ابوها شخص سي واكيد ما راح يعدي لها هروبها منه !
تشعر بكره لذا الاب! معقوله فيه اب مثل سوء ابوها ؟
رفعت نظرها لعبدالملك الي عطاها جواله وقال:- شوفي ، ذي صورتك عمي ناشرها بكل مكان ! ، يدور عنك مو حب فيك للاسف الا عشان شي خطير يدور عنتس !
عقدت حواجبها بخوف:- وش الخطير ؟
ثم كملت بياس:- اتوقع ما فيه شي اخطر من انه بيبيع اعضائي!
تنهد عبدالملك:- للاسف فيه! عمي وقع عقد مع شركاء اجنبيه والشركاء الاجنبيه شركه مشبوهه المهم انه خصر اموال كثيره وتسلف من ذي الشركه ، والحين صاحب الشركه الاجنبيه يطلب ابوك فلوس!
تدرين كيف ابوك حل المشكله ؟
كمل يوم ما شاف منها رد :- بكل بساطه قال بعطيك بنتي زوجه لك وزوجه تسليه يعني فتره و يشوتك ،
ومن سوء حظك صاحب الشركه الاجنبيه شخص عربي و وافق عشان كذا ابوك يدورك الحين !
أنت تقرأ
بلاي يوم صرت ولد وانا بنت .
Randomفتاه تجبرها الظروف على اتاخذ قرار صعب ! تنكرها بولد ودخولها لمدرسة عيال . القصه جداً غير عن القصص الي تشبها من العنوان اتمنى تنال اعجابكم . الكتابه: ريـا العتٌيبي
