بلاي يوم صرت ولد وانا بنت .

32

اسرع بارت في الليل نزلت بارت والحين الصبح بارت لا تجحدونها

نامت اول ما ركبت السياره وهي جاهله عن كل شي حولها ....
.
.
صحت من المطب القوي وفتحت عيونها بتثاقل شافت الساعه ٤ وهم ماشين ٢ يعني لهم ساعتين تقريباً وهم للحين ما وصلو!
قالت بصوت مملو نوم:- متى ناصل ؟
قال ظافر الي كان على جواله:- ما ودي اصدمك بس هالحين بننزل ناخذ طياره ، بنروح لمكان محد يعرفه غير العم عبدالعزيز !

قالت بصدمه:- طياررره !
عمرها حياتها ما فكرت تركب طياره ولا حتى بالحلام وتحس برهابببب كبير منها كيف تركبها ؟..

تكلم شاهر الي شاف صدمتها:- ياساتر ي رايد كنك خايف !؟
قالت بكل صراحه:- اي والله خايف !
ابتسم شاهر بخفه وقال:- من وش تخاف ترى زي السيارات!
طنشته وهي تدعي بقلبها ان الله يقويها

وصلوا لمطار ما كان به الا الناس الي تشتغل به وكم شخص بسيط
قالت رحيق باستغراب:- الأوقات ذي اوقات سفر وين الناس ؟
رد تميم عليها بفخر:- ذا مطار ابوي الخاص ما يجي فيه غير اصحابه واهلهم والناس الي ابوي يعطيهم تصريح للدخول فقط!

اندهشت ولفت من تميم للمطار كلمت فخم قليله عليه ماشاءالله صدققق !

قالت بصوت هامس:- ي ذكر الله .!
لفت على الحرمه الي وقفت ومعها بنت وجت تسلم على كايد وتميم ومنصور

قال تركي لها بخفه:- ذي زوجة عبدالعزيز الرابعه وام ملاذ خطيبة كايد !
فتحت عيونها على وسعها وهي تشوف ملاذ ذي بنقابها و واقفه ولا جت تسلم
واضح من شكلها انها وحده تستحي!
قال وهاب وهو يسأل تركي بغباء:- متزوج اخته !

ضربه تركي وقال:- ي دلخ متزوج بنت عمه
اخ عبدالعزيز مات وما عنده الا ملاذ وعبدالعزيز تزوج ام ملاذ بعد ما مات اخوه فهمت ؟؟
هز راسه وهاب بفهاوه وهو ما فهم بس يسلك
لنه ما فيه حيل يستوعب شي

اما رحيق كانت تناظر بكايد وتناظر بملاذ تحس انهم يحبون بعض وكايد يكذب عليها ؟

بينما هي تراقبهم كان كايد متضايق من وجود ملاذ هنا عمره ما شاف ملاذ الا اخته ليش الحين تصير زوجته ؟؟

لف يناظر رحيق لكن ما شافها موجوده قمز من مكانه وهو يدورها بعيونه بخوف وسرعان ما تنهد براحه وهو يشوفها جالسه على كراسي الانتظار وجنبها وهاب وانس وتركي
لف على ابوه الي قال:- توكلنا على الله ي رجال!
قال لبوه بهمس:- لا يكون عمتي ام ملاذ بتروح معنى ؟
هز ابوه راسه:- اي بتروح بس هم بيكونو بمكان وانتم بمكان وانا انام معهم واطلع معكم !
قال كايد بضجر:- ماهو ضروري يروحون طيب !
سمعته ام ملاذ وقالت بهدوء:- افاه كايد ، ما ودك بنا معك !؟
رد بفشله أنها سمعته خصوصاً هي يستحي منها كثير قال:- لا تفهميني غلط انا افداتس بس ما ودي ابوي يتغربل بيننا وبينكم !
هزت راسها بتفهم وسكتت