بلاي يوم صرت ولد وانا بنت .

19

اتركوا لي عباره تحفزيه لن المدرسه رجعت واحس طيرت شغفي بالكتابه
تفاعلوا
.
.
.
" ابي صوره لكايد وهو نايم مع بنت معك يومين "
ناظرت بجوالها لوقت طويل وهي تحس ان شذى ذي قاعده تنهي كل شي جميل بحياتها يعني ارتاحت هي لذولا العيال مستحيل تسوي لاي واحد منهم أذى !
بس اذا ما سوت لهم اذى شذى بتذيها !
تفكر تقول لمعاذ عشان يساعدها والاكيد انه ما راح يرضى على كايد وبياقف معه
مسكت راسها وهي تلف على تميم الي ضرب راسها وهو يقول بهمس:- مطول وانت جالس ، امشش !
نزلوا وهم يمشون بخفه للمبنى المهجور الي دخلوه كايد والعيال
وقف تميم وهو يهمس للعيال الي وراه بعد ما سمع همسهم:- ورع انت وياه انكتموا!
همس منصور بضجر:- جاكم كايد الثاني قطيعه !
عطاه تميم نظره وابتسم منصور بغباء
قال انس وهو يمسك يد تميم وياشر على وهاب:- تميم شف وهاب حصل له بيت نمل وقعد يتفرج فيهم يقول بيشوف هم عندهم حياه زينا ولا
مسك راسه تميم وهو يقول:- ما الوم كايد يوم رفض يأخذنا !
قال انس:- شدخلني هذا وهاب البزر الوحيد هنا
ضحك شاهر بخفه:- الله يرزقه حياه انسان فاضي
لفت رحيق بنظرها في أرجاء المكان لتو تحس انه مكان كبير ما انتبهت من اول مره دخلته قالت بهدوء:- العيال اختفوا!
مشى تميم وهو يمسك شعر وهاب ويشده بقوه
صاح وهاب بصوت عالي وسرعان ما نقز فوقه تميم حتى يكتمه
قعد يتحرك وهاب بحركه عشوائية حتى يتنفس ابعد عنه تميم وقرب منه وهاب وشد شعره عض تميم على يده حتى ما يطلع صوت صراخه جاء انس وسحب وهاب وقال بغضب:- ي ورع مو وقتك امش
جاء بيضربه تميم بس وهاب ركض قال تميم بهمس:- والله اذا طلعنا من هنا اني افرشك
قال وهاب بصوت عالي:- وش ما اسمعك
ضربته رحيق وقالت بخوف:- فيه صوت ي اخوان
قال منصور وهو يركض للباب بيطلع:- النحشه
سحبه شاهر وهو يتخباء خلف الكراتين الكبار:- دلخ وين ها..
قاطعه منصور وهو ياشر على تميم الي طاحين فوقه وهاب وانس وقال:- اص شف ذولا كيف جوهم رومنسي
ضربه شاهر:- وين الرومنسيه الي تشوفها؟
عقد حاجبه منصور:- لحظه وين ذاك المتشبه بالنساء ؟
لف له شاهر باستغراب:- من ؟ رايد!
هز رأسه منصور:- اي من غيره ؟
ضربه شاهر مره ثانيه وجاء بيتكلم بس سكت وهو يشوف مجموعة رجال يركضون وقال واحد:- جب الاسلاحه بنفجرها براس الدخلاء
همس وهاب لتميم:- ليتهم يفجرونها براسك وراس انس
انصدم انس وقال بخرشه:- شدخلني ياخي
تنهد تميم:- انكتموا بنسمع
جاهم واحد يركض وقال:- ي عيال به خكري الحراس يلحقونه جيبوا السلاح نفجره براسه بسرعه !
ركضوا الرجال واختفوا عن المكان بدون يلاحظون العيال
عقد حاجبه انس:- الخكري رايد؟
بلع ريقه تميم:- ابوك ي البلشه امشوا ندور وين هج
ثم كمل بعد ما جمع العيال:-  والله احس اني ابوكم !
قال وهاب وهو رايح يمشي على عماه:- وانا امهم الي خلفتهم ونستهم وخلتك تبتلش فيهم
مسك تميم شعره وقال بقهر:- اللهم صبرك ي روووح
.
.
.
كانت بتختفي عن الرجال الي جوء بس ما تدري وش سوت حتى تصير بنص المبنى وهم يركضون خلفها وينادون بعضهم باجهزه معهم
شافت أمامها غرفه فتحته ودخلت بسرعه وقفلت الباب خلفها شهقت من الي بالغرفه قالت بصدمه:- يمه من انتم ليش مربطين كذا
قربت من بنت وهي تشيل الي على فمها
وقالت :- وش تسوون!!
قالت البنت بخوف ودموعها تنزل:- انخطفناا يتاجرون بأعضاء جسمنا!!!!!
بلعت ريقها وهي تشوف نفس الأحداث تنعاد عليها ليش وين ما تروح تحصل ناس تتاجر بالأعضاء ؟؟ اكبر مخاوفها
" المتاجره بالأعضاء"
بدت تفك قيود الموجودين وقال واحد:- ترى مو بس متاجره بالأعضاء ذولا يبوعون البنات لمور ما ترضي الله لزم نهرب!
هززت راسها وهي تشوف عدد الي بالغرفه ٥ بنات ٦ عيال قالت وهي تفتح الباب وتناظر من الجهتين:- ما فيه احد امشوا !
قال واحد باستغراب:- انت هنا لحالك
هزت راسها برفض:- لا مع اخوياي
ابتسم الرجل:- حلو
طلعت وهم خلفها لفت على وراء عشان تشوفهم لكن شهقت من الحارس الي رافع السلاح عليهم قالت بخرشه :- هجووو
ركضوا والرصاص صار ينتشر بالإمكان بشكل عشوائي ومن حسن حظهم ما صابهم شي
وهي تركض صدمت بشخص مسكت راسها بالم:- شذا الجدار
رفعت راسها وهي تبتسم بغباء من نظرات كايد الي تخوف
مسك يدها وقال بحده:- شجابكك هنااا !!! وش قايل انا !!؟؟؟؟
بلعت ريقها فهي تحس كايد اكثر شخص يخوف بالحياه وقالت بتبرير:- تميم سحبنا هنا وكنت اصيح ما ابي اجي
رفع حاجبه كايد:- المفروض اصدقك ؟
هزت راسها وهي تبتسم بغباء
دفها وهو يقول بحده:- حسابك بعدين امش ادور اخوياك الضايعين ذولا
اشر الليث على الناس الي وراء رحيق:- ذولا وش
قالت:- ناس وش يعني
ضربه الليث وقال بحده:- مو وقت خفة دمك !
دفه كايد:- لا تضرب
قال واحد منهم:- حنا مخطوفين وخويكم القزم ساعدنا
مطت شفايفها بقهر:- اساعده واخر شي قزم
ضحك طارق بعد ما سمع كلامها
وقال معاذ:- سمعنا صوت طلق نار وجينا نركض بس اختفاء الصوت شصار.؟
جت بترد بس سمعوا طلق نار بالدور الي تحت
ركض كايد بعد ما مسك يدها عشان تركض معه ولحقوهم الباقي نزلوا بدور الي تحت وهي تشوف تميم وشلته بنص والحراس مسوين دائره عليهم
قالت رحيق باستهبال :- هي اخوياي جيتكم
قال وهاب :- اوه خوينا الي ضاع
اشتقنا لك
ضحك تركي يعجبه جو وهاب إلي رغم الظروف مروق
تنهدوا العيال منهم
وقال احد الحراس وهو يوجه السلاح جهت كايد وشلته:- ارفع يدك انت وياه ولا فجرته براسكم ؟
عقد حاجبه وهاب وقال:- شفيه ذا معلق على تفجير الراس
شهق منصور الي دموعه اربع اربع من اليوم وقال:- ابي اميي ولا ودوني عند كاايد
لف تميم بصدمه:- هي انا اخوك زي كايد !!
لف منصور بحده ولا كانه الي يبكي وقال:- اخوي والطقعه انقلع
قال تركي الي رافع يده وهو يكلم الحارس:- لو سمحت عاوز انزل ايدي
ابتسم وهاب:- مني انا يباشه نزل ايدك باوع علي منزل ايد..
صاح وهو يضم انس من طلقة النار الي مرت من جنبه
قال وهو يرفع يده:- استسلم والله
همس انس من وهاب الي ضام وجه انس :- كتمتنييي مقدر اتنفس
دفه وهاب بقوه وهو يسمع منصور يبكي:- شفيه ذا ترا بس بنموت ما راح يصير شي
عطاه تميم نظره ولف على كايد الي قال ببرود:- نزلوا سلاحكم وخلونا رجال برجال بلا سلاح
لف على الي تكلم وقال:- موافق, شسمك بالاول !
رد كايد بهدوء:- كايد
ابتسم الرجال بهدوء:- عجبتني ي كايد معك سفاح !
امر سفاح رجاله يرمون الاسلحه وبدوا ضرب رجل ضد رجل!
بلعت ريقها رحيق وهي تاقف جهت البنات الي انقذتهم وهي تقول لهن انها بتحرسهن
شافت واحد يقرب منها هزيل البنيه وقصير القامه ابتسمت بخرشه بس من الخوف خلته طريح الأرض ما تدري كيف ولا تبي تدري ناظرت فيه وهي ينزف من راسه:- خير بس طرحتك ليش تنزف
شافت واحد يركض ويقول بخوف وهو يمسك الشخص الهزيل بين يدينه وقال:- حمدددد هييي تسمعنيي!!!! ارجوك لا تموت ي عين اخوكك
طاحت عيونها بعيون الرجل اخ حمد الي رفع السلاح بوجهها لفت بنظرها لكايد الي يصيح باسمها وهو يركض جهتها :- انتبه رايدددد انتبههههه!!
حست بسقوط على الأرض صوت طلاقات شي لزج يسيل بغزاره وصرخات تنادي باسمها واسم كايد ارتفعت بعد ما ابتعد عنها الصداع
وهي تشوف نفسها تحت كايد المصاب بكتفه الي اعتدل بعد ما سحبها جهته خوف من ان الرجال المجنون يطلق عليها من جديد
قالت بهمس خايف وهي تشوف الدم الي لطخ ثوبه الابيض:- كايدد دممم!!!!!
ضمها وهو يقول:- دايخ ي رايد!!
كمل وهو يضع راسه على صدرها:- صابك شي ؟
قالت ببحه باكيه:- لا !
تنهد وقال:- لا يصيبك شي
رفع يده بدون لا يرفع راسه وهو يمسح دموعها وقال بهدوء :- استرجل متى توقف بكاء ؟ ما صار شي
ضمت راسه الي على صدرها وهي تشوف نزل يده من وجهها و العيال تجمعوا حولها و معاذ وظافر طايحين بالرجال الي اطلق النار ضرب كانوا يضربونه بقوه لدرجة ما تحرك ابد
دخل شخص من الحراس صرخ  وهو يرجف بخوف وينبه اخوياه :- الشرطه جتتتتتتتتتت
اظاهر بترجع لليل لالي!

.

.

.

كيف البارت ؟؟

تفاعلوا بنجمه وتعليق جميل
دمتم بخير