مشت وهي تحاول تهرب وهي تردد بخوف:- لا تشوفني لا تشوفني تكفى لا تشوفني !
مستحيل تحس للحين بصدمه حتى رجولها ما تشيلها اخر شي توقعته ان ابوها يحظر العزيمه !
انفضحت كل شي صار مكشوف كل شي واضح .
تخبت خلف تميم الي ما انتبه لها وقفت وهي تسمع صوت عبدالعزيز " اب كايد" يقول بحده:- ما اتوقع اني عزمتك ! الباب الي دخلت معه اطلع منه .
رد سالم " اب رحيق" بخبث:- سمعت انك ما تطرد ضيوفك؟ بس الي انا اشوفه عكس الي اسمع عنه ؟
لف كايد لبوه بعد ما سكت واشر عبدالعزيز لولده الكبير يضيف سالم
جلس سالم بشموخ ولا كانه انطرد
تناظر في ابوها من بعيد
وهي تردد بنفسها " عديم كرامه ! "
استغفرت وهي تهمس لتميم
:- تميم برجع انام بغرفتي !
لف تميم وقال بسخرية:- وش مخلوق منه انت؟ كل ما زانت الجلسه نمت !
طنشته وهي تركض لقسمها خوف من ان ابوها يلمح طيفها وقتها بتنتهي!
دخلت الغرفه وهي تقفل الباب بالمفتاح وتجلس على السرير بخوف وتاقف بخوف وتمشي بالغرفه بخوف كل حركاتها يقيدها الخوف !
وش اشين من انك تخاف من شخص من المفترض انه يكون مصدر امانك ؟
صقعت رجلها طرف السرير جلست و بكت بشكل قوي غالباً اكبر الاشياء ما تبكينا نكتمها ومن اصغر موقف نبكي !
قالت بصوت راجف محاوله مواساة نفسها :- عادي رحيق مو صاير شي ، ما درا عنك! كل شي بيكون حلو !
بلعت ريقها وهي تاخذ جوالها استغربت ان شذى ما ارسلت بالعاده عشان تغثها؟
لفت على صوت طرقات الباب
وصوت كايد الي قال:- ي ورع ي كيس النوم على قولة تميم اطلع لا اطلع روحك !
ما سمع رد فضرب الباب بقوه وقال بحده:- افتح ي الخكري !
فتحت الباب وعقد حاجبه كايد من عيونها الحمراء وقال بحده:- كم مره قلت لك استرجل ؟
وكمل بنفس الحده:- كل ما زانت الجلسه بكيت ؟ وش خليت للنسوان ؟ !
دفته بقهر لكن ما تحرك من مكانه :- شتبي ؟ اذلف !
سكت كايد وقال بهدوء:- اسمع رايد
رفعت عيونها له وشافت النظرات الغريبه الي دايم تشوفها بعيونه قالت بهدوء:- وش ؟
تنهد كايد وقال بجديه:- بدور اختك التوأم الي ضايعه وابيك تساعدني !
سكتت تستوعب المصيبه رقم مدري كم وكانه ناقصها شهامة كايد كيف يدور عن توام ماله وجود؟ يبي يدور عنها وهي قدامه!
كمل كايد بابتسامة:- احسك دايم مضيم عشانها مخطوفه عشان كذا بدورها معك !
بلعت ريقها وقالت بتوتر:- كايد انا..
قاطعها وهي يطلع جواله:- بتصل على الرقم الي كان بالاعلان وباخذ منه معلومات تفيدنا !
فتحت عيونها بدهشه الرقم الي بالاعلان رقم ابوها واكيد ان كايد يعرف رقم ابوها او أذا اتصل يعرف صوته!
وقتها بتفتح على نفسها ابواب كانت مقفله وكانه ينقصها
قالت بسرعه وهي تسحب الجوال منه :- مو الحين !
عقد حاجبه كايد وقرب ياخذه منها بس ركضت وبحركه سريعه مسك يدها وطرحها على الارض بخفه وسحب الجوال بكل بساطة وقال بسخرية:- كنت بكسر عظامك بس تذكرت انك خكري ادنى شي يكسرك !
طنشت وهي تاقف
وتطلع من الغرفه تبعها كايد وجاء بيتكلم بس سكت اول ما شاف تركي الي جاء يركض بحماس:- ي انتمممم، امشوا بنشغل الالعاب الناريه سريععع!
ركضت بحماس هاذا الي يجيب راسها والله ابتسمت اول ما شافت السماء تزينها الاون اللاعب النارية
قال تميم وهو يكلم العيال بحماس :- حزرو فزرو فيه فعاليات في الطريق ! الي يتوقع وش الفعاليات له جائزه
ابتسم وهاب:- متاكد بتجيب حديقة حيوان
لف له تميم:- خير ي الطيب وش شايفني
رد وهاب:- معك فلوس
طنشه تميم وقال بحماس:- يلا توقعوا ؟
رد الليث:- جايب دبابات ؟
تافف تميم:- لا !
قال منصور بطفش:- طلب ملعب صابوني
صاحوا العيال بحماس
قال كايد بطفش:- خير عشاني مصائب يعني ؟
ضحك ظافر وقال:- لا تصيح انا العب بدالك !
ناظر فيه كايد وقال:- اذلف ، بلعب رغم الظروف
ابتسمت على منظر اللعب النارية وعلى حماس العيال وبعدين جتها لحظة إدراك ان ابوها داخل
قالت بهدوء وهي تحاول تخفي توترها:- ذاك الي اسمه سالم داخل ؟
قال معاذ بهدوء:- اي !
ناظر فيه فارس وقال باستغراب:- ليش تسأل ؟
قالت باول كذبه جت ببالها:- سألت لن واضح ابو كايد ما يبيه !
قال انس بتذكر وهو يكلم كايد:- اي صدق وش بين ابوك وسالم ذا ؟
رد كايد وهو يحط يدينه بثوبه:- مشاكل شركه! انا بنفسي مدري وش بينهم بضبط
جاء بيتكلم انس بس صاح وهو ياشر على وهاب:- ي راسي وهاب مع العاب ناريه ذولا الشيين ما يجتمعون
قال منصور باستغراب:- الدلخ ليش يركض جهتنا ؟
بلع ريقه تركي:- أحسه بيشغله بشعري !
ضحكت رحيق على خرشة العيال واضح وهاب مطلع لهم قرون كان موجود متى راح ياخذ ألعاب نارية ؟
صاحت اول ما شافت طلقة نار جت برجل الليث الي كان جالس حاله حال نفسه ضحكت بصوت عالي من أشكال العيال حست بلدغه قويه برجلها وصاحت بالم قالت بالم:- عمى يعميك رجليي
تكلم كايد بصوت عالي غاضب:- خلاص عاد ! ترا نار مهوب لعبه ، قلع الي بيدك !
ابتسم وهاب:- اخر حبه للي تحبه ، باقي حبه بفجرها فيك!
عشان يكون ختامها مسك !
قرب كاايد لوهاب بغضب وقال:- انا والله الي بخلي ختامها زق بفمك !
هرب وهاب وصوت ضحكه بكل مكان
جاء واحد وقال:- عشاء تعالوا
دخلوا كلهم الا
رحيق ، انس ، منصور
الي جلسوا برا بالحوش بعدم رغبه للاكل
قال انس وهو يسأل منصور:- متى بيجي الملعب الصابوني ؟ احس متحمس!
قال منصور:- الساعه ١٢ بيجي !
لين الصبح الساعه ٦
قالت رحيق بتذكر:- بتدرسون بكره ؟
قال انس بطفش:- طير مناك ، رمضان ي فاهي من يدرس ؟
قالت بهدوء:- انا بدرس!
قال منصور بعدم اعجاب:- دلخ
رد انس:- معليك منصور ذا مسوي دافور على راسنا و تشوفه طول رمضان شرط غياب وطاقها نومه !
سكتت وهي تشوف اب كايد متوجه لهم
وقف وقال:- رايد ، تعال ابيك بكلمة راس .
بلعت ريقها بتوتر و وقفت معه بهدوء
وراحت معه بتوتر
وقف بمكان منعزل وقال بهدوء:- اخبارك ؟
قالت باستغراب:- طيب !
ابتسم وقال:- قصدك طيبه ؟
ناظرت فيه تستوعب الي قاله وسرعان ما فتحت عيونها على وسعها وقالت بصدمه:- هاه ؟
قال وهو يجلس:- ادري بكل حاجه من اصغر شي لين اكبره!
وكمل بعد ما شاف منها ردة فعل:- انا بذاك اليوم الي طلعتك من السجن ايام سالفة ثنيان اذا تذكرين ؟ استغربت انك ما طلعت معلوماتك! طلب مني الشرطي اجيب معلوماتك من المدرسه اول ما اخذ ملفك حق المدرسه حسيت انه موهوب ملف طبيعي وبعد تحقيق عرفت انه مزور ما قدرت اسلم الملف للشرطه لنهم راح يعرفون كل شي ، عشان كذا قدرت اقفل السالفة بدون لا ينكشف امرك ! واول ما عشتي عندنا اعطيتيني مجال اتعرف عليك اكثر ، وعرفت ان معاذ كاشفك وخليته يعلمني كل حاجه وعرفت معلوماتك الحقيقة وانك بنت سالم الي جالس الحين بوسط مجلسي !
قالت بتوتر:- انا ما قصدي استغبيك...
قاطعها وهو يبتسم بوجهها:- لو اني محلك وابوي سالم كنت انتحرت مو بس اهرب !
جت بتتكلم لكن تحلف انها نست كيف الإنسان يتكلم
وهي تسمع صوت ابوها من خلفها يقول بسخريه مع خبث :- جلسة حبايب بين مراهقه وشايب ؟ شرايكم اجمع عليكم الناس ؟ تخيل وش بجيني من وراء ذا الخبر ؟
ثم كمل بخبث:- وانتي ي حبيبة ابوك ما ودك تسلمين ؟
قطع جوهم قدوم كايد الي قال بهدوء:- يبه فيه رجال يبيك
ثم سكت يستوعب الثلاثة الي هنا وش وضعهم ؟
بينما هي اغمضت عيونها بنهيار دايم حبل الكذب قصير مهما طال زمن؟ينقطع الحبل وتبان الحقائق معقول ذا نهاية طريق حلمها ؟
نهاية حياتها ؟ نهاية كل شي جميل عاشته ؟
اكيد الكل بيدري مو كل مره تسلم الجره !
.
.
.
يتبع
تفاعلوا بنجمه وتعليق محفز
رايكم بابارت ؟
نشوف من افضل الشخصيات عندكم؟
دمتم بخير
أنت تقرأ
بلاي يوم صرت ولد وانا بنت .
Randomفتاه تجبرها الظروف على اتاخذ قرار صعب ! تنكرها بولد ودخولها لمدرسة عيال . القصه جداً غير عن القصص الي تشبها من العنوان اتمنى تنال اعجابكم . الكتابه: ريـا العتٌيبي
