ဖဝါးထက်က ပုလဲသွယ်

ဖဝါးထက်က ပုလဲသွယ် (၇၀)

Translation of Pearl In The Palm.

Translator - Jinnie Grace

ဖဝါးထက်က ပုလဲသွယ် (၇၀)

________

ယဲ့လီကျူးတစ်ယောက် စိတ်မသက်မသာနှင့် ယဲ့ဖူအန်းထံသို့ သွားလိုက်သည်။

ညနေခင်းဆိုတော့ ယဲ့ဖူအန်းက စာကြည့်ခန်းထဲတွင် ရှိနေသည်။

လွန်ခဲ့သည့် နှစ်ရက်က ကိစ္စက သေချာ စဉ်းစားကြည့်မယ်ဆိုလျှင် ယဲ့လီကျူး၏ ဂုဏ်သိက္ခာကိုလည်း ထိခိုက်နိုင်သည်။ သူမက ကျန်းယင်းအာလောက် မပြင်းထန်သော်လည်း ဒုတိယမင်းသားလက်ထဲတွင် သက်ရှည်ဆွဲသီး ရှိနေသည်။ ပထမဆုံးအနေနှင့် လူတွေသံသယဝင်ခဲ့ကြသည်က ယဲ့လီကျူးဖြစ်သည်။ ကောလာဟလတွေက ရှိနေဆဲပင်။

သို့သော် တစ်ယောက်ယောက်က နောက်ကွယ်ကနေ ရှင်းပေးနေဟန်ရှိသည်။

ယဲ့ဖူအန်းက စေ့စပ်သေချာသူမို့ သူ့အလုပ်တိုင်းကို အသေးစိတ်လုပ်သည်။ အထူးသဖြင့် ယဲ့လီကျူးနှင့် ပတ်သက်လာပြီဆိုလျှင်ပေါ့။

ဒီတစ်ခါတော့ စုံစမ်းဖို့ သူ လူတစ်ယောက်ကို လိုသည်။ စုံစမ်းရတာ သိပ်မခက်သော်လည်း သူ့လက်တံက အနောက်ဆောင်ထိ မရောက်ပေ။ သို့သော် သူ့နာမည်နှင့်ဆို တစ်ယောက်ယောက်ကတော့ သူ့အတွက် ကြိုးစားပေးနေမှာပင်။

ယဲ့ဖူအန်းက ခဏလောက်တိတ်နေပြီးမှ ပြန်ပြောသည်။ “သမီး ဒီနေ့ မင်းသားချန်အိမ်တော် သွားတယ်ဆိုတော့ ကျန်းယင်းအာ ဘာတွေဖြစ်ခဲ့လဲဆိုတာကို သိထားပြီးလောက်ရောပေါ့”

ယဲ့လီကျူးက ခေါင်းညိတ်ပြလိုက်သည်။ “သမီးကြားပြီးပါပြီ”

ယဲ့ဖူအန်းက ဆက်မေး၏။ “သမီးနဲ့ ဆိုင်သေးလား”

တကယ်တော့ ဆိုင်သည်။ ယဲ့လီကျူးက ခဏလောက် စဉ်းစားပြီး ပြောလိုက်သည်။ “လွန်ခဲ့တဲ့ ရက်နည်းနည်းက သမီးရဲ့ သက်ရှည်ဆွဲသီး ပျောက်သွားတယ်။ ကျန်းယင်းအာ ခိုးသွားတာဖြစ်နိုင်တယ်။ အဲ့ဒါကို အသုံးချပြီး သူက သမီးကို ချောက်ချတာ။ ဒါပေမဲ့ သူ့ရှူးသူ ပြန်ပတ်သွားတယ်”

ယဲ့ဖူအန်း အစက ဇဝေဇဝါဖြစ်နေသော်လည်း သူ့သမီးပါးစပ်ကိုယ်တိုင်က သူမကို ချောက်ချကြောင်း ထွက်လာလေသည်။