ဖဝါးထက်က ပုလဲသွယ်

ဖဝါးထက်က ပုလဲသွယ် (၇၃)

Translation of Pearl In The Palm.

Translator - Jinnie Grace

ဖဝါးထက်က ပုလဲသွယ် (၇၃)

________

တိရှောင်းစကားတွေကို ကြားပြီးတဲ့နောက်မှာ ယဲ့ဖူအန်းတစ်ယောက် မြွေပွေးခါးပိုက် ပိုက်မိသလို ခံစားချက်ကြီးကို ခံစားနေရသည်။

တိရှောင်းက ဒီလို အချိန်မှာတောင် ဘုရင်အတွက် ခံစားနိုင်သေးတယ်တဲ့လား။

အမတ်ချုပ်ကြီးတစ်ယောက် အနေနှင့် ယဲ့ဖူအန်းတွင် အာဏာအမြင့်ဆုံး ရှိသော်ငြား အလွဲသုံးစား လုပ်တာမျိုးတော့ မရှိပေ။ တခြားလူတွေက မင်းသားတွေဘေး ကပ်ဖားယပ်ဖားလုပ်နေကြချိန်တွင် ယဲ့ဖူအန်းတို့ တစ်သိုက်ကတော့ ကြားနေပင်။ ဘယ်လို အာဏာမျိုးကမှ သူတို့ကို လွှမ်းမိုးတာ မခံခဲ့ပေ။

ဘုရင်အနေနှင့်လည်း ယဲ့ဖူအန်းက သူ့ကို ဘုရင်လိုပဲ ခစားတယ်ဆိုတာ သိသည်။

တိရှောင်းက ယဲ့လီကျူးကို တွေ့ချင်သော်လည်း ယဲ့ဖူအန်းကို ခွင့်တောင်းရသည်။ သူများအိမ်တော်ဆိုတော့ သူ့စိတ်ကြိုက်လုပ်လို့မရပေ။

တိရှောင်းက လူတွေကိုခေါ်ပြီး ကျင်းရွှေဟွမ်ကို ရောက်သွားတော့ အစေခံတွေတောင် အံ့ဩကုန်ကြသည်။ သို့သော် သူတို့ကတော့ ရှောင်ပေးကြပါသည်။

ယဲ့လီကျူးက အိမ်နေရင်းမို့ မျက်နှာချေတောင် လိမ်းမထားပေ။ မနက်ခင်းကတည်းက အိပ်ရာထပြီး သိုးမွေးကို ပျင်းပျင်းရိရိ ထိုးနေခြင်းဖြစ်သည်။ တိရှောင်းက အတည်ပေါက်ကြီး သူမအဆောင်ကို ရောက်လာသည်ကြားတော့ သူမ အံ့ဩသွားသည်။ ယောက်ျားတစ်ယောက်ကို အဖေက ဘာလို့ အဆောင်တော်ထဲ ပေးဝင်ပါလိမ့်။

သူမက ဖိနပ်စီးလိုက်ကာ ခုတင်အောက် သို့ ဆင်းလိုက်သည်။ ထို့နောက အပြင်ဝတ်ကို ဝတ်ကာ ထွက်တွေ့လေ၏။

သေချာသည်။ ထိုသူက တိရှောင်းပင်။ လူကြားထဲတွင် သူ့အရပ်ကြီးက ထင်းနေ၏။

ယဲ့လီကျူးက ဂါရ၀ပြုလိုက်သည်။ “အရှင်မင်းသားက ဒီကိုဘာလို့..”

ဒါက နေ့ခင်းကြောင်တောင်ကြီး ပေါ်တင်ပဲ သူမအခန်းထဲကို တိရှောင်းဝင်လာတာ ပထမဆုံးအကြိမ် ဖြစ်သည်။ သူ့မျက်လုံးကျဉ်းတွေက ယဲ့လီကျူးကို အကဲခတ်နေပြီးနောက် ပြောလိုက်သည်။