ဖဝါးထက်က ပုလဲသွယ်

ဖဝါးထက်က ပုလဲသွယ် (၃၂)

Translation of Pearl In The Palm.

ဖဝါးထက်က ပုလဲသွယ် (၃၂)

Translator - Jinnie Grace

_______   

တိရှောင်းက ယဲ့လီကျူးမျက်နှာလေးကို မော့လိုက်သည်။

သူမက မျက်လုံးလေးတွေ မှိတ်ကာ နှစ်ခြိုက်စွာ အိပ်မောကျနေ၏။ သူမမျက်နှာလေးက နူးညံ့လွန်းသည်မို့ ဖိညှစ်လိုက်သည်နှင့် အရည်လေးတွေပင် ထွက်ကျတော့မလို။

အရမ်းချစ်ဖို့ကောင်းသည်။

သူခေါင်းကိုငုံ့ကာ သူမနဖူးလေးကို ထိထားလိုက်၏။

ကောင်မ‌လေး၏ ခန္ဓာကိုယ်က အနည်းငယ် အေးစက်နေသည်။ သူမက အအိပ်ကြမ်းသည်လားမသိပါ။ သူမအိပ်နေလျှင်စောင်က ကိုယ်ပေါ်မရှိပေ။

သူမက အဝတ်ပါးလေးကို ဝတ်ဆင်ထားပြီး တစ်ဝက်လောက်က လျှောကျနေသည်မို့ သူမပခုံးလေးက ပေါ်နေတော့သည်။

တိရှောင်းက သူမပခုံးလေးကို ကိုင်ထားသည်။

သူမပခုံးလေးက ပါးလျကာ အသားစိုင်လေးတွေက နူးညံ့နေသည်မို့ အနည်းငယ် ညှစ်လိုက်ရုံနှင့်ပင် အရာထင်ကျန်ခဲ့နိုင်သည်။

သူက သူအမနားသို့ တိုးသထက်တိုးသွားပြီး နှုတ်ခမ်းချင်း ထိမိတော့မည့်အချိန်မှာပင် ယဲ့လီကျူးက လူးလွန့်လာကာ သူ့လည်ပင်းထဲသို့ ခေါင်းလေးကို တိုးဝင်လာလေ၏။

တိရှောင်းက သူမဆံပင်တွေကို ဖယ်ပေးလိုက်ကာ သူမနောက်ကျောလေးကိုဖက်ထားရင်း သူမကို ဆက်အိပ်စေသည်။

ဒီတစ်ခါတော့ သူမကို အိပ်ရာပေါ်ပြန်ပို့ဖို့ စိတ်ကူးမရှိတော့ပေ။

ယဲ့လီကျူးက တိရှောင်းရင်ခွင်ထဲဝင်နေရင်း တစ်ညလုံး နွေးထွေးနေခဲ့သည်။ သူမအိပ်မက်ကောင်းတွေ မမက်ခဲ့တာကြာပြီဖြစ်ကာ ဒီညတော့ သူမတစ်ခုမက်ခဲ့သည်။

မင်ဖိုကျောင်းကို သူမအိပ်မက်မက်ခဲ့သည်။ ဆရာတော်ဝူရှင်းက ချင်တီးနေကာ သူမက ချင်ဟွေ့နှင့် ချင်ရွှမ်းတို့နှင့်အတူ ကစားနေခဲ့သည်တဲ့။

သူမငယ်ငယ်က အားနည်းလွန်းကာ ခြေလှမ်းနည်းနည်းလှမ်းရုံမျှနှင့်ပင် မောနေပြီမို့ သူများတွေလို ပြေးလွှားမဆော့နိုင်ပေ။ သူများတွေ ဆော့တာကိုပဲ အမြဲထိုင်ကြည့်နေခဲ့ရသည်။