ဖဝါးထက်က ပုလဲသွယ်

ဖဝါးထက်က ပုလဲသွယ် (၈၃)

Translation of Pearl In The Palm.

Translator – Jinnie Grace

ဖဝါးထက်က ပုလဲသွယ် (၈၃)

________

တိရှောင်းစကားသံထဲတွင် ဒေါသသံပါနေသည်။ “အဲဒါဘာလဲ မင်းသိလား။ ဘာမှမသိဘဲ အကုန် စားပစ်လိုက်တာ သေမှာမကြောက်ဘူးလား”

ယဲ့လီကျူးက ပုလင်းလေးကို တင်းတင်းဆုပ်ထားလေသည်။ “အနံ့လေးကောင်းလို့ပါ။ အရမ်းမွှေးတော့ စိတ်မထိန်းနိုင်ဖြစ်သွားတာ”

တိရှောင်း “....”

သူက ယဲ့လီကျူးလက်ထဲက ဆေးဘူးကို ဆတ်ခနဲ ဆွဲယူလိုက်သည်။ “နောက်တစ်ခါ တွေ့ရာလျှောက်မစားနဲ့။ မင်းက ငါစားဆိုတိုင်း အကုန်လိုက်စားမှာပဲလား”

ယဲ့လီကျူးက တိရှောင်းနှင့် လက်ထပ်ပြီးကတည်းက ဆိုးနေသည်။ ထို့ကြောင့် သူမက တိရှောင်းကို ကျောပေးကာ အိပ်ပစ်လိုက်တော့သည်။

သူမက သူ့စကားကို နားမထောင်ဘဲ စစ်အေးတိုက်ပွဲဆင်နွှဲနေတော့ တိရှောင်းခမျာ သူမကို နောက်သို့ ဆွဲလှည့်လိုက်ရသည်။ “ စိတ်ဆိုးနေတာလား”

သူမကတော့ ကျလာသော မျက်ရည်များကို သုတ်ရင်း တိုးတိုးလေးဖြေသည်။ “မဟုတ်ပါဘူး”

သူမက မကြိုက်တာ သိသာသော်လည်း မဟုတ်ဘူးလို့သာ ငြင်းသည်။

တိရှောင်းက ယဲ့လီကျူး မျက်လုံးလေးကို ပွတ်လိုက်၏။ “ကိုယ် ပြောတာမှားလို့လား၊ မင်းအမှားလုပ်ထားရင် အပြောခံရမှာပဲလေ။ ဒါပေမဲ့ မင်းက အပြောကိုမခံဘူး”

ယဲ့လီကျူးက ဘာမှ မပြောပေ။

“မင်းက တွေ့ရာသာ အကုန်စားနေတာ။ အဲဒါကို စားလိုက်လို့ မင်းမှာ ကျန်းမာရေးပိုထိခိုက်သွားမယ်လို့ မထင်ဘူးလား”

တိရှောင်းက ယဲ့လီကျူးကို ဘယ်သူကမှပြောတာ မခံချင်ပေ။ သူမ အမှားလုပ်လျှင်တောင် ဘယ်သူမှ သူမကို အပြစ်မတင်စေရ။ သူပဲပြောမည်။

ယဲ့လီကျူးက မျက်လုံးလေးကို ပွတ်လိုက်သည်။ “အခုက အိမ်လေ။ ဘယ်သူက အိပ်ရာထဲမှာ အန္တရာယ်ရှိတာ ထားမှာလဲ။ တကယ်ပဲ မကောင်းတဲ့ ဆေးတွေကို ကျွန်မသောက်လိုက်မိတာလား”