ဖဝါးထက်က ပုလဲသွယ်

ဖဝါးထက်က ပုလဲသွယ် (၅၀)

Translation of Pearl In The Palm.

ဖဝါးထက်က ပုလဲသွယ် (၅၀)

Translator - Jinnie Grace

_______

အစကတော့ သူမ အဆင်မပြေ ဖြစ်မိသော်လည်း နောက်ပိုင်းတွင်တော့ နေရတာ အဆင်ပြေလာသည်။

တိရှောင်းက စုတ်တံကို ချလိုက်ကာ ယဲ့လီကျူးကို ငုံ့ကြည့်လိုက်သည်။ “မက်မွန်ပွင့်တွေကို ကြည့်ပါဦး”

တိရှောင်းကို ယဲ့လီကျူးက မော့ကြည့်လိုက်၏။ ဓားကိုင်သောလက်တွေက စုတ်တံလည်း ကိုင်နိုင်သည်။ မက်မွန်ပန်းတွေက တောက်ပကာ အရွက်တွေကလည်း အ‌ရောင်ရွှန်းစိုနေတော့သည်။

သူမဆံပင်လေးတွေက ဖြန့်ချထားသည်မို့ ခါးအထိပျော့နွဲ့ကျနေတော့သည်။

အခန်းက နွေးနေသည်မို့ သူမနှာသီးဖျားလေးတွေပင် ချွေးစို့နေတော့သည်။ သူ့ကို မော့ကြည့်လာသည့် မျက်ဝန်းလေးတွေက ရွှန်းလဲ့တောက်ပေနေ၏။

တိရှောင်းက ယဲ့လီကျူးမေးလေးကို မော့လိုက်သည်။ “ကြည့်လို့ကောင်းလား”

သဘာဝတရားက အတော်လှသည်။

သို့သော် စုတ်တံကတော့ ယားကျိကျိနိုင်နေသည်။

ယဲ့လီကျူးမျက်လုံးထောင့်စွန်းလေးတွေက နီရဲနေ၏။ “ကျွန်မလည်း ပန်းချီဆွဲတတ်တယ်။ အရှင့်ကျောပေါ်မှာ ဆွဲ‌ပေးမယ်လေ”

တိရှောင်းက သူမပါးလေးကို ညှစ်လိုက်၏။ “ဘာပုံဆွဲမှာလဲ”

ယဲ့လီကျူးက အကြာကြီး စဉ်းစားနေပြီးမှ ပြန်ဖြေသည်။ “လိပ်ခွံပုံ”

တိရှောင်း “....သတ္တိတွေ ရှိနေတာပဲ.”

သူက ချက်ချင်းဆိုသလို သူမကို အကြောပိတ်လိုက်သည်။ “မလှုပ်နဲ့”

တိရှောင်း ပုံဆွဲတော်တာကို အပြင်လူသိပ်မသိကြပေ။ သူ့တွင် လူသိပ်မသိသော ဝါသနာတွေ အများကြီး ရှိသည်။

သူက သူမခါးလေးကို တင်းကြပ်စွာ ကိုင်ထားသည်။ သူမ၏ရှိုက်ဖိုကြီးငယ်အသွယ်သွယ်က အတော်လေးကို လှပတင့်တယ်သည်။

လှပသော မက်မွန်ပွင့်တွေက အဝတ်ဖြူပေါ်တွင် အပေါ်သို့တက်ကာ ပွင့်လန်းနေတော့သည်။