ဖဝါးထက်က ပုလဲသွယ်

ဖဝါးထက်က ပုလဲသွယ် (၅၂)

Translation of Pearl In The Palm.

ဖဝါးထက်က ပုလဲသွယ် (၅၂)

Translator - Jinnie Grace

_______

တောင်ပေါ်တွင်ရှိသော ရေပူစမ်းက ဟင်းလင်းပြင်ဖြစ်သည်။

ညနေခင်း ဖြစ်သော်လည်း နေရောင်က ကျန်နေသေးသည်။ ယဲ့လီကျူးက ခေါင်းကို ငုံ့ထားပြီး သူမစကပ်အနားသား အဖြူလေးတွေက နေဟပ်ကာ ရွှေရောင်တောက်နေလေသည်။ သူမက အရမ်းလှပလွန်းကာ ပန်းချီကားလေးတစ်ကားလိုပင်။ သူမလှပုံက ဒီကမ္ဘာက လူနှင့်တောင် မတူပေ။ သွေးမြင်တာနှင့် ကြောက်လန့်သလို အနိုင်ကျင့်လည်း မခံနိုင်ပေ။

ထို့ကြောင့် တိရှောင်းခမျာ ယဲ့လီကျူး သူ့ကို တာဝန်မယူချင်ဘဲ ဆိုးချင်တိုင်း ဆိုးနေတာကိုတောင် လွှတ်ထားပေးရကာ သူမကို နာကျင်အောင် မလုပ်ရက်ပေ။

ယဲ့လီကျူးက ကျောက်သားနံရံတစ်ခုကို မှီကာ ထိုင်နေသည်။ သူမက အင်္ကျီအနီကို ဝတ်ထားသည်မို့ ခန္ဓာကိုယ်နှင့် ချပ်ကပ်နေကာ အသားအရေက ပင်ကိုယ်ထက် ပိုမိုဖြူဝင်းသွားသည်။

ယဲ့လီကျူးက ရေထဲတွင် သက်သောင့်သက်သာကူးခတ်ရင်း သူမမျက်နှာလေးကို ဖော်ကာ တိရှောင်းနား ရောက်လာသည်။ “ရေက သိပ်မအေးဘူးအရှင်။ ဆင်းခဲ့မလားဟင်”

တိရှောင်းကတော့ အဝတ်အစားကို အပြည့်အစုံ သေချာဝတ်ထားကာ ယဲ့လီကျူးကို စိုက်ကြည့်နေလေ၏။

ယဲ့လီကျူးက သူနှင့်အချိန်တစ်ခုကြာ ရှိနေခဲ့သည်မို့ သူစားချင်သလို စားလို့ရနေလေသည်။ ထို့ကြောင့် သူမက ကြီးသည့်နေရာတွေ ကြီးနေလေပြီ။ တစ်ကိုယ်လုံး မဟုတ်သော်လည်း ကြီးရမည့်နေရာတွင်တော့ ကြီးနေလေသည်။

သူမက ကိုယ်ကို ယမ်းလိုက်သည်မို့ အင်္ကျီစက ရေထဲတွင် လူးလွန့်နေကာ သူမကောက်ကြောင်းကို ပိုပြီး ပေါ်စေသည်။ ကြည့်လိုက်ရုံနှင့် သူမ ရင်သားလုံးလုံးလေးက လှလှလေး ဖြစ်နေကာ ခါးလေးကို ပိုသေးသွားစေသည်။

ယဲ့လီကျူးကိုယ်လုံးက တကယ်လှသည်။ နံနက်ခင်းတွင် ပွင့်သော နှင်းဆီပန်းလေးပမာ နူးညံ့နွဲ့နှောင်းကာ မြင်ရသူကို ဆွတ်ခူးစေချင်နိုင်သည်။