تاجر السعادة

الموسم الثاني ( الجزء العاشر )

 وقفنا الجزء اللى فات لما اتضربت بالنار وانا خارج من معمل التحاليل ..... وكريم كان قاعد مع هبه فى الكافيه ..... فجأه كريم شاف واحد معاه مسدس وموجهه ناحيته

كريم : قومى بسرعه
هبه : انا لسه ما خلصتش كلامى
كريم : بقولك قومى مفيش وقت

• اخد كريم هبه وبسرعه راحوا العربيه واتحرك ..... واتحركت وراهم عربيه فيها ناس مسلحه

هبه : ممكن تفهمنى ايه اللى بيحصل بالظبط
كريم : .......
هبه : انطق ورد عليا

• فجأه كريم طلع مسدسه

هبه : انت هتعمل ايه

• شاف كريم العربيه اللى راصداهم وحاول يهرب منها على قد ما يقدر بس مش عارف لحد ما واحد من العربيه بدأ يضرب نار على كريم ..... وكريم بيرد عليهم بالنار برضه لحد ما قدر يصيب واحد فيهم ..... ساعتها هربوا من كريم .... كريم لسه بيعدل نفسه ظهرت قصاده عربيه نقل حاول يتفداها خبط فى الرصيف ..... دماغ هبه اتخبطت فى تابلوه العربيه واغمى عليها

كريم : هبه .... فوقى يا هبه

• فجأه تليفون كريم رن وكان دياب اللى بيتصل

دياب : انت فين يا كريم
كريم : خير يا دياب ايه اللى حصل
دياب : سليم اتضرب بالرصاص
كريم : دى تصفيه جماعيه بقى
دياب : قصدك ايه
كريم : انت فين دلوقتى
دياب : انا فى طريقى للمستشفى
كريم : مسافة السكه واكون عندك

• اتحرك كريم على المستشفى ..... وصل المستشفى وشال هبه ودخل بيها الاستقبال وهناك الدكاتره قاموا بالواجب ..... دخل دياب على كريم وهو واقف مستنى الدكاتره يطمنوه على هبه

دياب : ايه اللى حصل يا كريم

• حكى كريم لدياب كل اللى حصل من اول ما قابل هبه فى الكافيه

دياب : عندك حق يا كريم دى تصفيه جماعيه
كريم : ايه اخبار سليم دلوقتى
دياب : لسه فى العمليات
كريم : والحراسه اللى معاه راحت فين
دياب : الشرطه بتاخد اقوالهم فى اللى حصل
كريم : طب بنات الدكتور سليم فين
دياب : مريم وشرين ولمياء موجودين عند اوضة العمليات ومعاهم حراسه هناك
كريم : طب اطلع انت خليك جمبهم وانا هتطمن على هبه وبعد كده اجيلك
دياب : لازم نبلغ الاخبار للفهد
كريم : استنى دلوقتى لما نتطمن على سليم الاول
دياب : طب انا هطلع للبنات
كريم : روح يا دياب

• بعد ما دياب مشى ..... الدكتور اللى عند هبه خرج

كريم : طمنى يا دكتور
الدكتور : بسيطه متقلقش ..... ايدها بس اتجزعت مش اكتر وهنعملها اشعه على المخ علشان نتطمن ان مفيش ارتجاج لكن اتطمن مفيش حاجه خطيره
كريم : **** يطمنك يا دكتور
الدكتور : هو ايه اللى حصل بالظبط
كريم : مفيش يا دكتور ..... احنا كنا ماشيبن عادى بالعربيه وظهرت فجأه قصادنا عربيه نقل الظاهر السواق بتاعها كان شارب حاجه وحاولت اتفاداه خبطت فى الرصيف
الدكتور : طب حضرتك كويس
كريم : لا انا تمام مفيش اى حاجه
الدكتور : طب تمام ..... على العموم احنا ادناها منوم وهى نايمه دلوقتى
كريم : طب ممكن اشوفها يا دكتور
الدكتور : اه اتفضل بس ياريت ماتزعجهاش وتسيبها نايمه
كريم : حاضر يا دكتور

• نرجع عند دياب قاعد قصاد اوضة العمليات مع مريم ولمياء وشرين ...... البنات منهارين خالص ..... فجأه دخل عليهم يوسف

يوسف : ايه اللى حصل يا مريم
مريم : احنا كنا خارجين من المعمل فجأه عربيه عدت بسرعه ضربت علينا نار ..... سليم تقريبا شافها وهى جايه زقنى على الارض وغطانى بجسمه واخد هو الرصاص
يوسف : والجاردات اللى كانوا معاكم بيهببوا ايه
مريم : فى منهم اللى جرى وراء العربيه بس ملحقوهاش وفى اللى فضل معايا انا وسليم
يوسف : طب هو بقاله كتير فى العمليات
مريم : بقاله ساعتين تقريبا
يوسف : انشاء **** خير
دياب : اهدى يا يوسف وانشاء **** نتطمن عليه دلوقتى
يوسف : تفتكر مين اللى عمل كده يا دياب
دياب : فى ناس كتير مصلحتها فى موت سليم
يوسف : نفس الناس اللى قتلوا الدكتور سليم الجراح قبل كده
دياب : مفيش غيرهم اللى يعمل كده
يوسف : وبعدين بقى احنا مش هنخلص من الحكايه دى ولا ايه
دياب : سيبها على ربك يا يوسف ..... ربك وحده اللى قادر يخلصنا منهم ومن شرهم

• فجأه خرج الدكتور من غرفة العمليات وكلهم راحوا بسرعه للدكتور علشان يتطمنوا

يوسف : طمنى يا دكتور على سليم
الدكتور : مين حضرتك
يوسف : انا اخوه
الدكتور : للأسف مش عارف اقولك ايه
يوسف : سليم حصله حاجه
الدكتور : احنا قدرنا نخرج الرصاص بس للأسف سليم دخل فى غيبوبه ومش هنقدر نحدد ممكن يفوق منها امتى
مريم : يعنى ايه يا دكتور
الدكتور : لحد هنا وحلول العلم انتهت واملنا فى رحمة ****
يوسف : احنا ممكن نسفره بره يا دكتور او ممكن نجيب طقم دكاتره من بره ..... احنا ممكن نعمل اى حاجه بس سليم يوقف تانى على رجله
الدكتور : صدقنى يا فندم هنا زى بره مفيش حد هيقدر يعمله اى حاجه

• فجأه مريم اغمى عليها ..... شالوها ودخلوها اوضه وكشفت لمياء عليها وفوقتها وبعد كده عملولها تحاليل

يوسف : خير يا لمياء ..... مريم فيها حاجه
لمياء : مريم حامل يا يوسف

• مريم اول ما سمعت الخبر اتخضت

مريم : انتى بتقولى ايه يا لمياء
لمياء : زى ما بقولك كده انتى حامل فى اسبوعين تقريبا

• دخلت مريم فى نوبة عياط

لمياء : اهدى يا مريم كده غلط عليكى وعلى اللى فى بطنك
مريم : كان نفسى سليم يكون معايا وانا بسمع الخبر ده
لمياء : بكره يفوق ويعرف ويفرح معاكى
مريم : انا خلاص مش عارفه افرح ولا ازعل
لمياء : انا مقدره احساسك ده كويس ..... بس لازم تفوقى لنفسك وتاخدى بالك من صحتك علشان خاطر اللى فى بطنك
مريم : انا عاوزه اشوف سليم
لمياء : حاضر هخليكى تشوفيه بس شويه كده

• من ناحيه تانيه استر قاعده هى والبيرت

استر : طمنى يا البيرت ايه الاخبار
البيرت : سليم لسه عايش بس دخل فى غيبوبه اما كريم بقى محصلهوش اى حاجه
استر : سليم لازم يموت بأى تمن
البيرت : نعملها ازاى دى بقى
استر : اتصرف يا البيرت ..... شوف اى حد من طقم التمريض فى المستشفى وادفعله اى مبلغ بس المهم يخلصنا من سليم
البيرت : سليم لو مات فى المستشفى وارد جدا يشرحوا الجثه ويكتشفوا انه مات بفعل فاعل
استر : جرى ايه يا البيرت ما احنا عندنا حاجات كتير مش بتظهر فى التشريح
البيرت : برضه انا شايف انها مخاطره خصوصا اليومين دول ..... دلوقتى العيون مفتحه اكتر واى حركه مش محسوبه هتضيعنا
استر : موت سليم دلوقتى مش هيلفت الانظار .... لكن لو استنينا كام يوم زى ما بتقول ساعتها وارد جدا حالته تستقر وفكرة ان احنا نقتله هتلفت النظر
البيرت : برضه هنرجع لنفس المشكله ..... اكيد دلوقتى فى حراسه كامله على المستشفى كلها وعلى سليم بوجه الخصوص
استر : هو فى مستشفى الجراح ولا فين بالظبط
البيرت : ايوا فى مستشفى الجراح اللى فى اكتوبر
استر : عاوزاك تجيبلى كل التفاصيل عن المستشفى دى ..... عاوزه رسم تفصيلى ليها وعاوزه المداخل والمخارج بتاعتها وعاوزه اعرف اى ثغره فى تأمين المستشفى وعاوزاك تعرف سليم موجود فى اى جناح بالظبط وتعرف كمان مين الدكتور المسئول عن حالة سليم وطقم التمريض كمان ..... عاوزه اعرف كل كبيره وصغيره
البيرت : الكلام ده هياخد وقت
استر : مفيش وقت خالص
البيرت : حاضر هتصرف
استر : وعاوزاك تحط عينك على دياب ويوسف وكريم ..... مش عاوزاهم يغيبوا عنك لحظه واحده
البيرت : متخافيش انا امرت الرجاله بكده
استر : لا لازم اخاف لان اللحظه اللى هيغيب فيها اى واحد من التلاته تاكد ان احنا هناخد ضربه تخسرنا بيها كل حاجه
البيرت : انا فاهم الكلام ده كويس
استر : عاوزاك تكلم احمد صقر وتخليه يكون عندى بالليل
البيرت : هو فعلا اتصل وعاوز يقابلك ضرورى
استر : طب خليه يجى الساعه 9 بالليل

• من ناحيه تانيه فى المستشفى دياب وكريم قاعدين مع بعض

كريم : هنعمل ايه دلوقتى
دياب : عاوزك تقعد هنا فى المستشفى تحرس الجماعه وتغطينى علشان لازم اخرج
كريم : رايح فين
دياب : لازم اروح الفيلا عندك علشان ابلغ باللى حصل ونشوف هنتصرف ازاى
كريم : انا شايف انها مجازفه كبيره انك تتحرك دلوقتى ..... اكيد استر مراقبانا كويس جدا
دياب : ماتقلقش انا هعرف اخلع من المراقبه ..... انا عاوزك تشدد الحراسه على جناح سليم ومش عاوز اى مخلوق يدخل عنده غير لما تعرف هو مين بالظبط .... ممنوع اى حد يدخل عنده غير الدكتور وطقم التمريض المسئول
كريم : انا فاهم الكلام ده كويس
دياب : انا عارف انك فاهم بس برضه لازم اكد عليك
كريم : طب روح انت دلوقتى

• خرج دياب من المستشفى واخد عربيته وقعد يلف فى الشوارع وكان فى عربيه تانيه بتراقبه وهو شايفها كويس ..... قعد يلف فى الشوارع لحد ما عرف يهرب من المراقبه وطلع على الطريق الصحرواى وهناك كان بسهوله يقدر يكشف اى مراقبه ..... ساب دياب عربيته وكان فى عربيه تانيه مستنياه ركبها واتحرك على الفيلا الموجود فيها الدكتور سليم الجراح ..... اول ما وصل الفيلا شاف الدكتور سليم وسلم عليه

سليم : ليه جاى لوحدك وفين سليم وكريم ..... وبعدين معادكم لسه بعد نص الليل
دياب : فى حاجات حصلت وكان لازم اجى ابلغها بنفسى يا دكتور
سليم : ايه اللى حصل يا دياب
دياب : سليم اتضرب بالرصاص من كام ساعه
سليم : انت بتقول ايه ..... طب هو فين دلوقتى وحصله ايه
دياب : موجود فى المستشفى
سليم : احكيلى اللى حصل بالظبط

• حكى دياب كل اللى حصل

سليم : كلاب ..... هيفضلوا طول عمرهم كلاب
دياب : انا جيت لحضرتك علشان تقولى اتصرف ازاى
سليم : اهم حاجه بالنسبالى دلوقتى اتطمن على ابن اخويا
دياب : كلام الدكاتره غير مطمئن بالمره ..... علشان كده انا بفكر اسفره بره مصر بس دى خطوه صعبه جدا فى ظل الظروف اللى احنا فيها ..... بره مش هنعرف نسيطر على الوضع لكن هنا كل حاجه فى ايدينا
سليم : مش شرط نسفره بره مصر فى حل تانى
دياب : ايه الحل التانى
سليم : احنا نبعت نجيب طقم دكاتره كامل من بره مصر ..... احسن دكاتره فى العالم ومعاهم طقم تمريض كامل
دياب : انا بالفعل طلبت من المستشفى يجيبوا دكاتره من بره بس هما قالوا ان اى دكتور هيجى مش هيقدر يعمل اى حاجه اكتر من اللى هما بيعملوه
سليم : انا ميهمنيش كل الكلام ده ..... بكره بالكتير لازم الطقم الطبى ده يوصل .... انا معنديش ثقه فى اى حد ..... وبعدين اللى احنا بنتكلم عنه ده مش اى حد .... ده ابن اخويا .... ابن اخويا اللى انا ورطته فى لعبه اكبر منه بكتير ..... ابن اخويا اللى انا حطيته فى وش المدفع بدون اى خبره
دياب : يا دكتور انت عارف كويس ان سليم مش عيل صغير ..... انا كنت فاكر زى حضرتك ان سليم معندوش اى خبره ومش هيقدر يواجه لكن اللى انا شوفته طول الشهور اللى فات بصراحه بهرنى
سليم : انا عارف ان سليم شاطر وذكى وعرف يفهم الشغل بسرعه بس فى حاجه بسيطه كانت ناقصاه
دياب : حاجة ايه
سليم : سليم قلبه طيب وميعرفش الغدر وبيتعامل بحسن نيه بزياده شويه وبسبب كل ده حصل اللى حصل
دياب : هو اه سليم طيب بس مش بيتعامل بحسن نيه وعارف كويس يثق فى مين ويحرص من مين ..... واكبر دليل على كلامى هو اللى عمله مع احمد صقر .... ده غير الورق اللى قدر يوصله وبفضل الورق ده احنا بقينا فى مركز قوى جدا
سليم : وهو فين الورق ده .... انت عارف مكانه
دياب : سليم قالى ان لو حصله اى حاجه فى حد عارفنى وهيوصلنى للورق ده
سليم : وايه اللى يضمنلك ان الشخص ده مايكونش باع سليم
دياب : ........
سليم : ساكت يعنى
دياب : بصراحه انا حاسس ان دماغى هتنفجر
سليم : الكلام دلوقتى مش هيغير اى حاجه ..... اهم حاجه دلوقتى تاخد بالك من سليم وانا هتصرف فى الطقم الطبى النهارده وفى خلال 24 ساعه هيكونوا موجودين
دياب : زى ما حضرتك شايف
سليم : انا لولا انى خايف من المشاكل اللى ممكن تحصل كنت جيبت سليم عندى واخدت بالى منه بنفسى
دياب : تجيبه عند حضرتك ازاى يعنى ومحدش يعرف بوجودك اصلا
سليم : كنت هخطفه من المستشفى
دياب : ايوا علشان يوسف وبنات حضرتك يقلبوا الدنيا وساعتها الصحافه كمان هتشم خبر وفى ظرف كام ساعه هتلاقى خبر بالبونط العريض فى كل الجرايد والمجلات المصريه والعالميه بيقول ما هو سر اختطاف رئيس مجلس ادارة شركات الجراح ..... ساعتها هنبقى كلنا فى خبر كان بعد اسهمنا فى البورصه ما هتوقع
سليم : انا عارف الكلام ده كله
دياب : متخافش حضرتك انا هاخد بالى كويس من سليم
سليم : عاوزك تبعد نهائى عن استر ومتفكرش ترد عليها دلوقتى
دياب : ازاى يا دكتور ..... طب والخطه اللى حطها سليم قبل اللى حصل
سليم : وقف كل حاجه ..... سليم كان حاطط الخطه دى على اساس الورق اللى كان معاه .... لكن احنا مش معانا الورق ده يبقى لازم نصبر لحد ما نوصل للورق ده او نشوف هنتصرف ازاى
دياب : حاضر يا دكتور
سليم : سيبك من الشغل دلوقتى وطمنى على البنات عاملين ايه
دياب : انا سبتهم فى المستشفى منهارين
سليم : خليك معاهم يا دياب
دياب : مفيش اى حد مهما كان هيعوضهم عن غياب سليم
سليم : للدرجه دى اتعلقوا بيه
دياب : اكتر مما تتخيل ..... لمياء بتعتبره اخوها الكبير ..... ومريم بتعشقه عشق
سليم : وشرين بتتعامل معاه ازاى
دياب : انا اسف فى اللى هقوله بس شرين بتعتبر سليم والدها ..... بتاخد رائيه فى كل كبيره وصغيره فى حياتها ومش بتخطى خطوه من غير ما تستأذن من سليم ومستحيل تكسر كلامه
سليم : بقى سليم قدر يعمل كل ده ..... دى شرين عمرها ما سمعت كلامى فى اى حاجه وطول عمرها بتشوف انا عاوز ايه علشان تعمل عكسه
دياب : كل الكلام ده اتغير خلاص
سليم : طب كويس انها اتغيرت ..... بس فى حاجه عاوز اسألك عليها
دياب : اتفضل يا دكتور
سليم : انت قولتلى ان سليم اتضرب بالنار وهو خارج من معمل التحاليل مع مريم
دياب : ايوا يا دكتور
سليم : وايه اللى يودى سليم ومريم معمل تحاليل اصلا ..... هو فى حد فيهم كان تعبان
دياب : لا ده حوار كده
سليم : حوار ايه ده
دياب : مريم كانت مصممه تاخد سليم ويروحوا يحللوا يشوفوا ايه سبب تاخير الحمل لحد دلوقتى ..... وسليم اضطر يوافقها بالعافيه
سليم : وهو يرفض ليه اصلا
دياب : لأن سليم كان عامل تحاليل اصلا قبل ما يتجوز مريم واتطمن على نفسه وكان خايف مريم تعمل تحليل وتكتشف ان عندها مشكله وساعتها ممكن تضايق او تتعب وموافقش يروح المعمل غير بعد ما اتفق مع لمياء على لعبه
سليم : لعبة ايه
دياب : اتفق مع لمياء ان لو تحاليل مريم طلعت كويسه كان بها ولو طلعت فيها مشاكل تقول ان الاتنين عندهم مشاكل وعاوزين يتعالجوا علشان يحافظ على الحاله النفسيه لمريم
سليم : مش بقولك ان سليم طيب وغلبان ..... طب وايه اخبار التحاليل
دياب : ملهاش لازمه خلاص
سليم : ليه بتقول كده
دياب : لأن مريم نفسها حامل
سليم : انت بتتكلم بجد ..... طب عرفتوا ازاى
دياب : بعد ما سليم خرج من العمليات مريم اغمى عليها ولمياء كشفت عليها وعرفت انها حامل ومن ساعتها حزنها زاد اكتر لان كان نفسها سليم يكون معاها فى الوقت ده
سليم : لولا انى خايف من عاقبة اللى هيحصل كنت ظهرت لبناتى وطمنتهم
دياب : خلاص هانت يا دكتور ..... نخلص من استر وبعدها حضرتك تقدر تظهر براحتك
سليم : طب روح انت يا دياب دلوقتى قبل ما اى حد ياخد باله من غيابك
دياب : مش محتاح منى اى حاجه
سليم : عاوزك تبلغ كريم يشدد الحراسه والجاردات اللى كانوا بيحرسوا سليم وقت اللى حصل يسافروا ويجيب طقم جديد
دياب : حاضر يا دكتور
سليم : وخليه يبلغ الجماعه اللى فى فيلا المقطم ان الاجتماع هيتأجل ليوم الخميس
دياب : ليه كده يا دكتور
سليم : لازم اتطمن على سليم الاول
دياب : تمام يا دكتور

• من ناحيه تانيه استر قاعده مع احمد صقر بيتكلموا فجأه دخل عليهم البيرت

استر : فى حاجه حصلت يا البيرت
البيرت : للأسف الرجاله كلمونى وبلغونى ان دياب هرب من المراقبه
استر : ده اللى كنت خايفه منه وحذرتك بسببه
البيرت : هنعمل ايه دلوقتى
استر : هنعمل ايه يعنى ..... اكيد هنستنى المصيبه الجديده اللى هيعملها وهتخلينا نلف وراء بعض علشان نعرف نلحق نفسنا
البيرت : انا قولت من الاول ان احنا لازم نخلص من دياب كمان
استر : على اساس ان رجالتك فالحين اوى وعرفوا يخلصونا من كريم وسليم
احمد : بالنسبه لموضوع سليم انا عندى حل
استر : حل ايه يا احمد
احمد : الدكتور اللى بيتابع حالة سليم ده انا عارفه كويس ويعتبر واحد من رجالتى
استر : واحد من رجالتك ازاى مش فاهمه
احمد : كان بيشتغل عندى فى المستشفى بتاعتى بعدها سافر امريكا واشتغل هناك بعدها رجع اشتغل فى مستشفى الجراح
استر : وايه اللى خلاه يرجع مستشفى الجراح وميرجعش عندك المستشفى
احمد : انا اللى بعته هناك ..... كان لازم يبقالى رجاله عند دياب علشان اعرف الدنيا ماشيه ازاى هناك
استر : يعنى انت عندك ناس تانيه بتشتغل عند دياب
احمد : عندى ناس تانيه بس مش كتير انا لسه يادوب بحاول ازرع رجاله هناك لانى فى الاول كنت واثق فى دياب ومش مدى اى خوانه من ناحيته
استر : خلينا فى موضوع الدكتور ده ..... انت متأكد انك ضامنه
احمد : بقولك ده واحد من رجالتى
استر : انا هديلك حقنه تديها للدكتور بتاعك .... لازم يضرب الحقنه لسليم النهارده بأى تمن
احمد : الحقنه دى بتعمل ايه بالظبط
استر : الحقنه دى هتموت سليم بعد 12 ساعه بالظبط وبالنسبه للطب الشرعى مستحيل يقدر يكشفها ..... السم اللى فى الحقنه قوى جدا وجديد مفيش اى حد يعرفه غيرنا احنا
احمد : هاتى الحقنه وانا هتصرف
• طلعت استر من المكتب جابت الحقنه ورجعت تانى

استر : امسك يا احمد الحقنه
احمد : طب يا دوب الحق اتحرك
استر : اتفضل يا احمد

• مشى احمد من عند استر

• من ناحيه تانيه فى المستشفى ..... كريم قاعد عند هبه فى اوضتها ..... هبه كانت نايمه وكريم قاعد جمبها بيبص عليها

كريم : اول مره اشوفك من قريب كده ..... كان نفسى تبقى مفتحه عينك علشان تشوفينى زى ما انا شايفك ..... تصدقى ب**** الطله فى وشك بترجعلى عمرى كله اللى عدى وبتهون عليا كل الشقى اللى عشته ..... بتصالحنى يا هبه على الدنيا اللى اتعودت تاخد منى واول مره تدينى ..... اول مره تدينى الحلم اللى كنت خايف احلمه .... ااااااه .... هو ده بقى اللى اسمه النصيب

• فجأه هبه فاقت

هبه : ما انت بتعرف تقول كلام حلو اهو
كريم : ايه ده انتى صاحيه من امتى
هبه : فوقت من شويه ولما حسيت بيك قاعد جمبى عملت نفسى نايمه علشان اشوفك هتعمل ايه
كريم : قلقتينى عليكى
هبه : مين الناس اللى طلعت علينا ..... واضح انهم كانوا قاصدينك
كريم : ده اللى كنت خايف عليكى منه وعلشان كده كنت ببعدك عنى
هبه : انا هسألك سؤال واحد وعلى اساسه هحدد مصير علاقتنا
كريم : اتفضلى اسألى
هبه : انت بتعمل حاجه غلط
كريم : حاجه غلط ازاى مش فاهم
هبه : يعنى بتشتغل شغل شمال انت ودياب وسليم
كريم : شغل شمال ازاى
هبه : يعنى مخدرات ولا سلاح ولا اى حاجه من الزفت اللى بنسمع عنه
كريم : انتى تصدقى عننا حاجه زى دى
هبه : يبقى من حقى اعرف مين الناس اللى طلعت علينا وكانوا عاوزين يقتلوك
كريم : الأنسان اللى شغلته يدافع عن الناس وحقوقهم لازم هتلاقيله اعداء ومستعدين يعملوا اى حاجه علشان يبعدوه عن طريقهم
هبه : يعنى انتوا مش بتشتغلوا شمال
كريم : لا طبعا
هبه : يبقى تسيبنى اواجه مصيرى معاك وانا راضيه بالنهايه مهما تكون
كريم : يبقى كده انتى بتكتبى نهايتك بأيدك ..... انتى ماتستحقيش حياتى الصعبه ..... انتى المفروض تتجوزى واحد شبهك ظروفه زى ظروفك تعيشوا مع بعض فى امان وسعاده
هبه : سعادتى معاك انت ولو كانت مع غيرك تغور مش عاوزاها
كريم : .......
هبه : ساكت ليه
كريم : مش عارف ارد عليكى بأيه

• فجأه تليفون كريم رن وكان دياب

كريم : ايوا يا مستر دياب
دياب : هو فى حد جمبك
كريم : انا فى المستشفى يا فندم ..... خير فى حاجه
دياب : انا خلصت وراجع فى الطريق للمستشفى ..... طمنى على سليم
كريم : لسه الحاله زى ما هى مفيش اى جديد
دياب : وبالنسبه للحراسه
كريم : الحراسه ماليه المستشفى وانا كل شويه بطلع اتمم عليهم
دياب : تمام يا كريم ..... على العموم انا فى الطريق وساعة زمن بالكتير وهكون عندك
كريم : تمام يا فندم

• قفل كريم مع دياب

هبه : هو ايه فى بالظبط
كريم : فى ايه ازاى مش فاهم
هبه : حراسة ايه اللى ماليه المستشفى وايه الحاله اللى زى ماهى ومفيش فيها جديد
كريم : سليم اتضرب بالرصاص ودخل فى غيبوبه
هبه : سليم مين .... اوعى يكون سليم الجراح
كريم : ايوا ..... وحكى كريم كل اللى حصل
هبه : مريم والبنات فين دلوقتى
كريم : موجودين فى الدور اللى فوق ..... مريم رافضه تسيب المستشفى من غير سليم وشرين ولمياء قاعدين معاها
هبه : حد فيهم عارف انى موجوده هنا فى المستشفى
كريم : لا محدش فيهم يعرف حاجه
هبه : انا لازم اطلعلهم واتطمن عليهم
كريم : تروحى فين انتى لسه تعبانه
هبه : متخافش عليا انا كويسه بس لازم اكون جمبهم
كريم : زى ما تحبى

• قامت هبه وعدلت نفسها وطلعت عند مريم فى اوضتها وكان قاعد معاها لمياء وشرين وكانوا فى قمة الحزن ..... سلمت عليهم وقعدت معاهم

لمياء : رابطه ايدك ليه يا هبه
هبه : لا بس وقعت عليها واتجزعت
لمياء : الف سلامه عليكى يا حبيبتى
هبه : طمنونى على سليم
لمياء : ادعيله يا هبه
هبه : **** يقومه بالسلامه

• بعد ساعه دياب وصل المستشفى وكان كريم ويوسف قاعدين مع بعض

دياب : طمنونى ايه الاخبار
كريم : لسه مفيش جديد
يوسف : انا مش مصدق اللى بيحصل ده ..... مين يا دياب اللى من مصلحته يعمل كده
دياب : قولتلك يا يوسف فى ناس كتير من مصلحتها تخلص من سليم
يوسف : ممكن يكون سعد صقر
دياب : كل شئ وارد
يوسف : انا شاكك اكتر فى الست اللى اسمها استر يعقوب
دياب : اوعى تجيب السيره دى نهائى
يوسف : ليه يعنى .... انت عارف حاجه ومخبيها عنى
دياب : تعالى معايا يا يوسف نتكلم فى مكان مقفول علينا
يوسف : حاضر يا دياب
دياب : خلى بالك من الدنيا هنا يا كريم لحد ما ارجعلك
كريم : حاضر يا فندم

• مشى دياب ويوسف وراحوا مكان فاضى يعرفوا يتكلموا فيه

يوسف : انت مخبى ايه عليا يا دياب
دياب : انا هقولك اللى مسمحولى بيه مش اكتر بس ياريت ماتسألنيش عن اى حاجه تانيه
يوسف : قول اللى عندك وبعدها احكم بنفسى
دياب : عندك حق فى موضوع استر ..... استر فعلا اللى وراء كل المصايب
يوسف : وايه اللى يخليها تقتل سليم
دياب : الفتره اللى فاتت سليم قدر يحط ايده على ورق كتير ممكن يدمر استر واكيد فى جاسوس عندنا قدر يوصل المعلومه دى لأستر
يوسف : الورق ده فيه ايه بالظبط
دياب : مش مهم فيه ايه دلوقتى ..... المهم الورق ده فين
يوسف : فين ازاى يعنى .... هو مش مع سليم ولا قصدك ان استر وصلت للورق ده
دياب : لا استر متعرفش طريق الورق ده لان سليم حرق النسخه اللى كانت معاه ومفيش دلوقتى غير اصل الورق بس
يوسف : وفين الاصل ده
دياب : مفيش غير اتنين بس اللى يعرفوا طريق الورق ده
يوسف : اكيد طبعا سليم واحد من الاتنين دول ..... مين الشخص التانى بقى
دياب : انت الشخص التانى يا يوسف
يوسف : انا ..... طب ازاى ودى اول مره اسمع عن الورق ده
دياب : ده كلام سليم
يوسف : سليم قالك ايه بالظبط
دياب : لما كنا بنتناقش من كام يوم فى الموضوع ده انا كنت خايف يحصل حاجه لسليم بسبب الورق ده زى ما حصل دلوقتى ..... سليم قالى انه شايل الورق فى مكان امان ومفيش حد يعرف المكان ده غيرك يا يوسف
يوسف : بس انا فعلا معرفش مكان الورق ده ..... طب محاولش يقولك حاجه تسهل علينا الدنيا
دياب : هو قال ان فى شخص معين هيظهر فى الوقت المناسب وهيقولى على نص الطريق والنص التانى عندك انت
يوسف : مين الشخص ده
دياب : معرفش .... سليم رفض يقولى علشان كده قولت ابلغك ممكن تكون عارف المكان اللى سليم بيخبى فيه حاجته
يوسف : سليم عمره ما كان ليه مكان بيخبى فيه حاجه ..... سليم اصلا عمره ما كان عنده اسرار علشان يخبيها
دياب : حاول تقعد مع نفسك وتفكر
يوسف : حاضر يا دياب

• قعد يوسف ودياب اكتر من ساعتين مع بيفكروا ومش عارفين يوصلوا لأى حاجه

• من ناحيه تانيه كريم قاعد على كرسى قصاد اوضتى ..... خرجت هبه قعدت جمبه

هبه : بتفكر فى ايه
كريم : لا مفيش حاجه ..... طمنينى عليكى انتى
هبه : انا كويسه
كريم : كلمتى مامتك علشان الوقت اتأخر
هبه : ايوه كلمتها وقولتلها انى بايته مع واحده صاحبتى فى المستشفى تعبانه
كريم : طب مش المفروض تدخلى اوضتك تنامى وترتاحى
هبه : انت كمان تعبت والمفروض تنام وترتاح
كريم : لا متخافيش انا متعود على كده ..... انا عندى القدره اقعد صاحى اطول وقت ممكن
هبه : ماشى يا سيدى .... انا كمان مش جايلى نوم
كريم : بس انتى تعبانه
هبه : طول ما انا قاعده معاك بنسى التعب
كريم : .......
هبه : مالك ساكت كده ليه

• فجأه قام كريم ودخل اوضتى بسرعه ودخلت وراه هبه ..... كان الدكتور رايح يحط حقنه فى المحلول اللى متعلق

كريم : استنى عندك انت بتعمل ايه
الدكتور : ده معاد الحقنه بتاعة المريض ..... انت اللى ازاى تدخل العنايه كده .... الزياره ممنوعه
كريم : انت ازاى تديله حقنه من غير ما تستأذن
الدكتور : استأذن من مين ..... انا الدكتور هنا مش انت
كريم : فين الحقنه دى اللى انت عاوز تضربها
الدكتور : اتفضل يا سيدى لما نشوف اخرتها
كريم : دى سرنجه .... انا بسأل عن الفارغ بتاع الحقنه
الدكتور : انا جهزت الحقنه فى الصيدليه تحت قبل ما اطلع فى مشكله معاك
كريم : اه جهزتها فى الصيدليه .... تمام يا دكتور
هبه : فى ايه يا كريم بالظبط

• طلع كريم جهاز من جيبه وطلب الجاردات يدخلوا

الدكتور : ممكن افهم فى ايه بالظبط
كريم : هتفهم دلوقتى

• دخل اتنين جاردات

الجاردات : اوامرك يا فندم
كريم : عاوزكم تاخدوا الدكتور عندكم وتتحفظوا عليه لحد ما اقولكم تعملوا ايه تانى
الدكتور : انت اتجننت
كريم : اتحرك معاهم يا دكتور من غير شوشره
الدكتور : لا مش هتحرك مع حد
كريم : لو ماتحركتش معاهم هضربلك الحقنه بنفسى وانت عارف كويس انا قصدى ايه
الدكتور : لا مش فاهم قصدك
كريم : الحقنه دى فيها سم
الدكتور : انت جاى تلبسنى مصيبه ..... دى حقنة مضاد حيوى عادى جدا
كريم : طالما متأكد انها مضاد حيوى يبقى اضربهالك دلوقتى وبعدها اسيبك تمشى براحتك
الدكتور : بس انا مش عيان علشان اخد حقن
كريم : يبقى تمشى مع الرجاله لحد ما اشوف الحقنه دى فيها ايه يا اما هعمل عليك التجربه دلوقتى حالا ..... يلا يا رجاله خدوا الدكتور
الجاردات : حاضر يا فندم

• اخدوا الدكتور اللى انفعل وقعد يزعق والناس اتلمت

دياب : فى ايه يا كريم
كريم : مفيش حاجه يا فندم
مريم : انتوا واخدين الدكتور على فين ..... وايه اللى حصل لسليم
كريم : اتطمنى يا فندم انا لحقت اتصرف
يوسف : ايوا لحقت تتصرف ازاى بقى
كريم : الدكتور المحترم كان عاوز يضرب حقنة سم لسليم
مريم : انت بتقول ايه ..... طب سليم حصله حاجه
كريم : متخافيش يا فندم انا لحقته قبل ما يعمل اى حاجه
لمياء : هما عاوزين مننا ايه تانى مش كفايه اللى حصل
يوسف : الدكتور راح فين
كريم : رجالتى اخدوه لحد ما احلل الحقنه دى واعرف فيا ايه بالظبط
يوسف : المفروض الكلام ده يتسلم للشرطه وهى تشوف شغلها
دياب : شرطة ايه يا يوسف اللى بتتكلم عليها ..... مينفعش اى حاجه من اللى بتحصل هنا تروح للشرطه احنا مش ناقصين
يوسف : قصدك ايه يا دياب
دياب : الخبر لو وصل للشرطه اكيد هيتسرب للصحافه وساعتها هتحصل ازمه كبيره فى شركاتنا وفى شغلنا كله
مريم : الشغل مش اهم من سليم يا دياب
دياب : مفيش حاجه اهم من سليم يا مريم ..... انا بعمل كل ده علشان مصلحة سليم
يوسف : انا مش مقتنع بكلامك ده يا دياب ومش عارف ليه رفضت ان المستشفى تبلغ عن اللى حصل
دياب : انا هفهمك يا يوسف ..... سليم يبقى رئيس مجلس ادارة شركات الجراح يعنى اسهم الشركات مرتبطه بشكل مباشر بسليم نفسه يعنى لو خبر محاولة قتل سليم اتسرب للصحف وخصوصا لما يعرفوا ان سليم فى غيبوبه ومش عارفين هيفوق منها امتى يبقى قول على اسهم الشركات يا رحمن يا رحيم وخصوصا بعد اللى حصل فى مناقصة شركة المقاولات وخسارتنا ملايين كتير فيها
شرين : دياب بيتكلم صح يا يوسف ..... احنا مش ناقصين شوشره .... سليم كان بيحكيلى على كل حاجه تخص الشركه والناس اللى بتحاول تدمرها
يوسف : انا هسمع كلامك يا دياب لما اشوف اخرتها ..... بس انا خايف تتكرر حاجه تانى زى ما حصلت دلوقتى
كريم : من الناحيه دى متخافش انا قادر اسيطر على الموقف كويس جدا
دياب : بالنسبه لعلاج سليم متقلقش منه بكره هيكون فى طقم كامل من اكبر الدكاتره والممرضين فى العالم هيتولى علاج سليم
مريم : فين الطقم ده يا دياب
دياب : انا خلاص عملت اتصلاتى بأمريكا والطقم بيتجهز دلوقتى وهيوصل فى خلال 24 ساعه
كريم : وانأ عملت اتصلاتى بشركة الامن وبكره هيركبوا كاميرات مراقبه فى جناح سليم وفى الدور كله علشان نقدر نأمن الدنيا
دياب : وانا بلغت مدير المستشفى انه يفضى الدور الاخير بالكامل من المرضى علشان ننقل سليم هناك وميبقاش فى اى حد غريب موجود هناك
مريم : انا مش عارفه اقولك ايه يا دياب
دياب : ماتقوليش حاجه يا مريم ..... اهم حاجه دلوقتى نتطمن على سليم وياريت كمان تاخدى بالك من نفسك ومن الجنين اللى فى بطنك علشان خاطر سليم
يوسف : طب هتعملوا ايه مع الدكتور اللى اخدتوه ده
دياب : هنحقق معاه ونشوف مين اللى وراه
يوسف : بس انا لازم احضر التحقيق ده واى خطوه تمشوها لازم ابقى عارفها
دياب : حاضر يا يوسف بس بعدين هنقعد مع بعض وهفهمك كل حاجه
يوسف : ماشى يا دياب
دياب : يلا يا مريم ارجعى اوضتك وارتاحى وانا وكريم هنأمن المستشفى كويس
يوسف : انا جاى معاكم
دياب : معلش يا يوسف خليك مع الجماعه زى ما اتفقنا وانا هفهمك كل حاجه بعدين

• دياب اخد كريم وراحوا فى حته بعيده

دياب : فين الحقنه اللى اخدتها من الزفت ده
كريم : متخافش موجوده معايا وهبعتها للمعامل بتاعتنا تتحلل
دياب : تمام كده
كريم : فى حاجه مش مريحانى
دياب : حاجة ايه
كريم : يوسف اللى مصمم يعرف كل حاجه ..... كده غلط يا دياب .... انا عارف ان يوسف صاحب سليم الوحيد وبيحبه جدا بس برضه يوسف مينفعش يعرف اى حاجه عن اللى احنا بنعمله
دياب : عارف قصدك علشان كده انا اتكلمت مع الفهد فى الموضوع ده وهو هيتصرف بنفسه الحكايه كلها مجرد وقت مش اكتر
كريم : كده تمام
دياب : عاوزك تبعت الدكتور الزفت ده على فيلا المقطم يقعد مع الجماعه اللى هناك لحد ما نشوف هنعمل معاه ايه بالظبط
كريم : حاضر

• من ناحيه تانيه يوسف قاعد مع لمياء وشرين ومريم

شرين : مالك يا يوسف سرحان فى ايه
يوسف : بصراحه مش مرتاح لدياب وكريم
مريم : مش مرتاح ازاى يعنى
يوسف : مش عارف بقى بس حاسس انهم مخبيين عنى حاجات كتير
شرين : شئ طبيعى تحس بكده لأنك بعيد عن شغلهم ومش عارف ايه اللى بيحصل فيه
يوسف : وانتى بقى اللى عارفه
شرين : انا اكتر واحده عارفه وفاهمه كل حاجه ..... انا كنت اقرب واحده لبابا وكان دايما بيحكيلى حاجات كتير عن شغله ده غير ان سليم دايما كان بيتناقش معايا فى الشغل لانى بحب شغل بابا وعاوزه اتعلمه علشان اشتغل فى الشركه ..... بسبب كل ده انا مقتنعه بكلام دياب وكريم
يوسف : ماشى يا ستى خلينا وراهم لما نشوف اخر الحكايه ايه
لمياء : انت المفروض تروح ترتاح يا يوسف احنا دلوقتى بعد نص الليل والمفروض معاك شغل الصبح بدرى
يوسف : لا انا بايت معاكم الليله
لمياء : لا لازم تروح وترتاح انت تعبان من الصبح
يوسف : لا انا مش تعبان
لمياء : علشان خاطرى يا يوسف روح ارتاح وكمان عاوزاك بكره وانت جاى تجيب هدوم ليا ولأسامه علشان شكلها القعده هنا هتطول
شرين : يوسف مش هيعرف يجيب الحاجات دى ..... انا بكره الصبح هروح الفيلا واجيب كل حاجه
لمياء : كده تمام جدا بس برضه لازم يروح الفيلا ويرتاح
يوسف : حاضر يا لمياء شويه كده وهمشى
لمياء : وجودك هنا مش هيقدم ولا هيأخر صدقنى وبعدين احنا لو احتاجنا حاجه هكلمك على طول
يوسف : حاضر يا لمياء همشى

• فجأه تليفون يوسف رن وكان private number رد يوسف على التليفون

يوسف : الووووو ..... ايوا انا النقيب يوسف العصار ..... مين معايا ..... تمام يا فندم ..... تحت امر حضرتك ..... الساعه 9 ..... حاضر يا فندم الساعه 9 بالدقيقه هكون عند حضرتك ..... اتفضل يا فندم

• قفل يوسف مع اللى بيكلمه

لمياء : خير يا يوسف فى حاجه
يوسف : لا دى مكالمة شغل عادى
لمياء : فى مشكله ولا حاجه
يوسف : لا مفيش حاجه يا حبيبتى ..... طب انا همشى دلوقتى علشان معايا مشوار مهم الصبح بدرى ولازم اكون مستعد
لمياء : خد شرين معاك
شرين : لا انا هبات معاكم
لمياء : اسمعى الكلام يا شرين .... انتى لازم تنامى والصبح ابقى تعالى براحتك علشان تجيبى الهدوم من الفيلا
شرين : عادى ممكن اروح الصبح اجيبها
يوسف : خلاص يا لمياء سبيها معاكم وبكره الصبح تبقى تروح الفيلا تجيب اللى انتوا عاوزينه
لمياء : ماشى يا يوسف

• مشى وسف من المستشفى ورجع الفيلا وقعد سهران مع نفسه بيفكر فى اللى حصل وفى المكالمه اللى جاتله وبقى حيران اكتر ..... قعد يفكر لحد ما عينه راحت فى النوم

• صحى يوسف الصبح بدرى وجهز بسرعه وخرج ركب عربيته واتحرك بيها ووصل لمبنى جهاز المخابرات ..... اول ما وصل هناك اكتشف ان المعاد بتاعه مع رئيس جهاز المخابرات بنفسه وقتها اتخض بس قدر يتحكم فى اعصابه وانتظر فى المكتب لحد ما دخل لمكتب رئيس الجهاز وهرمز لاسمه بالثعلب

الثعلب : اقعد يا يوسف
يوسف : تحت امر حضرتك يا فندم
الثعلب : طبعا انت مستغرب من المقابله
يوسف : بصراحه يا فندم بعد مكالمة امبارح انا قلقت ومعرفتش انام لمجرد ان معايا مقابله هنا فى الجهاز والقلق زاد اكتر لما عرفت ان المقابله مع سيادتك
الثعلب : ماتقلقش يا يوسف لحد دلوقتى مفيش حاجه خطيره
يوسف : لحد دلوقتى !!..... معنى كده ان ممكن يبقى فى حاجه خطيره بعد كده
الثعلب : جرى ايه يا يوسف ده احنا اساس شغلنا هو الخطر
يوسف : انا فاهم الكلام ده كله يا فندم بس اللى مش فاهمه لحد دلوقتى انا موجود هنا ليه
الثعلب : انا هفهمك كل اللى انت محتاج تفهمه واظن انك عارف قواعد شغلنا كويس
يوسف : المعرفه بقدر الحاجه
الثعلب : كويس انك عارف علشان كده انا هسألك سؤال واضح وصريح ..... فين المكان السرى اللى محدش يعرفه غيرك واللى سليم شايل فيه الحاجه المهمه ؟
يوسف : حضرتك عارف الموضوع ده
الثعلب انا عندى تفاصيل الموضوع بالكامل بس سليم قال ان انت الوحيد اللى هتقدر توصل للورق لو هو حصله اى حاجه
يوسف : صدقنى يا فندم انا من امبارح بعصر فى دماغى واحاول اعرف فين المكان ده بس مش قادر اوصل لحاجه
الثعلب : طب من وجهة نظرك ايه المكان اللى ممكن سليم يخبى فيه الورق المهم
يوسف : هنا بقى المشكله سيادتك
الثعلب : قصدك ايه
يوسف : سليم مشكلته فى بساطته ..... سليم ممكن يخبى الحاجه فى مكان ظاهر جدا قصادك بس عمرك ما تتوقعه من كتر بساطته
الثعلب : الكلام ده كان زمان ايام ما كنتوا عيال بتلعبوا مع بعض لكن سليم دلوقتى اختلف تماما عن سليم بتاع زمان
يوسف : احنا هنتعب نفسنا ليه كده ولا كده بناء على كلام دياب فى واحد معاه طرف الخيط اللى ممكن يوصلنا للمكان ده
الثعلب : الشخص ده لازم يعرف الاول ان سليم فى غيبوبه علشان يظهر واحنا مكتمين على الحادثه كلها يعنى الشخص ده ميعرفش ان سليم اتضرب بالرصاص اصلا
يوسف : احنا ممكن نسرب الخبر وساعتها الشخص ده هيظهر
الثعلب : مينفعش يا يوسف احنا مش ناقصين مشاكل
يوسف : تسمحلى يا فندم اسأل سؤال
الثعلب : انت عاوز تعرف ايه طبيعة علاقتنا بسليم
يوسف : اسف لو كنت بتخطى حدودى بس انا فعلا دماغى هتنفجر ومش فاهم حاجه
الثعلب : علاقتنا بسليم بدأت من بعد موضوع القضيه بتاعته اللى تم اتهامه فيها بقتل عمه واسامه صاحبكم ..... احنا علاقتنا بشركة الجراح علاقه قديمه من ايام الدكتور سليم الجراح ..... كان فى شغل كتير بينا وبين الدكتور سليم طبعا مش هينفع اقولك ايه طبيعة الشغل ده
يوسف : مفهوم طبعا
الثعلب : بس اللى اقدر اقولهولك ان الدكتور سليم الجراح رشح سليم ابن اخوه علشان يبقى الراجل بتاعنا من بعده بس طبعا فى الفتره اللى بعد موت الدكتور سليم كان لازم نتعامل مع شخص تانى لحد ما نتاكد ان سليم يقدر يشيل المسئوليه
يوسف : والشخص ده يبقى دياب العاصى
الثعلب : توقعك صحيح وخصوصا ان دياب كان الدراع اليمين للدكتور سليم الجراح لفتره كبيره ده غير انه فى نفس الوقت الدراع اليمين لحماه المهندس عمر الالفى
يوسف : طالما دياب كان مهم جدا بالطريقه دى ايه اللى يخليكم تتعاملوا مع سليم
الثعلب : كل واحد وليه طبيعة شغله اللى مينفعش اى حد تانى يقوم بيها غيره ..... يعنى دياب مثلا كان طبيعة شغله بره مصر على عكس سليم اللى كان كل شغله متمركز فى مصر ..... ده غير ان كان لازم الشغل يتقسم
يوسف : وعلى ما اظن ان طبيعة الشغل ده خاصه بأستر يعقوب واللى معاها
الثعلب : مش بالظبط ..... استر مجرد حلقه فى سلسله طويله
يوسف : هى استر موجوده فى مصر
الثعلب : ايوا يا يوسف ..... استر موجوده فى مصر وتحت عنينا
يوسف : اسف لو كنت بسأل كتير بس انا فعلا دماغى استوت ..... سعد صقر موجود برضه فى مصر ولا هربان بره مصر
الثعلب : موجود فى مصر وفى ايدينا
يوسف : طب سعد ليه علاقه باللى حصل لسليم
الثعلب : لا ..... احنا قبضنا على سعد قبل اللى حصل
يوسف : قبضتوا على سعد امتى وازاى ..... ده مفيش اى خبر عن الموضوع ده
الثعلب : احنا فعلا قبضنا على سعد بس لسه مسلمناهوش للشرطه ومتسألش عن السبب
يوسف : لا انا فاهم السبب .... اكيد علشان استر تتلخبط ومتعرفش تتصرف
الثعلب : حاجه زى كده
يوسف : طب انا مطلوب منى ايه سيادتك
الثعلب : مطلوب منك تعصر دماغك وتعرف المكان اللى سليم شايل فيه الورق وكمان تسمع كلام دياب بدون نقاش واى حاجه يرفض يقولهالك اعرف انها سر ولو عرفت مكان الورق تبلغ بيه دياب ومتتصرفش من دماغك
يوسف : حاضر يا فندم
الثعلب : انت ظابط ذكى جدا يا يوسف وانا حاطط عينى عليك من ايام قضية سعد وبقولك مستقبلك عظيم وقريب جدا جدا هباركلك لما تتنقل الجهاز هنا
يوسف : حضرتك بتتكلم بجد يا فندم
الثعلب : حركة الترقيات قربت ..... انا عارف ان دورك فى الترقيه لسه بعد سنتين بس انت فعلا تستحق ترقيه استثنائيه
يوسف : اتمنى اكون عند حسن ظن سيادتك
الثعلب : انا واثق من كده .... عارف يا يوسف انا بقالى اكتر 10 سنين قاعد على الكرسى ده ومن وقتها برشح الظباط اللى زيك للأماكن الحساسه سواء كان هنا فى الجهاز او اى جهاز تانى .... عمرى فى حياتى مارشحت حد وندمت عليه اتمنى انك تكون قد المسئوليه
يوسف : مش عارف اقول لسيادتك ايه
الثعلب : انا عاوز اشوف فعل مش مجرد كلام
يوسف : اوعدك يا فندم هتشوف فعل قريب جدا
الثعلب : تقدر تتفضل دلوقتى ولو فى اى حاجه حصلت بلغها لدياب وهو هيتصرف
يوسف : تمام يا فندم

• مشى يوسف من جهاز المخابرات وطلع على المستشفى

• من ناحيه تانيه استر قاعده مع احمد صقر

استر : جرى ايه يا احمد هو كل ما تبعت حد من عندك علشان ينفذ مهمه يختفى بالشكل ده
احمد : انا لحد دلوقتى مش عارف ايه اللى حصل فى المستشفى ورفضت اكلم الدكتور
استر : ليه رفضت تكلمه
احمد : اتفاقى معاه ان هو اللى يكلمنى بعد ما يخلص وبعدين انا مش ضامن مين اللى يرد عليا
استر : طب والحل ايه دلوقتى هنفضل حاطين ايدينا على خدنا كده كتير ومش عارفين ايه اللى بيحصل
احمد : لو فى حاجه حصلت كنا هنعرفها
استر : دى فى حد ذاتها مصيبه
احمد : اكيد هنلاقى حل للموضوع ده

• فجأه دخل عليهم البيرت وعلى وشه علامات الغضب

استر : ادخل فى المصيبه على طول يا البيرت وشك باين عليه المصايب
البيرت : فى خبرين مش كويسين نهائى
استر : اشجينى بالخبر الاول
البيرت : يوسف العصار هرب من المراقبه
استر : والخبر التانى
البيرت : الخبر التانى من مستشفى الجراح
استر : الدكتور اللى تبع احمد اتمسك
البيرت : الدكتور مختفى من امبارح بس برضه مش ده الخبر
استر : هو لسه فى مصايب تانيه ..... اخلص قول
البيرت : تم اخلاء الدور الاخير فى المستشفى بالكامل ونقلوا سليم هناك
استر : يبقى كده الدكتور اللى بعتناه اتكشف ..... لازم نشوف حد تانى فى اسرع وقت ممكن
البيرت : للأسف مش هينفع خلاص
استر : قصدك ايه
البيرت : مفيش اى دكتور او ممرضه من المستشفى هيتابع حالة سليم لأن فى طقم دكاتره وممرضين هيوصلوا النهارده من بره وهما اللى هيتابعوا حالة سليم الجراح .... ده غير ان فى دلوقتى طقم حراسه استلم المستشفى ومتمركزين فى الدور اللى هيقعد فيه سليم
استر : فى مصايب تانيه نسيت تقولها ولا خلاص كده
البيرت : فى شركة امن موجوده دلوقتى فى المستشفى بتركب كاميرات مراقبه فى اوضة سليم وفى الدور كله علشان يرصدوا اى حركه تحصل هناك
استر : اخبارك كلها زى الزفت على الصبح
احمد : بالطريقه دى اصبح من المستحيل حد يقدر يوصل لسليم
استر : البركه فى الدكتور الخايب اللى انت بعته علشان يخلص واكيد زمانه اعترف عليك لدياب زى ما رجالتك اعترفوا عليك فى موضوع المناقصه
احمد : لا متخافيش الدكتور ميعرفش ان انا اللى باعته اصلا
استر : ازاى يعنى
احمد : اللى بيشغل الدكتور ده واحد من رجالتى وهو اللى بيديله الاوامر من غير ما اظهر فى الصوره اصلا ..... والراجل بتاعى محدش يعرفه اصلا يعنى مهما حاولوا مع الدكتور مش هيطلعوا منه بأى حاجه مفيده
استر : متأكد من المعلومه دى ولا هيحصل زى ما حصل قبل كده وقت المناقصه
احمد : طبعا متأكد
البيرت : بس انتوا مش ملاحظين حاجه
استر : حاجة ايه
البيرت : مفيش اى جهه اعلاميه نشرت اللى حصل
استر : اكيد دياب مكتم على الخبر علشان يحافظ على اسهم الشركات
البيرت : طب ايه رائيك نسرب الخبر احنا للصحافه واحنا معانا صور للحادثه وصور تانيه لسليم فى المستشفى
استر : خليها اخر خطوه مش دلوقتى
البيرت : امتى يعنى
استر : اصبر يوم ولا اتنين لحد ما نشوف ايه اللى هيحصل
البيرت : انا شاكك ان يوسف هرب علشان يجيب الورق اللى يخصنا
استر : يوسف مش مهم بالنسبالى ..... المهم بالنسبالى كريم ودياب
البيرت : انا ياما قولت نخلص من دياب بس انتى اللى كانت عاجباكى اللعبه
استر : هتفضل طول عمرك غبى يا البيرت
البيرت : ليه بقى
استر : لان المشكله مش فى دياب اصلا ..... المشكله فى الناس اللى وراء دياب ..... انا كنت قادره اخلص من دياب زى ما خلصنا من الدكتور سليم الجراح بس كان هيجى شخص تانى احنا منعرفش حاجه عنه وهيتعبنا لحد ما نعرف نتعامل معاه ..... عارف يا البيرت ايه الفرق اللى بينى وبينك
البيرت : ايه الفرق
استر : انا ببص لبعيد لكن انت بتبص تحت رجليك ..... يا البيرت احنا مش بنحارب مجموعة شركات وخلاص على كده ..... لا احنا بنحارب كيان كبير بقاله زمن بيكون فى نفسه ويستعدلنا واحنا مش واخدين بالنا ومش قادرين نحدد مدى قوته ولا مين اللى وراه ..... تقدر تقولى بيانات اى شخص من الجاردات اللى بيشتغلوا تحت ايد كريم ودياب .... تعرف اى حاجه عنهم ..... تعرف جنسياتهم ...... كريم نفسه منعرفش عنه اى حاجه ولا نعرف الفتره اللى اختفاها كان بيعمل فيها ايه والفتره دى مش يوم ولا اسبوع ولا حتى شهر ..... الفتره دى اكتر من 10 سنين
البيرت : ...........
استر : ساكت ليه ...... طبعا مش لاقى كلام تقوله ...... فالح بس كل شويه تقولى نخلص من دياب وانت معندكش تصور لأى حاجه ممكن تحصل ...... وبعدين انا سمعت كلامك اكتر من مره قبل كده وبعتنا رجاله تخلصنا من دياب ورجعوا زى خبيتها من اول فرح دياب وبعد كده الحفله ..... تقدر تقولى احنا استفدنا ايه غير ان دياب كل شويه يعلم علينا
احمد : استنى عندك ..... هو الرجاله اللى اقتحموا الفرح كانوا تبعك انتى ..... امال ليه لما سألتك قولتيلى انهم ناس تانيه وانك كل اللى عملتيه انك هربتى خالى وبس
استر : كان لازم اقولك كده علشان ترضى تتعاون معانا وانت لو لاحظت ان مفيش اى حد من الرجاله قرب منك او من عيلتك ..... الرجاله كان كل هدفهم دياب وسليم الجراح وبنات عمه
احمد : بعدين نتكلم فى الموضوع ده بس نخلص الاول اللى احنا فيه
استر : اهم حاجه دلوقتى نحط عنينا على دياب وكريم كويس ولو هربوا من رجالتك يا البيرت انا هقتل رجالتك بأيدى
البيرت : حاضر يا استر

• من ناحيه تانيه يوسف وصل المستشفى وكان موجود كريم ودياب ومعاهم الناس اللى بتزرع الكاميرات

يوسف : ايه اللى بتعملوه ده
دياب : لازم سليم يبقى تحت الحراسه طول 24 ساعه
يوسف : الطقم الطبى وصل ولا ايه الدنيا
كريم : كام ساعه وهيكونوا موجودين
دياب : عملت ايه فى مشوارك
يوسف : كله تمام
دياب : يعنى اتأكدت ان احنا مش بنعمل اى حاجه شمال
يوسف : انا متأكد من الاول بس كان لازم اعرف
دياب : على العموم حصل خير ..... اهم حاجه دلوقتى نلاقى الورق
يوسف : من امبارح بحاول اعصر دماغى ومش عارف اوصل لحاجه
دياب : طب من وجهة نظرك سليم مخبى الورق ده هنا فى القاهره ولا فى الاقصر
يوسف : كل الاحتمالات وارده
كريم : انا متأكد ان الورق فى الاقصر
دياب : طب سليم عنده مكان تانى فى الاقصر غير بيته
يوسف : لا خالص
دياب : احنا بعتنا رجاله امبارح لبيت سليم وقلبوه بدون اى فايده مفيش اى اثر للورق
يوسف : وانا قلبت الدنيا فى الفيلا ومفيش اى اثر
دياب : ممكن يكون فى شقة المقطم اللى اشتراها بعد موت الدكتور سليم
كريم : برضه بعتنا رجاله هناك ومفيش اى فايده
دياب : يعنى هيكون فين المكان السرى ده
كريم : مضطرين نستنى الراجل اللى عارف اول الخيط

• بالليل وصل الطقم الطبى للمستشفى واتولى حالتى ومفيش اى جديد فى كلامهم

• تانى يوم الكل متجمع فى المستشفى ...... كريم ويوسف ودياب قاعدين مع بعض

يوسف : لسه مفيش اى جديد يا دياب
دياب : لا خالص
كريم : انا قلبت الدنيا ومش عارف اوصل للورق حتى عربية سليم فتشت فيها
دياب : اصبر يا كريم انا واثق ان احنا هنلاقى الورق
كريم : اهم حاجه نلاقى الورق فى الوقت المناسب

• فجأه دخل عليهم سليم صقر

دياب : سليم ! ..... ايه اللى جابك هنا
سليم : طمنى يا دياب على سليم
دياب : مين اللى قالك على اللى حصل
سليم : كنت قاعد مع ليندا وسمعتها بتكلم والدها وبتقوله ان سليم فى غيبوبه
دياب : ادعيله يا سليم
سليم : **** يقومه بالسلامه ..... طب الدكاتره بتقول ايه
دياب : محدش عارف هيفوق من الغيبوبه دى امتى
سليم : انشاء **** يقوم قريب ويرجع لبيته وشغله تانى زى الأول واحسن
دياب : انا عاوزك ترجع الفيلا دلوقتى ومتجيش هنا تانى من غير ما تكلمنى
سليم : شويه كده وهمشى بس عاوزك فى موضوع مهم
دياب : موضوع ايه ده
سليم : امانه سليم وصانى عليها ودلوقتى وقتها
كريم : هو انت اللى معاك طرف الخيط يا سليم
سليم : انا معرفش ايه طرف الخيط اللى بتتكلم عليه ..... انا كل اللى اعرفه ان سليم قالى لو حصله حاجه ابلغكم انتوا التلاته رساله
دياب : ايه الرساله دى
سليم : لما تلاقوا نفسكم متعصبين ومش عارفين تفكروا العبوا ملاكمه وخرجوا الطاقه السلبيه فى كيس الملاكمه
دياب : ايه الهبل ده ..... كيس ملاكمة ايه وعصبية ايه فى الوقت ده
سليم : دى الرساله اللى بلغهانى سليم من اسبوع لما قابلنى فى النادى ..... انا كده بلغت الرساله عن اذنكم لازم امشى وفكروا كويس فى معنى الرساله

• بعد ما سليم مشى

كريم : الوحيد اللى يعرف حل الرساله دى انت يا يوسف
يوسف : انا عرفت معنى الرساله
كريم : يعنى عرفت مكان الورق
يوسف : تقريبا
دياب : وفين المكان ده
يوسف : انا لازم اتحرك دلوقتى واسافر الاقصر
كريم : انت متاكد ان الحاجه فى الأقصر
يوسف : على حسب فهمى للرساله
دياب : يبقى لازم نتحرك دلوقتى
يوسف : انت هتيجى معايا
كريم : احنا الاتنين جايين معاك مينفعش نسيبك دى تعليمات ولازم تتنفذ
يوسف : اهم حاجه دلوقتى هنخرج ازاى ونهرب من المراقبه
كريم : متخافش يا يوسف دى لعبتى ..... احنا هنخرج من المستشفى من باب المشرحه وهنخرج فى عربية اسعاف هتوصلنا للمطار وهناك فى طياره خاصه موجوده وجاهزه هنوصل الاقصر نجيب الورق ونرجع على طول
يوسف : طب يلا بينا بسرعه

• اتحرك الجماعه بناء على خطة كريم وفعلا مفيش حد حس بيهم ووصلوا الاقصر وطلعوا على بيتى ودخلوا بالمفتاح اللى مع يوسف

كريم : بس احنا فتشنا البيت كويس ومفيش اثر للورق
يوسف : انت ممكن تكون فتشت البيت كله بس اكيد مخطرش فى بالك تفتش فى كيس الملاكمه ده
كريم : تصدق فعلا ..... رسالة سليم معناها نفتش فى كيس الملاكمه
دياب : طب يلا بسرعه ننزل كيس الملاكمه

• نزلوا كيس الملاكمه وفتحوه بس للأسف مفيش اى حاجه فى كيس الملاكمه

دياب : ايه ده بقى الكيس مفيهوش اى حاجه
يوسف : تفتكر استر وصلت للكيس ده قبلنا
كريم : لا استر ماوصلتش لحاجه
دياب : يعنى هيكون الورق راح فين
كريم : الصبر يا دياب .....الموضوع محتاج شوية تركيز وهنوصل
دياب : ركز يا سيدى لما نشوف اخرتها

• قعد كريم على كرسى وبيفكر وبيبص كويس على البيت لحد ما فجأه قام مفزوع

كريم : لقيتها
دياب : فين

• اتحرك كريم ناحية الحيطه اللى قصاد كيس الملاكمه وكان فى ميداليه متعلقه على الحيط فيها مفتاح عربيه

كريم : حل اللغز فى المفتاح ده
دياب : ده مفتاح عربيه بس عربيه قديمه جدا
كريم : العربيه دى فين بقى
يوسف : ههههههههههه يخرب عقلك يا سليم فعلا مكان مايخطرش على بال الجن
دياب : انت عارف العربيه دى
يوسف : ايوه اعرفها بس المشكله هنوصلها ازاى
دياب : مش فاهمك
يوسف : العربيه دى بتاعة والد اسامه الهوارى او بمعنى اصح بتاعة جده ..... عربيه خرده
دياب : اوعى يكون قصدك العربيه اللى كان اسامه بيخبى فيها السجاير والحشيش
يوسف : ايوا بالظبط ..... بس انت تعرف العربيه دى من فين
دياب : سليم حكالى عليها قبل كده بس الكلام ده من فتره طويله
كريم : العربيه دى فين وهنوصلها ازاى
يوسف : العربيه موجوده فى بيت الحاج عزت والد اسامه
كريم : وهنوصلها ازاى
يوسف : انا هروح للحاج عزت اسلم عليه واحاول اتصرف واجيب الحاجه منها
دياب : طب يلا بسرعه مفيش وقت علشان لازم نرجع القاهره قبل الليل
يوسف : انا هتحرك دلوقتى

• اتحرك يوسف وراح بيت الحاج عزت

عزت : ازيك يا يوسف .... واحشنى يابنى
يوسف : انا بخير يا عمى .... طمنى عليك انت اخبارك ايه
عزت : الحمد لله يا بنى ايام وعايشنها لحد ما ربك يأذن بالمعاد
يوسف : بعد الشر عليك يا عمى **** يخليك لينا ومايحرمنا منك
عزت : الموت مش شر يا يوسف .... الشر الحقيقى فى الدنيا اللى احنا عايشينها
يوسف : عندك حق يا عمى
عزت : طمنى على اخبارك انت وسليم ومراتك وابنك
يوسف : كلنا كويسين وبخير
عزت : طب الحمد لله
يوسف : ايه اخبار الحاجه فاطمه
عزت : احسن بكتير دلوقتى وبقيت تتحرك فى البيت زى الاول
يوسف : طب ده خبر كويس ..... امال هى فين
عزت : كانت بتزور اسامه ورجعت دخلت اوضتها لانها بترجع تعبانه من هناك
يوسف : **** يكون فى عونها ويصبرها
عزت : بس ايه اللى جابك البلد النهارده ..... انت كنت هنا من اسبوعين
يوسف : عندى مأموريه تبع الشغل هنا فى المديريه وقولت اعدى اسلم عليك وعلى ابويا قبل ما ارجع القاهره تانى
عزت : هترجع القاهره امتى
يوسف : النهارده بالليل
عزت : تعب عليك يابنى
يوسف : اوامر الشغل يا عمى
عزت : **** معاك يا بنى ويوفقك فى شغلك
يوسف : طب انا همشى دلوقتى واحاول ارجع بعد العصر علشان اسلم على الحاجه فاطمه قبل ما اسافر
عزت : ايه اللى بتقوله ده يا يوسف انت هتتغدى معانا
يوسف : سامحنى يا عمى بس لازم اروح البيت اسلم على ابويا وامى لان لسه ماشوفتش حد فيهم بس جيتلك انت الاول ولسه هرجعلك تانى علشان اسلم على عمتى
عزت : براحتك يابنى بس هستناك بعد العصر
يوسف : حاضر يا عمى

• خرج يوسف من البيت ووقف شويه فى الشارع يبص علشان يتطمن ان مفيش حد بعدها راح ناحية العربيه وفتحها ولسه بيفتش فيها دخل عليه الحاج عزت

عزت : انت بتعمل ايه هنا يا يوسف
يوسف : مفيش يا عمى بس افتكرت ذكرياتنا انا وسليم واسامه مع العربيه دى وقولت ابص عليها
عزت : هسأل سؤال واحد وتجاوبنى بصراحه
يوسف : اتفضل يا عمى
عزت : سليم حصله حاجه
يوسف : ليه بتقول كده
عزت : لأن مفتاح العربيه مش موجود غير مع سليم ..... اخده منى يوم ما حط الامانه بتاعته جواها وقالى لو حصله حاجه انت هتيجى للعربيه علشان تاخد الامانه
يوسف : ........
عزت : ساكت ليه يا يوسف ..... هو سليم حصله حاجه ..... انا اتصلت بيه وتليفونه مقفول وبصراحه قلقت لما لقيتك جيت فجأه كده
يوسف : سليم اتضرب بالنار من يومين
عزت : وهو فين دلوقتى
يوسف : دخل فى غيبوبه

• انهار الحاج عزت لما سمع الخبر وقعد يعيط

يوسف : اهدى يا عمى وانشاء **** سليم هيقوم منها احسن من الاول
عزت : انا كنت عارف ان ده هيحصل من الاول من يوم ما جانى وساب الامانه دى هنا
يوسف : امتى الكلام ده يا عمى
عزت : المره الاخيره اللى كان موجود فيها هنا فى البلد من اسبوعين
يوسف : احكيلى اللى حصل بالظبط
عزت : انا هحكيلك كل اللى حصل

• فلاش باك قبل اسبوعين ..... الحاج عزت كان قاعد فى بيته مع الحاجه فاطمه وامنيه بنت اخوه بعد المغرب والباب خبط وكنت انا اللى على الباب .... دخلت وسلمت على الكل

امنيه : اخبارك ايه يا سليم بقالى كاير معرفش عنك حاجه
انا : سامحينى يا امتيه بس ضغط الشغل
امنيه : **** معاك
فاطمه : طلعت اصيل يا سليم وابن اصول بصحيح
انا : ليه بتقولى كده يا عمتى
فاطمه : برغم كل مشاغلك واللى حصلك على ايد ابنى لسه برضه فاكرنا وبتسأل علينا ومهانش عليك العيش والملح
انا : يا عمتى انا عيشت طول عمرى معرفش اهل غيركم ..... اتربيت على اديكم وكبرت وسطكم ..... فرحت معاكم وزعلت معاكم ...... وقولتلك قبل كده ان انا نسيت كل اللى اسامه عملوا معايا من اول ما ركبت القطر وسافرت القاهره بعد المشكله اياها ..... اسامه مكانش بس صاحبى لا ده كان اخويا وواجب على الاخ انه يسامح اخوه مهما غلط فى حقه
فاطمه : مش بقولك اصيل وابن اصول بصحيح
عزت : امال يوسف فين
انا : يوسف فى بيته مع ابوه وامه انت عارف بقى اليوم اللى بيرجع فيه البلد مش بيعرف يخرج خالص من الحاجه كريمه وخصوصا بعد ما خلف دى ماسكه فيه هو وابنه ومش راضيه تسيبهم
فاطمه : عقبال ما اشيل ابنك يا سليم
انا : ادعيلى يا عمتى **** يرزقنى
فاطمه : بدعيلك على طول يابنى **** يرزقك ويكفيك شر الدنا واللى فيها
انا : انا فعلا ماشى بدعواتك
عزت : هنتكلم كتير يا حاجه ولا ايه
فاطمه : عاوز ايه يا حاج
عزت : مش هتجهزولنا عشاء ولا ايه
انا : اوعى تتعبى نفسك يا عمتى انا مش غريب انا شبعان ومليش نفس فى اى حاجه غير كوباية شاى وبس
عزت : و**** ما يحصل انت لازم تتعشى معانا
انا : ليه بس تحلف
عزت : خلاص خلصت ..... يلا يا حاجه انتى وامنيه جهزولنا العشاء علشان عاوز اقعد مع سليم شويه
امنيه : حاضر يا عمى نص ساعه والاكل يكون جاهز

• قامت امنيه مع الحاجه فاطمه

عزت : مالك يا سليم شكلك مش عاجبنى
انا : تعبان يا عمى
عزت : الف سلامه عليك من التعب يا بنى ..... احكيلى مالك
انا : سيبك منى انا دلوقتى ..... انا جايلك فى موضوع مهم
عزت : حسيت ان فى حاجه خصوصا لما جيت لوحدك من غير يوسف ..... خير يا بنى
انا : انت عاوز تاخد بتار اسامه
عزت : ياريت يابنى بس يا ترى هاخده من مين خصوصا بعد ما سعد صقر هرب
انا : تارك مش عند سعد صقر
عزت : ازاى بقى مش رجالة سعد هما اللى قتلوه
انا : سعد مجرد شخص بينفذ اوامر لكن الموضوع اكبر من سعد بكتير
عزت : قصدك ايه يا سليم
انا : انا عارف مين اللى بيحرك سعد وقتل اسامه علشان يخلص منى انا
عزت : ازاى يعنى
انا : فى ناس كل همها تدمر شركات عمى ولما لاقونى واقفلهم استغلوا اللى كان بينى وبين اسامه وقتلوه علشان البس انا القضيه ويبقى خلصوا منى
عزت : مين الناس دى يا سليم
انا : مش مهم مين الناس دى ..... المهم ناخد بتارنا منهم ازاى
عزت : ايه اللى فى دماغك يا سليم
انا : الظرف ده فيه ورق مهم ممكن يدمر الناس دى نهائى ..... الورق ده محدش يعرف عنه اى حاجه غيرى انا وانت وبس
عزت : الورق ده فيه ايه
انا : الورق ده فيه كل المصايب اللى الناس دى بيعملوها
عزت : وانت ناوى تعمل ايه بالورق اللى معاك
انا : انا دلوقتى بقيت شاكك فى كل الناس اللى حواليا ومش عارف مين الصادق ومين الخاين والورق ده لو ضاع منى مش هعرف ارجعه تانى والناس اللى هواجهها اقوى بكتير مما تتخيل دى ناس بتلعب بمصابر دول مش مجرد عصابه
عزت : طب ما تسلم الورق اللى معاك للحكومه وهما يتصرفوا
انا : مش هينفع ومتسالش ليه
عزت : طب انت ناوى على ايه
انا : هسيب الورق ده امانه عندك ..... انت الوحيد اللى مش ممكن حد يتوقعه ..... ولو حصلى حاجه فى حد هيجيلك علشان ياخد الورق منك
عزت : وانا معاك يا بنى فى كل اللى هتقول عليه
انا : يبقى تعالى نتفق هنخبى الورق ازاى

• عوده من الفلاش باك

عزت : ده كل اللى حصل يا يوسف
يوسف : انا لازم ارجع القاهره دلوقتى
عزت : هتعمل ايه بالورق اللى معاك
يوسف : متخافش يا عمى انا عارف هتصرف ازاى بس ياريت اللى حصل ده يفضل سر ومش عاوز اى حد يعرف اى حاجه
عزت : انا هسافر معاك لازم اتطمن على سليم بنفسى
يوسف : مش دلوقتى يا عمى ..... اصبر كام يوم بس وبعدها ابقى تعالى براحتك
عزت : حاضر يا يوسف ..... انا هصبر كام يوم وبعدها هتلاقينى عندك فى القاهره
يوسف : طب اتحرك انا بقى بس ليا طلب اخير عندك
عزت : خير يا بنى
يوسف : مش عاوز اى حد يعرف انى كنت هنا ولا حتى ابويا نفسه
عزت : حاضر يا بنى

• اخد يوسف الورق وراح لدياب وكريم عندى فى البيت

كريم : طمنى عملت ايه يا يوسف
يوسف : لقيت الورق
دياب : انت شوفت الورق
يوسف : الأوامر اللى عندى بتقول ان ممنوع ابص عليه .... الورق فى الظرف ده ومقفول زى مل سليم حطه
دياب : حد شافك
يوسف : مفيش غير والد اسامه مسكنى وانا بفتح العربيه
دياب : وعملت معاه ايه
يوسف : طلع عارف كل حاجه من سليم بس ميعرفش الورق ده فيه ايه بالظبط
كريم : احنا لازم نتحرك دلوقتى

• اتحرك الجماعه على المطار وسافروا القاهره ..... يوسف طلع على المستشفى ودياب وكريم طلعوا على الدكتور سليم الجراح وشرحوله كل اللى حصل

سليم : ياه يا ولاد اخيرا وصلنا للى بقالنا سنين بنرتبله
كريم : اموت واعرف سليم وصل للورق ده ازاى
سليم : اللغز ده هنعرفه لما سليم يقوم بالسلامه
دياب : اللى محيرنى اكتر الطريقه اللى شال بيها الورق
كريم : فعلا يا دياب ده عمل لغز لازم تحله علشان تعرف توصل للورق
سليم : طلعت ذكى يا سليم ومخيبتش ظنى فيك
دياب : هنعمل ايه دلوقتى
سليم : بلغوا الجماعه ان الاجتماع بكره فى فيلا المقطم
دياب : احنا هنفذ خطة سليم ولا هنعمل ايه بالظبط
سليم : خطة سليم بتتكون من مرحلتين ..... المرحله الاولى هتاخد وقت شويه علشان كده لازم نبدأ فورا
كريم : بالطريقه دى لازم نكلم ابراهيم فى اسبانيا ونشوف هيوصل امتى علشان نشرحله كل التفاصيل
سليم : ابراهيم وصل القاهره النهارده الصبح حاولوا تقابلوه وتشرحوله كل حاجه
دياب : كده كويس جدا ..... انا حاسس ان احنا قربنا اوووى
سليم : يلا اتحركوا دلوقتى ورتبوا لأجتماع بكره
دياب : حاضر يا فندم

• نرجع عندى فى المستشفى لمياء ومريم وشرين قاعدين فى الاوضه عندى ودخل عليهم يوسف

يوسف : طمنونى ايه الاخبار
مريم : مفيش جديد يا يوسف والدكاتره مش بيقولوا اى جديد
يوسف : اهم حاجه دلوقتى ان حالته مستقره
لمياء : يوسف بيتكلم صح يا مريم اهم حاجه ان الحاله مستقره وسليم فى خلال 3 ايام اللى فاتوا مفيش اى تدهور فى حالته
مريم : انا خايفه موضوع الغيبوبه ده يطول
شرين : انشاء **** لا .... انا واثقه ان سليم هيفوق فى اقرب وقت
لمياء : وانا كمان عندى نفس الاحساس

• مر اليوم ده عادى وتانى يوم الصبح اتحرك كريم ودياب على المقطم بعد ما عرفوا يقنعوا المراقبه انهم فى المستشفى وراحوا المقطم وبعدها بشويه وصل الدكتور سليم الجراح لفيلا المقطم ..... كان موجود فى الفيلا مجموعه من رجال الاعمال العرب ومجموعه من رؤساء اجهزة المخابرات وهما عباره عن
1. رئيس جهاز المخابرات المصريه ( الثعلب )
2. رئيس جهاز المخابرات الفلسطينيه ( النمر )
3. رئيس جهاز المخابرات الليبيه ( الصقر )
4. رئيس جهاز المخابرات التونسيه ( الديب العجوز )
5. رئيس جهاز المخابرات اليمنيه ( الضبع )
6. رئيس جهاز المخابرات العراقيه ( الطاووس )
7. رئيس رجال الاعمال ( العقرب )

• كان الاجتماع بقيادة الدكتور سليم الجراح ( الفهد الاسود )

الفهد : اهلا وسهلا بيكم .... انا عارف ان الاجتماع اتاخر بس انتوا عارفين الظروف اللى حصلت وكلن لازم اتطمن على سليم واوصل للورق المهم اللى كان شايله
النمر : كريم ودياب شرحولنا كل حاجه بالتفصيل
الصقر : انشاء **** سليم يقوم بالسلامه
الديب العجوز : اللى حصل لسليم لازمله رد فى اسرع وقت
الفهد الاسود : الاجتماعات بتاعتنا اقوى من اى رد احنا خلاص قربنا نخلص خصوصا بعد الورق اللى قدرنا نوصله عن طريق سليم
الطاووس : هنبدأ ازاى دلوقتى
الفهد الاسود : طول السنين اللى فاتت قدرنا نمهد فيها الطريق للى جاى .... دلوقتى معاد الضربه القاضيه
الضبع : انا شايف ان احنا ننفذ الخطه اللى قال عليها سليم
الفهد الاسود : هو ده اللى هيحصل ...... من بكره هنبدأ فى التنفيذ واول حاجه لازم نبدأ بيها هى البورصه والشركات بتاعة استر واللى وراها
الثعلب : قبل ما نبدأ فى الضرب لازم نكون متأكدين ان الشركات العربيه والمصانع عندها القدره على سد العجز اللى هيحصل والا هتحصل فوضى وكوارث
الفهد الاسود : احنا بقالنا سنين بنرتب للحرب دى ومستعدين ومعانا اكبر رجال الاعمال فى الوطن العربى وشركاتهم عندها اتم الاستعداد لسد العجز اللى هيحصل
الطاووس : بس العجز اللى هيحصل مش مجرد عجز فى الاغذيه ولا حتى الإحتياجات الاساسيه بالعكس دى الشركات الصهيونيه بتشتغل فى كل حاجه ده غير البنوك اللى هتدمر وتفلس وهيوقع وراهم رجال اعمل كتير
الضبع : الطاووس يقصد ان احنا هنبقى داخلين على ازمه اقتصاديه اتقل من ازمة الديون العقاريه بتاعة 2008
الفهد الاسود : احنا عندنا توقعات اسوء من كده وهنعرف نتعامل معاها
العقرب : الكلام اللى حضرتك بتقوله احنا عارفينه كويس ودارسينه وهنعرف نطلع من الازمه بمكاسب كبيره جدا بس اهم حاجه دلوقتى نعرف هنبدأ ازاى
الفهد الأسود : هنبدأ بالبنوك .... لازم نضرب البنوك المتورطه مع استر وشلتها ..... بس قبل ما نضرب البنوك عاوزكم فى خلال 3 شهور تسحبوا جميع اصدتكم من البنوك وبهدوء جدا
العقرب : احنا فعلا سحبنا معظم الارصده وحولناها لدهب والباقى فى البنوك مش كتير اوى يعنى محتاجين شهرين بالكتير علشان نقدر نسحب الارصده بتاعتنا وبتاعة كل الناس اللى تبعنا
الفهد الاسود : لا ..... لازم نسحبها على اطول فتره ممكنه علشان محدش يحس بأى حاجه
العقرب : تمام
الفهد الاسود : بعد كده نبدأ فى تنفيذ المرحله اللى بعد كده وهشحهالكم دلوقتى

• استمر الاجتماع اكتر من 6 ساعات لحد ما اتفقوا على كل حاجه

الفهد الأسود : احنا كده اتفقنا على كل حاجه تقدورا تسافروا النهارده وكل واحد ينفذ المطلوب منه وبالنسبه للإجتماع اللى جاى هيكون هنا فى نفس المعاد علشان نشوف هنعمل ايه تانى
الثعلب : حضرتك هترجع اسبانيا ولا هتعمل ايه بالظبط
الفهد الاسود : لا انا قاعد فى القاهره الفتره دى ..... وجودى فى اسبانيا ملهوش اى لازمه خلاص
الثعلب : على فكرة رجالة استر متابعين رجالتنا اللى اتكشفوا فى اسبانيا
الفهد الاسود : خليهم يلعبوا براحتهم
الثعلب : فى اى اوامر جديده بالنسبه للرجاله دى
الفهد : لا سيبوهم زى ما هما وخليهم يعملوا اجتماعات كتير الفتره اللى جايه ..... عاوز اجتماعاتهم تبقى ملفته للنظر
الثعلب : حاضر يا فندم
الفهد الاسود : طب انا همشى دلوقتى ولو فى جديد بلغونى

• مشى الدكتور سليم ورجع للفيلا بتاعة كريم

• من ناحيه تانيه عند استر والبيرت قاعدين مع بعض

استر : مش عارفه ليه مش مرتاحه يا البيرت
البيرت : ليه كده
استر : دياب وكريم ويوسف مش بيعملوا اى حاجه
البيرت : الظاهر كده محدش فيهم عارف يوصل للورق
استر : احنا لازم نحركهم شويه
البيرت : ازاى يعنى
استر : عاوزاك تسرب خبر الحادثه للصحافه وتنشر صور سليم فى المستشفى
البيرت : بس كده احنا كمان اسهم شركاتنا هتتأثر بالخبر ده
استر : متخافش يا البيرت انا عامله حساب الموضوع ده كويس
البيرت : حاضر
استر : وفى نفس الوقت عاوزه سليم صقر يكون عندى ..... سليم صقر هو نقطة ضعف دياب وهو اللى هيجيبه راكع تحت رجلى
البيرت : هنعمل كده ازاى
استر : مش احنا اللى هنعمل كده
البيرت : امال مين اللى هيعمل كده
استر : البنت مليكه وامها
البيرت : سليم دلوقتى باستمرار عندهم
استر : بلغهم ينفذوا الجزء التانى من الخطه
البيرت : حاضر
استر : يلا اتحرك

• بعد يومين صحى دياب على مكالمه من كريم

دياب : ايوا يا كريم فى ايه
كريم : مصيبه يا دياب
دياب : مصيبة ايه انطق
كريم : خبر الحادثه بتاعة سليم اتسرب على النت وكل المواقع شغاله فى النشر ومش قادرين نسيطر عليها واسهمنا فى البورصه بتنهار
دياب : اقفل يا كريم انا نازل حالا

• قام دياب بسرعه واتحرك على الشركه وطبعا كان الخبر انتشر زى النار فى الهشيم وعمل اجتماع مع مجلس الادارده وبيحاول يسيطر على الموقف

• قعد دياب طول اليوم يحاول يسيطر على الموقف بس بدون اى فايده

• من ناحيه تانيه سليم صقر قاعد عند مليكه وامها فى شقتهم

مليكه : امتى يا سليم هتقدر تواجه والدك وتخطبنى
سليم : المشكله مش فى والدى يا مليكه
مليكه : امال المشكله فين يا سليم
سليم : دلوقتى مش هقدر اقولك بس اكيد هيجى اليوم اللى هتعرفى فيه كل حاجه
مليكه : كل اللى عارفاه انى بحبك ومش قادره استغنى عنك
سليم : ولا انا اقدر استغنى عنك يا حبيبتى .... انتى بالنسبالى الدنيا كلها ومقدرش ابعد عنك
مليكه : بعشقك يا حبيبى

• فجاه ام مليكه ندهت عليها

مليكه : عن اذنك يا حبيبى اشوف ماما عاوزه ايه وارجعلك تانى
سليم : روحى يا حبيبتى

• قامت مليكه ودخلت الاوضع عند والدتها

مليكه : ايوا يا ماما
والدتها : ايه الاخبار
ملكه : كله تمام
والدتها : خدى البرفان ده اديه لسليم على اساس انه هديه منك وحاولى تخليه يجربه واهم حاجه انتى ماتشميش منه
مليكه : انا اخاف اعمل حاجه زى دى
والدتها : متخافيش وجمدى قلبك ..... مجرد ما يشم البرفان هيروح فى النوم بعدها هبعت رساله للجماعه وهما هيتصرفوا
مليكه : صدقينى يا ماما مش هعرف وهرتبك وهفضح الدنيا
والدتها : خلاص تعالى معايا وانا هتصرف

• خرجت مليكه ومامتها لسليم

سليم : ايه اللى اخرك يا مليكه
والدتها : ابدا يا حبيبى احنا كنا بندور على زجاجة البرفان اللى مليكه جابتهالك هديه بس كانت ضايعه ولقيناها
سليم : بمناسبة ايه
مليكه : من غير مناسبه يا حبيبى ..... وجودك معايا ده اجمل مناسبه
سليم : ماشى يا ستى مقبوله منك ..... ورينى البرفان ده كده

• ولحد هنا خلص الجزء على كده ..... ياترى ايه هيحصل تانى ده اللى هنعرفه فى الجزء اللى جاى اشوفكم بخير