تاجر السعادة

الجزء السابع

عوده للماضى من 4000 سنه .... فى المعبد الكهنه متجمعين

الكاهن الأعظم : الملك قالب الدنيا وبيحاول يجهز الجيش علشان يهاجمنا
كاهن 1 : لازم نخلص من الملك فى اسرع وقت
الكاهن الأعظم : صعب فى الوقت الحالى
كاهن 2 : لو قعدنا ساكتين ممكن الملك يهاجمنا فى اى وقت
الكاهن الأعظم : ماتقلقوش الملك مش هيقدر ياخد قرار الحرب دلوقتى خصوصا انه عارف ان معظم الجيش فى صفنا ده غير الشعب
كاهن 1 : انا شايف ان احنا نكمل خطتنا .... لازم نقضى على الحكيم سنموت
كاهن 2 : الخطه جاهزه ومش باقى غير التنفيذ وفى خلال يوم هيكون سنموت انتهى
الكاهن الأعظم : ابدأ فى التنفيذ

• فجأه دخل عليهم الكاهن 3

الكاهن الأعظم : طمنى ايه الأخبار فى القصر
كاهن 3 : الملك رجع فى قراره ومش هيحاربنا دلوقتى ده بعد نصيحة الاميره مانيسا
الكاهن الأعظم : مانيسا كل يوم بتبقى اقوى ونفوذها بيكبر والملك بيسمع كلامها فى كل حاجه ومش بيسمع لحد غيرها حتى اولاده الذكور
كاهن 3 : وفوق كل ده الأميره مانيسا بتكرهنا وبتكره المعبد واللى علمها كل حاجه الحيكم سينموت اللى زرع جواها الكره ده كله لينا
كاهن 1 : غير علمها فى كمان قوتها .... الأميره مانيسا قويه جدا ومحاربه اقوى من فرسان كتير .... اقوى فرسان الجيش والمعبد مايقدروش يبارزوها او يوقفوا قصادها
الكاهن الأعظم : لازم نلاقى طريقه علشان نخلص من الأميره مانيسا
كاهن 3 : انا وصيت العيون بتاعتنا فى القصر بمراقبة الأميره مانيسا كويس جدا لحد ما نلاقى طريقه نخلص بيها
الكاهن الأعظم : تمام كده .... اتحركوا دلوقتى ونفذوا خطة القضاء على الحكيم سنموت

• من ناحيه تانيه فى اقصر الملك .... الأميره مانيسا قاعده مع الحكيم سنموت

مانيسا : هنقعد ساكتين لحد امتى .... الكهنه سرقوا البرديات وقتلوا العلماء ومصممين يعيشونا فى الظلام
سنموت : الصبر يا مانيسا
مانيسا : لحد امتى
سنموت : قولتلك لحد ما نبقى فى قوة الكهنه ساعتها بس هنقدر نواجههم
مانيسا : سينب عرض عليا يدخل المعبد ويسرق البرديات من هناك
سنموت : لا يا مانيسا صعب
مانيسا : صعب ليه
سنموت : بعيد عن ان البرديات موجوده فى مكان محصن .... البرديات والكتب دى كتير ومستحيل شخص واحد يقدر يهربهم لازم يكون معاه حد يساعده
مانيسا : ممكن نحط خطه ونهرب سينب ويكون معاه كام واحد ونحاول نرجع البرديات
سنموت : الصبر يا مانيسا
مانيسا : حاضر
• فى نفس اليوم بعد نص الليل نزلت الاميره مانيسا وراحت لغرفة سينب اللى اول ما شافها وقف

مانيسا : ازيك يا سينب
سينب : غيبتى عنى يا حبيبتى
مانيسا : معلش يا سينب العيون مفتحه اليومين دول ولو اتقابلنا هيبقى خطر
سينب : الدنيا لسه مقلوبه بعد قتل العلماء
مانيسا : الملك كان مصمم يهاجم الكهنه لولا انى اتدخلت ومنعته
سينب : انا قولتلك انى اقدر ادخل المعبد وارجع البرديات
مانيسا : الحكيم سنموت رفض وامر ان احنا نصبر شويه
سينب : نصبر لحد امتى
مانيسا : مش عارفه بس فعلا لازم نصبر لو كما عاوزين ننتصر على الكهنه
سينب : انا تعبت وقرفت من الكهنه وظلمهم
مانيسا : الصبر يا سينب

• من ناحيه تانيه فى غرفة الحكيم سنموت .... الحكيم نايم على سريره وفارد جسمه وفجأه دخل عليه شخص ملثم واول ما قرب من السرير خرج خنجر من هدومه ورفع ايده علشان ينزل بقوه على الحكيم سنموت لكن مجرد ما رفع ايده زى ما يكون اتجمد فى مكانه وحد ماسك ايده .... فجأه سنموت فتح عنيه وقام من على السرير ووقف قصاد الشخص

سنموت : واقف ليه ... انزل بخنجرك فى قلبى
الشخص " بألم " : مش قادر
سنموت : حاول تانى
الشخص : حاسس ان فى ايد من حديد ماسكانى
سنموت : خد نفس عميق وحاول تانى
الشخص : انا حاسس ان ايدى هتتقطع

• فجأة الشخص ده صرخ جامد من الالم

الشخص : ابوس ايدك السماح .... انا ايدى بتتقطع
سنموت : خلاص سيبوه

• فجأه ايد الشخص التحررت ورمى الخنجر من ايده ونزل على ايد سينموت يبوسها وبعد كده نزل يبوس رجله

الشخص : العفو والسماح

• فجأه الحكيم سنموت عينه بقت حمراء وحط ايده على دماغ الشخص ده وفجأه الشخص ده حس بالالم

الشخص : سامحنى ارجوك
سنموت : الكهنه بعتوك تقتلنى
الشخص : ايوه
سنموت : انت مين بالظبط
الشخص : انا واحد من فرسان المعبد

• شال الحكيم سنموت ايده وفجأه الشخص وقع على الأرض مغمى عليه
• عوده للحاضر .... وقفنا الجزء اللى فات لما قبض الظابط على سليم وهو وبيركبه البوكس سليم عينه جات فى عين الين .... لكن مالحقش يعمل حاجه لأن العربيه اتحركت بيه بسرعه
الين بصوت عالى : لا مستحيل ده يحصل مستحيل
دارين : انتى تعرفى سليم صقر
الين : انتى بتقولى مين
دارين : الشاب اللى بيتقبض
الين : ده الشخص اللى بحلم بيه وحكيتلك عنه .... معقول الشخص ده يطلع سليم صقر فى الاخر
دارين : انتى تعرفى سليم صقر من فين
الين : انا لازم امشى دلوقتى
دارين : تمشى تروحى فين
الين : سيبينى يا دارين دلوقتى ارجوكى .... انا لازم امشى دلوقتى حالا
دارين :طب فهمينى ايه فى بالظبط
الين : لما افهم انا الاول ابقى افهمك

• من ناحيه تانيه فى المعم عندى انا وكريم ..... كريم قاعد مع هبه بيتعشوا

هبه : يا سلام بقالنا كتير مقعدناش مع بعض من غير ازعاج
كريم : تصدقى ان انا خايف من المصيبه اللى هتحصل دلوقتى
هبه : مصيبة ايه اللى هتحصل
كريم : لانى مش متعود اقعد معاكى فى هدوء كده

• فجأه تليفون كريم رن

كريم : مش بقولك لازم تحصل مشكله
هبه : ماتردش
كريم : لا ماينفعش .... لازم ارد

• رد كريم على التليفون

كريم : ايوه يابنى فى ايه .... انت بتقول ايه .... ده حصل امتى وازاى .... وانت ازاى تسيبهم يقبضوا على سليم .... انتوا فين دلوقتى .... انا جاى دلوقتى .... اقفل

• بعد ما قفل كريم التليفون

هبه : ايه اللى حصل يا كريم
كريم : اتقبض على سليم صقر
هبه : ليه كده

• مسك كريم تليفونه تانى وطلب دياب
كريم : انت فين يا دياب .... اوعى تتهور يا دياب .... اسمعنى يابنى ادم .... خلينا نفهم ايه اللى بيحصل الأول وبعد كده نتصرف .... حاول تتحكم فى اعصابك .... انا هتحرك دلوقتى للقسم .... هاخد سليم الجراح معايا .... خلاص هقابلك فى القسم

• بعد ما قفل كريم مع دياب

كريم : انا اسف يا هبه هضطر امشى
هبه : روح يا كريم وابقى طمنى عليك
كريم : مش هينفع اسيبك تمشى لوحدك
هبه : متخافش عليا يا كريم انا مش صغيره
كريم : لا مينفعش .... استنى هنا دقيقه

• ساب كريم هبه وراح ناحية الطرابيزه بتاعتى وشكله واضح عليه كل ملامح الغضب

انا : خير يا كريم فى ايه
كريم : لازم نتحرك انا وانت دلوقتى حالا
انا : ايه المصيبه الجديده
كريم : سليم صقر اتقبض عليه فى المقطم وكان فى عربيته كيس هيروين
انا : انت بتقول ايه
كريم : ده اللى حصل .... لازم نتحرك دلوقتى ونلحق نتصرف قبل دياب ما يعمل مصيبه
انا : يلا بسرعه يا كريم
كريم : خلى هبه تمشى مع مريم والحراسه وانا وانت نتحرك مع بعض
انا : طب يلا بسرعه

• خرجنا من المطعم .... مريم وهبه ركبوا العربيات مع الحراسه وانا وكريم اتحركنا للقسم

انا : سوق بسرعه يا كريم خلينا نوصل القسم
كريم : انا سايق بأقصى سرعه
انا : ازاى ده حصل يا كريم
كريم : انا مش عارف حاجه ولا فاهم ايه اللى بيحصل بالظبط
انا : اللى حصل ده هيقوم حرب كبيره .... واظن انت فاهم قصدى كويس
كريم : فاهمك يا سليم .... دياب ممكن يهد المعبد على دماغ اللى فيه
انا : لازم نلحق دياب قبل ما يعمل حاجه يضيع بيها نفسه
كريم : **** يستر

• فجأه تليفونى رن

كريم : دياب بيتصل بيك
انا : لا ده يوسف
كريم : طب رد عليه بسرعه ممكن يكون عارف حاجه
انا : حاضر يا كريم

• رديت على يوسف

انا : ايوه يا يوسف
يوسف : عرفت اللى حصل
انا : ايوه عرفت وانا فى طريقى للقسم دلوقتى
يوسف : الموضوع كبير يا سليم
انا : ايه اللى تعرفه يا يوسف
يوسف : فى بلاغ اتقدم للشرطه ان سليم بيهرب هيروين وانه استلم شحنه هيروين وموجوده فى عربيته واتعمله كمين فى المقطم ولما فتشوا العربيه لقيوا فيها كيلو هيروين
انا : مين اللى قدم البلاغ
يوسف : بلاغ من مجهول حتى رقم التليفون اللى عمل البلاغ مش موجود فى مصر اصلا ومش قادرين نحدد مكان الشخص ده خالص
انا : اللعب كده بقى على كبير
يوسف : للأسف يا سليم الموضوع كبير جدا .... ده غير الصحافه وصلها الخبر ومش عارفين مين اللى سربلهم الخبر
انا : اكيد مستر جون هو اللى سرب الخبر .... عاوز يقلبها قضية رأى عام علشان يورطنا فى الموضوع وميخليناش نقفله
يوسف : للأسف هو ده التفسير الوحيد
انا : انت فين دلوقتى
يوسف : انا فى طريقى للقسم .... ربع ساعه واوصل
انا : ماشى يا يوسف .... احنا كمان فى الطريق .... سلام دلوقتى

• بعد ما قفلت مع يوسف

انا : ايه رائيك يا كريم فى الكلام ده
كريم : الحرب هتقوم يا سليم
انا : الحرب خلاص قامت يا كريم .... واللى حصل ده دياب مستحيل يعديه حتى لو قدرنا نخرج سليم من القضيه
كريم : تفتكر دياب هيعمل ايه
انا : هيولع فى البلد كلها ومحدش هيقدر يوقفه
كريم : **** يستر

• من ناحيه تانيه الين رجعت بيتها واول ما وصلت دخلت اوضتها وراحت ناحية مكتبه وشالت منها شوية كتب وظهر وراها ضلفه سحريه فتحتها وطلعت منها تليفون فتحته وعملت مكالمه

الين : الووووو
الشخص : ايوا يا حبيبتى ازيك
الين : عرفت اللى حصل
الشخص : حصل ايه
الين : سليم صقر اتقبض عليه
الشخص : انتى بتقولى ايه
الين : زى ما بقول لحضرتك .... سليم صقر اتقبض عليه
الشخص : وانتى عرفتى ازاى
الين : انا كنت من شويه مع دارين صاحبتى فى المقطم وكنا بنتمشى فى المقطم بالعربيه وشوفنا سليم ببتقبض عليه وسليم يبقى زميل دارين فى الجامعه وهى اللى اتعرفت عليه
الشخص : وقبضوا عليه ليه
الين : كان معاه مخدرات
الشخص : طب اقفلى دلوقتى وانا هشوف فى ايه
الين : مين اللى عمل كده بالظبط
الشخص : قولتلك اقفلى دلوقتى وانا هشوف ايه اللى بيحصل

• بعد نص ساعه وصلنا القسم وكان يوسف موجود ومعاه عمى

انا : ايه الاخبار يا يوسف .... سليم فين
يوسف : متخافش على سليم .... انا خليته يقعد فى استراحة المأمور اللى هنا لحد التحقيق
انا : دياب فين
يوسف : كلمته وبيقول انه داخل على المقطم يعنى دقايق ويوصل والأستاذ شريف المحامى موجود جوه مع الظابط بيشوف ايه اللى ممكن يحصل
انا : وانت ليه مادخلتش
يوسف : انا قعدت مع الظابط اول ما وصلت وفهمت منه كل حاجه وللأسف رافض يحل الموضوع وبيقول ان الموضوع اكبر منه ومش فى ايده لأن الموضوع وصل لوزير الداخليه شخصيا
انا : دى الحكايه كبيره فعلا

• فجأه دياب دخل القسم وسط رجالته

دياب : سليم فين يا يوسف
يوسف : سليم فى استراحة المأمور والاساذ شريف بيشوف حل للموضوع بس زى ما قولتلك الموضوع كبير ووصل للوزير
دياب : انا عاوز ادخل لسليم دلوقتى حالا
يوسف : حاضر يا دياب

• بعد شويه دخل دياب الاوضه عند سليم اللى كان قاعد سرحان .... سليم اول ماشاف دياب جرى عليه ودخل فى حضنه

سليم : الحقنى يا دياب انا ضعت
دياب : اياك تقول كده طول ما انا عايش .... اهدى كده وفهمنى ايه اللى حصل بالظبط
سليم : بعد ماخلصت شغل فى الشركه اخدت عربيتى وكنت زهقان قولت الف شويه فى المقطم فجأه لقيت كمين قصادى بعد الهضبه الوسطى تحديدا عند نزلة السبعين قولت عادى وكانت العربيات بتمشى عادى لحد ماوصلت للكمين فجأه اتقفل قصادى .... الظابط طلب الرخص واديته رخصة السواقه بتاعتى بص فيها وبعد كده طلب يفتش العربيه ولما فتشها طلع المخدرات من تابلوه العربيه لكن اقسملك انى معرفش اى حاجه عن المخدرات دى وبعدها قبضوا عليا وجابونى على هنا وانا كلمتك على طول
دياب : طب اهدى يا سليم وركز معايا وافهمنى
سليم : عاوز ايه يا دياب
دياب : حاول تفتكر الحاجه دى ممكن تكون اتحطت امتى فى تابلوه العربيه
سليم : اكيد لما كنت فى الشركه .... لانى بعد ما خلصت محاضراتى طلعت على طول على الشركه واول ماركنت العربيه فى الجراج فتحت التابلوه واخدت منه المسدس بتاعى وساعتها كان التابلوه فاضى وبعدها مافتحتش التابلوه تانى
دياب : وانت روحت الشركه الساعه كام بالظبط
سليم : كانت الساعه 3 العصر تقريبا
دياب : رخصة العربيه معاك ولا مع الظابط
سليم : لا معايا .... الظابط معاه رخصة السواقه بتاعتى وبس
دياب : طب هات الرخصه يا سليم
سليم : هتعمل ايه بالرخصه يا دياب
دياب : اسمع الكلام وهات الرخصه

• طلع سليم الرخصه من المحفظه واداها لدياب

دياب : عاوزك فى التحقيق اى حد يسألك عن حاجه تقول ماتعرفش وتنكر اى كلام يتقال
سليم : انا فعلا مش عارف
دياب : وعاوزك تقول حاجه كمان
سليم : حاجة ايه تانى
دياب : لما يسألوك عن العربيه تقول انها بتاعتى انا مش بتاعتك انت
سليم : انت بتقول ايه يا دياب .... انت كده هتضيع نفسك
دياب : اسمع الكلام من غير نقاش
سليم : اسمعنى يا دياب
دياب : نفذ الكلام يا سليم

• قام دياب من مكانه

سليم : رايح فين يا دياب
دياب : ماتقلقش يا سليم .... انا رايح مشوار ساعة زمن وراجع تانى .... نفذ الكلام اللى قولتلك عليه
سليم : حاضر يا دياب

• خرج دياب من عند سليم وجالنا

انا : ايه الاخبار يا دياب
دياب : جاسمين فين يا سليم
انا : ايه علاقة جاسمين باللى احنا فيه يا دياب
دياب : علاقتها ان اللى عمل كده جون واستر
انا : اهدى يا دياب وكل حاجه تتحل بالعقل
دياب : مش هكرر سؤالى يا سليم
انا : صدقنى يا دياب انا مش عارف جاسمين فين
دياب : اصدقك زى ما صدقتك قبل كده لما قولت انك مش عارف مين اللى بيلعب بعد استر .... ولا اصدقك لما عملت نفسك مش عارف ان استر لسه عايشه .... اصدقك على ايه ولا ايه
انا : اهدى يا دياب انت مش عارف بتقول ايه
دياب : لا يا سليم انا عارف بقول ايه كويس بس انت انسان انانى مش بيهمك حاجه غير مصلحتك .... لما استر خطفت مراتك انت قلبت الدنيا علشان ترجعها دلوقتى مستكتر عليا انقذ ابنى اللى بيضيع منى ومش عارف اعمله حاجه
عمى : يا دياب احنا كلنا معاك
دياب : انتوا مين بالظبط .... انا طول عمرى لوحدى .... مكتوب عليا اواجه الحياه لوحدى .... كلكم شايفين ان سليم نقطة ضعفى وبتحاولوا تبعدوه عنى علشان تستغلونى فى الحرب بتاعتكم والفرصه جاتلكم وبتحاولوا تستغلوها احسن استغلال .... انتوا ماتفرقوش كتير عن جون واستر
عمى : ركز فى كلامك يا دياب
دياب : اركز .... انا فعلا هركز فى كلامى .... انا اللى عيشت طول عمرى فى حرب مش بتاعتى .... انا اللى عيشت عمرى علشان احمى ابن اخوك ومن بعده بناتك .... انا اللى عيشت عمرى شايل مسئولية ناس ماتخصنيش .... انا اللى عيشت عمرى علشان احميك يا دكتور واحمى مركزك وشركاتك .... انا اللى حطيت نفسى فى الخطر بدالك اكتر من 100 مره ..... لكن للأسف محدش فيكم عنده استعداد يضحى علشانى .... اهم حاجه عندكم مصلحتكم وبس .... بس انا خلاص مش محتاج لأى حد فيكم .... امشوا كلكم مش عاوز اشوف اى حد فيكم تانى فى حياتى .... من النهارده انتوا اعدائى زيكم زى جون واستر
عمى : انا مقدر يا دياب الموقف الصعب اللى انت فيه ومش زعلان من كلامك بس مسير الايام تعرفك ان انت غالى علينا ومستحيل نضحى بيك
دياب : لا شكرا يا دكتور انا مش عاوز منكم حاجه وسيبونى خالص ومشكلتى انا هعرف احلها كويس

• شاور دياب للجارد بتاعه

دياب : يا ادوارد تعالى هنا
ادوارد : اوامرك يا فندم
دياب : خرج الناس دى من القسم فورا
ادوارد : يا فندم
دياب : اسمع الكلام يا ادوارد .... مش عاوز اشوف اى حد فيهم هنا .... انا رايح مشوار ساعة زمن وراجع لو رجعت ولقيت حد فيهم لسه موجود هضربه بالرصاص وانت معاهم
عمى : ملهوش لازمه الكلام ده يا دياب .... احنا هنخرج بس لينا كلام تانى مع بعض بعدين بعد ما تهدى
دياب : خلى بالك من سليم يا ادوارد ولو اى حد اتعرضله هنا احرق القسم باللى فيه
ادوارد : حاضر يا فندم

• سابنا دياب وخرج

انا : ايه الكلام اللى دياب قاله ده
عمى : دياب مدبوح وبيفرفر
ادوارد : ارجوك يا دكتور امشى علشان مستر دياب مايقلبش الدنيا .... انتوا فى الاول ولا فى الاخر اهل واكيد هتتصافوا لكن دلوقتى الموقف متعقد
عمى : احنا هنمشى يا ادوارد بس خلى بالك من سليم ودياب واى حاجه تحصل بلغنى فورا انا صاحى ومش هنام
ادوارد : حاضر يا دكتور

• من ناحيه تانيه عند جون فى الاستراحه بتاعته قاعد مع سيرينا
جون : ازاى ده حصل يا سيرينا ومين من مصلحته يعمل كده فى سليم صقر
سيرينا : مش عارفه يا فندم .... اكيد فى طرف تالت دخل فى النص وعمل كده
جون : جايز يكون حد من عيلة صقر اللى رافضين ان سليم يبقى كبير عليهم
سيرينا : احتمال ضعيف لان انا حاطه تقريبا كل عيلة صقر تحت عنيا ومفيش حد فيهم يقدر يعمل حاجه من غير ما اعرف
جون : طالما مش احنا السبب ولا حد من عيلة صقر امال هيكون مين اللى ضرب الضربه دى
سيرينا : جايز يكون الموساد بعت حد غيرنا يشتغل على الملف
جون : لا مستحيل .... كان لازم يعرفونى قبل مايعملوا حاجه زى دى
سيرينا : انا خلاص دماغى هتنفجر ومش عارفه افكر
جون : ديفيد راح فين كل ده
سيرينا : بيشوف اللى بيحصل بالظبط
جون : طب كلميه وشوفيه وصل لأيه بالظبط
سيرينا : حاضر

• من ناحيه تانيه فى فيلا احمد صقر كلهم متجمعين

احمد : سليم اتاخر ليه لحد دلوقتى
فاتن : سليم راح الشركه بعد الجامعه وقال انه هيتاخر شويه
احمد : احنا دلوقتى داخلين على نص الليل
فاتن : انت هتقلقنى ليه يا احمد
احمد : اتصلى بيه وشوفيه ليه التاخير ده كله
فاتن : حاضر يا احمد

• طلعت فاتن تليفونها وحاولت تتصل بسليم لكن تليفونه كان مقفول

فاتن : سليم قافل تليفونه
احمد : **** يستر انا حاسس ان فى حاجه
عمر : حاجة ايه يا احمد اللى فى دماغك
احمد : مش عارف يا ابويا انا قلبى مقبوض
عمر : اتصلى بريهام يا فاتن وشوفى دياب رجع ولا لسه فى الشغل
فاتن : حاضر يا عمى

• اتصلت فاتن بريهام

فاتن : ازيك يا ريهام
ريهام : تمام يا فاتن .... خير فى حاجه
فاتن : هو دياب رجع من الشغل
ريهام : لا لسه وانا قلقانه عليه لانى بكلمه بقالى كتير شويه تليفونه يتقفل وشويه يدينى مشغول .... بس انتى بتسالى ليه
فاتن : علشان سليم لسه مارجعش لحد دلوقتى وبكلمه قافل تليفونه
ريهام : ممكن يكون الاتنين مع بعض
فاتن : انا قلقانه وحاسه ان فى مشكله
ريهام : هتقلقينى ليه انتى كمان
فاتن : طب اقفلى دلوقتى وانا هحاول اكلم دياب

• قفلت فاتن مع ريهام

فاتن : انا قلقانه يا احمد خصوصا بعد ما كلمت ريهام
احمد : انا هكلم دياب

• اتصل احمد بدياب اكتر من مره لحد ما اخيرا دياب رد على احمد

احمد : بكلمك بقالى كتير يا دياب ليه مش بترد
دياب : معلش يا احمد بس فى مشكله بحاول اخلصها
احمد : سليم فين يا دياب
دياب : انت عرفت
احمد : ايوه عرفت .... انطق وقولى سليم فين
دياب : انا بحاول احل المشكله وماتقلقش سليم هيرجعلك فى خلال ساعات
احمد : اوعى تقول ان سليم اتخطف
دياب : لا يا احمد سليم ماتخطفش

• كل اللى قاعدين اتصدموا من كلمة احمد

احمد : امال ايه اللى حصل بالظبط
دياب : سليم اتقبض عليه ولقيوا مخدرات معاه فى العربيه
احمد : مخدرات ايه وزفت ايه .... ابنى فين يا دياب
دياب : سليم فى قسم المقطم وانا شغال على الموضوع علشان اخرجه منها
احمد : انا جايلك دلوقتى
دياب : تعالى يا احمد وانا زى ما قولتلك شغال ومش هيعدى اليوم غير لما سليم يرجع لبيته من تانى

• قفل احمد مع دياب

عمر : ايه اللى حصل يا احمد
احمد : سليم اتقبض عليه ودياب بيقول ان كان معاه مخدرات
• فاتن اول ما سمعت كلمة احمد عيطت والجماعه هدوها

احمد : انا لازم اتحرك دلوقتى
عمر : رايح فين
احمد : لازم الحق ابنى
فاتن : انا جايه معاك
احمد : استنى يا فاتن انا هروح اشوف فى ايه وبعد كده اكلمك
فاتن : رجلى على رجلك يا احمد
عمر : وانا كمان رجلى على رجلكم انا مش هقدر استنى هنا
امل : وانا كمان رايحه معاكم

• اتحرك احمد وفاتن وعمر وامل على القسم .... اول ما وصلوا شافوا يوسف وكريم موجودين

احمد : سليم فين يا يوسف
يوسف : ماتقلقش يا احمد .... سليم موجود فى استراحة المأمور
احمد : ايه اللى حصل بالظبط

• حكى يوسف كل اللى حصل

احمد : ودياب فين دلوقتى
يوسف : مش عارف .... دياب طرد الدكتور سليم وبعدها مشى وقال ان هو اللى هيحل المشكله بنفسه
احمد : دياب يطرد الدكتور سليم ليه
يوسف : دياب مقتنع اللى عمل كده هما الجماعه اياهم ومش راضى يصدق ان احنا مش عارفين طريقهم وانفعل على الدكتور سليم

• من ناحيه تانيه بعد ما خرج دياب من القسم ركب عربيته واتحرك وهو فى الطريق مسك تليفونه وعمل مكالمه
دياب : الووووو
الشخص : انت فين يا دياب
دياب : انت عرفت اللى حصل
الشخص : طبعا عرفت كل التفاصيل وبحاول اتصرف
دياب : تتصرف ازاى يعنى
الشخص : حاولت اخرج سليم بشكل قانونى لكن للأسف الموضوع كبير وكل الناس رافضه تتدخل
دياب : والحل ايه دلوقتى
الشخص : ايه رائيك نهرب سليم من القسم .... الرجاله عندى جاهزه على التنفيذ وفى منهم ناس موجوده بالفعل حواليك وفى قسم المقطم مستنيين اشاره هياخدوا سليم ويطلعوا بيه على المطار وهناك فى طياره خاصه جاهزه ومستعده هتاخد سليم على اى مكان تختاره
دياب : لا ... سليم ماينفعش يعيش هربان مهما حصل
الشخص : ده بشكل مؤقت لحد ما نلاقى حل للموضوع ده
دياب : قولتلك ما ينفعش كده خطر على سليم
الشخص : واحنا لو استنينا اكتر من كده هيبقى الخطر اكبر .... سليم لو اتحبس مش هنعرف نسيطر على السجن .... انا عارف ان سليم لسه قاصر بس اللى هيحصل انه هيدخل الاحداث .... ساعتها ممكن اى حد يتسلل لهناك ويعمل مصيبه
دياب : علشان كده سليم لازم يخرج النهارده من القسم وبشكل قانونى
الشخص : وهنعملها ازاى دى بقى وانا بقولك مفيش اى حد راضى يتدخل
دياب : انا اللى هتسجن مكان سليم
الشخص : انت اتجننت يا دياب .... انت كده هتعرض نفسك لخطر اكبر
دياب : مفيش معايا حل غير كده .... اسمعنى كويس فى اللى هقولهولك
الشخص : عاوز ايه يا دياب
دياب : اهلى امانه فى رقبتك .... انا عارف انك قد الامانه وهتحافظ عليهم وتحميم
الشخص : احميهم ازاى والدكتور سليم الجراح وابن اخوه وكريم راحوا فين
دياب : انسى الناس دى كلها .... دول ناس انانيه مش بيفكروا غير فى مصلحتهم وطظ فى اى حاجه تانى .... وانا مش هتطمن على عيلتى معاهم
الشخص : ايه اللى انت بتقوله ده يا دياب .... انا وانت عارفين كويس ان الدكتور سليم بيحبك زى ابنه واكتر
دياب : سيبك من الكلام ده دلوقتى .... عاوزك من الليله تبعت حراسه للفيلا عندى علشان يحرسوا ريهام وليندا والاولاد وتبعت حراسه كمان عند فيلا احمد صقر علشان تحرس سليم بعد ما يخرج
الشخص : حاضر يا دياب بس ازاى الرجاله هيدخلوا من غير اذن الدكتور سليم
دياب : رجالتك هيبلغوهم انهم من طرفى .... وانا اصلا طردت الدكتور سليم وابن اخوه ومعاهم كريم ويوسف من القسم
الشخص : انت اتجننت يا دياب .... ازاى تعمل كده
دياب : سيبك من اللى انا عملته وخلينا فى اللى جاى
الشخص : عاوز ايه تانى
دياب : عاوز اوصيك على سليم .... عاوزك تاخد بالك منه وتحميه على قد ما تقدر .... عاوزك تفتكر حاجه واحده بس .... سليم يبقى ابنى
الشخص : حاضر يا دياب .... طب انت رايح فين دلوقتى
دياب : هروح اتصرف فى ورق العربيه .... لازم العربيه تتسجل باسمى ويتمسح اسم سليم من عليها كأنها بتاعتى من اول يوم ولازم اخلص الموضوع ده فى المرور
الشخص : طب ارجع انت القسم وانا هخلص الموضوع ده بنفسى
دياب : هتعمل ايه
الشخص : ملكش دعوه يا دياب .... ده موضوعى وانا هعرف اخلصه ادينى بس ساعة زمن وورق العربيه هيكون عندك فى القسم
دياب : عاوزك تبعتلى المحامى على القسم علشان نشوف ايه اللى هيحصل
الشخص : المحامى موجود بالفعل فى القسم بس مارضيش يتدخل علشان المتر شريف موجود
دياب : خلاص انا هرجع القسم واتصرف .... مع السلامه

• لف دياب ورجع للقسم تانى واول ما دخل القسم كنت مشيت مع عمى لكن يوسف وكريم كانوا موجودين فى القسم فى اوضه ومعاهم احمد صقر والجماعه.... مع دخول دياب للقسم كان المتر شريف خرج من عند المأمور كريم ويوسف اول ما شافوا شريف خرج راحوا ناحيته .... دياب اول ما دخل القسم راح ناحيتهم

شريف : كنت فين يا دياب
دياب : كنت بخلص موضوع كده .... ايه اللى حصل جوه
شريف : سليم هيتعرض على النيابه بكره الصبح بس للأسف الموقف ضعيف جدا
احمد : يعنى ايه ابنى هيضيع منى
دياب : قولتلك يا احمد ما تقلقش ابنك هيرجعلك وانا المسئول عن ده .... شكرا يا متر على خدماتك .... تقدر تستاذن وانا هخلص الموضوع ده بنفسى
شريف : على العموم سليم هيبات الليله فى استراحة المأمور وبكره الصبح انا هكون عندك علشان نروح للنيابه
دياب : لا شكرا ما متر انا قولتلك هتصرف فى الموضوع ده .... تقدر تستاذن
شريف : كده .... زى ما تحب .... عن اذنك

• خرج شريف من القسم وبعد كده دياب بص على يوسف وكريم

دياب : انتوا قاعدين هنا ليه .... انا مش قولت مش عاوز اى حد فيكم هنا
كريم : اهدى يا دياب وكل حاجه هتتحل بالعقل
دياب : خلاص مفيش عقل يا كريم .... خلصت خلاص وانا مش هشترى ناس ميهمهاش غير مصلحتها .... امشوا انتوا الاتنين من هنا ومش عاوز اشوف وش اى حد فيكم تانى فى حياتى .... واسحب رجالتك يا كريم من الفيلا بتاعتى والفيلا بتاعة احمد صقر
كريم : واسحب الحراسه كمان
دياب : فى رجاله دلوقتى فى طريقهم لهناك .... رجاله تخاف عليا بجد ويهمها مصلحتى
كريم : وايه تانى يا دياب
دياب : خلاص كده تقدر تمشى
كريم : انا عارف ان اعصابك تعبانه علشان كده هسيبك دلوقتى وارجعلك تانى بعدين تكون هديت

• مشى يوسف وكريم من القسم وسابوا دياب قاعد مع احمد والجماعه

عمر : هتعمل ايه يا دياب
دياب : سليم لازم يخرج بأى شكل
امل : وهتعمل كده ازاى يا دياب
دياب : دى غلطتى وانا اللى لازم اصلحها
فاتن : انا واثقه فيك يا دياب بس انا عاوزه اعرف انت هتعمل ايه بالظبط
دياب : سيبينى شويه يا فاتن محتاج ارتب افكارى
فاتن : حاضر يا دياب

• قعد دياب لوحده شويه لحد ما دخل راجل على دياب

الراجل : ازيك يا مستر دياب .... انا انس المحامى
دياب : ازيك يا متر .... طمنى ايه الأخبار
انس : انا عندى تعليمات بتنفيذ اوامر حضرتك .... كلها ساعة زمن والورق اللى بيثبت ان العربيه بتاعتك هيكون موجود بس للأسف مش هنقدر نتعامل بالورق ده غير بكره الصبح فى النيابه علشان مانلفتش النظر
دياب :حاضر يا متر .... عاوزك تدخل عند سليم وتفهمه هيقول ايه بالظبط فى النيابه
انس : ماتقلقش يا فندم .... انا دخلت عند سليم من شويه وفهمته هيقول ايه بالظبط
دياب : تمام يا متر
انس : بس كده مش خطر على حضرتك
دياب : مش مهم اى حاجه .... المهم دلوقتى سليم يخرج بالسلامه
انس : بس حضرتك لو اتسجنت اسهم شركاتك ممكن تخسر
دياب : ماتقلقش يا متر انا محصن الأسهم بتاعتى كويس جدا وعامل حساب يوم زى ده .... لازم يا متر تعمل حسابك على اسوأ سيناريو فى الكون علشان تعرف تتعامل معاه كويس وانا عامل حساب اللحظه دى كويس وعارف انها مسيرها هتيجى مهما اتاخرت وهيجى اليوم اللى هوقف فيه لوحدى فى وش الدنيا
انس : على العموم انا عملت اللى عليا وقدمتلك النصيحه
دياب : شكرا يا متر على النصيحه

• بعد نص ساعه جات مكالمه للمتر وخرج من القسم ورجع تانى لدياب

انس : اتفضل يا فندم الورق اللى كنت مستنيه
دياب : ورينى كده

• مسك دياب الورق وبص عليه

انس : الورق ده بيثبت ان العربيه ملكك من اول يوم دخلت فيه مصر ومفيش مخلوق يقدر يثبت غير كده
دياب : تمام يا متر .... تقدر تمشى دلوقتى وتعالى النيابه بكره الصبح
انس : لا يا فندم انا موجود معاك لحد ما نخلص
دياب : تمام يا متر

• من ناحيه تانيه فى الاستراحه عند جون قاعد مع سيرينا ودخل عليهم ديفيد

جون : ايه اللى بيحصل يا ديفيد
ديفيد : الدنيا مولعه على الاخر بره وكله شغال ضرب فى بعضه
جون : مين اللى عمل كده فى سليم صقر
ديفيد : فى حاجات غريبه حصلت انا مش فاهمها ده غير ان الدنيا ولعت على الأخر
جون : طب فهمنى ايه الى حصل بالظبط
ديفيد : دياب اتخانق مع الدكتور سليم وابن اخوه وطردهم من القسم وبعدها طرد يوسف وكريم
جون : ليه كده
ديفيد : رجالتى فى القسم بلغونى ان حصلت مشاده بينهم وان دياب كان عاوز يعرف طريق جاسمين لانه متصور ان احنا السبب ومش مقتنع ان سليم مايعرفش طريقها ... دياب حاسس انه مجرد لعبه فى ايد الجراح ولما احتاج المساعده محدش فيهم وقف معاه
جون : ده خبر مايتقدرش بتمن
ديفيد : فى حاجه كمان انا مش فاهمها ومش لاقيلها اى تفسير
جون : حاجة ايه
ديفيد : فى الخناقه اللى كانت بين دياب وسليم اتردد اسم استر والواضح من كلامهم ان استر لسه عايشه والوحيد اللى عارف طريقها هو سليم الصغير
جون : انت بتقول ايه .... استر مين اللى عايشه وعايشه ازاى يعنى
ديفيد : مش بقول لحضرتك ان الحكايه متلخبطه ومحدش فاهم حاجه
جون : لا كده الموضوع بيكبر وخيوط اللعبه هتفلت من ايدينا اكتر واكتر
سيرينا : لو استر لسه عايشه زى ما بتقول معنى كده ان هى اللى عملت كده فى سليم صقر
جون : لو كان كده يبقى احنا كلنا فى مصيبه واستر دخلتنا فى حرب صعبه .... سليم صقر هو نقطة الضعف لدياب وممكن يقلب الدنيا كلها بسببه
ديفيد : دياب قدر يضحى بالدكتور سليم وابن اخوه بسبب نقطة الضعف دى
جون : لازم نتاكد من موضوع استر الاول
ديفيد : هنتاكد ازاى
جون : هبلغ الموساد وهما هيحققوا فى الموضوع ده .... اهم حاجه دلوقتى نركز كويس جدا فى اللى بيحصل

• نرجع عندى انا وعمى قاعدين مع بعض

انا : بنى ادم غبى
عمى : لا يا سليم مش هسمحلك تغلط فى دياب مهما حصل
انا : حضرتك مش شايف اللى دياب عمله
عمى : دياب معذور .... انا وانت عارفين كويس ان سليم صقر هو نقطة ضعف دياب
انا : انا يا ما حذرته من الموضوع ده وقولتله ان طالما الناس عرفت نقطة ضعفك هيدوسوا عليك .... وده اللى حصل واللى بيدفع التمن دلوقتى عيل مسكين .... اللى حصل لسليم ده بسبب دياب مش بسبب اى حاجه تانى

• فجأه دخل علينا يوسف وكريم

عمى : ايه اللى رجعكم
يوسف : دياب طردنا وقال انه مش عاوز يشوف وش اى حد فينا تانى فى حياته
كريم : وطلب منى اسحب الحراسه من على الفيلا بتاعته وبتاعة احمد صقر
عمى : طب ومين اللى هيحرسهم
كريم : بيقول ان فى رجاله من طرفه هيوصلوا دلوقتى وهيستلموا الحراسه
انا : الغبى عمل اللى بيحلم بيه مستر جون .... جون قدر ينفذ كل اللى بيخططله وضرب العلاقه مابينا وفرقنا عن بعض
يوسف : طب والحل ايه دلوقتى
انا : مش عارف يا يوسف .... للأسف الضربه المره دى كانت جامده ومحدش فينا كان عامل حسابها
يوسف : انت فعلا يا سليم مش عارف مكان جاسمين
انا : اقسملك يا يوسف مش عارف مكانها .... البنت دى اتبخرت وملهاش اى اثر
يوسف : طب وبالنسبه لإستر
انا : انا عارف مكان استر .... لكن استر بريئه من اللى حصل النهارده
عمى : وايه اللى مخليك متأكد من براءة استر
انا : انا حاطط عينى على استر باستمرار من يوم اختفاء جثتها من المشرحه .... استر قصاد عينى طول الوقت
عمى : يعنى انت عارف بالحكايه من اولها يا سليم
انا : طبعا يا عمى
يوسف : طب هنعمل ايه دلوقتى
عمى : اطلعوا ارتاحوا دلوقتى مش باقى غير كام ساعه واانهار يطلع .... عاوزكم من الصبح بدرى تكونوا فى النيابه مع دياب
انا : حاضر يا عمى .... **** يستر وميطردناش من النيابه كمان
عمى : استحملوه مهما عمل .... ماتخلوش جون ينجح فى خطته ويفرقنا عن بعض
انا : حاضر يا عمى

• تانى يوم الصبح ... دياب اتحرك مع سليم والجماعه للنيابه .... انا وكريم ويوسف اتحركنا ووصلنا هناك قبلهم وبعدها وصل دياب بس ما كلمناش ولا كأنه شايفنا .... دياب والجماعه دخلوا مع سليم اوضه لحد ما يدخلوا لوكيل النيابه .... بعدها بشويه وصلت ريهام وليندا ومعاهم محمد صقر ودخلوا الاوضه عند دياب
• فى الاوضه عند دياب والجماعه

محمد :ايه اللى بيحصل ده يا دياب
دياب : اهدى يا محمد وكل حاجه هتتحل
سليم : انا خايف يا دياب
دياب : قولتلك متخافش طول ما انا جمبك
سليم : انا خايف من اللى انت ناوى عليه
دياب : متخافش يا سليم .... اعمل بس اللى قولتلك عليه
سليم : حاضر يا دياب
انس : عارف يا سليم هتقول ايه لوكيل النيابه
سليم : عارف يا متر
انس : اهم حاجه ماتتوترش وتتكلم بثقه واوعدك هتخرج معانا بعد ساعة زمن
سليم : انا فعلا هخرج بس هخرج ناقص قلب وضهر
دياب : ماتقولش كده يا سليم واسمع الكلام
عمر : هو ايه اللى بيحصل يا دياب
دياب : بصلح غلطتى يا عمى
عمر : غلطة ايه اللى بتصلحها وهتصلحها ازاى
دياب : انا اللى عرضت سليم للخطر ده وورطته معايا لما الناس كلها عرفت ان سليم نقطة ضعفى
عمر : وهتصلحها ازاى
دياب : شويه وهتعرف كل حاجه .... انا هرجعلكم سليم واتمنى تحافظوا عليه
عمر : مش عارف ليه مش متطمن لكلامك
دياب : اتطمن يا عمى دى مشكلتى وهعرف احلها زى ما طول عمرى بعرف احل مشاكلى كويس
ليندا : هتعمل ايه يا ادم
دياب : ادم رجع وهيحاسب الكل بس كل شئ بوقته

• بعدها بشويه دخل عسكرى الأوضه وبلغهم ان وكيل النيابه عاوز سليم .... دخل سليم مع المحامى لوكيل النيابه .... اول ما دخلوا قعدوا قصاد وكيل النيابه

وكيل النيابه للمحضر : افتح المحضر .... انه فى يوم .... وفى تاريخ .... وفى تمام الساعه 9 صباحا مثل المتهم امامنا نحن اشرف الصباح وكيل النائب العام ومعه الأستاذ أنس عاصم المحامى .... وبسؤال المتهم عن اسمه فأجاب .... اسمك بالكامل يا سليم
سليم : سليم احمد عمر صقر
اشرف : وبسؤاله عن سنه فأجاب .... عندك كام سنه يا سليم ؟
سليم : 18 سنه
أشرف : ماهى اقوالك فى ما هو موجه اليك بحيازة 2 كيلو من المواد المخدره من مادة الهيروين
سليم : انا معرفش اى حاجه عن الحاجات دى
أشرف : بس الظابط اللى قبض عليك بيقول انه لقاهم فى عربيتك
سليم : يا فندم دى مش عربيتى اصلا
اشرف : امال عربية مين
سليم : دى عربية جوز عمتى
اشرف : ايه اثباتك على الكلام ده

• طلع سليم رخصة العربيه اللى ادهاله دياب قبل ما يدخل

سليم : دى رخصة العربيه يا فندم بأسم دياب عبدالرحمن العاصى جوز عمتى
أشرف : وانت متعود تاخد العربيه بتاعة جوز عمتك
سليم : احيانا لما تكون العربيه بتاعتى عطلانه لأن احنا ساكنين مع بعض فى نفس المكان وجوز عمتى معاه اكتر من عربيه
اشرف : وجوز عمتك بيشتغل ايه
سليم : نائب رئيس مجلس ادارة مجموعة شركات الجراح
أنس : يا فندم الموضوع واضح وموكلى برئ من التهمه المنسوبه اليه .... موكلى عربيته عطلت وهو متعود ياخد عربية جوز عمته مش معقول يعنى كل مره هياخد فيها العربيه هيفتشها قبل ما يركبها ويشوف اذا كان فيها مخدرات ولا لا .... ده غير ان سليم سنه صغير مش معقول واحد فى سنه هيكون بيتاجر فى مخدرات ومعاه كل الكميه دى
اشرف : مفهوم يا متر .... جوز عمتك فين يا سليم
سليم : موجود بره يا فندم
أشرف : يعنى جوز عمتك عارف ان عربيته اتمسك فيها مخدرات وجاى هنا برجله
سليم : لأنه برئ .... دياب انضف انسان ممكن حضرتك تتعامل معاه
اشرف : عند اقوال تانى يا سليم
سليم : لا يا فندم
اشرف : امرنا نحن اشرف الصباح باستدعاء دياب عبدالرحمن العاصى للتحقيق معه وسؤاله عن الواقعه .... امضى يا سليم على اقوالك
سليم : حاضر يا فندم

• قام سليم مضى على المحضر

سليم : تمام كده يا فندم
اشرف : استنى بره يا سليم لحد ما اطلبك تانى
سليم : حاضر يا فندم

• خرج سليم ومعاه انس المحامى

اشرف : اخرج يا محسن دلوقتى وبعد ربع ساعه هاتلى اللى اسمه دياب ده علشان احقق معاه
محسن : حاضر يا فندم

• خرج المحضر وساب وكيل النيابه لوحده فى المكتب .... بعد ما محسن خرج اشرف خرج تليفونه وعمل مكالمه لشخص

اشرف : ايوه يا فندم
الشخص : ايه الاخبار يا اشرف
اشرف : للأسف يا فندم الأخبار وحشه
الشخص : ايه الل حصل بالظبط
اشرف : سليم قدر يثبت ان العربيه مش بتاعته وبكده هضطر افرج عنه
الشخص : مش بتاعته ازاى .... انا متأكد ان العربيه بتاعة سليم
أشرف : العربيه متسجله بأسم دياب العاصى
الشخص : ازاى ده حصل
اشرف : حضرتك عارف كويس ان دياب بيحب سليم اكتر من نفسه واكيد هو اللى عمل الحركه دى علشان يخرج سليم من القضيه .... انا متأكد ان دياب قدر يغير كل ورق العربيه ويسجلها بأسمه
الشخص : ماشى يا دياب .... انا وراك والزمن طويل
اشرف : هعمل ايه دلوقتى يا فندم
الشخص : مش العربيه بأسم دياب
اشرف : ايوه يا فندم
الشخص : خلاص كده يبقى المخدرات اللى فيها بتاعة دياب .... احبس دياب وخليه يشيل الليله مكان سليم .... واللى كان هيتعمل فى سليم جوه الحبس يتعمل فى دياب وبالنسبه لسليم هنتصرف معاه بعدين بس نخلص من دياب الأول
أشرف : بس يا فندم دياب معاه الجنسيه الأمريكيه وحضرتك عارف ان السفاره مش هتسيبه يعنى اللى كان هيحصل مع سليم فى السجن مش هينفع يحصل مع دياب
الشخص : انا هتصرف فى موضوع السفاره
اشرف : حاضر يا فندم
الشخص : خلص وكلمنى
اشرف : حاضر يا فندم

• من ناحيه تانيه فى الأوضه عند الجماعه بعد ما رجعلهم سليم والمحامى

دياب : طمنى يا سليم عملت ايه
سليم : عملت كل اللى انت قولتلى عليه
دياب : وايه النتيجه يا متر
انس : هنستنى لحد ما يحققوا مع حضرتك وبعدها اكيد هيسيبوا سليم
ليندا : ويحققوا مع ادم ليه
دياب : استنى يا ليندا شويه
ليندا : انت عملت ايه يا ادم
دياب : يعنى خلاص يا متر هيسيبوا سليم يمشى
انس : طالما انت اللى هتلبس القضيه يبقى سليم هيخرج

• كل الموجودين اتصدموا لما سمعوا كلام المحامى

فاتن : تلبس القضيه ازاى يا دياب
دياب : ملكيش دعوه يا فاتن باللى بعمله .... اهم حاجه دلوقتى ابنك يرجعلك
امل : وهتقنع النيابه ازاى انك المتهم يا دياب
دياب : دى بتاعتى انا يا امل
ريهام : لا يا دياب مش بتاعتك لوحدك دى بتاعتنا كلنا ولازم نفهم انت هتعمل ايه
انس : مستر دياب قدر يغير ورق العربيه واثبت انها بتاعته هو مش بتاعة سليم وبالتالى هو المسئول عن كل اللى حصل
ريهام : ليه يا دياب كده .... انت كده ضيعت نفسك
دياب : مش مهم اى حاجه دلوقتى .... المهم بالنسبالى ان سليم يخرج من الورطه اللى انا ورطته فيها بغبائى وانا بعدها هعرف اتصرف واخرج
ليندا : فين الدكتور سليم الجراح وازاى يسيبك كده
دياب : انسى الناس دى يا ليندا دى ناس انانيه مش بيهمها غير مصلحتها
ليندا : انت كده بتضيع نفسك يا ادم
دياب : ماتقلقيش يا ليندا .... ادم عنده مليون حل علشان يخرج من اى مشكله .... سليم الجراح قالهالى قبل كده ... قال انا عاوز مستر ادم هو اللى يشتغل مش دياب .... ادم رجع خلاص وهتشوفوا كلكم هو يقدر يعمل ايه وانا وراكم والزمن طويل وعيلة الجراح هتدفع التمن غالى جدا
عمر : ايه اللى انت بتقوله ده يا دياب
دياب : سيبك يا عمى من اللى انا بقوله دلوقتى وخلينا فى المهم وكلامى ده ليكم كلكم .... عاوزكم تاخدوا بالكم من نفسكم وتاخدوا بالكم من عيالى انا مش ضامن الظروف ولا عارف ايه اللى ممكن يحصل .... احتمال مقدرش اخرج من هنا .... وانت يا سليم انا حاولت كتير احميك واحافظ عليك علشان كده وصيتى ليك انك تحافظ على نفسك وعلى اولادى من بعدى
سليم : ما تقولش كده يا دياب انت هتخرج وانا واثق انك هتخرج
دياب : فى طقم حراسه جديد وصل الفيلا دلوقتى وهيتولى حراستكم من هنا ورايح .... الحراسه دى ملهاش علاقه بعيلة الجراح دى حراسه خاصه بيا
ليندا : تحب اكلم السفاره يا ادم
دياب : لا يا ليندا .... السفاره مش هتدخل ولا هتعرف تحمينى لأن من مصلحتها ان انا اختفى من الدنيا .... لكن انا مش هختفى بسهوله ومسيرى هرجعلهم واقلب الدنيا على الكل

• فجأه دخل عسكرى للأوضه

العسكرى : فين الاستاذ دياب
دياب : انا دياب
العسكرى : وكيل النيابه عاوزك
دياب : حاضر .... يلا بينا يا متر

• قام دياب مع المحامى ودخلوا لوكيل النيابه
• من ناحيه تانيه عندى انا ويوسف وكريم

كريم : دياب دخل ليه لوكيل النيابه .... يا ترى ايه اللى بيحصل
انا : **** يستر ومايكونش دياب عمل اللى انا بفكر فيه
يوسف : قصدك ايه يا سليم
انا : دياب قرر يشيل الليله ويلبس هو القضيه علشان يخرج سليم منها
يوسف : ده اتجنن ولا ايه
انا : سليم نقطة ضعف دياب وعلشان سليم ممكن يعمل اى حاجه حتى لو هيضيع نفسه
كريم : ده جنون مش حب
انا : **** يستر من اللى هيحصل

• من ناحيه تانيه عند دياب ووكيل النيابه

اشرف : ايه يا متر انت كمان المحامى بتاع الاستاذ دياب كمان
انس : انا محامى العيله كلها
اشرف : ملشى يا متر .... بص اشرف للمحضر ... افتح المحضر يا محسن .... انه فى يوم .... وفى تاريخ .... وفى تمام الساعه 10 صباحا مثل المتهم امامنا نحن اشرف الصباح وكيل النائب العام ومعه الأستاذ أنس عاصم المحامى .... وبسؤال المتهم عن اسمه فأجاب .... اسمك بالكامل يا دياب
دياب : اسمى دياب عبدالرحمن العاصى
اشرف : وبسؤاله عن عمره اجاب .... عندك كام سنه يا دياب
دياب : 38 سنه يا فندم
اشرف : وبسؤاله عن عمله اجاب .... بتشتغل ايه يا دياب
دياب : نائب رئيس مجلس ادارة مجموعة الجراح الإقتصاديه
اشرف : ما هى اقوالك فى ما هو منسوب اليك بحيازة مواد مخدره ووجودها فى عربيتك
دياب : يا فندم انا معرفش اى حاجه عن المخدرات اللى حضراتكم لقيتوها
اشرف : ازاى ده يعنى وهى كانت فى عربيتك
دياب : يا فندم دى مش عربيتى لوحدها .... انا معايا اكتر من 10 عربيات شخصيه وارد جدا اى حد من اعدائى عاوز يخلص منى ويلبسنى مصيبه يعمل كده
اشرف : انت بتتهم حد معين
دياب : لا يا فندم مفيش شخص معين اقدر اوجلهه الأتهام بس انا راجل فى السوق واستثماراتى كتير جدا وفى ناس كتير من مصلحتها تخلص منى .... يا فندم انا شريك فى مجموعة شركات الجراح بنسبة 35% ده غير انا شريك فى فى مجموعة شركات الالفى بنسبة 40% وشريك برضه فى مجموعة شركات شركات الفهد الأسود بنسبة 50% والنسب دى كلها تعدى بحساب السوق اكتر من 150 مليار دولار يعنى مش محتاج لتجارة المخدرات او اى شغل مشبوه .... حضرتك انا استثماراتى فى كل شئ .... انا بستثمر فى المقاولات والأدويه والإستيراد والتصدير والماس والدهب والبترول والألكترونيات والبرمجه والأغذيه وحاجات كتير جدا اكتر من انى الاقى وقت لحصرها
اشرف : وطبعا من ضمن استثماراتك دى تجارتك فى المخدرات واكيد كمان غسيل الأموال بس غسيل الأموال ده مش موضوعنا .... احنا بنتكلم فى تجارة المخدرات اللى تقدر تحصل عليها بشكل قانونى بحكم شغلك فى مجال الأدويه وتبيعها بعد كده فى السوق السوده للمدمنين وتضيع الشباب بتجارتك
دياب : من الواضح ان حضرتك مش هتقتنع بأى كلام غير بوجهة نظرك .... طب انا هفترض معاك ان انا تاجر مخدرات تقدر تقولى ازاى اضحى بنفسى واجى بنفسى لهنا وانا كنت قادر فى الكام ساعه اللى فاتوا اسيب البلد كلها واهرب من غير ما اى حد يقدر يمسكنى
اشرف : جايز علشان تثبت للناس انك برئ لكن فى الحقيقه انت تاجر مخدرات
دياب : من الواضح ان حضرتك مقتنع بفكره ورافض تقتنع بأى وجهة نظر تانيه ومن الواضح كمان انك واخد القرار علشان تثبت عليا التهمه .... انا بقى مش محتاج اثبت انى برئ لأن الأيام هى اللى هتثبت .... حضرتك واخد القرار من البدايه انك تحبسنى وانا جاهز ومستعد للسجن .... اكتب يا استاذ محسن .... امرنا نحن اشرف الصباح وكيل النائب العام بحبس المتهم دياب عبدالرحمن العاصى 4 ايام على زمة التحقيقات مع مراعاة التجديد له فى الموعد المحدد .... تحب امضى فين يا فندم
اشرف : انت بقى عارف ومتوقع كل حاجه
دياب : يا فندم انا داخل السجن بمزاجى وهخرج منه برضه بمزاجى وساعتها هدفع كل الناس التمن غالى وغالى جدا كمان .... اللى لبسنى القضيه هدفعه التمن واللى ساعده كمان هيدفع التمن
اشرف : ده لو فعلا كنت برئ وخرجت منها .... المخدرات اللى اتمسكت دى هتجبلك اعدام مستريح
دياب : وانا مش خايف من حكم الإعدام لانى عارف انه مش هيتنفذ وهخرج منها
اشرف : ماشى يا سيدى .... اكتب يا محسن .... امرنا نحن اشرف الصباح وكيل النائب العام بحبس المتهم دياب عبدالرحمن العاصى 4 ايام على زمة التحقيقات مع مراعاة التجديد له فى الموعد المحدد وإخلاء سبيل سليم احمد عمر صقر من سرايا النيابه بدون اى ضمانات .... اتفضل امضى يا استاذ دياب
دياب : حاضر يا فندم

• قام دياب مضى على المحضر

دياب : انا خلاص مضيت .... ممكن كلمه على انفراد يا اشرف باشا
اشرف : عاوز ايه يا دياب
دياب : لو سمحت على انفراد
اشرف : حاضر يا دياب .... اخرج يا محسن دلوقتى وسيبنا لوحدنا
محسن : حاضر يا فندم
دياب : معلش يا متر ممكن تسيبنا لوحدنا
انس : حاضر

• خرج المحامى والمحضر

اشرف : عاوز ايه يا دياب
دياب : عاوز ابلغك رساله تبلغها للى مشغلك
اشرف : قصدك ايه يا دياب
دياب : انت عارف قصدى كويس .... بلغه ان دياب خارج يعنى خارج وخليه يجهز كفنه من دلوقتى لأنى مجرد ما اخرج هيبقى الموت اقربله .... واضح من طريقة التحقيق بتاع حضرتك انك بتفذ اوامر ومش عارف تمثل كويس انك بتشتغل من دماغك .... لكن انا دياب اللى شاف من الدنيا كتير واقدر افهم اللى قصادى من نظرة عنيه .... يا حضرة وكيل النيابه المحترم خاف على نفسك كويس وخلى بالك كويس من الأيام اللى جايه .... على فكره انا مش بهددك علشان ماتفهمنيش غلط بس انت للأسف بقيت كارت محروق واللى مشغلك هو اللى هيخلص منك وده بداية انتقامى .... مع السلامه

• خرج دياب من عند وكيل النيابه وساب وكيل النيابه محتار وخايف من كلام دياب .... كان كل الناس متجمعه قصاد الباب

دياب : فين العساكر اللى هنا

• اتجمع العساكر اللى فى المكان عند دياب

دياب : يلا شوفوا شغلكم واقبضوا عليا ورحلونى على السجن

• كل الناس مصدومه من اللى بيحصل ... والعساكر لبسوا دياب الكلبشات

دياب : انا داخل السجن بمزاجى بس يا ويلكم كلكم لما اخرج منه .... الأسد هيخرج من السجن وهيحاسب كل ضبع جبان .... خافوا على نفسكم .... خاف منى يا سليم لما اخرج وبلغ عمك كمان يخاف .... خافوا كلكم لأنى هخرجلكم .... يلا يا عسكرى خدنى على الحجز

• اخد العساكر دياب وركبوه عربية الترحيلات وطلعوا بيه على السجن الإحتياطى
• بعد ما دياب وسابنا كلنا محتارين من كلامه .... كل واحد فينا مشى من طريق
• عندى انا وعمى ويوسف وكريم متجمعين كلنا

عمى : دياب اتجنن وضيع نفسه
انا : انا مقدر الغضب اللى جواه بس خايف من اللى ممكن يعمله
كريم :هنتصرف ازاى دلوقتى
عمى : لازم نحمى دياب فى السجن لحد ما نعرف نتصرف ونخرجه من المصيبه اللى اتورط فيها
انا : فعلا يا عمى وجود دياب فى السجن هيعرضه لخطر كبير
عمى : شوف يا يوسف الموضوع ده واعرف دياب هيترحل على فين بالظبط وحاول تأمن السجن على قد ما تقدر
يوسف : حاضر يا عمى
كريم : انا شايف اننا لازم نهرب دياب من السجن لحد ما نحل الموضوع ده
عمى :هنعمل كده يا كريم بس مش دلوقتى
انا : امال امتى يا عمى .... هنستنى لحد يعمل مصيبه فى دياب
عمى : لا يا سليم لازم نستنى شويه .... دلوقتى كل العيون مفتحه علينا
يوسف : انا خايف ان الغضب بسيطر على دياب ويدمر خطتنا
انا : لا متخافش يا يوسف .... دياب اعقل من كده بكتير
يوسف : اعقل من كده ازاى .... انت ماشوفتش التهديد بتاع دياب فى النيابه
انا : ده كان شوية غضب ودياب بيخرجهم
كريم : عندك حق يا سليم .... دياب مضغوط دلوقتى لكن لما هيقعد مع نفسه ويفكر
يوسف : اتمنى يكون عندك حق
انا : بس دلوقتى فى مشكله ولازم نلاقيلها حل
يوسف : مشكلة ايه تانى
انا : بعض القبض على دياب الخبر هيتسرب للصحافه وساعتها شركاتنا هتواجه مشاكل فى البورصه واسهمنا هتتهز
عمى : هنحاول نتعامل مع البورصه على قد ما نقدر
انا : جون قدر يضربنا ضربه توجع
كريم : لازم نلاقى جاسمين بسرعه .... جاسمين هى الحل الوحيد لكل اللى احنا فيه
انا : حد فيكم راجع كاميرات المراقبه فى شركة المقاولات
كريم : انا راجعتها وللأسف حصلها اختراق ومقدرناش نعرف مين اللى حط المخدرات فى العربيه
انا : كده مش هنعرف نثبت براءة دياب
كريم : علشان كده انا بقول ان احنا لازم نهربه من السجن
انا : حط خطه يا كريم
كريم : حاضر
يوسف : وانا هتصرف واشوف ثغره فى السجن
انا : تمام يا يوسف

• من ناحيه تانيه فى فيلا احمد صقر بعد ما رجعوا .... سليم كان قاعد ساكت ومش بينطق وكلهم ساكتين ومصدومين

محمد :هنتصرف ازاى دلوقتى
احمد : لازم نلاقى حل .... مش هينفع نسيب دياب يضيع نفسه كده واحنا نقعد ساكتين
امل : وهنجيب دليل البراءه ازاى
ليندا : انا كلمت بابا وقولتله على اللى حصل وهو شغال دلوقتى على الموضوع بس للأسف الأمل ضعيف خصوصا بعد ما اكتشفوا اختراق كاميرات شركة المقاولات
ريهام : لازم نتصرف ونلاقى الدليل
امل : طب ايه رائيكم نهرب دياب من السجن لحد ما نلاقى الدليل
محمد : نهربه ازاى يعنى
امل : امال هنسيب دياب محبوس ظلم ومش عارفين نثبت برائته
احمد : الموضوع ده محتاج تخطيط وترتيب
امل : خططوا ورتبوا براحتكم بس اهم حاجه دياب يخرج من السجن فى اسرع وقت
فاتن : مالك يا سليم ساكت ليه
سليم : كلامى مش هيفيد بحاجه
ليندا : لا يا سليم لازم تتكلم .... انا متاكده انك عندك كلام مهم
سليم : اللى عمل كده قاصدنى انا مش دياب .... وملهوش علاقه بالناس اللى دياب بيحاربهم
ليندا : قصدك مين يا سليم
سليم : مش عارف مين بالظبط بس هو شخص واحد اللى عنده اجابه السؤال ده
ليندا : مين الشخص ده
سليم : جليله .... لازم جليله تظهر علشان اعرف منها ايه اللى بيحصل
محمد : وتطلع مين جليله دى كمان
ليندا : اوعى يكون قصدك
سليم : ايوه يا ليندا زى ما فهمتى
فاتن : حد يفهمنى مين جليله
سليم : بعدين يا ماما انا هفهمك
احمد : هو انت بتشوف جليله يا سليم
سليم : بقالى كتير مش بشوفها لكن ظهرتلى يوم اللى حصل فى الهرم
فاتن : انت تعرف جليله يا احمد
احمد : استنى يا فاتن دلوقتى .... قولى يا سليم لما جليله ظهرتلك كانت عاوزه ايه منك
فاتن : كانت بتطمن عليا لأن اعصابى كانت تعبانه من اللى حصل فى الهرم وقعدت تكلمنى فى حاجات انا مش فاهمها وجابتلى سيرة الأمانه اللى انا برضه مش عارف ايه هى .... بس انا متاكد ان اللى حصل ده كان بسبب جليله لأنى شوفت الين تانى لما كان بيتقبض عليا
فاتن : الين دى البنت اللى بتجيلك فى الحلم
سليم : وهى اللى ظهرتلى فى الهرم
ليندا : طب وهتشوف جليله ازاى يا سليم .... انت عارف كويس ان جليله بتظهرلك بمزاجها وبتختفى بمزاجها
سليم : انا هخليها تظهر

• قام سليم فجأه وطلع يجرى على اوضته وكلهم بيجروا وراه لكن سليم قفل عليه باب اوضته وقعد يزعق وينادى بصوت عالى

سليم : يا جليله .... اظهرى .... انا عارف انك شايفانى وحاسه بيا .... انا حسيت بوجودك تحت .... ايه اللى بيحصل وليه عملتى كده

• فجأه جليله ظهرت قصاد سليم

سليم : جليله
جليله : بتزعق ليه يا سليم
سليم : علشان تسمعينى وتيجى
جليله : لو ناديت بقلبك كل الكون هيسمعك مش محتاج للصوت العالى
سليم : ايه اللى بيحصل يا جليله
جليله : كله مقدر ومكتوب
سليم : انتى دايما بتحمينى ليه سيبتيهم يعملوا فيا كده
جليله : قولتلك مقدر ومكتوب .... كل مخلوق مهما كانت قوته بيبقالها حدود ميقدرش يتخطاها
سليم : طب مين اللى عمل كده
جليله : معرفش ومش مسموحلى اعرف
سليم : انا شوفت قرين الين تانى لما كان بيتقبض عليا تفتكرى الين ليها علاقه باللى بيحصلى
جليله : ده مش قرينها
سليم : امال ايه
جليله : دى الين بنفسها
سليم : انتى بتقولى ايه
جليله : زى ما سمعتنى .... الين كانت موجوده وشافت كل اللى حصلك
سليم : بس نظرتها ليا زى ما تكون عارفانى
جليله : الين تعرفك زى ما انت تعرفها
سليم : طب هى فين دلوقتى
جليله : قولتك قبل كده فى جدار بينى وبينها ومش مسمحولى اعرف عنها اى حاجه
سليم : طب انا عاوز انقذ دياب
جليله : ماتقلقش على دياب
سليم : ازاى ماقلقش على دياب .... دياب ده اغلى انسان على قلبى فى الدنيا دى كلها
جليله : دياب هيعرف يتصرف وينقذ نفسه
سليم : انا خايف عليه من الخطر اللى ممكن يتعرضله فى السجن
جليله : انا هحميه زى ما كنت بحميه زمان .... انا معاه دلوقتى وهحميه لحد ما يقدر يخرج من الأزمه اللى هو فيها
سليم : انا عاوز اشوفه
جليله : هخليك تشوفه بس مش دلوقتى
سليم : ليه كده
جليله : سيبه شويه يقعد مع نفسه ويفكر ويشوف هيقدر يخرج نفسه ازاى من الورطه اللى هو فيها
سليم : ولو مقدرش يخرج
جليله : قولتلك هيقدر .... اسمع كلامى
سليم : حاضر .... بس ليا طلب اخير عندك
جليله : عارفاه .... متخافش انا هجيلك كل شويه علشان اطمنك على دياب

• من ناحيه تانيه عند جون وديفيد وسيرينا

جون : يعنى دياب انشق عن عيلة الجراح
ديفيد : مش بس كده ده كمان هدد سليم الجراح بشكل واضح وصريح وقالهم انه هيخرجلهم وينتقم منهم
جون : مش عارف ليه مش مقتنع بالموضوع ده وحاسس انها لعبه وفى اتفاق ما بينهم
سيرينا : كل شئ وارد مع ان ده احتمال ضعيف
جون : عرفتوا اى حاجه عن موضوع استر
ديفيد : شغالين على الموضوع ده بس مفيش اى جديد
سيرينا : حضرتك بلغت الموساد بموضوع استر
جون : ايوه بلغتهم واتفاجئوا بالخبر وفتحوا تحقيق فى الموضوع ده
ديفيد : بس ازاى استر لسه عايشه
جون : انا عندى احساس كبير انها ماتت بس دياب وسليم قصدوا يسربوا المعلومه دى علشان يشتتونا مش اكتر وده يثبت ان اللى العداوه اللى حصلت بينهم مجرد لعبه علينا
ديفيد : ولنفرض انها لعبه .... معقول دياب هيضحى بنفسه ويدخل السجن علشان لعبه .... حتى لو افترضنا كمان ان موضوع السجن ده لعبه .... ازاى دياب يعرض سليم صقر لحركه زى دى
سيرينا : ديفيد قصده ان اللى حصل لسليم صقر كان حقيقى وده معناه ان فى طرف تالت فى الموضوع وجايز يكون الطرف ده استر وبالتالى العداوه بينهم حقيقيه مش مجرد لعبه
جون : الموضوع بيكبر ويتطور اسرع مما كنا نتخيل
ديفيد : فعلا يا فندم .... احنا محتاجين نلاقى حل بسرعه لأن اى تأخير هيدفعنا التمن غالى
جون : عاوزكم تعرفوا دياب مسجون فين بالظبط وتجندوا عين لينا هناك وساعتها هنعرف اذا كانت لعبه ولا فعلا فى مشكله حصلت ما بينهم
ديفيد : وهنعرف كده ازاى
جون : لو الحكايه لعبه اكيد هيبقى فى وسيلة اتصال بين دياب والجراح
سيرينا : فهمت حضرتك .... انا هتحرك فى الموضوع ده
جون : عاوزك يا ديفيد تتابع مع رجالتك وتشوف موضوع استر
ديفيد : حاضر

• مر كام يوم بعد كده من غير اى جديد
• من ناحيه تانيه فى قنا فى الجامعه عند فاتن .... فاتن بعد اللى حصل لسليم نزلت البلد ومارجعتش الجامعه .... سيف مش عارف حاجه عن اللى حصل ومستغرب غياب فاتن .... فى البريك كانت نسمه زميلة فاتن قاعده فى الكافتريا مع واحده صاحبتها ودخل عليها سيف

سيف : صباح الخير يا دكتوره
نسمه : صباح النور
سيف : بعد اذنك ممكن كلمه
نسمه : خير فى حاجه
سيف : لو سمحتى دقيقه واحده
نسمه : حاضر .... استنينى يا بسنت هشوف الدكتور عاوز ايه واجيلك
بسنت : ماشى يا ستى

• قامت نسمه وراحت لسيف اللى كان واقف على جمب وحواليه الخراسه بتاعته

نسمه : خير كنت عاوزنى فى ايه
سيف : انا اسف لو كنت ضايقتك بس كنت عاوز اسألك على حاجه كده
نسمه : لا مفيش حاجه .... قول كنت عاوزنى فى ايه
سيف : الدكتوره فاتن بقالها كام غايبه من الجامعه وانتى تقريبا صاحبتها الوحيده .... خير فى حاجه حصلت
نسمه : فاتن معاها مشكله فى العيله واضطرت تنزل البلد بس هى كلمتنى وقالتلى انعا هترجع الجامعه من بكره
سيف : مشكلة ايه
نسمه : حصلت مشكله مع ابن عمتها
سيف : سليم ابن عمتها .... خير حصله ايه
نسمه : انت تعرف سليم
سيف : ايوه اعرفه .... خير حصله ايه
نسمه : فى ناس لبسته قضية مخدرات
سيف : امتى الكلام ده حصل
نسمه : من يومين .... بس هو خرج منها بعد ما شال التهمه عنه واحد قريبهم اسمه دياب لأن هو صاحب العربيه اللى اتمسك فيها المخدرات

• ظهر على سيف ملامح الغضب

سيف : دياب كمان اللى شال الليله

• بص سيف على جارد من اللى بيحرسوه

سيف : يا فهد
فهد : افندم
سيف : ابويا فى القاهره ولا اسكندريه
فهد : والد حضرتك فى دبى بقاله يومين
سيف : كلم المطار خليهم يجهزوا الطياره انا مسافر دبى دلوقتى
فهد : حاضر يا فندم
سيف : عن اذنك يا نسمه .... انا لازم امشى دلوقتى
نسمه : ممكن تفهمنى انت مين بالظبط وايه علاقتك بعيلة صقر
سيف : مفيش وقت للكلام ده بعدين هتعرفى كل حاجه

• اتحرك سيف ومشى وساب نسمه محتاره ومش فاهمه حاجه ..... بعد ساعه كان سيف وصل المطار وركب طياره خاصه سافرت بيه على دبى وهناك كان فى عربيات فى انتظاره اخدته على قصر كبير .... دخل القصر بسرعه وقابل مدير القصر

مدير القصر : حمد **** على السلامه يا فندم
سيف : **** يسلمك .... ابويا فين يا فهمى
فهمى : نايم فى اوضته .... رجع من الشركه من ساعه وطلع يرتاح .... تحب اقولهم يجهزوا الغداء لحضرتك
سيف : شكرا يا فهمى .... روح شوف شغلك

• مشى فهمى وطلع سيف لأوضة ابوه وفتح الباب ودخل وكان ابوه نايم

سيف : بابا .... اصحى يا بابا .... قوم انا عاوزك

• عبدالرحمن صحى مفزوع لما شاف سيف

عبدالرحمن :خير يا سيف فى حاجه حصلت
سيف : ايه اللى بيحصل فى عيلة صقر
عبدالرحمن : انت بقى خابط مشوار من مصر وبتصحينى علشان حاجه زى دى
سيف : ياريت تفهمنى ايه اللى بيحصل
عبدالرحمن : سليم صقر اتمسك معاه مخدرات وشالها مكانه اللى اسمه دياب علشان يحميه
سيف : وياترى مين اللى عمل المصيبه دى
عبدالرحمن : وانا هعرف من فين مين اللى عمل كده
سيف : معقول عبدالرحمن الطحان ميعرفش مين اللى عمل كده
عبدالرحمن : قصدك ايه يا سيف
سيف : حضرتك عارف قصدى كويس
عبدالرحمن : لا مش عارف وياريت تعرفنى
سيف : حضرتك اللى عملت كده
عبدالرحمن : وانا اعمل كده ليه
سيف : علشان تنتقم من احمد صقر .... انا عارف كويس العداوه اللى بينك وبين عيلة صقر
عبدالرحمن : انا انتقمت من احمد صقر من زمان لما خسرته كل فلوسه وفضحته فى البلد كلها
سيف : بس انتقامك لسه ماخلصش خصوصا بعد ما دياب رجعلهم كل اللى خسروه .... حضرتك راجع تنتقم من احمد صقر ودياب مع بعض خصوصا انك عارف ان سليم هو نقطة ضعف دياب
عبدالرحمن : صدقنى يابنى انا مليش علاقه باللى حصل
سيف : امال هيكون مين اللى عمل كده
عبدالرحمن : مش عارف
سيف : يبقى تتصرف وتعرف مين اللى عمل كده وتحاول تلاقى دليل البراءه علشان دياب يخرج من السجن فى اسرع وقت
عبدالرحمن : واعمل كده ازاى
سيف : سمو الأمير عبدالرحمن بن على هيعرف يعمل كده
عبدالرحمن : حاضر يا سيف انا هتصرف واشوف ايه اللى ممكن يتعمل
سيف : علشان خاطرى يا بابا لو بتحبنى اتصرف
عبدالرحمن : يا سيف انت اغلى انسان عندى فى الدنيا وعلشانك ممكن اقلب الدنيا كلها
سيف : انا لازم امشى دلوقتى
عبدالرحمن : رايح فين
سيف : لازم ارجع مصر تانى
عبدالرحمن : بسرعه كده .... يعنى انت جاى علشان تقول الكلمتين وتمشى طب كنت كلمنى فى التليفون وقولت كل اللى انت عاوزه
سيف : الموضوع ده ما ينفعش فى التليفون كان لازم اكلمك وانا عينى فى عينك
عبدالرحمن : ماشى يا سيدى بس خليك هنا النهارده وارجع مصر بكره .... انت واحشنى وعاوز اقعد معاك
سيف : حاضر يا بابا
عبدالرحمن : طمنى عليك وعلى اخبارك
سيف : كله تمام
عبدالرحمن : عامل ايه فى دراستك
سيف : ماتقلقش يا بابا انا عارف مصلحتى كويس ومفيش حاجه هتأثر على دراستى
عبدالرحمن : اتمنى يكون كلامك صح
سيف : قصدك ايه يا بابا
عبدالرحمن : عاوز اعرف ايه حكايتك مع بنت محمد صقر
سيف : فاتن .... مالها فاتن وايه حكايتى معاها
عبدالرحمن : انت عارف كويس انا اقصد ايه
سيف : لا مش عارف وياريت حضرتك تعرفنى
عبدالرحمن : اسمعنى كويس يا سيف .... انا عملت كل اللى عملته فى حياتى علشان خاطرك انت ومش هسمحلك تضيع كل ده علشان كلام فاضى
سيف : اضيعه ازاى مش فاهم
عبدالرحمن : اقطع علاقتك بفاتن صقر وانساها
سيف : مفيش اى علاقه بينى وبين فاتن اصلا علشان اقطعها
عبدالرحمن : لا يا سيف انت بتحب فاتن وعاوز تتجوزها وده اللى مش هسمح بيه ابدا .... انا مش هسمحلك تدخل عيلة صقر مهما كان السبب .... انا سايبك دلوقتى تتسلى وتعمل اللى انت عاوزه لكن لحد الجواز لازم يبقى فى وقفه
سيف : ياريت نأجل الكلام فى الموضوع ده لبعدين
عبدالرحمن : ماشى يا سيف براحتك بس خليك فاكر كلامى كويس
سيف : حاضر يا بابا

• من ناحيه تانيه فى الاقصر فى بيت محمد صقر .... فاتن كانت قاعده فى اوضتها بتذاكر وتليفونها رن وردت عليه

فاتن : ازيك يا نسمه
نسمه : طمنينى عليكى .... ايه الاخبار عندك
فاتن : مفيش جديد
نسمه : فى حاجه غريبه حصلت النهارده
فاتن : ايه اللى حصل
نسمه : اللى اسمه سيف جانى وسألنى عليكى وطلع يعرف سليم ابن عمتك ودياب
فاتن : يعرفهم ازاى يعنى
نسمه : زى ما بقولك كده
فاتن : ايه اللى حصل بالظبط

• حكت نسمه كل اللى حصل بينها وبين سيف فى الجامعه

فاتن : اللى انتى بتقوليه ده غريب جدا
نسمه : انا قولتلك من الأول ان سيف حاطط عينه عليكى من اول يوم ومش بعيد يكون جاى الجامعه مخصوص علشانك
فاتن : بس انا فعلا معرفش سيف قبل كده واول مره اشوفه كانت فى الجامعه
نسمه : جايز تكونى فعلا اول مره تشوفيه فى الجامعه لكن انا متاكده انه يعرفك من قبل كده
فاتن : انتى قلبتى دماغى فعلا
نسمه : طب اسألى ابن عمتك وشوفيه هيقول ايه
فاتن : الظروف دلوقتى ماتسمحش اتكلم فى اى حاجه .... العيله مقلوبه
نسمه : خلاص يبقى تكلمى سيف وتعرفى ايه الحكايه بالظبط
فاتن : انا هعمل كده فعلا لما ارجع الجامعه بكره
نسمه : ماعتقدش ان سيف هيكون موجود بكره فى الجامعه لأنى سمعته وهو بيكلم واحد من الحرس بتوعه علشان يستفر دبى النهارده
فاتن : لما يرجع من السفر
نسمه : انتى هترجعى الجامعه بكره
فاتن : ايوه .... انا كلها ساعتين وهقوم علشان ارجع قنا وبكره هكون فى الجامعه
نسمه : ماشى يا ستى .... اسيبك دلوقتى علشان تجهزى

• من ناحيه تانيه فى مبحاث الأموال العامه .... فريق مكون من 3 ظباط ( العميد مصطفى .... الرائد خالد .... والمقدم عزت )

خالد : هنعمل ايه دلوقتى يا فندم
مصطفى : بكره الصبح هيصدر قرار من النائب العام بفرض الحراسه على كل املاك اللى اسمه دياب لحد مانشوف القضيه هتخلص على ايه
عزت : انا شايف يا فندم ان الخطوه دى خطيره كده وممكن تضرب شركات الجراح والفهد الأسود وحضرتك عارف ان الشركات دى مش مجرد شركات على قدها لا دى كيانات اقتصاديه كبيره واى حاجه زى كده ممكن تهز الاقتصاد خصوصا بعد ما اسهم الشركات دى تتهز
مصطفى :انا عارف كل اللى بتقوله بس ده القانون واحنا هنا بنفذ الأوامر
خالد : **** يستر من اللى هيحصل
مصطفى : عاوزكم تبقوا جاهزين لأى مفاجآت ممكن تحصل بكره
عزت : حاضر يا فندم

• من ناحيه تانيه عند دياب فى السجن كان حمام السجن بعد ما خلص حمام وخرج وقف قصاد الحوض وبيغسل ايده ظهر من وراه اتنين مساجين لسه هيمدوا ايدهم على دياب وكان فى واحد منهم ماسك سكينه فجأه اتثبتوا مكانهم وحسوا بالم فظيع فى اجسامهم

مسجون 1 " بالم " : انت مين
دياب : انا الجحيم .... بلغوا اللى باعتكم رسالتى وقولوه دياب خارجلك
مسجون 2 : ابوس ايدك سامحنا
دياب : زمن السماح عدى وفات

• مسك دياب ايد المسجون اللى معاه سكينه وخلاه يضرب نفسه بالسكينه فى قلبه ووقع المسجون ميت بعدها بص للمسجون التانى

دياب : ياريت تبلغ انت الرساله للى كان باعتك
مسجون 1 : حاضر بس ابوس ايدك سامحنى

• ضرب دياب المسجون التانى قى دماغه ووقع مغمى عليه ... بعدها دياب خرج من الحمام وبص على السكرى اللى واقف على الباب

دياب : فى اتنين كانوا بيتخانقوا فى الحمام وواحد منهم قتل التانى .... المره اللى جايه ابقوا ابعتوا جيش كبير علشان تخلصوا منى

• رجع دياب للزنزانه بتاعته ورمى جسمه على السرير سرحان وبيفكر لحد نص الليل فجأه ظهرت قصاده جليله

جليله : ازيك يا دياب
دياب : ايه اللى جابك
جليله : انا جمبك على طول يا دياب
دياب : حسيت بيكى الصبح لما المساجين دخلوا عليا الحمام
جليله : ليه الدم يا دياب
دياب : خلاص يا جليله خلصت .... انا مش هرحم اى حد
جليله : ركز يا دياب وبلاش تهد الدنيا لأن اول واحد هيتضر هو انت
دياب : مش مهم اى حاجه .... انا خلاص مش باقى على حاجه
جليله : وسليم مش فارق معاك
دياب : وانا ايه اللى جابنى هنا وورطنى الورطه دى
جليله : سليم عاوز يشوفك
دياب : هو فين دلوقتى
جليله : موجود بره
دياب : انتى جبتيه هنا
جليله : كان مصمم يشوفك
دياب : دخليه يا جليله

• فجأه ظهر سليم فى الزنزانه عند دياب .... قام دياب واخد سليم فى حضنه

سليم : طمنى عليك يا دياب
دياب : انا كويس يا حبيبى
سليم : الدنيا وحشه من غيرك
دياب : متخافش عليا يا سليم انا هخرج وخليك واثق من كده
سليم : جلسة المحاكمه بتاعتك بعد 3 ايام .... مش غريبه السرعه دى
دياب : عاوزين يخلصوا منى بسرعه ويحكموا عليا بالأعدام
سليم : احنا لازم نخرجك من هنا بسرعه
دياب : قولتلك يا سليم ماتخافش انا هخرج
سليم : انت جايب الثقه دى من فين
دياب : علشان انا دياب اللى شاف من الدنيا دى كتير
سليم : حاضر يا دياب
دياب : ايه رائيك نغنى الأغنيه اللى سمعناها مع بعض من فتره
سليم : اغنية احمد سعد
دياب : ايوا يا سليم
دياب وسليم بيغنوا مع بعض : صاحبى يا جدع يا قوى يا بطل .... عارفك من يومك وانت جبل .... ده انت اللى بتقوينا .... قبطان وانا السفينه .... هتزوقنى فوق ونعدى الموج .... بكره ما يعود من تانى حروب وارجع واشيلك بالشقلوب ونغنى غنوه جميله نلعب سوا وسط العيله نضحك ونعيش فى تبات ونبات
سليم : طب بكره بعيد
دياب : لا لا لا
سليم : لا شكله بعيد
دياب : لا ده هوا
سليم ودياب : لا ده جاى اكيد

• قعد سليم ودياب يضحكوا بصوت عالى

دياب : يلا يا سليم لازم ترجع دلوقتى
سليم : سيبنى معاك شويه
دياب : لا كفايه كده
سليم : هشوفك تانى
دياب : نتقابل فى الجلسه .... يلا يا جليله رجعى سليم للبيت
جليله : حاضر يا دياب

• اختفى سليم وجليه وسابوا دياب .... رمى دياب نفسه على السرير سرحان فجأه باب الزنزانه اتفتح ودخل عسكرى

دياب : خير فى ايه
العسكرى : المكالمه اللى حضرتك منتظرها
دياب : هات التليفون واخرج راقب الجو
العسكرى : حاضر

• خرج العسكرى وساب دياب

دياب : الووووو
الشخص : ازيك يا دياب
دياب : انا كويس
الشخص : ايه اللى انت عملته ده يا دياب .... ايه اللى خلاك تقتل
دياب : سيبك من اللى انا عملته وخلينا فى اللى انت بتعمله
الشخص : فى مكالمه جاتلى النهارده بيبلغونى انهم هيحطوا كل املاكك فى مصر تحت الحراسه وفى خلال يومين تلاته بالكتير هيتنفذ القرار طبعا بعد حصر كل املاكك
دياب : وازاى الدكتور سليم يسكت على حاجه زى كده
الشخص : مش عارف .... ده الكلام اللى وصلنى من مباحث الأموال العامه
دياب : هههههههه
الشخص : انت بتضحك يا دياب
دياب : عاوزنى اعمل ايه يعنى
الشخص : هنتصرف ازاى دلوقتى
دياب : ما تقلقش .... مستر ادم عنده مليون حل
الشخص : وهنتصرف ازاى يا مستر ادم
دياب : نفذ الإتفاق اللى ما بينا .... انا كنت عامل حساب حاجه زى دى
الشخص : بس كده هتقوم حرب كبيره بينا وبين عيلة الجراح
دياب : هما اللى استعجلوا الحرب خليهم بقى يشوفوا مستر ادم هيعمل ايه فيهم
الشخص : حاضر يا دياب
دياب : عاوزك تجهز انت والرجاله كويس علشان الحرب الحقيقيه هتبدأ بعد خروجى من السجن
الشخص : حاضر يا دياب بس فى حاجه كمان لازم تعرفها
دياب : حاجة ايه تانى
الشخص : انا عرفت من مصادرى ان حكم الإعدام جاهز وهيتنطق بيه الجلسه اللى جايه
دياب : ده شئ متوقع ولا انت مش شايف السرعه بتاعة المحاكمه
الشخص : هنتصرف ازاى دلوقتى
دياب : انا لازم اخرج فى اسرع وقت
الشخص : الخطه جاهزه والرجاله مستعده وهنهربك من المحكمه بعد الجلسه
دياب : وانا جاهز
الشخص : انس المحامى هيجيلك بكره ويشرحلك الخطه بالتفصيل
دياب : تمام كده
الشخص : اسيبك دلوقتى ترتاح وتستعد
دياب : متخافش عليا .... انا جاهز ومستعد بس فى حاجه عاوزك تعملها قبل ما اخرج
الشخص : حاجة ايه تانى يا دياب
دياب : من فتره كده سليم الجراح كان بيتكلم فى التليفون ومش واخد باله من وجودى وكان بيكلم واحده انا فى الأول كنت فاكرها مريم مراته لكن لما اخد باله من وجودى عمل نفسه بيكلم موظف فى الشركه واللى فهمته من المكالمه انه مقعد الست دى فيلا ومحزرها من الخروج منها علشان كده عاوزك تراقب سليم كويس وتعرف بيروح فين وبيقابل مين .... انا واثق ان سليم بيعمل حاجه غلط وانا هعرف استغل الموضوع ده كويس
الشخص : تفتكر ان سليم بيخون مراته
دياب : انا شكك فى الموضوع ده
الشخص : وتفتكر بيخون مراته مع مين
دياب : فى واحده انا شاكك فيها
الشخص : مين دى
دياب : واحده كان بيحبها فى الأقصر بس سافرت بره مصر .... احتمال تكون هى او واحده تانيه وربنا يستر وماتكونش التانيه اللى فى دماغى لان ساعتها هيبقى شغل السنين اللى فات راح فى داهيه
الشخص : تقصد مين بالتانيه
دياب : بعدين هقولك بس لازم اتاكد من حاجه الأول
الشخص : حاضر يا دياب .... اعتبر سليم الجراح من الليله تحت عينى وهعد عليه النفس اللى بيتنفسه
دياب : روح شوف هتعمل ايه وانا مستنى وجاهز
الشخص : مع السلامه يا دياب

• من ناحيه تانيه عندى انا وعمى وكريم ويوسف

كريم : انا جهزت خطة هروب دياب
عمى : هنهربه ازاى
كريم : بعد جلسة المحاكمه هنخطفه من عربية الترحيلات .... العربيه بتمشى شويه فى الصحراء هناك هنعرف نخطفه
عمى : مش عاوز اى نقطة ددمم فى الموضوع
كريم : ماتقلقش يا فندم .... مفيش رصاصه واحده هتضرب الحكايه كلها هتخلص فى دقايق وقنابل الغاز موجوده
عمى : كده تمام
يوسف : انا عرفت انهم هيحطوا املاك دياب تحت الحراسه بسبب القضيه
عمى : للأسف ده القانون وانا حاولت كتير معاهم وكلهم رافضين
انا : المشاكل بقت محاوطانا من كل ناحيه
عمى : نخرج دياب من السجن وبعدها نفوق للمشاكل دى ونحلها
انا : حاضر يا عمى

• تانى يوم عند جون وديفيد وسيرينا

سيرينا : للأسف الحكايه كلها طلعت لعبه والعداوه دى تمثليه بالاتفاق بين دياب وعيلة الجراح
جون : ايه اللى حصل بالظبط
سيرينا : امبارح بالليل فى عسكرى دخل الزنزانه اللى محبوس فيها دياب واداله تليفون وخرج ووقف قصاد الزنازنه كأنه بيراقب الدنيا وبعد شويه دخل تانى اخد التليفون وخرج
جون : اكيد كان بيكلم حد من عيلة الجراح ويتفق معاهم على الخطوه الجديده
ديفيد : تقريبا كده
سيرينا : هنتصرف ازاى دلوقتى
جون : دياب لازم يموت
سيرينا : وهنعمل كده ازاى
جون : هو مش بكره جلسة المحاكمه بتاعة دياب
ديفيد : ايوه
جون : عاوزكم بكره ترصدوا عربية الترحيلات بعد ما يخرج من المحكمه وفى الوقت المناسب تشوفوا شغلكم
ديفيد : انا هجهز كل حاجه دلوقتى
جون : يلا اتحركوا بسرعه ..... انا عاوز بكره يكون اخر يوم فى حياة دياب
سيرينا : اعتبره حصل

• من ناحيه تانيه فى فيلا احمد صقر .... احمد قاعد مع محمد ابن عمه

احمد : عاوزك تجهز يا محمد علشان فى مشوار مهم عاوزك معايا فيه
محمد : مشوار ايه يا احمد
احمد : اجهز وهعرفك كل حاجه فى الطريق
محمد : انا جاهز يا احمد
احمد : وانا كمان جاهز .... يلا بينا
فاتن : انتوا رايحين فين يا احمد
احمد : لازم الاقى حل لكل اللى بيحصل ده .... انا السبب فى كل اللى حصل ولازم الحق اتصرف
فاتن : هتتصرف ازاى يعنى
احمد : سبينى يا فاتن دلوقتى وانا هحكيلك كل حاجه بعد ما ارجع
فاتن : ماشى يا احمد

• خرج احمد ومحمد من الفيلا وركبوا العربيه

محمد : هنروح فين يا احمد
احمد : اطلع على المطار
محمد : المطار !! .... هو احنا هنسافر
احمد : ايوه يا محمد
محمد : هنسافر فين وازاى نسيب دياب فى يوم زى ده انت ناسى ان بكره جلسة المحاكمه
احمد : هنسافر عند اصل الحكايه .... اللى بعمله ده علشان انقذ دياب
محمد : وفين بقى اصل الحكايه
احمد : فى اسوان .... فى البيت اللى حصلى فيه الحادثه
محمد : انت متاكد يا احمد
احمد : يلا يا محمد علشان نلحق نوصل قبل الليل
محمد : حاضر يا احمد

• اتحرك الاتنين على المطار وركبوا الطياره ووصلوا اسوان بعد المغرب ومن هناك اخدوا عربيه وصلتهم لحد البيت اللى كان يعتبر بقايا بيت .... النار غيرت كل ملامح البيت ..... البيت كان وسط ارض فاضيه ومفيش اى بيوت حواليه والمنطقه كلها تعتبر مهجوره .... اول ما وقف احمد قصاد الباب حس برهبه وخوف جواه وافتكر كل اللى حصل فى الليله اياها

محمد : مالك يا احمد
احمد : افتكرت كل اللى حصل
محمد : لو تعبان ممكن نمشى
احمد : لا يا محمد ماينفعش .... انا اللى بدأت الحكايه وانا اللى لازم انهيها .... انا اللى اتحديت قوه اكبر منى ولازم ادفع التمن
محمد : بس انت حالتك النفسيه ماتسمحش تتعرض للضغط ده
احمد : مش مهم اى حاجه دلوقتى .... المهم عندى سليم ابنى .... لازم انقذه من اللى ممكن يحصل حتى لو كان التمن موتى
محمد : بعد الشر عليك يا احمد
احمد : انا هدخل البيت وانت هتستنى بره ومهما يحصل ما تدخلش .... جايز اخرج من هنا ومعايا الحل لكل المشاكل وجايز تنتهى قصة احمد صقر للأبد

• ياترى ايه اللى هيحصل .... ده اللى هنعرفه فى الجزء اللى جاى اشوفكم بخير