නෙත් මානේ | GL

07

" ඔයා මේ බෙහෙත් ටික ඩිස්පෙන්සරි එකෙන් අරන් වෙලාවට හරියට බොන්න ඕනෙ "

"හා"

" එතකොට මේ කෑම ටික හරියට ගන්න ඕනෙ . හැමදාම කඩ කෑම කකා ඉදලා හරියන්නේ නෑ. ඔයාගෙ සෞඛ්‍යය ගැන ඔයා කෙයාෆුල් වෙන්න ඕනෙ"

" හා"

" ඒ වගේම අද ඉදන් සති දෙකක් අඩුම තරමින් බෙඩ් රෙස්ට් කරන්න ඕනෙ"

" හා- ඈහ්.. බෑ බෑ. ඩොක්ටර් මට සති දෙකක් ඉන්න බෑ.. අයියෝ"

" මොකක්ද දැන් කියන්නේ බෑ කියලද ආහ් ? ඔවින්ද්‍යා ......."

" අනේ ඩොක්ටර් අප්‍රේල් නෙ .. මට වැඩ ගොඩක් තියෙනවා අනික අවුරුදු උත්සව අනව්න්සින් . හිරු අවුරුදු කුමා- ..."

" ඔවින්ද්‍යා තමුන්ට මම කියන දේ තේරෙන්නෙ නැද්ද ආආආහ් !!!!!!!"

ඔව් ඔව් මේ ඩොක්ටර් සොයිසා මාව තියාගෙන උපදෙස් දෙන ගමන් ඉන්නෙ. මම කියන්නේ මේක හරියන මගුලක් නෙවෙයි . ඇයි යකො මැරෙන්න හැදුවා කියලා මෙච්චර විදවන්න ඕනෙද ?

මම දවස් තුනක් සිහි නැතුව ඉදලා ඉතුරු දවස් දෙකේ හොස්පිටල් ඉදලා මේ ගෙදර යන්න හදන්නෙ . ඉතින් යනකොට අරක කරන්න මේක කරන්න කියලා ඩොක්ටර් මට දාහක් උපදෙස් දුන්නත් සහෝදරවරුනි මම ඕවා ගනන් ගන්නෙවත් නෑ අනේ .. මට දැන් සනීපයි . මොකට රෙස්ට් කරන්න කියනවද මන්දා.

" ලිස්න් ඩොක්ටර් අංකල් .. මට දැන් සනීපයි අනේ . ඕනෙනම් මම බෙඩ් රෙස්ට් කරන්නම් දවස් දෙකක් වගෙ. ඔයාට කියන්න මට උදෙත් කෝල් එකක් ගත්තා හිරු එකෙන් පොඩි පොඩි ශෝ වගයක් තියෙනවා කියලා . අනික අප්‍රේල් නිසා අවුරුදු උත්සව අරවා මේවා ගොඩක් තියෙනවානෙ අනේ. මම ඒවා කරන්නත් ඕනෙ . ඉස්කෝලෙ අවුරුදු උත්සවයත් එනෝ. තේරෙනවානේ අප්පා මට රෙස්ට් කරන්න විදිහක් නෑ කියලා "

කෑ ගහන ඩොක්ටර්ව හොස්පිටල් ඇදේ වාඩි කරවලා මම කිව්වේ බැරි වෙලාවත් මේ මනුස්සයා මට කෑ ගහලා ප්‍රෙසර් වැඩි උනොත් එහෙම .. කාට කියන්නද නේ.අනික සොයිසා 40 පැනපු නිසා ඕල්‍ රෙඩි හතලිස් ඇදිරියෙන් දුක් විදිනවා. රටට වටින ඩොකෙක්ට ප්‍රෙසර් වැඩි කරලා ඝාතනය කරපු පලියට මට හිරේ යන්නත් බෑරි නෑ..