" සාමාන්‍යයෙන් මේ වගේ රචනා ප්‍රශ්නයකදී අපිට පුලුවන් ක්‍රම දෙකක් පාවිච්චි කරන්න . ලංකා ඉතිහාසයේ සංසන්දනාත්මක ප්‍රශ්නයක් කියන්නෙම හොදට ලකුනු ගන්න පුලුවන් ප්‍රශ්නයක් . රට එක්සේසත් කිරීමේදී දුටුගැමුණු රජුට සහ වලගම්බා රජුට මුහුන දීමට සිදුවූ අභියෝග සංසන්දනය කරන්න වගෙ ප්‍රශ්නයක් ආවම මුල්ම ක්‍රමය විදිහට අපිට පුලුවන් මුලින්ම හැදින්වීමක් ලියලා ඊටපස්සෙ ඒ ඒ රජවරුන්ගෙ සේවාවන් අභියෝග ලියලා ඊටපස්සෙ ඒවා විසදගත්ත හැටි ලියලා අවසන් නිගමනයට ඇවිත් ප්‍රශ්නෙ ඉවර කරන්න . ඒත් මම දැන් කියලා දෙන්නෙ සාමාන්‍යයෙන් ලකුණු ගන්න පුලුවන් ලේසිම ක්‍රමය ගැන"
"මේ ඕයි .. පොඩ්ඩක් ඔය ඇහිපිහාටු දෙක තුනක් ගහලා මේ පොත දිහත් බලපන්. තෝ අමා කෑල්ල දිහා බලාගෙන ඉන්නෙ මහසොන් කනත්තෙ යකා වගේ බන්..බය හිතෙනවා .. ඔවින්ද්‍යා.. ගෑනියේ තොට ඇහෙන්නෙ නැද්ද පරයෝ!!!!"
එදා සිද්දිය වෙලා අදට හරියටම සති දෙකකට වැඩියි. අවුරුදු ඉවර වෙලා ඔක්කොම බැලන්ස් කරගෙන මම ආපහු ඉස්කෝලෙ ගමනයි ශූටින් වැඩයි එක්ක බිසී උනා..
උන්මාද ප්‍රේම ගීයත් ඉවර වෙන්න ලගයි.. ඒත් මම හිටියේ ඒකට සතුටෙන්ද දුකින්ද කියලා තේරෙන්නෙ නෑ. මොකද මේ සති ගානට මගෙ ජීවිතේ සෑහෙන ලොකු වෙනස්කම් උනා..
" අඩෝ පරයො තෝ ඔය කොහෙද බලාගෙන ඉන්නෙ.අරකි බලනවා යකො"
" අපිට පුලුවන් මේ වගෙ සංසන්දනාත්මක ප්‍රශ්නයකදි රජවරුන්ගෙ අභියෝග වෙන වෙනම ලියලා ඒ එක්කම ඒ අභියෝග ජය ගත් ආකාරයත් ලියන්න ඒ කියන්නේ දුටුගැමුණු රජු රජකමට පෙර හා වලගම්බා රජු රජකමට පෙර තත්ත්වය එහෙම...එතකොට මට කියන්න බලන්න කවුරුහරි වලගම්බා රජු කියන්නේ කාගෙ කවුද කියලා "
එදා එයා මට ආදරෙයි කිව්වා. එදා රෑ මම එයාගෙ තුරුලෙ ඒ අත් උඩ නිදාගනිද්දි දැනුනු සැනසීමට දෙන්න හොද නමක් තිබුනෙ නෑ. වැස්ස මැද්දේ නෑහෙන්න ආදරෙයි කියපු මම එයාට තව දවසක ආදරේ කියනකම් බලාගෙන ඉන්න කිව්වා.. ඔව් මම තාම එයාගෙ මූනට ආදරෙයි කිව්වේ නෑ..
ඇරත් ආදරේ වචන කරන්නේ කොහොමද නිර්වචන නැති ආදරේ නිර්නාමික උනාම !!
YOU ARE READING
නෙත් මානේ | GL
Non-Fiction"ඒ රිදුම් නිවී මා හදේ ඈ ළඟින් රැදීලා වගේ සීරුවෙන් ළයේ පෙම් මල් පීදුනා" අමිත්‍යා × උපුනි
