Kiss it better

12

Kiss it better(pt.12)

''မင်း၊မီနဲ့ပြန်တွေ့ဖြစ်နေတယ်ဆို''

ကိုမှိုင်းအပြောကို သူမငြင်းမိပါ။ဒီတစ်လေစိတ်အခြေအနေကမကောင်းနေသည်မို့ အိမ်မှာတောင်မနေဖြစ်ပဲ အလုပ်ပြီးလျှင်ဟိုသွားဒီသွားဖြင့်သာ အချိန်ကုန်ဖြစ်တော့၏။ အိမ်မှာနေရင်းလည်း သူမကိုတွေ့သည်နှင့် စိတ်တွေယားလာကာ တစ်ခုခုလုပ်မိမှာစိုးရသည်။နာနာကတော့ အေးဆေးနေနိုင်ပါ၏။ဘာမှမဖြစ်ထားသလို၊ာအပြစ်မှမလုပ်ထားသလို အရာအားလုံးကိုစောက်ဂရုမစိုက်တတ်သည့် သူမအကျင့်အတိုင်း မပြောင်းလဲစွာနေနိုင်ပါ၏။

''မိတ်ဆွေသဘောမျိုးနဲ့ တွေ့ကြတဲ့သဘောပါ၊ငါ့မှာခံစားချက်တွေကျန်နေသေးရင်တောင် အိမ်ထောင်ရှိတဲ့လူတစ်ယောက်အနေနဲ့ စည်းတားထားပါတယ်''

''အေးပါကွာ၊ငါကတော့ မီ့ကိုပဲသနားတယ်၊မင်းလမ်းခွဲမယ်ပြောတုန်းက သူ့မှာစားမရအိပ်မရ၊တစ်နေ့လုံးတစ်ညလုံးငိုနေရှာတာတဲ့...မီကကြားထဲကခံလိုက်ရတာပါကွာ''

''ငါသူ့ကိုတောင်းပန်ပြီးပြီ ကိုမှိုင်း၊အခုမိတ်ဆွေလိုမျိုး တွေ့ကြတဲ့သဘောပဲ...အဲ့တာကိုဟိုနေ့က နာနာပြသာနာလာရှာတယ်''

''သူကပဲစခဲ့တဲ့ဇာတ်လမ်းကို သူကပဲပြသာနာလာရှာရတယ်လို့ကွာ''

ပြောပြီးကာပင် ကိုမှိုင်းကခွက်ထဲသို့ ဝိုင်ဖြည့်ကာ သူ့ထံသို့လှမ်းပေးလာသည်။ဆိုဖာပေါ်မှာ ဃျေိတ်ထိုင်ရင်း ဝိုင်ခွက်ကိုယူလိုက်ကာ

''တစ်ခုပြောပြမယ် ကိုမှိုင်း''

''ပြောလေ''

''မီ သူ့ကိုပါးရိုက်လိုက်တယ်၊အဲ့တုန်းကမီ့မျက်နှာက တော်တော်ကြောက်ဖို့ကောင်းနေတယ်ကိုမှိုင်း...မီရဲ့အဲ့ပုံစံမျိုးကို အဲ့နေ့ကမှငါမြင်ဖူးခဲ့တာ''

''မင်းကလည်းကွာ...ကိုယ့်ချစ်သူတစ်ယောက်လုံးကို တခြားမိန်းမဆီမှာလုယူခံရတာ သူလုပ်တာတန်ပါတယ်၊ငါသာမီ့နေရာမှာဆိုလည်း အဲ့လိုလုပ်မိပါပဲ...တကယ်တမ်းအပြစ်ရှိနေတာက နာနာလေ...နေဦး မေးပါဦးမယ်''

''မေးလေ''

''မင်းကို မီ့ကိုယူလိုက်ပါလားလို့ပြောတုန်းဿျ အင်းမလုပ်အဲမလုပ်နဲ့ အခုကျ နာနာကိုချက်ချင်းတန်းယူလိုက်တာ ဘာသဘောလည်း''