قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل الثالث 🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:10

دازت ديك الليلة ودازو ايام اخرى مابقاش شافها كاضور بيها وحتا هي ماعمرها شافتو من اخر لقاء بيناتهم كانت لابسة سروال جينز بويفراند والفوق تيشرت بيج بالعنق ديال الخيط سخون ومعاهم مونطو بيج خيط سخون دايرة زيفها والسبادري فنفس اللون ..كان الجو بارد وباين باللي الشتا كاطيح بسس الضبابة اللي ضهرت فجأة ..وقفت حدا لابيسين كتجمع الطبلة اللي فطرو فيها .. حتا حسات بشي خطوات جاين عندها غير تلفتت توسعات ابتسامتها

نور بنبرة طفولية : على سلامتك طولتي الغيبة ..

صهيب قرب عندها وابتسامة عريضة مرسومة على تغرو: جبتيني غير نتي ..

نور ضحكت حتا تسدو عويناتها: اممم تيقتك ..

صهيب سها فضحكتها: علاش خارجة فالبرد.. ماخفتيش تمرضي ..

نور يلاه غتهدر عطسات : هههه سبحان الله قلتيها عطست ..(شافت فالطبلة) خرجت باش نجمع الطبلة

صهيب ضربها بصبعو الكبير لنيفها: شفتي نيفك رجع حمر امو عويناات غاتمرضي ليا ..

نور خدودها تزنݣو : شحال من مرة كنقول ليك ماتقيسنيش فنيفي دغيا كيحمار .

صهيب قرب ليها : علاش نتي زوينة بزااف وبريئة بحال شي فريزة ..

نور شافت فيه: وعلاش نتا هاكا بااسل ويديك خفيفة هممم..

صهيب تبسم: غير معااك الفريزة ديالي ..

نور حشمت : منين جبتي هاد الزعامة هاااا

صهيب : تخرجي معايا ..

نور بهدوء: فين ؟؟

صهيب : البلايص اللي كيعجبوك ..الجو زوين غيعجبك الحال ..

نور تبسمت : صافي نمشي عند ريحانة باش تمشي معانا حتا هي شحال ماخرجت غير كاتبريباري .

صهيب شدها من دراعتا موقفها: لاااا قلتها ليها مابغاتش ..قالت ليا خرج نور ومرة أخرى تمشي معانا ..

نور شافت فيه ونطقت : صبر نمشي نعلم ماما باش ماتخلعش عليا ..

صهيب بنفس الهدوء :قلتها ليها غير زيدي غانتعطلو موجد ليك شي حوايج غيعجبوك بزااف ..

نور تبسمت بخفوت: واخا يلاه .

شد ليها فيديها وداها جهة اللوطو ديالو مرة مرة كيتلفت ويشوف من موراه حل ليها الباب حتا ركبت ودار جهتو ركب وكسيرا مدور الرواايض .. غير خرج من الفيلا شاف فيها ..