قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 24🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:129

عند إنصاف اللي فاش جات للدار دخلت بنتها دوشت ليها وطلبت من الشيفور يجيب ليها شي حاجة تلبسها ليها . مشا خدا ليها بيجامة على حساب قياسها .بدلات ليها وعطاتها تاكل ودخلاتها البيت تنعس . وخرجت الصالون كتفكر شكون ممكن يصيفت التصاور .لجميلة ويفضحها .. هزات راسها فاش سمعت الباب تحلات .غير شافتو وقفات غادا جهتو .

إنصاف بحددة: نتا اللي صيفتي التصاور هااا ..

صهيب بعدم فهم: اشمن تصاور .. شنو كاديري نتي هناا .

إنصاف بنفس الحدة: باركا ماتستحمرني زعما معارفش شنو طاري وانا شنو كاندير هنا .. علاش صيفتي التصاور .. ياك تافقنا كلشي يبقا بيناتنا حتا يسالي هاد الفيلم .علاش تشوهني معاها وتخسر ليا وجهي قدام بنتي ... فين غانديها دابا .كيفاش غانقدر نهزها بوحدي بلاما تكون معايا ميمتي جميلة .

صهيب : اشمن تصاور ولا زبي معارف والو وماصيفت والو .. شوفي نتي شكون دايرة معاه الخايب .

إنصاف دفعاتو من صدرو : علاش كتهدر بارد هاكا ممم عارف انا شنو كانعيش .عارف باللي ماشي انا اللي ختاريت نكون قحبة ديال صهيب بن نااصر ..عارف علاش جيت عندك ديك الليلة وشنو كنت باغا . عارف شحال استغليتيني ..المريض .. عارف شكون وصلني هناااا ...عارف الحيواااان باللي ماعمر شي قوااد قاصني من غيرك .

صهيب قرب ساد ليها فمها : شوووووو بنتك كاتشوف فيك ..سكتي ..حتا نكونو بوحدنا ونهدروو..

إنصاف شافتو رخا منها تلفتت بانت ليها جوري كتحك عينيها مشات عندها: مالك امامي علاش فقتي ياكما فيك الجوع.

جوري حركت راسها بنفي غالب عليها النعاس : كنتي كتغوتي تخلعت فالنعاس .ديني عند الميمة بغيت بيتي بغيت نعس حدا الميمة

إنصاف ضمتها لعندها حابسة البكية بالسيف باش ماتنهارش قدامها::شوووو غانمشيو عندها ابنتي غير صبري الميمة غاتسافر فاش ترجع نمشيو نعيشو معاها انا وياك..

جوري شافت صهيب واقف بضهرو مكالي على الحيط : شكون هادا امامي ماعرفتوش .

إنصاف تبسمت وشافت فيها : هدا عمو ديالك .هو خدام معايا

جوري :حتا هو طبيب ؟؟

إنصاف حانية راسها عند بنتها مشافتش فوجهو: اه ابنتي .. يلاه دابا ندخلو نعسو ..باش غدا نديك لواحد البلاصة زوينة ..

جوري فاتت ماماها ومشات عندو مدات ليه يديها : انا جوري بنت صاحبتك ونتا اش سميتك ؟؟

صهيب جلس جلسة القرفصاء تبسم بهدوء: وانا صهيب . سميتك زوينة اجوري