قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 14🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:76

وصل حدا اللوطو حل الباب حتا ركبت وسد بجهد حتا قفزها . دار لمكانوو ركب وكسيرا مطير العجاج من موراه.... مسافة الطريق كانو قدام الفيلا ديالهم حل الباب دخل سابقها وهي تابعاه باغا تهدر وتبرر ليه شنو طرا ولكن خايفة من ردة فعلو شافتو دخل للدوش وسد عليه جلست فطرف الناموسية ..كتفرك صبعانها بتوتر وكتعض على شفايفها... مدازش بزاف بان ليها خارج لاوي فوطة على خصرو .. ودخل الدريسينغ لبس بوكسر اسود وسروال كيطمة فنفس اللون مع تيشرت بيض لاصق عليه مبين عضلاتوو وليزاابدو اللي عندو . هز البيسي من جنبها ودار خارج حتا وقفو صوتها ..

نور بصوت خافت نطقت وهي كتمتم على مخارج الحروف: إإسحااق انااا ..

اسحاق طرطق عضومة عنقو يمين وشمال ودار شاف فيها : نتي شنو همم شنو نتي وااالو (قرب بيها ضرب بصباعو على دماغها ونطق بحدة )شنو قلت انا شنو كانوصيك .. فاش كنجلس معاك اشنو كنقول . الشرط الوحيد اللي شرطت عليك باقا عاقلة عليه .

نور حركت راسها بالإيجاب كاتمة شهقاتها : غير سمع انا ماقصدتش نقلل من قيمتك ولا شي حاجة قلت مع رااسي .

إسحاق نطق بصوت عالي رعبها: اشنو قالك هاد الرااس نوض نقول للناس انا وراااجلي ماقادرينش نعسو مع بعضنا بسبب خرافات هما اللي داروهم ..

نور : مداروش ماما مستحيل تبغي ليا شي حاجة خايبة .. نتا غالط فيهم ..ماعرفتش شكون دار هادشي ولكن متأكدة باللي ماما ماديرهاش ..

إسحاق قرب عندها وشدها من دراعها : غااتمشي تغبري من حدايا ماعنديش الخاطر نهدر وماباغيش نهدر باش يدي ماتتمدش عليك .. عاطي لرااسي العهد باش مانأديكش .. ودابا غبري مااانشوفش كمااااارتك قداامي ..

نور شافت فيه وعينيها مدمعين : واخا غانمشي لعند ماما حتا تهدن وجي نهدرو .

إسحاق شاف فيها مدة ونطق: هنا غاتبقاااي سدي عليك فبيتك ماتخرجيش منوو. وديك الدار عمممرك تحلمي تحطي رجليك فيها .. واخا تكون فيهااا المو/////ت .

كمل كلامو وخرج سااخط ..كون زاد معاها شوية يضربها ..عقلو مابغاش يستوعب انها قالت سر كبير من أسرارو فنضرو قللت من رجولتو قدام الناس ..هو كان عارف كيفاش يفك البلان بحت وفهم بزاف الحوايج كانت مستعد يفك التقاف بوحدو بلاما يسيق شي واحد الخبار ولكن هي ضربت كلشي لعرض الحائط فاش خبرت مها ومو. وهو عارف النسا غيبغيو يصححو خطأ بخطأ كبر منو وباش يفكرو سحر غيديرو سحر اخر ياديهم كاملين .. تنهد ساخط ولاح بقايا الݣارو وخدم البيسي يتشغل شوية بالخدمة وينسى أحدات الليلة ..