قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 22🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:119

إسحاق بصوت هادئ ممزوج ببحتو الرجولية: باقي كيضركك .

نور حركت راسها بالإيجاب لاوية شفايفها الفوق: امممم كيوزوز .

إسحاق وقف من فوقها غادي عريان دخل لبيت النعاس مدازش بزاف حتا جا هاز فيديه حوايجها وديالو ..حطهم فوق الزربية وهزها بين يديه داخل بيها الجاكوزي جلس هو الأول وجلسها فوقو كيخوي عليها الما باش جسدها يسخن ويدفى .. واليد التانية كيمسد ليها توتو ديالها فالاول حشمت ولكن من بعد رجعت راسها اللور متكية عليه ومخلياه يدير اللي باغي ..مدازش بزاف حس بيها ترخات ميل راسو الجنب شافها مغمضة عينيها ..تبسم بهدوء عرفها ترخات خاصة المواد اللي داير فالحمام كيرخيو الجسد .. وهو كان عارف غيضرها تحتها هادشي علاش دار ليها حمام زيوت واعشاب باش تحس بالراحة وميبقاش يحرقها تحتها.. وقف من موراها وهزها بين يديه لوا عليها فوطة وهي ناعسة حطها فوق المخاد اللي كانو كبار ويقدرو ينعسوو فوقهم ..من بعد ماغطاها رجع كمل الدوش ديالو . عاد خرج لابس البوكسر وتخشا حداها جارها لعندو .قرب طابع قبلة خفيفة على شفايفها وغمض عينيه حاس بتقل كبير حيدو عليه كان خايف التقاف ميمشيش كان باغي يمشي عند شي مرا تفهم فهادشي ولكن حليمة خبراتو باللي هي غتحاول وانشالله يتفك وهادشي اللي وقع وهاهو دار اول خطوة فحياتو الزوجية. وخلاها تكتب فسميتو . وترجع مراتو حتا ففراشو ماشي غير على الوراق . تنهد براحة وغمض عينيه غاط فالنعااس . يمكن اليوم هي اول ليلة غينعسوو فيها بجوج بلا تفكير فاللي جاي.

غدا صباحا ..فاق هو الاول دور راسو جهتها كانت مخشية فيه وشعرها مضرق ليها وجهها .. هز يديها عندها كيحيدو ليها من فوق. وجهها حتا تكشف مزنݣ وخدودها حمرين . عاد شفايفها الكرزية متمرة.. بشرتها صافية وبيضاء حليبية ..تحنى طابع بوسة على جبينها.. خلاتها تحرك عينيها كأنها كتحاول تفيق من نعاسها.

نور حلات عويناتها نيشان فيه فلحضتها رجعت غمضاتهم حشمانة منوو.. مخلياه يقهقه بروجلية وبصوت باح

إسحاق : حلي عينيك وماتحشميش مني!!

نور حلات عينيها فيه خدودها زادت حمرتهم عضات على شفايفها: نعسنا بجوج هكا

إسحاق : كيفاش هاكا علاش مالنا!!!

نور بلعت ريقها ونطقت: بلا حوايج .

إسحاق جرها ملصقها كتر معاه وشفايفهم قراب لبعض : حلاوتك حلااوة . ماسخيتش نخليه غارق وسط منك ... من اليوم فاش تكوني معايا مانبغيش نشوفك لابسة خليك ديما هاكا .. خليني نتنشوا بيك الفريزة ديالي .