قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 16🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:87

حل باب البيت من بعد ماكما ݣارو وبرد شوية من الهدرة الي قالت ليه مو وطلباتها اللي جعروه كتر ما هو جااعر . بانت ليه مكمشة فوق الفوتوي كتبكي وتشهق خدودها تزنݣو ونيفها رجع حمر بالبكا ..جلس مقابل معاها مفرق رجليه وكيشوف فيها بجدية

إسحاق بصوت هادئ ممزوج ببحتو الرجولية الصارمة: علاش كتبكي دابا شنو واقع .

نور هزات عويناتها مدمعين : ماتيقتينش انا ماشي كدابة قلت الصراحة ..

إسحاق بهدوء: شنو خاصني نتيق.. كيفاش هي اللي دارت هادشي فينا .. ياك هي اللي جرات فزواجنا .. شنو تبدل اش غتستافد متلا الى دارتها .

.

نور حركت راسها بنفي : ماعرفتش انا قلت غير اللي شافو عينيا وسمعو ودني ..

إسحاق ببرود: شكون جاب ليك الزمر للبيت .واش الواليدة بيديها جابتو لعندك وطلبت منك تعفطي عليه

.

نور بنفي : لااا ماشي هي .. ماجابتوش هي .ولكن صيفتات ليا .

إسحاق مسح وجهو بعصبيةة: تحححركي هدري .شكون هاد الزززززززززب اللي جا عندك وقالك الواااليدة ديالي ..اللي صيفتات القلاااوي دالغربال ..

نور قفزت بخوف من نبرة صوتو : سهام الخدامة .. قالت ليا خالتي حليمة طلبات مني نصيفت ليك الغربال والدمليج تعفطي عليهم باش يحيد ليك العكس والحسد ..

إسحاق: ونتي مكلخةةةة معارفاش هادشي خرافااات بسبب وحدة علاقتك بالواليدة خسراات ..

نور كتشهق : ماقصدتش ..قلت اللي سمعتها

إسحاق شاف فيها او وقف : بقاي هنا انا شوية غانجي ..

نور وقفت : عفاك ديني معاك . بغيت نشوف خالتي . باغا نقولها شنو كاين .. بغيتها تعرف نيتي باش ماتاهمنيش بشي حاجة خايبة ..

إسحاق : بلااش بقااي فداارك حسن ليك انا غانحل كلشي .

نور : ماعندك ماتحل انا اللي خاصني نهدر نتا ماشفتي والو انا اللي جات عندي سهام وطلبات مني داكشي انا اللي باغا نصلح الغلط انا اللي بغيت نهدر مع طاطي حليمة .

إسحاق زفر نفسو السخون وقرب حرتا عندو: أخر مرة انور ديري شي حاجة من رااسك .اللي قالك شي حاجة شاوريني عاد نشوفو واش تصلح ديريها ولا لا .. واش مفهوم .

نور تمخشات فيه ونطقات بصوت مخنوق بالبكا : مفهوم ..

إسحاق: لبسي حوايجك باش نمشيو ..