قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 19🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:102

فهاد الاتناء كانت هابطة هي وياه مشادين .. حتا وصلو عندهم .. سلمات عليهم كاملين حتا وصلات عند إسحاق اللي غير هز راسو فيها عرفها وقف مخنزر فيها وفصهيب .

إسحاق بحدة: شنو كادير هادي هنااا.. علاش داخلة الدار .

صهيب قرب عندها جارها موراه: مراتي . وهادي دارها حتا هي .

إسحاق ضحك بفقصة : مراتك ... عارف مراتك منين جاية واشمن طينة لاحتها لينا .

صهيب شاف فنور اللي وقفت خايفة يضاربو : تجي منين ما بغات المهم انا باغيها كيفما هي.. زائد حتا واحد ماعندو الحق يخيرني شنو ندير .. .

إسحاق يلاه غيهدر حس بيها شداتو من دراعو . تلفت جهتها جاو عينيه فعينيها .. حرك راسو بالإيجاب وشاف فخوه وإنصاف اللي مبتسمة وعاجبها الحال . رجع جلس بلاصتو مغدد ومعاجبوش الحال وعارف شنو غيدير ليه خاص غير يستفرد بيه ويوريه الزواج بشحال كيتقام .

سيف شاف الجو تكهرب نطق : فين ديك الفلوسة .. قولو ليها مابغيتش نتزوج بيك غاباني نشوفك

ريحانة كانت نازلة مع الدروج كاتجري : امممم تاتشوفني انا قابلة عليك اصلا انا غانتزوج شي راجل بحال خويا إسحاق ..

سيف شافها جلست جنب إسحاق : مزيان مغتلقاايش بحالو (غمزها) ..

إسحاق : اللي بغيتيها هي اللي غاتكون .. مكاينش اللي يقول لا الى بغيتي نتي ..

ريحانة يلاه غاتهدر حبسها صوت الخدامة اللي خبراتهم باللي ضيوف جاو باش يشوفوهم. .هزات راسها بحالها بحال الكل وهي توسعهم على جهدهم فاش شافتو داخل كيتمشى بنخوة وهاز فيديه بوكي ديال الورد وبواطة ديال الشوكولاته.. بلعت ريقها والتوتر ركبها..

إسلام قرب عند إسحاق ماد ليه يديه ونطق: سمحوو لينا على الدخلة اللي جات على غفلة ولكن مكانش تقدر تعطل كتر من هاكا .

إسحاق بادلو السلام ونطق ببحتو الرجولية الخاترة الممزوجة بنبرة جدية: مرحبا تفضلو ..

ريحانة علات عينيها اللي جاو فعينيها ..غير غمزها وابتسم بجنب فمو وقفات كتزرب هاربة من تما لبيتها...