قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 27 🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:147

قبل دقائق..شافتهم مجمعين بيناتهم وإنصاف اعتدرت ومشات وقفات غادا عندها الكوزينة . باش تعاونها يلاه غاتدخل وهي تقشعوو شانق عليها حطات يديها على فمها كاتمة صدمتها..وهي كتشوفو كيفاش كيغوت ويه//دد فيها ممسوقش ليهم هما اللي جالسين برا تلفتت عاطياهم بالضهر يلاه غاتحرك طاح الفاز اللي تما مخليها يحسو عليها مدارتش خطوة حتا حسات بير جراتهت من نقابها ودخلها الكوزينة وسد بالساروت .. وهو كينهج ومخنزر ليهم

نور لصقت مع الباب كتنهج والنقاب تحيد من وجهها وباقي فيد إسلام شافت فريحانةة اللي كانت جالسة فالأرض .كاترد نفسها يلاه غاتزيد جهتها حتا وقفنا بصوووتو المرعب .

إسلام جا قدامها: بلاصتككك وماتحركيييش منها . غاتخرجي من هنا وغتهزي هادوك اللي معاك واي حاجة شفتيها هنا غتنسايها .

نور كتحرك راسها بنفي: لااا غاندي ريحانة مايلي نتا مكتبغيهاش كتعدا عليها ..غادي نعيط لإسحاق باش يجي يخرجنا من هنا ونتا تمشي فين تربى ..

إسلام طرطق عضومة عنقو يمين وشمال وشاف فيها بنضرة شيطانية .. دور وجهو جهة ريحانة جارها من شعرها بالجهد لعندو وهو موس كبير حداه حاطو ليها على رقبتها ونطق وعينيه مفيكسين على نور: سمعي ازبي غاتخرجي تقودي عليا وتهزي دوك القلواااات اللي برا ولا غاندوز عليها ونتبعك ليها . ونخليهم يتقبو ليك داك الراجل اللي مفرحك بالرصاص ..

نور حكماتها البكية والخلعةة: عفااك خلينا نمشيو مغاديش نقولو شي حاجة غير بعد غادي ضربها شوف الموس محطوط فوق عنقها .

إسلام قرب باسها ففمها مخلي نور تقلب وجهها : مراتي غاتبقى معايا نتي غاتخرجي تقولي ليهم مريضة كاتم//وتي وخاصك تمشي .مابغيتش نشوفكم عندي مزاال داري ماقبلااكمش فيها .

نور : عطينا ريحانة عمرك تشوفنا هنا .

إسلام طغط بالراس ديال الموس جارحها فعنقها: غاتخرجي تقودي ولا غنغرسو فيها قدامككك.. طيري نزلي خرجيهم .. والى سمعت كلمة من فمك داك راجلك غيولي فعداد الموووتى.. ياك اريحانة قولي ليها نتي شنو كاين حسن .

ريحانة حركت راسها بالإيجاب كتبكي : عفاك سيرو قولي ليهم نتي مريضة عفاك ماتقوليش والو هو غيأديهم سير انور وديهم بكي غوتي قولي ليهم فيك الحريق المهم متبقاوش هنا وعفاك سكتي وسدي فمك ماتخليش شي واحد يعرف شنو كاين .عفاك سمعي ليا غادي يأديهم هو مافقلبوش الرحمة سيري انور سيري.

نور حطات يديها على فمها كاتمة شهقاتها كتافات تحرك راسها بالإيجاب شافت ف إسلام اللي لاح ليها النقاب على وجهها وخرجت من تما بالعة غصتها وحرقتها