قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 33 🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:183

عند إسحاق اللي غير قطع عليه لاح التيلي ونزل من اللوطو لقا كاع رجال اللي خدامين معاها واقفين .

إسحاق لاح التيلي لواحد فيهم: تحركككو لقاااوه ليا وعرفو الموقع ديالو فين كاين ودابا . عندكم نص ساعة تجيبو ليا هاد زبييي فين مخشي.

الشاب اللي خدا التيلي دغيا جبد بيسي وبدا عملية البحت على الموقع .كلشي على أعصابو . باغين يوصلو ليه وميخليوش إسلام يخرج من عندهم .

سيف قرب عندو: غانلقاوها ماتخاافش.

إسحاق تلفت عندو ونطق: خاصني نلقااها . والى وقعت ليها شي حاجة غانحرق الحزاااق كااامل . ونشرشم عدو ربوو داك ولد القحححبة اللي حط يديه على حاجتي .

سيف ضرب على ضهرو : هو معانا ومدام حاجة مهمة ديالهم عندنا مستحيل يقربو ليها ولا يأديوها.

إسحاق زفر بغضب: غير يجرب يديرها غير يججرب .

الشاب سد البيسي وشاف فيهم : الرقم خاص وصعيب نوصلو ليه الى ماتعداش وقت المكالمة جوج دقائق.. خاصك تشدو بالهدرة وحنا كنتفحصو ديك الساعة نوصلو ليهم فين كاينين .

إسحاق حك لحيتو بيديه: شنو نبقاو نتسناو الزب حتا يعيط هممم ..

سيف : ماعندنا حتا شي حل اخر . يوصلنا ليهم .

الشاب : تقدر تفكر واش سمعتي شي صوت فاش كان كيهدر معاك . شي حاجة اللي تخلينا نعرفو طريقهم .

إسحاق رجع بداكرتو اللور كيحاول يتفكر شنو سمع من غير صوت الشخص اللي هدر .عض على باطن فكو مغدد: والو مكاان حتا شي صوت اللي يلفت إنتباهي. من غير صوت القواااد اللي كان وااضح أنه مركب وماشي صوتو .. هادشي اللي سمعت ..

سيف : غادي يعيط بالليل ونردو البال كتر . ماشي هو اللي غيغلبناا . ماشي رعواني بحالو غيهرس فينا شي حاجة دزنا من ما أخطر ماشي إسلام اللي غادي يفوز علينا ..

إسحاق تلفت شاف فيه عينيه حمرين : مرااااتي اللي عندو . ومكاينش شي حاجة أصعب من هادشي. عااجز وأنعدام الحلول الطريق مسدود هادشي اللي فيه انا دابا .

سيف قرب عندو عارف صاحبو مقصح بزاف: غادي ترجعها . الى مكانتش اليوم معااك غدا تكون بين يديك سالمة ومافيها حتا شي حاجة. وفحالة مالقيناش حل وموصلناش ليهم .غادي نعيطوهم اللي عندنا ..

إسحاق شاف فيه مطول: بقات بوحدها . سير عندها الى كان شي حاجة غانعلمك .

سيف حرك راسو بالإيجاب: غانطل ونوصي صهيب يجي يبقى فالدار ونرجع عندك . ماتسرعش ا إسحاق . ماتزربش ودير شي حاجة ندمو عليها .