??#إنتبااااااه_القصةةةة_ساااااافلة_بجرعةةةةة_مفرطةةة🖤
🥂إرحــــمــــــنــــي🥂
★*نور إسحاق*★
🍂" لم يحبها سِرّاا...بل غازلها جهرا وبات في هوسها يقهر قهرا"🍂
بقلمي: Iman El Qassimi...
" لم يحبها سِرّاا...بل غازلها جهرا وبات في هوسها يقهر قهرا"
PArt:56
التحت كانو مقادين البرزة اللي كانت بالاخضر . والدهبي . جلسة العروسة اللي غاتحني فيها والنݣافات واقفين قدام الدروج كانت السبعة ديال عشية .. هزو رأسهم فاش شافوها هابطة مع الدروج واخا قفطانها كان هادئ وخفيف الأ انه كانت كتبان أميرة فيه طولتها ومشيتها الخفيفة الخاترة بداو النݣافات يعشقو فالنبي . وهي هابطة رحمة عينيها دمعوو وهي كتشوف بنتها بحال شي ملاك خافت عليها من العين ..وصلوها للبزرة جلسات وقادوها فجلستها باش تاخد راحتها ماللي تكون كتنقش ..محيدوش ليها الغطا حتا تكمل النقيش . بدات ليها النقاشة . ختارت صبيعات خفاف لا فيديها ولا حتا رجليها .. العداية جابتها حليمة من طنجة باش تغني ليهم . بدات باول أغنية اراو لي الحنا وشعلو لي شموع. ساعة تقريبا وهي جالسة حيت دارت ليها غير صبيعات دغيا نشفات .. جات ريحانة هازة صينية كبيرة عامرة بالورد وهازة فيديها براد دهبي فيه الما .. بدات كتخوي ليها على يديها وحليمة كتغسل ليها غير سالات مسحو ليها يديها بزيف ابيض وما الورد باش حياتها ديما تبقى ورد .... غير كملو وقفاتها ريحانة كانت عمارية محطوطة وسط الصالون واربع بنات لابسين الجابادور . تخطاتهم وخرجت حيت وصل وقت العقد وخاصها تمشي للقاعة اللي فيها الرجال.. حدرو ليها الغطا مزيان حتا تسترات كاملة شدات فيها رحمة حاسة بالرجفة والتوتر حكمها تخلعات وجهها صفار . دخلوها الصالون التاني حانية راسها مكانتش كتشوف شكون كاين .. عكسو هو اللي كان جالس غير شافها وقف ..كان لابس كوستاار اسود شوميز بيضاء من التحت مع کراڤاط كحلة وصباط كحل كيلمع . قرب عندها شدها من عندهم وداها جلسها جنبو . كان كيبلع ريقو من ريحتها الللي وصلات لجيوب نيفوو. قاطع سهوتهم غير صوت العدول ..
العدول : لالة نور فتحي بنت عبدالله فتحي . واش قابلة تزوجي بإسحاق بن صالح .
