قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل 10🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt: 50

غدا صباحا ..كانو مجموعين فالصالون ومعاهم المصممة كتوريهم تصميماتها والقفاطن اللي كتخدم باش نور تختار اللي عجبها . كلهم كيعاونو فيها ويعطيوها رأيهم . ختارت التشكاشط والقفاطن وحتا الجلالب اللي بغات .بغاوها تاخدهم باش يتحطو مع الدهاز واخا هي مغاديش تلبسهم .وكانو حتا عابايات راقيين وكيجيو فالبسة واعرين . غير خرجت المصممة دخلت سيدة اخرى والمساعدات ديالها هازة كاع الالوان و الاشكال ديال لي شوميز دونوي والسليبات والسوتيمات . عاد المايكب والدهب وعقد ديال الالماس ... والصبابط والصنادل داكشي كان فخم كيشهي ماسالو حتا العشية .. جاو الخدم جمعو كلشي داوه لبيت رحمة حيت هي الام ديال العروسة ..

حليمة : شنو باليكم نديرو غدا فالصباح حمام العروسة ..

نور بنفي: إسحاق مغاديش يبغيني نمشي ليه .

حليمة : مغاتمشيش غانديروه غير هنا فالدار . اليوم بالليل غيهبطو بنات ختي وغدا نديروو..

ريحانة: خاصك بزاف اماما الى بغيتي الحمام يكون مغربي كيفما بغيتي وكتخايلي ..

حليمة : كلشي واجد نوضو نتوما طلعو الفوق غانصيفت ليكم شي حوايج لبسوهم وهبطو غانديرو هاد العشية حنة المزوارات باش غدا نديرو الحمام ..

نور : شنو هي المزوارات ..

حليمة تبسمت بهدوء : هادي عادة عندنا فقبيلتنا .. كانديروها العروسة كاناخدو 7 العيالات مزوارات يعني ممطلقاتش وما أرملاتش .فهمتي تكون براجلها ومزوجة تزويجة وحدة .. كيهزو الحنة ورق كل وحدة شوية ونديروها فالمهراس . ندݣوها وحنا كنعشقو ونصليو على النبي . عاد كنخلطوها بالما ديال الزهر والورد. والعروسة تلبس قفطان بيض وتجلس وسط المجمع ونطليو ليها الحنة للحمها وشعرها . وتبات بيها حتا الغد ليه عاد. تغسلها..

ريحانة تبسمات: تقاليدنا زوينين ..

رحمة : يلاه سيرو العشية هادي غانصيفت ليكم شي حاجة تاكلوها وماتنزلو حتا نعلمكم ..(شافت ف ريحانة) ديري فبالك نتي هي وزيرتها ) .

ريحانة شدات فنور : كوني هانية اخالتي انا معاها حتا نصيفتها لدار راجلها ...

رحمة : العقبة ليك تانتي نفرحو بيك الفنةةةة ..

طلعات ريحانة ونور الفوق لقاو جوج قمصان واحد بيض والتاني بيج نور خدات البيض وريحانة البيج ..لبسوهم وجلسو حتا طلعات عندهم رحمة.. طلقات لنور شعرها على طولتو .. ووهزات شق غطات ليها وجهها وشعرها كامل .جبدات ليها شربيل ديال الصم لبساتو ليها ..