قصة 🥂إرحــــمــــــنــــي ★*نور إسحاق*★ بالدارجة المغربية

🥂 الفصل التاسع 🥂

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"

PArt:44

دخلت الكوزينة عند الأم ديالها وقفات مباشرة من موراها . حطات يديها اللي كانو مغطيين بالليݣات ..تلفتات رحمة رافعة حاجب ومهبطة الأخر .. حتا حلات عينيها على وسعهم فاش شافتها هزات نقابها . لسانها سرطاتو ماقدرتش تنطق بشي كلمة ..

نور بهدوء : مالكي واش نتي بيخير أماما..

رحمة بصدمة: شنو هادشي ..علاش دايرااه .. امتا خديتي هاد القرار ..

نور شدات فيها جلسو فوق الفوطويات اللي تما : إسحاق اللي بغااني ندير النقاب . وأنا وافقت ..

رحمة : وافقتي حيت هو بغا ؟؟

نور تبسمت وبدات كتعاود ليها ..

🍂فلاش باك 🍂

هزات العباية والنقاب ودخلت الحمام حيدات الحوايج اللي كانت لابسة بقات غير بسوفيطمة .. وشورط ديالها .. لبسات البياسة الأولى وتبعاتها الكاب . هزات النقاب وهي كتشوف فيه ماعرفتش كيفاش تستعملوو.. خرجت كتزرب جهة بيت ريحانة دخلت وهي عارفاها مغاديش تكون مشات البيرو اللي كتحفض فيه هزات الطابليت ورجعت خارجة البيت مشات نيشان الحمام حطات الطابليت مقابلة معاها وخدمات فيديو فاليوتيوب باش تعرف الطريقة ..غير بدا الفيديو ركزات معاه وهي كتقادو وهزات الليݣات دارتهم سهات فراسها لدقائق عجبها شكلها حسات بواحد الراحة وهي لابسة النقاب وساترة لحمها . خرجت من البيت هابطة فالدروج حتا وصلات قدام إسحاق....

🍂نهاية الفلاش باك🍂

نور تبسمت: ماشي حيت إسحاق طلبو مني وافقت فاش لبستو حسيت بواحد الراحة ..

رحمة بجدية: قادرة تلتزمي بيه .نور نتي صلاتك كتقطعيها وترجعي ليها.. والنقاب صعيب قادرة تكملي فيه ابنتي ماشي غدا ولا بعدو تحيديه وطيحي فالمشاكل مع راجلك ..

نور بهدوء: متخافيش ربي غيهديني وغنشد فصلاتي .. وحتا نقابي غنلتزم بيه أحسن حاجة ليا وكلشي ..

رحمة يلاه جات تهدر حتا وقفت عليهم وحدة من الخدم ..

""السي إسحاق بغاكم فالصالون ""

حركت ليه راسها وهبطات نقابها وقفات شادة فمها وخرجوا من الكوزينة غير وصلو جلسو وكانت هي مقابلة معاه وحانية راسها وهو كيشوف فيها ..

🖤 إرحــــمــــنــــي🖤

🍷نــــور إســــــــحــــــــاق🍷

بقلمي : إيمان القاسمي

" لم يحبها سِرّاا...بل غازلها جهرا وبات في هوسها يقهر قهرا"